India's largestHyperlocal short
news App
Get daily news updates that are tailored for you based on your preferred language & location.
download Way2News app now
Andhra Pradesh
News July 3, 2024
కృష్ణా: రైలు ప్రయాణికులకు గుడ్ న్యూస్
ప్రయాణికుల రద్దీ మేరకు విజయవాడ మీదుగా న్యూ టిన్‌సుఖియా(NTSK), SMVT బెంగుళూరు(SMVB) మధ్య నడిచే స్పెషల్ రైళ్లను పొడిగించామని రైల్వే అధికారులు తెలిపారు. నం.05952 NTSK- SMVB రైలును జులై 4 నుంచి అక్టోబర్ 10 వరకు ప్రతి గురువారం, నం.05951 SMVB- NTSK రైలును జులై 8 నుంచి నవంబర్ 4 వరకు ప్రతి సోమవారం నడుపుతామన్నారు. ఈ రైళ్లు ఏపీలో విజయవాడతో పాటు విశాఖపట్నం, శ్రీకాకుళం తదితర స్టేషన్లలో ఆగుతాయన్నారు.
News July 3, 2024
శ్రీకాకుళం: వాయిదా పడ్డ డిగ్రీ పరీక్షలు
విద్యార్థి సంఘాల బంద్ కారణంగా గురువారం ఆంధ్రా యూనివర్సిటీ పరిధిలోని కళాశాలల్లో జరగాల్సిన పరీక్షలు వాయిదా పడ్డాయి. ఈ మేరకు రేపు జరగాల్సిన 2, 4వ సెమిస్టర్ డిగ్రీ(రెగ్యులర్ & సప్లిమెంటరీ) పరీక్షలను వాయిదా వేశామని యూనివర్సిటీ పరీక్షల విభాగం తెలపింది. వాయిదా పడిన పరీక్షలను ఎప్పుడు నిర్వహించేది త్వరలో ప్రకటిస్తామని పేర్కొంది.
News July 3, 2024
కొత్తూరులో ఆర్టీసీ బస్సు ఢీకొని వ్యక్తి మృతి
ఆర్టీసీ బస్సు ఢీ కొనడంతో వ్యక్తి మృతి చెందిన ఘటన ముంచంగిపుట్టు మండలంలో బుధవారం చోటుచేసుకుంది. స్థానికులు తెలిపిన వివరాల ప్రకారం.. మండలంలోని కొత్తూరు రోడ్డుపై గుర్తుతెలియని వ్యక్తి రోడ్డు దాటుతుండగా పాడేరు నుంచి ముంచంగిపుట్టు వైపు వెళ్తున్న ఆర్టీసీ బస్సు ఢీకొట్టింది. ఈ ప్రమాదంలో వ్యక్తి అక్కడికక్కడే మృతి చెందాడని స్థానికులు తెలిపారు. ఘటనపై పూర్తి వివరాలు తెలియాల్సి ఉంది
News July 3, 2024
గూగూడు బ్రహ్మోత్సవాల ఏర్పాట్లపై ఎమ్మెల్యే ఆగ్రహం
శ్రీ గూగూడు కుళ్లాయి స్వామి బ్రహ్మోత్సవాల ఏర్పాట్లలో జాప్యం చేస్తున్న అధికారులపై ఎమ్మెల్యే బండారు శ్రావణి శ్రీ ఆగ్రహం వ్యక్తం చేశారు. మూడ్రోజుల క్రితం సమావేశం నిర్వహించి ఆదేశాలిచ్చినా ఇప్పటికీ పనులు ప్రారంభం కాకపోవడంపై అసహనం వ్యక్తం చేశారు. ఇంకెప్పుడు పూర్తి చేస్తారంటూ మండిపడ్డారు. మరో నాలుగు రోజుల్లో ఉత్సవాలు ప్రారంభం కానున్నాయని.. యుద్ధ ప్రాతిపదికన పనులు పూర్తి చేయాలని ఆదేశించారు.
News July 3, 2024
డ్రంక్ అండ్ డ్రైవ్ లో 18 మందికి జరిమానా
తిరుపతి నగర పరిధిలో డిఎస్పీ రమణ కుమార్ ఆదేశాల మేరకు ట్రాఫిక్ పోలీసులు డ్రంక్ అండ్ డ్రైవ్ తనిఖీలు నిర్వహించారు. ఈ సందర్భంగా మద్యం సేవించి వాహనాలు నడిపిన 18 మందిని అదుపులోకి తీసుకుని కానిస్టేబుల్ గిరిబాబు కోర్టులో హాజరు పరిచారు. ఒక్కొక్కరికి రూ.10 వేలు జరిమానా విధిస్తూ తిరుపతి 4వ అదనపు మున్సిఫ్ కోర్టు జడ్జి గ్రంధి శ్రీనివాస్ బుధవారం తీర్పు చెప్పారు.
