India's largestHyperlocal short
news App
Get daily news updates that are tailored for you based on your preferred language & location.
download Way2News app now
Andhra Pradesh
News September 25, 2024
విశాఖ: హెల్త్ వర్కర్ కోర్సుల్లో ప్రవేశాలకు దరఖాస్తులు ఆహ్వానం
విశాఖ జిల్లాలో ప్రభుత్వ, ప్రైవేటు శిక్షణ కేంద్రాల్లో మల్టీ పర్పస్ హెల్త్ వర్కర్ (మహిళ) కోర్సుల్లో ప్రవేశాలకు దరఖాస్తులు ఆహ్వానిస్తున్నట్లు జిల్లా వైద్య ఆరోగ్య శాఖ అధికారి డాక్టర్ జగదీశ్వరరావు ఒక ప్రకటనలో తెలిపారు. అభ్యర్థులు ఈనెల 30వ తేదీలోగా దరఖాస్తులు అందజేయాలని సూచించారు. వివరాలకు ప్రభుత్వ వెబ్ సైట్‌ను సందర్శించాలన్నారు.
News September 25, 2024
కావలి మాజీ MLA మృతి.. నేడు నెల్లూరుకు పార్థివదేహం
ఒంగోలు మాజీ MP మాగుంట సుబ్బరామిరెడ్డి సతీమణి, కావలి మాజీ MLA మాగుంట పార్వతమ్మ చెన్నై అపోలో ఆస్పత్రిలో నేడు తుది శ్వాస విడిచిన సంగతి తెలిసిందే. ఈ నేపథ్యంలో ఆమె పార్థివదేహాన్ని ఉదయం 10 గంటలకు నెల్లూరులోని మాగుంట లేఅవుట్‌కు తీసుకురానున్నట్లు కుటుంబీకులు తెలిపారు. ఈమె ప్రస్తుత ఒంగోలు ఎంపీ మాగుంట శ్రీనివాసులు రెడ్డికి వదిన.
News September 25, 2024
కృష్ణాజిల్లాలో 139 మంది వీఆర్ఓల బదిలీ
కృష్ణా జిల్లాలో భారీగా వీఆర్ఓల బదిలీలు జరిగాయి. ఉద్యోగుల బదిలీల్లో భాగంగా మొత్తం 139 వీఆర్ఓలను బదిలీ చేస్తూ కలెక్టర్ డీకే బాలాజీ ఉత్తర్వులు జారీ చేశారు. ఇందులో గ్రేడ్-1 వీఆర్ఓలు 77 మంది ఉండగా గ్రేడ్-2 వీఆర్ఓలు 62 మంది ఉన్నారు. వీరిని ఒక ప్రాంతం నుంచి మరో ప్రాంతానికి బదిలీ చేశారు.
News September 25, 2024
ఉమ్మడి జిల్లా రవాణా శాఖలో బదిలీలు
ఉమ్మడి ప.గో.జిల్లా రవాణా శాఖ పరిధిలో పని చేస్తున్న పలువురు మోటార్‌ వెహికల్‌ ఇన్స్‌పెక్టర్లు, అసిస్టెంట్‌ మోటార్‌ వెహికల్‌ ఇన్స్‌పెక్టర్లు మంగళవారం బదిలీ అయ్యారు. జంగారెడ్డిగూడెం ప్రసాద్‌ను కొవ్వూరు యూనిట్‌ కార్యాలయానికి, కొవ్వూరు బీ.భీమారావును ఏలూరు డీటీసీ కార్యాలయానికి, ఏలూరు ప్రసాద్‌ను పెద్దాపురం, రాజమహేంద్రవరం రంగనాయకులను జంగారెడ్డిగూడెం ఆర్టిఓ కార్యాలయానికి బదిలీ చేశారు.
News September 25, 2024
గుంటూరు: ‘డ్రైవర్ పోస్టులకు దరఖాస్తు చేసుకోండి’
108 వాహనాల్లో పైలట్స్ (డ్రైవర్లు) పోస్టులకు అర్హులైన అభ్యర్థుల నుంచి దరఖాస్తులు ఆహ్వానిస్తున్నట్లు గుంటూరు 108 జిల్లా మేనేజర్ నాగదీప్ ఒక ప్రకటన ద్వారా తెలిపారు. 10వ తరగతి ఉత్తీర్ణులై, హెవీ లైసెన్స్ కలిగి, 35 సం. లోపు అభ్యర్థులు అర్హులన్నారు. ఈ నెల 26వ తేదీలోపు జిల్లా వైద్య ఆరోగ్య శాఖ కార్యాలయంలోని, 108 కార్యాలయంలో ధరఖాస్తు చేసుకోవాలని కోరారు.
