India's largestHyperlocal short
news App
Get daily news updates that are tailored for you based on your preferred language & location.
మంగళగిరి మండలం నూతక్కి గ్రామంలోని సచివాలయం-1, 2 పరిధిలోని వాలంటీర్లు సోమవారం మూకుమ్మడిగా రాజీనామా చేశారు. పేదలకు సేవ చేయలేనప్పుడు తాము వాలంటీర్లుగా కొనసాగలేమని, అందుకే తమకు తాము రాజీనామా చేస్తున్నామని వాలంటీర్లు తెలిపారు. గ్రామంలోని 58 మంది వాలంటీర్లు రాజీనామా లేఖలను సంబంధిత అధికారులకు అందజేశారు.
గడిచిన ఐదేళ్ల వైసీపీ పాలనలో అవినీతి, అక్రమాలు తప్ప అభివృద్ధి కనిపించలేదని మాజీ మంత్రి దాడి వీరభద్రరావు అన్నారు. ఈ మేరకు అనకాపల్లి గవరపాలెం ఓ కళ్యాణ మండపంలో సోమవారం ఆత్మీయ సమావేశం నిర్వహించారు. ఈ సందర్భంగా ఆయన మాట్లాడుతూ.. మన నియోజకవర్గంలో గత ఎన్నికలలో అమరనాథ్ను గెలిపించి తప్పు చేశామని, ఉమ్మడి అభ్యర్థి కొణతాల రామకృష్ణతో కలిసి పనిచేయడం చాలా ఆనందంగా ఉందని అన్నారు.
అల్లూరి జిల్లా పాడేరు 108 సూపర్వైజర్ ఇబ్రహీం ఉరి వేసుకుని ఆత్మహత్య చేసుకున్నారు. విధుల్లో ఉన్న సూపర్వైజర్ తన కుటుంబ సభ్యులను కలిసేందుకు గాజువాక వెళ్లారు. కుటుంబ సభ్యుల మధ్య వివాదంతో ఉరి వేసుకున్నాడు. కుటుంబ సభ్యులు ఆసుపత్రికి తరలించిగా.. అప్పటికే మృతి చెందాడు. 108 సిబ్బంది, ఉద్యోగులతో ఎంతో సఖ్యతగా ఉండే వ్యక్తి మృతి చెందడంతో తోటి సిబ్బంది విషాదంలో మునిగిపోయారు. మృతుడికి భార్య, పాప ఉన్నారు.
కాకినాడ జిల్లా ఏలేశ్వరంలో విషాదం నెలకొంది. దిబ్బలపాలెంకు చెందిన లోవదుర్గ ఈ రోజు తెల్లవారుజామున వాడపల్లి వెంకన్నబాబు దర్శనం నిమిత్తం అదే వీధికి చెందిన మరో ఇద్దరు మహిళలతో కలిసి ఆటోలో బయలుదేరింది. ఎర్రవరం హైవేపై గల వ్యవసాయ మార్కెట్ చెక్పోస్ట్ వద్దకు ఆ ఆటో వెళ్లగా.. లోవదుర్గకు వాంతులు రావడంతో తల బయటకు పెట్టింది. ఆ సమయంలో వాహనం ఆమె తలను ఢీకొనడంతో అక్కడికక్కడే మరణించింది.
తాడిపత్రి రూరల్ యు.పి.ఎస్ పోలీసులు, అగ్నిమాపక శాఖ సిబ్బంది సంయుక్తంగా ఏడేళ్ల చిన్నారిని కాపాడారు. వివరాల్లోకి వెళ్తే తిప్పాయిపల్లెకి చెందిన ఏడేళ్ల చిన్నారి అవంతిక ఆడుకుంటూ రెండు ఇళ్ల గోడల మధ్య ఉన్న చిన్న సందులో ఇరుక్కుపోయింది. సమాచారం అందుకున్న సీఐ లక్ష్మికాంత్రెడ్డి తన సిబ్బందితో కలిసి తాడిపత్రి అగ్నిమాపక సిబ్బందితో పాపను సురక్షితంగా బయటికి తీసుకొచ్చారు.
