India's largestHyperlocal short
news App
Get daily news updates that are tailored for you based on your preferred language & location.
download Way2News app now
Andhra Pradesh
News March 23, 2024
TDP అభ్యర్థుల్లో అతి పిన్న వయస్కుడు హరీశే
ఈసారి TDP అభ్యర్థుల్లో అతి పిన్న వయస్కుడు మన అమలాపురం నుంచే అదృష్టాన్ని పరీక్షించుకుంటున్నాడు. ఆయనే గంటి హరీశ్ మాధుర్(33). 12వ లోక్‌సభ స్పీకర్‌గా పనిచేసిన దివంగత జీఎంసీ బాలయోగి-మాజీ ఎంపీ విజయకుమారి దంపతుల కుమారుడు హరీశ్‌కు అమలాపురం ఎంపీ టికెట్ ఖరారైంది. స్వగ్రామం ఐ.పోలవరం మండలం ఎదుర్లంక. BBM చదివిన ఈయన.. 2019లోనూ ఇక్కడే MPగా పోటీ చేసి ఓటమి చవిచూశారు. ఈసారి మళ్లీ ఆయనే టికెట్ దక్కించుకున్నారు.
News March 23, 2024
ఏర్పేడు: వాలంటీర్ల తొలగింపు.. కండక్టర్‌పై విచారణ
మండలంలోని పెనుమల్లం, రావిళ్లవారి కండ్రిగకు చెందిన ఇద్దరు వాలంటీర్లను శుక్రవారం విధుల నుంచి తొలగించినట్లు ఎంపీడీవో గిడ్డయ్య ఓ ప్రకటనలో తెలిపారు. గురువారం ఆయా గ్రామాల్లో ఎమ్మెల్యే మధుసూదన్ రెడ్డి కుమార్తె పవిత్రారెడ్డి ఎన్నికల ప్రచారం నిర్వహించగా వాలంటీర్లు లత, గీత, ఆర్టీసీ కండక్టర్ మురళి పాల్గొన్నట్లు ఫిర్యాదులు అందాయి. దీంతో వాలంటీర్లను తొలగించడంతో పాటు మురళిపై విచారణకు ఆదేశాలు జారీ చేశామన్నారు.
News March 23, 2024
అనంత: ఎన్టీఆర్ విగ్రహం పాక్షిక ధ్వంసంపై కేసు నమోదు
అనంతపురం నగరంలోని ఆర్ట్స్ కళాశాల ఎదుట ఉన్న ఎన్టీఆర్ విగ్రహాన్ని రెండు రోజుల క్రితం గుర్తు తెలియని వ్యక్తులు స్వల్పంగా ధ్వంసం చేశారు. అదేవిధంగా విగ్రహం చుట్టూ ఉన్న రెయిలింగ్‌కు చీపుర్లు కట్టి, ఏదో మంత్రం రాశారన్నారు. ఇది గమనించిన టీడీపీ నగర అధ్యక్షుడు ఆకులేటి మారుతి కుమార్ గౌడ్ శుక్రవారం త్రీ టౌన్ పోలీస్ స్టేషన్‌లో ఫిర్యాదు చేశారు. త్వరలో నిందితులను పట్టుకుంటామని సీఐ ధరణి కిషోర్ తెలిపారు.
News March 23, 2024
కర్నూలు: 20 ఏళ్లుగా పనిచేసిన వ్యక్తికి టికెట్ నిరాకరణ
మంత్రాలయం నుంచి తిక్కారెడ్డి 2014, 2019లో TDP తరఫున పోటీ చేసి ఓటమి చెందారు. అయితే 20 ఏళ్లుగా పార్టీ కోసం పనిచేసిన ఆయనకు కాదని ఈసారి రాఘవేంద్రరెడ్డికి టికెట్ కేటాయించారు. దీంతో తిక్కారెడ్డి వర్గం నిరసనలు చేపట్టింది. మూడో జాబితాలో అయినా తననే అభ్యర్థిగా ప్రకటిస్తారేమోనని ప్రయత్నాలు చేసినా ఫలితం దక్కలేదు. దీంతో తిక్కారెడ్డి TDPలోనే కొనసాగుతారా? లేక వేరే పార్టీలోకి వెళ్తారా అనే చర్చ నడుస్తోంది.
News March 23, 2024
ఈ ఎన్నికల్లో సర్వేపల్లి ప్రత్యేకత ఇదే.!
సర్వేపల్లి నియోజకవర్గంలో మరోసారి పాత ప్రత్యర్థుల మధ్యే పోరు జరగనుంది. 2014, 19 ఎన్నికల్లో మాదిరిగానే ఈ సారి కూడా కాకాణి గోవర్ధన్ రెడ్డి, సోమిరెడ్డి చంద్రమోహన్ రెడ్డి మధ్య రసవత్తర పోరు సాగనుంది. ఉమ్మడి నెల్లూరు జిల్లాలోని ఏ నియోజకవర్గంలోనూ ఇలా పాత ప్రత్యర్థులు ముఖాముఖి తలపడే అవకాశం లేకుండాపోయింది. ఒక్క సర్వేపల్లి అభ్యర్థులకే ఆ అవకాశం దక్కింది.
