India's largestHyperlocal short
news App
Get daily news updates that are tailored for you based on your preferred language & location.
రాష్ట్రంలో నామినేటెడ్ పోస్టులను ప్రభుత్వం మంగళవారం భర్తీ చేసింది. మొత్తం 20 మందిని నామినేటెడ్ పోస్టులకు ఎంపిక చేస్తూ జాబితాను విడుదల చేసింది. ఈ జాబితాలో చింతలపూడి నుంచి ప్రాతినిధ్యం వహిస్తున్న మాజీమంత్రి పీతల సుజాతను ఏపీ స్టేట్ కన్జ్యూమర్ ప్రొడక్షన్ కౌన్సిల్ ఛైర్మన్గా నియమించింది. కష్టకాలంలో పార్టీకి అండగా ఉన్న ఆమెకు తగిన గౌరవం దక్కిందని కార్యకర్తలు హర్షం వ్యక్తం చేస్తున్నారు.
రాష్ట్రంలో నామినేటెడ్ పోస్టుల భర్తీ ప్రక్రియ ప్రారంభమైంది. తాజాగా పలువురికి నామినేటెడ్ పదవులు దక్కాయి. ఇందులో భాగంగా గుంటూరు జిల్లాకు కీలక పదవి దక్కింది. లెదర్ ఇండస్ట్రీస్ డెవలప్మెంట్ కార్పొరేషన్ ఛైర్మన్గా పిళ్లి మాణిక్యరావుని నియమించారు. టీడీపీ రాష్ట్ర అధికార ప్రతినిధిగా పిళ్లి మాణిక్యరావు చురుగ్గా పనిచేశారు. ఆయన పనితీరు తగిన విధంగా పదవి దక్కిందని టీడీపీ శ్రేణులు హర్షం వ్యక్తం చేశాయి.
రాష్ట్రంలో పలు నామినేటెడ్ పోస్టులను రాష్ట్ర ప్రభుత్వం మంగళవారం భర్తీ చేస్తూ జాబితాను విడుదల చేసింది. ఈ సందర్భంగా మొత్తం కూటమి పార్టీల నుంచి 20 మందిని నామినేటెడ్ పోస్టులకు ఎంపిక చేసింది. ఈ జాబితాలో పోలవరం నియోజకవర్గ టీడీపీ ఇన్ఛార్జ్ బోరగం శ్రీనివాసులకు ఏపీ స్టేట్ షెడ్యూల్ ట్రైకార్ ఛైర్మన్గా నియమించింది. నాయకుడికి దక్కిన గౌరవంగా కార్యకర్తలు హర్షం వ్యక్తం చేస్తూ అభినందనలు తెలుపుతున్నారు.
టీడీపీ ప్రభుత్వం 20 మందికి తొలి విడతలో నామినేటెడ్ పదవులు కేటాయించింది. వీరిలో నెల్లూరు జిల్లా కీలక నేత అబ్దుల్ అజీజ్ను వక్ఫ్ బోర్డు ఛైర్మన్గా నియమించింది. కాగా గత ఎన్నికలలో MLA సీటు త్యాగం చేయగా.. తాజా పదవితో ప్రాధాన్యం కల్పించింది. ఈ పదవి అజీజ్ విధేయతకు దక్కిన గౌరవంగా పార్టీ శ్రేణులు, నాయకులు హర్షం వ్యక్తం చేస్తున్నారు.అటు వేణములపాటి అజయ్ కుమార్ APTIDCO ఛైర్మన్గా నియమితులయ్యారు.
తెలుగుదేశం పార్టీ కృష్ణాజిల్లా అధ్యక్షుడిగా కొనసాగుతున్న కొనకళ్ల నారాయణరావు త్యాగానికి ప్రతిఫలం దక్కింది. మచిలీపట్నం నుంచి రెండుసార్లు ఎంపీగా గెలిచిన నారాయణరావు 2024 ఎన్నికల్లో పొత్తుల్లో భాగంగా మచిలీపట్నం ఎంపీ సీటును జనసేన పార్టీకి త్యాగం చేశారు. జనసేన నుంచి ఎంపీగా పోటీ చేసిన బాలశౌరి విజయంలో కీలక పాత్ర పోషించారు. ఫలితంగా నారాయణరావును APSRTC ఛైర్మన్ పదవి వరించింది.
