India's largestHyperlocal short
news App
Get daily news updates that are tailored for you based on your preferred language & location.
download Way2News app now
Andhra Pradesh
News September 25, 2024
కడప జిల్లాలో పటిష్ఠంగా ఇసుక సరఫరా: కలెక్టర్
రాష్ట్ర ప్రభుత్వ మార్గదర్శకాల మేరకు పారదర్శక విధానంతో జిల్లాలో ఉచిత ఇసుక సరఫరాను పటిష్ఠంగా అమలు చేస్తున్నట్లు, కడప జిల్లా కలెక్టర్ శివశంకర్ లోతేటి రాష్ట్ర గనులు భూగర్భ శాఖ రాష్ట్ర కార్యదర్శి ప్రవీణ్ కుమార్‌కు వివరించారు. ఉచిత ఇసుక సరఫరా అంశంపై కలెక్టర్లతో గనులు భూగర్భ శాఖ రాష్ట్ర కార్యదర్శి వీసీ ద్వారా సమీక్షించారు. జిల్లా స్థాయి ఇసుక కమిటీ రవాణాదారులు మధ్య సేవాస్థాయి ఒప్పందం అంశాలపై వివరించారు.
News September 25, 2024
కృష్ణా: బీ-ఫార్మసీ పరీక్షల టైం టేబుల్ విడుదల
ఆచార్య నాగార్జున యూనివర్సిటీ పరిధిలోని కాలేజీలలో బీ ఫార్మసీ కోర్సు చదివే విద్యార్థులు రాయాల్సిన 2,4,6వ సెమిస్టర్(రెగ్యులర్) థియరీ పరీక్షల టైం టేబుల్ విడుదలైంది. అక్టోబర్ 16 నుంచి నవంబర్ 4 మధ్య నిర్ణీత తేదీలలో ఉదయం 10 నుంచి మధ్యాహ్నం ఒంటి గంట వరకు ఈ పరీక్షలు నిర్వహిస్తామని ANU తెలిపింది. సబ్జెక్టు వారీగా పరీక్షల టైం టేబుల్ వివరాలకై విద్యార్థులు https://www.nagarjunauniversity.ac.in/ చూడాలంది.
News September 25, 2024
క్రీడాకారులకు అన్ని విధాలా ప్రోత్సాహం అందిస్తాం: కలెక్టర్
న్యూజిలాండ్‌లో జరిగిన అంతర్జాతీయ స్కేట్ ఓషేరియా ఆర్తిస్టిక్ స్కేటింగ్ చాంపియన్ షిప్ పోటీల్లో మంగళగిరికి చెందిన జెస్సీ రాజ్ బంగారు పతకం సాధించింది. ఈ సందర్భంగా కలెక్టర్ నాగలక్ష్మి బుధవారం తన ఛాంబర్‌లో ఆమెను అభినందించారు. మహావతార్ బాబాజి తాడేకం ఫౌండేషన్ ద్వారా రూ.50వేల ఆర్థిక సాయం చెక్కును అందజేశారు. జిల్లాలోని క్రీడాకారులను మరింతగా ప్రోత్సహిస్తామని కలెక్టర్ పేర్కొన్నారు.
News September 25, 2024
విశాఖ: ఇంటిలిజెన్స్ ఎస్పీగా ఫకీరప్ప
విశాఖలో జాయింట్ పోలీస్ కమిషనర్‌గా విధులు నిర్వహిస్తున్న ఫకీరప్పను ఇంటెలిజెన్స్ ఎస్పీగా ప్రభుత్వం బదిలీ చేసింది. బుధవారం రాష్ట్రంలో 16 మంది ఐపీఎస్‌లను బదిలీ చేస్తూ ఉత్తర్వులు వెలువడ్డాయి. ఇందులో భాగంగా విశాఖ DCP-2 గా మేరీ ప్రశాంతి నియమితులయ్యారు. DCP-2 గా విధులు నిర్వహిస్తున్న తూహిన్ సిహ్నాను అనకాపల్లి ఎస్పీగా బదిలీ చేశారు. అనకాపల్లి ఎస్పీ దీపికను కాకినాడ 3వ బెటాలియన్ కమాండెంట్‌గా బదిలీ చేశారు.
News September 25, 2024
ఎర్రగుంట్ల: రైలు కిందపడి యువకుడు ఆత్మహత్య
ఎర్రగుంట్ల పట్టణ పరిధిలోని రైల్వే స్టేషన్ సమీపంలో బుధవారం మధ్యాహ్నం రాజగోపాల్ రెడ్డి అనే యువకుడు రైలు కిందపడి ఆత్మహత్య చేసుకున్నాడు. పట్టణంలోని శ్రీరాములు పేటకు చెందిన వ్యక్తిగా ఇతనిని గుర్తించారు. మృతుడు ప్రొద్దుటూరు శ్రీరామ్ ఫైనాన్స్‌లో రికవరీ ఆఫీసర్‌గా పనిచేస్తున్నట్లు తెలిసింది. మృతికి గల వివరాలు తెలియాల్సిఉంది.