సీఎం వైఎస్ జగన్మోహన్ రెడ్డి బస్సు యాత్ర సోమవారం రాత్రి ముగిసిన వెంటనే ఆయన ఏలూరు జిల్లా ఉంగుటూరు మండలం నారాయణపురం వద్ద రాత్రి బస చేస్తారు. ఈ నేపథ్యంలో నారాయణపురంలో సీఎం బసకు సంబంధించి అన్ని ఏర్పాట్లు పూర్తి చేశారు. దీంతో ఆ చుట్టుపక్కల పోలీసులు క్షుణ్ణంగా తనిఖీలు చేస్తున్నారు. భారీ బందోబస్తు ఏర్పాటు చేశారు.
పేదలకు మంచి చేస్తున్న వైసీపీ ప్రభుత్వాన్ని మళ్లీ ఆదరించాలని విశాఖ వైసీపీ ఎంపీ అభ్యర్థి బొత్స ఝాన్సీ అన్నారు. పశ్చిమ ఎమ్మెల్యే అభ్యర్థి ఆడారి ఆనంద్ కుమార్తో కలిసి కొత్తపాలెంలో సోమవారం ప్రచారం చేశారు. పొరపాటున చంద్రబాబు వస్తే మళ్లీ జన్మభూమి కమిటీలు వస్తాయని, అప్పుడు పచ్చ చొక్కాలు వేసుకున్న వారికే పథకాలు అందిస్తారన్నారు. పేదల కోసం పాటుపడుతున్న జగన్ను గెలిపిస్తేనే సంక్షేమ పథకాలు కొనసాగుతాయన్నారు.
పూసపాటిరేగ మండలం చల్లవానితోట పంచాయతీ గొల్లపేట గ్రామానికి చెందిన కె.రాజారావు(45) కూలిపని నిమిత్తం ఎస్.కోట మండలం ముషిడిపల్లి గ్రామానికి వచ్చాడు. మధ్యాహ్నం భోజనం అనంతరం తాటికాయల కోసం తాటిచెట్టు ఎక్కుతూ ప్రమాదవశాత్తు జారిపడడంతో గాయాలయ్యాయి. రాజారావు ఘటనా స్థలంలోనే సోమవారం మృతిచెందాడు. మృతుడి భార్య సత్యవతి ఇచ్చిన ఫిర్యాదు మేరకు దర్యాప్తు చేస్తున్నట్లు ఎస్.కోట సీఐ వై.ఎంరావు తెలిపారు.
నంద్యాలకు చెందిన రేణుక కడప జిల్లా రాజంపేటలోని ఓ ఇంజినీరింగ్ కళాశాలలో బీటెక్ ఫస్ట్ ఇయర్ చదువుతుంది. రేణుక సోమవారం మధ్యాహ్నం భోజనం చేసి రూమ్లోకి వెళ్లి తలుపేసుకుంది. ఎంతకీ తలుపులు తీయకపోవడంతో బలవంతంగా తీసి చూడగా ఉరివేసుకుని చనిపోయినట్లుగా గుర్తించామని హాస్టల్ సిబ్బంది తెలిపారు. ఆత్మహత్యకు గల కరణాలు తెలియాల్సి ఉంది.
రేపు కోసిగిలో హిందూపురం ఎమ్మెల్యే బాలకృష్ణ పర్యటించనున్నారని జిల్లా TDP అధ్యక్షులు BT నాయుడు తెలిపారు. స్వర్ణాంధ్ర సాకార యాత్రలో భాగంగా ఈనెల 16న సాయంత్రం 6 గంటలకు బహిరంగ సభలో పాల్గొంటారని తెలిపారు. ఎన్నికల ప్రచారంలో భాగంగా TDP అభ్యర్థి రాఘవేంద్ర రెడ్డితో కలిసి ప్రచారం నిర్వహించనున్నారు. పర్యటనకు అన్ని ఏర్పాట్లు చేశామని రాఘవేంద్ర రెడ్డి తెలిపారు.
Sorry, no posts matched your criteria.