India's largestHyperlocal short
news App
Get daily news updates that are tailored for you based on your preferred language & location.
download Way2News app now
Andhra Pradesh
News September 22, 2024
‘పొలం పిలుస్తుంది’ కార్యక్రమాన్ని విజయవంతం చేయండి: కలెక్టర్
వ్యవసాయాన్ని లాభసాటిగా మార్చేందుకు ఈనెల 24 నుంచి పొలం పిలుస్తుంది కార్యక్రమాన్ని ప్రారంభిస్తున్నట్లు కలెక్టర్ అరుణ్ బాబు తెలిపారు. కలెక్టరేట్లో వ్యవసాయ అధికారులు, జేసీ స్వరాజ్‌తో కలిసి పొలం పిలుస్తుంది కార్యక్రమానికి సంబంధించిన గొడ పత్రికలను ఆవిష్కరించారు. ఆయన మాట్లాడుతూ.. వ్యవసాయశాఖ, అనుబంధ శాఖల అధికారుల సమన్వయంతో పొలం పిలుస్తుంది కార్యక్రమాన్ని విజయవంతం చేయాలని అధికారులను ఆదేశించారు.
News September 22, 2024
గూడూరు వద్ద ఘోర రోడ్డు ప్రమాదం.. ఇద్దరి మృతి
చిల్లకూరు మండల కేంద్రంలోని పోలీస్ స్టేషన్ సమీపంలో ఆదివారం తెల్లవారుజామున ఆగిఉన్న కంటైనర్‌ను కారు ఢీకొంది. ఈ ఘటనలో కారులో ఉన్న ఇద్దరు మృతి చెందగా.. పలువురికి గాయాలయ్యాయి. చిల్లకూరు పోలీసులు ఘటనా స్థలానికి చేరుకుని గాయపడిన వారిని కారులో నుంచి బయటకు తీసి 108 వాహనంలో గూడూరు ఏరియా ఆస్పత్రికి తరలించారు. మరిన్ని వివరాలు తెలియాల్సి ఉంది.
News September 22, 2024
సామర్లకోటకు చెందిన వివాహితపై బస్సులో అత్యాచారం
సామర్లకోటకు చెందిన వివాహితపై ప్రైవేటు ట్రావెల్ బస్సులో క్లీనర్ అత్యాచారానికి పాల్పడ్డాడని చౌటుప్పల్ ఏసీపీ మధుసూదన్ రెడ్డి, ఎస్ఐ మన్మధ కుమార్ శనివారం తెలిపారు. హైదరాబాద్‌లో కేర్ టేకర్‌గా పనిచేస్తున్న వివాహిత స్వగ్రామానికి వెళ్లేందుకు ఈ నెల 18వ తేదీ రాత్రి HYDలోని కూకట్‌పల్లిలో ప్రైవేట్ ట్రావెల్ బస్సు ఎక్కారన్నారు. బస్సు బయలు దేరిన కొద్ది సేపటికే స్లీపర్ కోచ్‌లో క్లీనర్ అత్యాచారం చేశాడన్నారు.
News September 22, 2024
బూర్జ: శ్మశాన వాటికకు వెళ్లేందుకు తీవ్ర అవస్థలు
బూర్జ మండలం చీడివలస గ్రామానికి సంబంధించిన శ్మశాన వాటికకు సరైన రహదారి లేకపోవడంతో అనేక ఇబ్బందులు ఎదుర్కొంటున్నట్లు స్థానికులు తెలిపారు. గ్రామంలో ఎవరైనా మృత్యువాత పడితే దహన సంస్కారాలకు పంట పొలాల గట్లు మీద నుంచి నానా అవస్థలు పడుతూ తీసుకెళ్లాల్సి వస్తోందని వాపోతున్నారు. గత వైసీపీ ప్రభుత్వం ఈ రహదారి నిర్మాణానికి నిర్లక్ష్యం చేసిందన్నారు. ఇప్పటి కూటమి ప్రభుత్వం అయినా రహదారి నిర్మించాలని కోరుతున్నారు.
News September 22, 2024
SVU: PG ఫలితాలు విడుదల
శ్రీ వెంకటేశ్వర యూనివర్సిటీ పరిధిలో ఈ ఏడాది జూలై నెలలో ( PG) ఎం.ఏ సోషల్ వర్క్, ఎమ్మెస్సీ సైకాలజీ, ఎంఏ పర్ఫామెన్స్ ఆర్ట్స్ నాలుగో సెమిస్టర్ పరీక్షలు జరిగాయి. ఈ పరీక్షల ఫలితాలు శనివారం విడుదలైనట్లు యూనివర్సిటీ పరీక్షల విభాగ నియంత్రణ అధికారి దామ్లా నాయక్ పేర్కొన్నారు. ఫలితాలను https://www.results.manabadi.co.in/ వెబ్ సైట్ ద్వారా తెలుసుకోవచ్చని సూచించారు.
