India's largestHyperlocal short
news App
Get daily news updates that are tailored for you based on your preferred language & location.
download Way2News app now
Andhra Pradesh
News September 23, 2024
సింహాచలం ప్రసాదానికి విశాఖ డెయిరీ నెయ్యి
సింహాచలం సింహాద్రి అప్పన్న ఆలయంలో లడ్డూల తయారీ, దీపారాధన, ఇతర అవసరాలకు వినియోగించేందుకు తాత్కాలికంగా విశాఖ డెయిరీ నెయ్యి కొనుగోలు చేయాలని దేవాదాయ అధికారులు నిర్ణయించారు. దేవస్థానం స్టోర్‌లో ఈనెల 21న ఫుడ్ సేఫ్టీ అధికారులు తనిఖీలు నిర్వహించి నెయ్యిని సీజ్ చేశారు. ప్రస్తుతం రోజుకు 25 వేల నుంచి 30 వేల లడ్డూలు విక్రయిస్తారు. సోమవారం వంద డబ్బాల విశాఖ డెయిరీ నెయ్యి(1500 కేజీలు) దేవస్థానానికి రానుంది.
News September 23, 2024
3న తిరుమలకు పవన్..?
తిరుమల లడ్డూకు వినియోగించే నెయ్యిపై తీవ్ర ఆరోపణలు వస్తున్న విషయం తెలిసిందే. ఈ నేపథ్యంలో డిప్యూటీ సీఎం పవన్ కళ్యాణ్ ప్రాయశ్చిత్త దీక్ష చేపట్టిన విషయం తెలిసిందే. ఇది ముగిసిన తర్వాత ఆయన శ్రీవారిని దర్శించుకుంటానని ప్రకటించిన విషయం తెలిసిందే. ఈక్రమంలోనే ఆయన అక్టోబర్ 3న తిరుమలకు వచ్చే అవకాశం ఉందని జనసేన నాయకులు వెల్లడించారు.
News September 23, 2024
ATP: అయ్యో.. 15 రోజుల్లోనే ఆనందం ఆవిరి!
బుక్కరాయసముద్రం మండలంలో జరిగిన ఘోర రోడ్డు ప్రమాదంలో నలుగురు మృతి చెందిన విషయం తెలిసిందే. వీరిలో ఓ.పవన్ అనే యువకుడు మదనపల్లిలో ఎంబీఏ పూర్తి చేసి 15 రోజుల క్రితం ఐటీ ఉద్యోగం సాధించారు. తమ కుమారుడికి ఉద్యోగం వచ్చిందన్న సంతోషం రెండు వారాల్లోనే ఆవిరైందని కుటుంబ సభ్యులు కన్నీటి పర్వతమయ్యారు. మంచి భవిష్యత్తును ఊహించుకున్న ఆ యువకుడి జీవితం అర్ధాంతరంగా ముగిసిపోవడం స్థానికంగా తీవ్ర విషాదం మిగిల్చింది.
News September 23, 2024
ముఖ్యమంత్రి సహాయనిధికి రూ.కోటి విరాళం
వరద బాధితుల సహాయార్ధం ముఖ్యమంత్రి సహాయ నిధికి ఎంప్రెడా మైన్స్ అండ్ మినరల్స్ ఛైర్మన్ ఏఎస్ విక్రమ్ రూ.కోటి విరాళం ప్రకటించారు. ఈ సందర్భంగా ఆయన సీఎం చంద్రబాబును కలిసి ఆ చెక్కును అందజేశారు. కష్టాల్లో ఉన్న వరద బాధితులను ఆదుకునేందుకు ముందుకు వచ్చిన విక్రమ్‌ను చంద్రబాబు అభినందించి కృతజ్ఞతలు తెలిపారు.
News September 23, 2024
జలపాతంలో గల్లంతైన బొబ్బిలి మెడికల్ విద్యార్థిని
అల్లూరి జిల్లా మారేడుమిల్లి సమీపంలోని జలతరంగిణి జలపాతంలో ముగ్గురు మెడికల్ విద్యార్థులు గల్లంతైన సంగతి తెలిసిందే. గల్లంతైన వారిలో జిల్లాకు చెందిన ఓ విద్యార్థిని ఉన్నట్లు తెలిసింది. బొబ్బిలి పట్టణంలోని రావువారి వీధికి చెందిన కొసిరెడ్డి అప్పలనాయుడు కుమార్తె సౌమ్య ఉన్నారు. ఈ సమాచారం తెలిసిన వెంటనే కుటుంబ సభ్యులు ఘటనా స్థలానికి బయలుదేరి వెళ్లారు. సౌమ్య ఏలూరులోని ఓ కళాశాలలో మెడిసిన్ చదువుతున్నారు.