News July 3, 2024
పోలవరంలో మరోసారి చిరుత కలకలం
ఏలూరు జిల్లా పోలవరంలో మరోసారి చిరుత కలకలం రేపింది. అటవీ శాఖ అధికారి తెలిపిన వివరాల ప్రకారం.. సున్నాలుగండికి చెందిన మడకం పుల్లారావు తన పశువుల పాకలో కట్టేసిన మేక కనిపించడం లేదని సమీప అటవీ ప్రాంతంలో వెతికారు. తల లేకుండా మొండెంతో ఉన్న మేక కళేబరం కనిపించింది. పాదముద్రల ఆధారంగా చిరుత దాడి చేసి చంపినట్లు అధికారులు ధ్రువీకరించారు. కొద్దిరోజుల కింద కూడా ఇదే మండలంలో చిరుత మేకను చంపేసిన విషయం తెలిసిందే.
News July 3, 2024
శ్రీకాకుళం: ఎంపీ కలిశెట్టి జిల్లా పర్యటన వాయిదా
విజయనగరం టీడీపీ ఎంపీ కలిశెట్టి అప్పలనాయుడు జిల్లా పర్యటన ఈనెల 5న తేది నుంచి 6వ తేదీకి వాయిదా వేస్తున్నట్లు బుధవారం సాయంత్రం ఆయన క్యాంపు కార్యాలయం నుంచి ప్రకటన వెలువడింది. సీఎం చంద్రబాబు అదే రోజున ఢిల్లీలో పర్యటించనున్న సందర్భంగా ఎంపీ కలిశెట్టి జిల్లా పర్యటన వాయిదా వేస్తున్నట్లు తెలిపింది. ఈ విషయాన్ని కూటమి నేతలు, ప్రజలు గమనించాలని కోరారు.
News July 3, 2024
కావలిలో హోటల్ సీజ్ చేసిన అధికారులు
కావలి పట్టణంలోని ఓ డాబా హోటల్ లో బుధవారం అధికారులు తనిఖీలు నిర్వహించారు. ఈ తనిఖీల్లో హోటల్‌లో అపరిశుభ్ర వాతావరణం, తదితర తప్పిదాలను అధికారులు గుర్తించారు. రోజుల తరబడి మాంసం నిల్వ ఉండటంతో వెంటనే హోటల్‌ను సీజ్ చేసి గేట్లకు సీల్ వేశారు. వారు మాట్లాడుతూ.. హోటల్స్‌లో నాణ్యమైన ఆహారం, పరిశుభ్రత పాటించాలని లేకపోతే చర్యలు తప్పవని హెచ్చరించారు.
News July 3, 2024
కడప: YVUలో డిగ్రీ ఆనర్స్ కోర్సులు ప్రారంభం
వైవీయూలో 2024-25 విద్యా సంవత్సరం బీఎస్సీ (ఆనర్స్) ఫిజిక్స్, కెమిస్ట్రీ, బీకాం కంప్యూటర్స్ డిగ్రీ కోర్సులను ప్రవేశపెడుతున్నట్లు రిజిస్ట్రార్, ప్రొఫెసర్ ఎస్.రఘునాథరెడ్డి వెల్లడించారు. ప్రొ. కృష్ణారెడ్డితో కలసి ఆయన విలేకరులతో మాట్లాడుతూ.. జాతీయ విద్యా విధానం-2020ని అనుసరించి కోర్సులను తెచ్చామన్నారు. నిష్ణాతులైన అధ్యాపకులు, ప్రయోగశాలలు, ఆహ్లాదకర వాతావరణంలో విద్యార్థులు చదువుకోవచ్చన్నారు.
News July 3, 2024
దుర్గిలో గుర్తు తెలియని మృతదేహం లభ్యం
దుర్గి మండలం బుగ్గవాగు రిజర్వాయర్లో ఒక గుర్తు తెలియని మృతదేహం బుధవారం లభ్యమైనట్లు స్థానికులు తెలియజేశారు. స్థానికులు ఇచ్చిన సమాచారం మేరకు సంఘటన స్థలానికి దుర్గి పోలీసులు చేరుకుని మృతదేహాన్ని పరిశీలించి, మాచర్ల ప్రభుత్వాసుపత్రికి తరలించారు. మృతునికి సంబంధించిన సమాచారం కోసం ప్రయత్నాలు చేస్తున్నట్లు పోలీసులు తెలియజేశారు.
Featured News
Sorry, no posts matched your criteria.