India's largestHyperlocal short
news App
Get daily news updates that are tailored for you based on your preferred language & location.
download Way2News app now
Andhra Pradesh
News May 20, 2024
అనంత: ఈనెల 24 నుంచి ఇంటర్ సప్లిమెంటరీ పరీక్షలు
ఈ నెల 24 నుంచి జూన్ 1 వరకు ఇంటర్ సప్లమెంటరీ థియరీ పరీక్షలు నిర్వహించనున్నట్లు డీవీఈవో రఘునాథరెడ్డి తెలిపారు. పరీక్షలకు హాజరయ్యే విద్యార్థులు హాల్ టికెట్లు డౌన్‌‌లోడ్ చేసుకోవాలని సూచించారు. బోర్డ్ ఆఫ్ ఇంటర్మీడియట్ ఎడ్యుకేషన్ ఏపీ అధికారిక వెబ్‌‌సైట్ లాగిన్‌‌లో డౌన్‌‌లోడ్ చేసుకోవచ్చని సూచించారు.
News May 20, 2024
పెండ్లిమర్రి టాప్.. పెద్దముడియం లాస్ట్
శనివారం నుంచి ఆదివారం తెల్లవారు జాము వరకు జిల్లాలో వర్షం కురిసింది. 32 మండలాల్లో చిరుజల్లుల నుంచి అతి భారీ వర్షాలు కురిశాయి. జిల్లాలోని అత్యధికంగా పెండ్లిమర్రిలో 39.4 మి.మి., అత్యల్పంగా పెద్దముడియం మండలంలో 0.8 మి.మి. నమోదయింది. 10 మి.మి. తోపు వర్షపాతం 22 మండలాల్లో నమోదు కాగా.. 10 నుంచి 20 మి.మి. 6 మండలాలు, మరో 3 మండలాల్లో 20 మి.మి. పైగా వర్షపాతం నమోదయినట్లు అధికారులు తెలిపారు.
News May 20, 2024
UPDATE: జంగారెడ్డిగూడెంలో ACCIDENT.. యువకుడు మృతి
జంగారెడ్డిగూడెం శివారు జాతీయ రహదారిపై ఆదివారం జరిగిన రోడ్డు ప్రమాదంలో ఓ యువకుడు అక్కడికక్కడే మృతిచెందిన విషయం తెలిసిందే. వివరాలు.. పట్టణానికి చెందిన కోన సాయి (23) మొబైల్‌ టెక్నీషియన్‌గా పనిచేస్తున్నాడు. ఈ క్రమంలో మిత్రుడు రాజ్‌కుమార్‌ను జగన్నాథపురంలో వదిలిపెట్టేందుకు వెళ్తుండగా గుర్తుతెలియని వాహనం ఢీకొట్టింది. ఈ ఘటనలో సాయి మృతిచెందగా గాయపడిన రాజ్‌కుమార్‌ను ఆసుపత్రికి తరలించారు.
News May 20, 2024
అనంత: ఇంటర్ పరీక్ష ఫీజు చెల్లింపుకు అవకాశం
అనంతపురం జిల్లా ఇంటర్ అడ్వాన్స్డ్ సప్లిమెంటరీ పరీక్షల ఫీజు తత్కాల్ కింద చెల్లించేందుకు సోమవారం ఉదయం 10 గంటల నుంచి సాయంత్రం 5 గంటల వరకు అవకాశం ఉంటుందని ప్రాంతీయ పర్యవేక్షణ అధికారి వెంకటరమణనాయక్ తెలిపారు. పరీక్ష ఫీజుతో పాటు తత్కాల్ కింద రూ. 3 వేలు అదనంగా చెల్లించాల్సి ఉంటుందని, ఆయా ప్రిన్సిపల్ ను కలిసి ఫీజు చెల్లించాలని సూచించారు.
News May 20, 2024
భారీ మెజారిటీతో గెలుస్తా: గంటా
జగన్ దుర్మార్గపు పాలనపై ప్రజలు ఆగ్రహంతో ఉన్నారని భీమిలి టీడీపీ అభ్యర్థి గంటా శ్రీనివాసరావు అన్నారు. సిరిపురం వాల్తేరు క్లబ్‌లో ఆదివారం సాయంత్రం ఏర్పాటు చేసిన టీడీపీ, బీజేపీ, జనసేన శ్రేణుల ఆత్మీయ సమావేశంలో ఆయన పాల్గొన్నారు. ఈ సందర్భంగా మాట్లాడుతూ.. తాను భారీ మెజార్టీతో విజయం సాధించబోతున్నట్లు తెలిపారు. ఎన్డీఏ కూటమి శ్రేణులు తన విజయం కోసం శ్రమించారని పేర్కొన్నారు.