నెల్లిమర్ల నియోజకవర్గ టీడీపీ ఇన్ ఛార్జ్ కర్రోతు బంగార్రాజుకు కీలక పదవి వరించింది. ఏపీ మార్క్ ఫెడ్ కార్పొరేషన్ ఛైర్మన్గా కర్రోతును నియమిస్తూ సీఎం చంద్రబాబు నిర్ణయం తీసుకున్నారు. రాష్ట్ర వ్యాప్తంగా తొలి జాబితాలో 20 మంది ఆశావహులకు నామినేటెడ్ పదవులు వరించగా.. ఉమ్మడి విజయనగరం జిల్లాలో ఒక్క బంగార్రాజుకే అవకాశం దక్కింది. పదవులు కోసం ఎదురు చూస్తున్న పలువురికి తొలి జాబితాలో నిరాశ ఎదురైంది.
రాష్ట్ర ప్రభుత్వం నామినేటెడ్ పదవులను ప్రకటిస్తూ మంగళవారం ఉత్తర్వులను జారీ చేసింది. ఇందులో భాగంగా పశ్చిమగోదావరి జిల్లా ఉండి మాజీ ఎమ్మెల్యే మంతెన రామరాజును ఆంధ్రప్రదేశ్ ఇండస్ట్రియల్ ఇన్ఫ్రాస్ట్రక్చర్ కార్పొరేషన్ ఛైర్మన్ (APIIC)గా నియమిస్తూ ప్రభుత్వం ఉత్తర్వులు జారీ చేసింది. ఎమ్మెల్యే టికెట్ త్యాగానికి దక్కిన ప్రతిఫలంగా నామినేటేడ్ పోస్టు వరించిందని కార్యకర్తలు హర్షం వ్యక్తం చేస్తున్నారు.
ఉమ్మడి విశాఖలో ముగ్గురికి నామినేటెడ్ పదవులు వరించాయి. అనకాపల్లి జిల్లా టీడీపీ అధ్యక్షుడు బత్తుల తాతయ్య బాబును రాష్ట్ర హౌసింగ్ బోర్డు ఛైర్మన్గా, ఏపీ అర్బన్ ఫైనాన్స్ అండ్ ఇన్ఫ్రాస్ట్రక్చర్ డెవలప్మెంట్ కార్పొరేషన్ ఛైర్మన్గా అనకాపల్లి మాజీ ఎమ్మెల్యే పీలా గోవిందు(టీడీపీ), ఏపీ మైక్రో స్మాల్ అండ్ మీడియం ఎంటర్ప్రైజెస్ డెవలప్మెంట్ కార్పొరేషన్ ఛైర్మన్గా (జనసేన)తమ్మిరెడ్డి శివశంకర్ను నియమించారు.
స్వర్ణాంధ్ర విజన్@2047 ప్లాన్ ద్వారా ప్రభుత్వానికి సలహాలు, సూచనలు ఇవ్వాలని జిల్లా కలెక్టర్ నాగలక్ష్మీ పిలుపునిచ్చారు. స్మార్ట్ ఫోన్ నుంచి swarnandhra.ap.gov.in/Suggestions లింక్తో వచ్చే QR కోడ్ ద్వారా ఈ కార్యక్రమంలో పాల్గొనాలని చెప్పారు. 1.పేరు, 2.ఫోన్ నంబర్ 3.OTP, 4.జిల్లా పేరు, 5.వయసు, 6.లింగం, 7.వృత్తి, 8.ఇ-మెయిల్ చిరునామాను నమోదు చేయాల్సి ఉంటుందన్నారు.
నామినేటెడ్ పోస్టుల భర్తీలో భాగంగా APSRTC ఛైర్మన్గా కొనకళ్ల నారాయణరావు నియమితులయ్యారు. మచిలీపట్నంకు చెందిన ఈయన జిల్లాలో బీసీ సామాజికవర్గానికి చెందిన సీనియర్ నేత. 2009, 2014లో మచిలీపట్నం ఎంపీగా టీడీపీ నుంచి విజయం సాధించారు. 2019లో పోటీ చేసి ఓడిపోయారు. ప్రస్తుతం ఆయన కృష్ణాజిల్లా టీడీపీ అధ్యక్షుడిగా కొనసాగుతున్నారు.
Sorry, no posts matched your criteria.