News September 22, 2024
విశాఖ: మరింత మెరుగైన ప్రగతి సాధించాలి
ఎన్ఐర్ఎఫ్ ర్యాకింగ్‌లో రాష్ట్రంలో విశ్వవిద్యాలయాలు మరింత మెరుగైన ప్రగతి సాధించాలని సీఎం చంద్రబాబు, హెచ్ఎర్డీ మంత్రి నారా లోకేశ్ ఆకాంక్షిస్తున్నారని రాష్ట్ర ఉన్నత విద్య మండలి ఛైర్మన్ (ఇన్‌ఛార్జ్) కె.రామ్మోహన రావు అన్నారు. రాష్ట్ర విశ్వవిద్యాలయాలు ఎన్ఐఆర్ఎఫ్ ర్యాంకుల మెరుగుపరచుకోవడంపై శనివారం వర్చువల్ సదస్సును నిర్వహించారు. సదస్సులో ఏయూ ఇన్‌ఛార్జ్ వైస్ ఛాన్సలర్ శశిభూషణరావు పాల్గొన్నారు.
News September 22, 2024
పెండింగ్ కేసులు త్వరితగతిన పరిష్కరించాలి: ఎస్పీ
పెండింగ్‌లో ఉన్న కేసులు దర్యాప్తు వేగవంతం చేయాలని పోలీసు అధికారులను SP మహేశ్వర రెడ్డి ఆదేశించారు. పెండింగ్‌లో ఉన్న NDPS, సైబర్, గ్రేవ్, ప్రాపర్టీ , SC, ST, క్రైమ్ అగైనెస్ట్ ఉమెన్, ముఖ్యమైన కేసుల దర్యాప్తు, కేసులు పరిష్కారం, నేర నియంత్రణ తదితర అంశాలపై SP శనివారం సాయంత్రం జిల్లా పోలీసు కార్యాలయం పోలీసు అధికారులతో నేర సమీక్ష సమావేశం నిర్వహించారు. ఈ సందర్భంగా ఆయన పలు అంశాలపై దిశానిర్దేశం చేశారు.
News September 22, 2024
కర్నూలు: అధికారులకు మంత్రి కీలక ఆదేశాలు
కేంద్ర ప్రభుత్వ పథకాలను కర్నూలు జిల్లా అభివృద్ధికి సమర్థవంతంగా వినియోగించుకోవాలని పరిశ్రమల శాఖ మంత్రి టీజీ.భరత్ అధికారులను ఆదేశించారు. శనివారం కలెక్టరేట్‌లోని సునయన ఆడిటోరియంలో కర్నూలు పార్లమెంట్ సభ్యులు బస్తిపాటి నాగరాజు అధ్యక్షతన జిల్లా అభివృద్ధి కమిటీ సమావేశాన్ని నిర్వహించారు. ఈ సమావేశంలో జిల్లాలో కేంద్ర ప్రభుత్వ పథకాల అమలుపై అధికారులతో సమీక్షించారు.
News September 22, 2024
కడప జిల్లా ఆర్థికాభివృద్ధికి ప్రణాళికను రూపొందించండి: కలెక్టర్
స్వర్ణాంధ్రప్రదేశ్ విజన్-2047 ఆశయ సాధనలో భాగంగా కడప జిల్లా ఆర్థికాభివృద్ధికి లక్ష్యాన్ని నిర్దేశించుకుని ముందడుగు వేయాలి జిల్లా కలెక్టర్ శివశంకర్ అధికారులను ఆదేశించారు. కలెక్టర్ కార్యాలయంలో అన్ని శాఖల జిల్లా అధికారులతో సమీక్షా సమావేశం నిర్వహించారు. సీఎం చంద్రబాబు దూర దృష్టితో విజన్ ఆంధ్ర @2047 తీసుకురావడం జరిగిందన్నారు. కీలక రంగాలపైన దృష్టి సారించి జిల్లా అభివృద్ధి ప్రణాళికను రూపొందించాలన్నారు.
News September 22, 2024
దిల్లీ ఫుడ్ ఇండియా ప్రదర్శనలో ఏలూరు ఆహార ఉత్పత్తులు
వరల్డ్ ఫుడ్ ఇండియా పేరిట దిల్లీలో నిర్వహిస్తున్న ప్రదర్శనలో ఏలూరు జిల్లా ఆహార ఉత్పత్తులు ప్రదర్శించబడటం ఆనందంగా ఉందని జిల్లా కలెక్టర్ వెట్రిసెల్వి పేర్కొన్నారు. రాష్ట్రంలో 10 జిల్లాల నుంచి ఉత్పత్తులు ఎంపిక కాగా.. కొయ్యలగూడెం మండలం కనకాద్రిపురం గ్రామానికి చెందిన మథర్ థెరీసా మహిళా స్వయం సహాయక సంఘ అధ్యక్షురాలు కృపామణి తయారు చేస్తున్న చిరుధాన్యాల ఉత్పత్తులు ప్రదర్శనకు ఎంపికకావడం అభినందనీయమన్నారు.
Featured News
Sorry, no posts matched your criteria.