News September 23, 2024
కల్తీ నెయ్యితో లడ్డూ చేయలేదు: ధర్మాన
కల్తీ జరిగిందని గుర్తించిన TTD.. ఆ నెయ్యితో లడ్డూలే తయారు చేయలేదని మాజీ డిప్యూటీ సీఎం ధర్మాన కృష్ణదాస్ పేర్కొన్నారు. ‘వాడని నెయ్యి, తయారు కాని లడ్డూలు పట్టుకుని సీఎం చంద్రబాబు దిగజారి మాట్లాడుతున్నారు. లడ్డూ తయారీలో కొవ్వు కలిసిందని దుష్ర్పచారం చేస్తూ గత ప్రభుత్వంపై విమర్శలు చేస్తున్నారు. శ్రీవారితో రాజకీయాలు బాబుకే చెల్లింది. దేవుడితో రాజకీయాలు తగవు’ అని ఓ ప్రకటనలో ధర్మాన పేర్కొన్నారు.
News September 23, 2024
తిరుపతి: యువకుడిపై పొక్సో కేసు
బాలికపై అత్యాచారానికి పాల్పడ్డ యువకుడిపై పోలీసులు పోక్సో కేసు నమోదు చేశారు. తిరుపతి శివారులో ఉన్న తల్లి, తండ్రి బతుకుతెరువు కోసం బెంగళూరుకు వెళుతూ.. బాలికను అవ్వ దగ్గర వదిలారు. వరుసకు చెల్లి(13) అయిన బాలికపై యువకుడు పలుమార్లు అత్యాచారానికి పాల్పడ్డాడు. వినాయక చవితికి వచ్చిన తల్లికి బాలిక జరిగిన విషయం చెప్పింది. బాలిక తల్లి అలిపిరి పోలీసులకు ఫిర్యాదు చేయడంతో పోలీసులు పొక్సో కేసు నమోదు చేశారు.
News September 23, 2024
నెల్లూరు జిల్లాలో భారీగా అధికారుల బదిలీలు
జిల్లాలో ఆదివారం పలువురు అధికారులు బదిలీ అయ్యారు. వారిలో ఆరుగురు MROలు, 55-డిప్యూటీ MROలు, 17-రీసర్వే డిప్యూటీ తహశీల్దార్లు, 70-సీనియర్ అసిస్టెంట్లు, 27 మంది జూనియర్ అసిస్టెంట్లు ఉన్నారు. వారితోపాటూ ప్రధానంగా జడ్పీ సీఈవో కన్నమనాయుడు, డిప్యూటీ సీఈవో చిరంజీవులు, డీపీవో సుస్మితారెడ్డి, డీఆర్డీఏ పీడీ కేవీ సాంబశివారెడ్డి, డ్వామా పీడీ వెంకట్రావు, డీఎఫ్ఓ ఆవుల చంద్రశేఖర్ బదిలీ అయ్యారు.
News September 23, 2024
ఉమ్మడి విశాఖలో 16 మంది తహశీల్దార్లు బదిలీ
ఉమ్మడి విశాఖ జిల్లాలో 16 మంది తహశీల్దార్లను కలెక్టర్ హరేంద్ర ప్రసాద్ బదిలీ చేశారు. వీరిలో 8 మందిని విశాఖ జిల్లాకు, ఐదుగురిని అనకాపల్లి జిల్లాకు, ముగ్గురిని అల్లూరి జిల్లాకు బదిలీ అయ్యారు. బదిలీ అయిన వారిలో ఎంబీ అప్పారావు, పీ.లచ్చాపాత్రుడు, ఎస్.రాణి అమ్మాజీ, కే.జానకమ్మ, ఎస్.రామారావు, ఏ.శ్రీనివాసరావు, కే.రమాదేవి, ఎస్.నాగమ్మ, వేణుగోపాల్, శ్యామ్ కుమార్, కే.జయ ప్రకాశ్ తదితరులు ఉన్నారు.
News September 23, 2024
పోలీసులకు దొరికిన అత్యాచార నిందితుడు?
తెలంగాణలో కాకినాడ జిల్లా వివాహితపై అత్యాచారం చేసిన యువకుడిని పోలీసులు అదుపులోకి తీసుకున్నట్లు సమాచారం. సామర్లకోటకు చెందిన వివాహిత(24) హైదరాబాద్‌లో కేర్ టేకర్‌గా పనిచేస్తోంది. ఈనెల 18న HYDలో రాజమండ్రికి వచ్చే ప్రైవేట్ బస్సు ఎక్కింది. క్లీనర్ రెడ్డి సాయికుమార్(26) చౌటుప్పల్ దాటగానే నిద్రిస్తున్న ఆమెపై అత్యాచారం చేశాడు. చౌటుప్పల్ పోలీసులకు శనివారం ఫిర్యాదు చేయగా.. క్లీనర్‌ను అదుపులోకి తీసుకున్నారు.
Featured News
Sorry, no posts matched your criteria.