News September 25, 2024
భీమవరం: నూతన కార్పొరేషన్ ఛైర్మన్లతో చంద్రబాబు భేటీ
జిల్లాలోని కొత్తగా ఎంపికైన కార్పొరేషన్ ఛైర్మన్లతో బుధవారం సచివాలయంలో ముఖ్యమంత్రి చంద్రబాబు నాయుడు సమీక్ష నిర్వహించారు. నామినేటెడ్ పదవులు పొందిన నేతలకు ముఖ్యమంత్రి చంద్రబాబు శుభాకాంక్షలు తెలిపారు. అనంతరం ఆయన మాట్లాడుతూ.. ప్రభుత్వంలో పదవి అనేది ఒక బాధ్యత. మనలో ఎక్కడా అహంకారం కనిపించకూడదన్నారు. ఏ పదవిలో ఉన్నా ప్రజా సేవకులు అని గుర్తు పెట్టుకోవాలని వారికి సూచించారు. బాధ్యతగా పనిచేయాలన్నారు.
News September 25, 2024
SVU : బీ.ఫార్మసీ ఫలితాలు విడుదల
శ్రీ వెంకటేశ్వర యూనివర్సిటీ పరిధిలో ఈ ఏడాది ఏప్రిల్ నెలలో (B.Pharmacy) బీఫార్మసీ ఐదవ సెమిస్టర్ పరీక్షలు జరిగాయి. ఈ పరీక్షల ఫలితాలు బుధవారం విడుదలైనట్లు యూనివర్సిటీ పరీక్ష విభాగ నియంత్రణ అధికారి దామ్లా నాయక్ పేర్కొన్నారు. ఫలితాలను https://www.manabadi.co.in/ వెబ్ సైట్ ద్వారా తెలుసుకోవచ్చని సూచించారు.
News September 25, 2024
కాకినాడ జిల్లా ఎక్సైజ్ సూపరింటెండెంట్‌గా కృష్ణకుమారి
ప్రభుత్వ సాధారణ బదిలీల్లో భాగంగా కాకినాడ జిల్లా ఎక్సైజ్ సూపరింటెండెంట్‌గా ఎం.కృష్ణ కుమారి నియమితులయ్యారు. విశాఖపట్నంలోని స్పెషల్ ఎన్ఫోర్స్మెంట్ విభాగంలో సూపరింటెండెంట్‌గా పనిచేస్తూ బదిలీపై కాకినాడ జిల్లాకు వచ్చారు. ఈ సందర్భంగా ఆమె బుధవారం కలెక్టరేట్‌లో కలెక్టర్ షాన్ మోహన్‌ను మర్యాదపూర్వకంగా కలిసి పుష్పగుచ్ఛాన్ని అందజేశారు. ఈ సందర్భంగా ఆమెకు పలు సూచనలు చేశారు.
News September 25, 2024
గ్రూపు తగాదాలను పార్టీలకు ఆపాదిస్తారా?: మాజీ ఎమ్మెల్యే అనంత
‘గ్రామాలలోని గ్రూపు తగాదాలను పార్టీలకు ఆపాదిస్తారా’ అని అనంతపురం మాజీ ఎమ్మెల్యే అనంత వెంకట్రామిరెడ్డి విమర్శించారు. రాముల వారి రథం దగ్ధం ఘటన బాధాకరమని, దోషులపై కఠిన చర్యలు తీసుకోవాల్సిందేనని ఆయన స్పష్టం చేశారు. ఈ ఘటనను వైసీపీకి అంటగట్టే ప్రయత్నం చేస్తున్నారని, అధికార పార్టీకి జిల్లా ఎస్పీ ఊడిగం చేస్తారా? అని ఆయన ప్రశ్నించారు.
News September 25, 2024
శ్రీకాకుళం ఘటనపై మంత్రి లోకేశ్ దిగ్భ్రాంతి
శ్రీకాకుళం జిల్లా పాతర్లపల్లి హైస్కూల్లో జరిగిన ఘటనపై మంత్రి లోకేశ్ స్పందించారు. ‘వైసీపీ హయాంలో నిర్మించి అసంపూర్తిగా వదిలేసిన పాఠశాల భవనం సన్ షేడ్ కూలి విద్యార్థి కృష్ణంరాజు మృతి, మరో విద్యార్థి గాయపడటం నన్ను తీవ్ర దిగ్భ్రాంతికి గురి చేసింది. పాఠశాలల్లో ఇలాంటి ప్రమాదాలు జరగకుండా చర్యలు తీసుకుంటాం. విద్యార్థి కుటుంబాన్ని ఆదుకుంటాం’ అని ఆయన ట్వీట్ చేశారు.
Featured News
Sorry, no posts matched your criteria.