News September 25, 2024
నెల్లూరు విజయ డెయిరీ ఎన్నికలు ఏకగ్రీవం
నెల్లూరు జిల్లా పాల ఉత్పత్తిదారుల పరస్పర సహాయక సహకార సమితి లిమిటెడ్ (విజయ డెయిరీ)కి సంబంధించి జరగాల్సిన మూడు డైరెక్టర్ పోస్టుల ఎన్నికలు ఏకగ్రీవం అయినట్లు ఎన్నికల అధికారి హరిబాబు మంగళవారం పేర్కొన్నారు. అన్నం శ్రీహరి (అన్నారెడ్డిపాళెం), కోట చంద్రశేఖర్ రెడ్డి (నారికేళపల్లి), గంగా శ్రీనివాసులు (వాసిలి) ఏకగ్రీవంగా ఎన్నికైనట్లు తెలిపారు. వారి పదవీకాలం ఈ నెల 30వ తేదీ నుంచి ఐదు సంవత్సరాలు ఉంటుందన్నారు.
News September 25, 2024
సీఎం చంద్రబాబుపై అసభ్యకర పోస్టులు పెట్టిన వ్యక్తి అరెస్ట్
ముఖ్యమంత్రి చంద్రబాబుపై అసభ్యకరంగా, దూషణలతో సోషల్ మీడియాలో పోస్టులు పెట్టిన వ్యక్తి అరెస్ట్ అయ్యాడు. ఆగస్టు నెలలో జంగారెడ్డిగూడెంకు చెందిన ఓ టీడీపీ నాయకుడి ఫిర్యాదు మేరకు అతడిపై పోలీసులు కేసు నమోదు చేశారు. ఈ సందర్భంగా దర్యాప్తు చేపట్టి.. కర్ణాటక రాష్ట్రానికి చెందిన నిందితుడిని మంగళవారం అరెస్టు చేసి జంగారెడ్డిగూడెం తీసుకొచ్చారు. అనంతరం కోర్టులో హాజరుపరచగా, జడ్జి అతనికి రిమాండ్ విధించారు.
News September 25, 2024
లడ్డూ వివాదంపై CBIతో విచారణ జరిపించాలి: MP మిథున్
తిరుమల లడ్డూ ఘటనపై CBIతో విచారణ జరిపించాలని MP మిథున్ రెడ్డి అన్నారు. తిరుమలలో నెయ్యి ఆర్డర్ ఇచ్చింది, శాంపిల్ టెస్ట్ చేసింది టీడీపీ ప్రభుత్వంలోనే అని ఎంపీ ఓ ఛానల్‌కు ఇచ్చిన ఇంటర్వ్యూలో చెప్పారు. ఆయన మాట్లాడుతూ.. నిజం బయటికి రావాలంటే CBI లేదా సిట్టింగ్ జడ్జితో విచారణ జరిపించాలన్నారు. టీటీడీ ఈఓ శ్యామల రావు భిన్న సమాధానాలు చెబుతున్నారని, ఆఫీసర్ల మీద ఒత్తిడి తెస్తున్నారన్నారు.
News September 25, 2024
జనసేనలో చేరనున్న బొత్స సోదరుడు..!
విజయనగరం జిల్లాలో వైసీపీకి మరో షాక్ తగలనుంది. ఎమ్మెల్సీ బొత్స సత్యనారాయణ సోదరుడు బొత్స లక్ష్మణరావు జనసేనలో చేరనున్నారు. వచ్చే నెల 3న పవన్ కళ్యాణ్ సమక్షంలో జనసేన కండువా కప్పుకోనున్నారు. ఈ మేరకు నెల్లిమర్ల ఎమ్మెల్యే లోకం నాగ మాధవితో మంగళవారం రాత్రి ఆయన భేటీ అయ్యారు. ఆయనతో పాటు నెల్లిమర్ల నియోజవర్గంలో పలువురు సర్పంచులు, ఎంపీటీసీలు జనసేనలో చేరేందుకు సిద్ధంగా ఉన్నట్లు తెలిపారు.
News September 25, 2024
సోమిరెడ్డి పల్లె వద్ద ఉద్ధృతంగా ప్రవహిస్తున్న వాగు
అల్పపీడన ప్రభావంతో నిన్న రాత్రి నుంచి జిల్లావ్యాప్తంగా భారీ వర్షాలు కురుస్తున్నాయి. బ్రహ్మంగారిమఠం సోమిరెడ్డి పల్లె వద్ద వాగు ఉద్ధృతంగా ప్రవహిస్తుంది. మండలంలోని రహదారులు బురదమయంగా మారాయి. బ్రహ్మంగారిమఠం బద్వేల్ రహదారిపై వాగు ఉద్ధృతంగా ప్రవహిస్తుండటంతో రాకపోకలకు అంతరాయం ఏర్పడింది. ఈ మార్గంలో రాకపోకలు తాత్కాలికంగా నిలిచిపోయాయి.
Featured News
Sorry, no posts matched your criteria.