News May 20, 2024
మైపాడు: చిన్నారిని రక్షించిన పోలీసులు
ఇందుకూరుపేట మండలం మైపాడు బీచ్‌లో చిన్నారిని పోలీసులు వెతికిపట్టుకుని తల్లిదండ్రులకు అప్పగించిన ఘటన ఆదివారం జరిగింది. నెల్లూరుకు చెందిన శివ కుటుంబ సభ్యులతో ఆదివారం బీచ్‌కు వచ్చారు. వారి కుమార్తె రక్షిత(5) బీచ్‌లో తప్పిపోయింది. ఎంత వెతికినా కనిపించలేదు. పోలీసులకు ఫిర్యాదు చేయగా.. మెరైన్ సీఐ కిశోర్ కుమార్ ఆధ్వర్యంలో బీచ్‌లో ఒంటరిగా ఉన్న పాపను గుర్తించి తల్లిదండ్రులకు అప్పగించారు.
News May 20, 2024
తూ.గో.: ఎడ్లబండిలో మృతదేహం తరలింపు
తూ.గో. జిల్లా అడ్డతీగల మండలం దగ్గర తిమ్మాపురం పంచాయతీ పరిధి గడిచిన్నంపాలేనికి సరైన రహదారి లేక గ్రామస్థులకు ఇక్కట్లు తప్పడం లేదు. గ్రామానికి చెందిన పెంటరావు అనారోగ్యంతో చికిత్సపొందుతూ కాకినాడ ప్రభుత్వాసుపత్రిలో ఆదివారం మృతిచెందారు. మృతదేహాన్ని వాహనంలో తీసుకొద్దామంటే గ్రామానికి సరైన రోడ్డు సదుపాయం లేక ఎడ్లబండిలో తీసుకెళ్లాల్సిన పరిస్థితి నెలకొంది. ఇప్పటికైనా అధికారులు స్పందించాలని కోరుతున్నారు.
News May 20, 2024
ఇబ్రహీంపట్నంలో చికిత్స పొందుతూ ఏఎస్ఐ మృతి
విజయవాడ సీసీఎస్ పోలీస్ స్టేషన్‌కు చెందిన ఏఎస్ఐ రమణ రోడ్డు ప్రమాదంలో గాయపడి చికిత్స పొందు ఆదివారం మృతి చెందారు. ఇబ్రహీంపట్నం మండలం జూపూడి చెక్‌పోస్ట్ వద్ద విధులకు హాజరయ్యేందుకు వస్తున్న ఏఎస్ఐ రోడ్డు ప్రమాదంలో తీవ్రంగా గాయపడ్డారు. హైదరాబాద్ వైపు నుంచి విజయవాడ వైపు వేగంగా వస్తున్న కారు ఆయనను ఢీ కొంది. కాగా చికిత్స పొందుతూ మృతి చెందారు. విజయవాడ కమిషనర్ రామకృష్ణ నివాళులర్పించారు.
News May 20, 2024
కలెక్టర్ ప్రెస్ మీట్‌ పై.. పల్నాడు ప్రజల్లో ఉత్కంఠ
పల్నాడు జిల్లా కలెక్టర్‌గా లత్కర్ శ్రీకేశ్ బాలాజీ రావు ఆదివారం బాధ్యతలు స్వీకరించిన సంగతి తెలిసిందే. నేటి ఉదయం 10:30 గంటలకు నరసరావుపేట కలెక్టర్ కార్యాలయంలోని SR శంకరం వీడియో కాన్ఫరెన్స్ హాలులో పాత్రికేయులతో కలెక్టర్ సమావేశం కానున్నట్లు తెలిపారు. జిల్లాలో ఇప్పటికే జరిగిన ఘటనలతో ఎస్పీ సస్పెండ్ కాగా, కలెక్టర్ బదిలీ అయ్యారు. దీంతో ఆయన ఏం మాట్లాడతారనే దానిపై పల్నాడు వాసులు ఉత్కంఠగా ఎదురుచూస్తున్నారు.
News May 20, 2024
పత్తికొండ: ‘రైతులు పేర్లు నమోదు చేసుకోవాలి’
పత్తికొండలో ఈ ఏడాది ఖరీఫ్ సీజన్ కు సంబంధించిన రాయితీపై వేరుశెనగ విత్తనాలు కావాల్సిన రైతులు ఆయా గ్రామాల్లోని రైతు భరోసా కేంద్రాల్లో పేర్లు నమోదు చేసుకోవాలని పత్తికొండ మండల వ్యవసాయ అధికారి వెంకటరాముడు అన్నారు. మే 20 వ తేదీ నుంచి 25 వ తేదీ వరకు అన్ని రైతు భరోసా కేంద్రాల్లో సిబ్బంది అందుబాటులో ఉంటారని అన్నారు. నమోదు ప్రక్రియ అనంతరం రైతులకు విత్తనాలు అందజేస్తామని అన్నారు.
Featured News
Sorry, no posts matched your criteria.