News March 23, 2024
కృష్ణా: MP అభ్యర్థి, ముగ్గురు MLA అభ్యర్థులది ఒకే గ్రామం
కృష్ణా జిల్లా అవనిగడ్డ మండలం బందలాయిచెరువు గ్రామానికి చెందిన నలుగురు నేతలు ప్రస్తుత ఎన్నికల బరిలో దిగుతున్నారు. అంబటి రాంబాబు పల్నాడు(D) సత్తెనపల్లి ఎమ్మెల్యే అభ్యర్థిగా, ఆయన సోదరుడు అంబటి మురళి గుంటూరు(D) పొన్నూరు MLA అభ్యర్థిగా పోటీ చేస్తున్నారు. అవనిగడ్డ MLA సింహాద్రి రమేశ్ బాబు మరోసారి పోటీకి సిద్ధం కాగా, సింహాద్రి చంద్రశేఖరరావు బందరు MP అభ్యర్థిగా బరిలోకి దిగుతున్నారు.
News March 23, 2024
గుంటూరు టీడీపీ MP అభ్యర్థి, ఎమ్మెల్యే అభ్యర్థినిపై కేసులు
గుంటూరులోని అమరావతి రోడ్డు వేలంగిని నగర్ ప్రాంతంలో అనుమతి లేకుండా ప్రచారం చేసి, ట్రాఫిక్ అంతరాయానికి కారణమయ్యారంటూ టీడీపీ నేతలపై కేసు నమోదైంది. శుక్రవారం టీడీపీ ఎంపీ అభ్యర్థి పెమ్మసాని చంద్రశేఖర్, ఎమ్మెల్యే అభ్యర్థి గల్లా మాధవి, సీనియర్ కోవెలమూడి రవీంద్ర ప్రచారం నిర్వహించారు. అనుమతి లేకుండా ప్రచారం చేశారని వీరితో పాటు పలువురిపై కేసు నమోదు చేసినట్టు పోలీసులు తెలిపారు.
News March 23, 2024
కృష్ణా: హోళీ సందర్భంగా ప్రత్యేక రైళ్లు నడపనున్న రైల్వే
ప్రయాణికుల రద్దీ మేరకు విజయవాడ మీదుగా ఈ నెల 23, 25 తేదీల్లో సత్రాగచ్చి(SRC), సికింద్రాబాద్(SC) మధ్య స్పెషల్ రైళ్లను నడుపుతామని రైల్వే అధికారులు తెలిపారు. ఈ నెల 23న నెం.07645 SC- SRC, ఈ నెల 25న నెం.07646 SRC- SC మధ్య ఈ రైళ్లు నడుస్తాయని తెలిపారు. ఏపీలో ఈ రైళ్లు శ్రీకాకుళం రోడ్, విజయనగరం, విశాఖపట్నం, సామర్లకోట, రాజమండ్రి, ఏలూరు విజయవాడ, గుంటూరు తదితర స్టేషన్లలో ఆగుతాయన్నారు.
News March 23, 2024
MCMC అనుమతి తప్పనిసరి: చిత్తూరు కలెక్టర్
ఎన్నికల కోడ్ నేపథ్యంలో ప్రింట్ అండ్ ఎలక్ట్రానిక్ మీడియాలో ఎన్నికల ప్రచారానికి మీడియా సర్టిఫికెట్ అండ్ మానిటరింగ్ కమిటీ అనుమతి తప్పనిసరి అని చిత్తూరు కలెక్టర్ షన్మోహన్ అన్నారు. మీడియాలో వచ్చే ఎన్నికల ప్రచారం నిబంధనలకు లోబడి ఉందా లేదా అని పరిశీలించి ఫ్రీ సర్టిఫికెట్ ఇవ్వడం జరుగుతుందన్నారు. దరఖాస్తులను వరుస క్రమం ప్రకారం అనుమతులు మంజూరు చేస్తామన్నారు.
News March 23, 2024
VZM: ‘సార్వత్రిక ఎన్నికల నేపథ్యంలో మద్యం సేల్స్ తగ్గింపు’
సార్వత్రిక ఎన్నికల నేపథ్యంలో మద్యం సేల్స్ తగ్గిస్తామని జిల్లా ఐఎంఎల్ డిపో మేనేజర్ ఎన్ వి రమణ వెల్లడించారు. నెల్లిమర్ల ఐఎంఎల్ డిపోలో శుక్రవారం మధ్యాహ్నం ఆయన విలేకరులతో మాట్లాడారు. డిపో పరిధిలో ఉన్న 279 మద్యం షాపులకు సంబంధించి గత ఏడాది కన్నా ఎన్నికల షెడ్యూల్ ప్రకటించినప్పటి నుంచి సేల్స్ తగ్గిస్తామని చెప్పారు. డిపో పరిధిలో ఎన్నికల ప్రవర్తనా నియమావళిని విధిగా పాటించనున్నట్లు చెప్పారు.
Featured News
Sorry, no posts matched your criteria.