India's largestHyperlocal short
news App
Get daily news updates that are tailored for you based on your preferred language & location.
download Way2News app now
Andhra Pradesh
News April 15, 2024
తూ.గో.: టీడీపీలో చేరిన రాష్ట్ర నాయకుడు
పాయకరావుపేటలో టీడీపీ జాతీయాధ్యక్షుడు నారా చంద్రబాబు నాయుడిని మాజీ ఎమ్మెల్సీ ఆదిరెడ్డి అప్పారావు మర్యాదపూర్వకంగా కలిశారు. ఈ సందర్భంగా రాజమండ్రి సిటీ నియోజకవర్గానికి చెందిన రాష్ట్ర కాపు సంఘం నాయకుడు ఆకుల షణ్ముఖరావును చంద్రబాబుకు పరిచయం చేసి టీడీపీలో చేర్పించారు. ఈ మేరకు షణ్ముఖరావుకు చంద్రబాబు పార్టీ కండువా కప్పి ఆహ్వానించారు.
News April 15, 2024
కంభం: IIITలో విద్యార్థి ఆత్మహత్య
ఇడుపులపాయ IIITలో చదువుతున్న కంభం మండలం జంగంగుంట్ల గ్రామానికి చెందిన విద్యార్థి హాస్టల్‌ బిల్డింగ్‌ పైనుంచి దూకి ఆత్మహత్యకు పాల్పడిన ఘటన ఆదివారంరాత్రి చోటు చేసుకుంది. గ్రామానికి చెందిన కుర్రి పుల్లయ్య కూతురు కుర్రి రేఖ (21) మెకానికల్‌ ఇంజినీరింగ్‌ 4వ సంవత్సరం చదువుతోంది. ఈ విషయం కాలేజీ యాజమాన్యం కుటుంబ సభ్యులకు తెలపడంతో హుటాహుటిన ఇడుపులపాయకు బయలుదేరి వెళ్లారు. మృతికి కారణాలు తెలియాల్సి ఉంది.
News April 15, 2024
50 పడకల ఆసుపత్రికి శంకుస్థాపన నేడు
నాతవరం మండలంలోని చిక్కిడిపాలెంలో మన నేస్తం పేరిట 50 పడకల ఆసుపత్రి నిర్మాణానికి ఈరోజు శంకుస్థాపన జరగనుంది. కార్యక్రమానికి సినీ నటుడు సుమన్ ముఖ్య అతిథిగా హాజరుకానున్నారని నిర్వాహకులు కేఎస్ఆర్ శర్మ పేర్కొన్నారు. గ్రామీణ ప్రాంతంలోని ప్రజలకు మెరుగైన వైద్య సేవలు అందించడమే లక్ష్యంగా ఈ ఆసుపత్రిని నిర్మించనున్నట్లు చెప్పారు.
News April 15, 2024
VZM: 8ఏళ్ల బాలికను రేప్ చేసిన యువకుడు.. పోక్సో కేసు నమోదు
ఎల్.కోట మండలంలో పోక్సో కేసు నమోదు చేసినట్లు పోలీసులు తెలిపారు. రాజు అనే యువకుడు శనివారం రాత్రి 8 గంటల సమయంలో, చెల్లితో ఆడుకుంటున్న 8ఏళ్ల బాలికను బలవంతంగా తన ఇంటి మేడ మీదకి తీసుకువెళ్లాడు. దీంతో బాలిక చెల్లి తన తల్లీదండ్రులకి చెప్పింది. వారు చుట్టుప్రక్కల వారి సహాయంతో మేడ మీదకు వెళ్లారు. బలవంతంగా తలుపులు తెరవడంతో రాజు అర్ధనగ్నంగా, బాలిక ఏడుస్తూ కనిపించారు. దీంతో వారు పోలీసులను ఆశ్రయించారు.
News April 15, 2024
భీమవరంలో రేపు CM జగన్ బహిరంగ సభ
భీమవరంలో మంగళవారం నిర్వహించనున్న ‘మేమంతా సిద్ధం’ భారీ బహిరంగ సభలో సీఎం జగన్ పాల్గొంటారని పార్టీ రాష్ట్ర ప్రధాన కార్యదర్శి తలశిల రఘురాం, ఉభయగోదావరి జిల్లాల రీజనల్‌ కో-ఆర్డినేటర్‌ పెద్దిరెడ్డి మిథున్‌రెడ్డి తెలిపారు. భీమవరంలోని స్థానిక బైపాస్‌ రోడ్డులోని మెంటేవారితోట ప్రాంతంలో శరవేగంగా ఏర్పాట్లు జరుగుతున్నాయి. బహిరంగ సభ అనంతరం సీఎం జగన్ రోడ్డుషో ద్వారా తూర్పుగోదావరి జిల్లాకు పయనమవుతారన్నారు.
News April 15, 2024
గుంటూరు: రూ.100 కోసం ఘర్షణ.. ఒకరి మృతి
పాత గుంటూరులో ఆదివారం ఘోర ఘటన చోటుచేసుకుంది. పాతగుంటూరు పోలీసుల వివరాల ప్రకారం.. గుంటూరు యాదవుల బజారుకు చెందిన దూళ్ళ ప్రభాకర్ (40) స్నేహితుడు పోగుల రాంబాబు వద్ద రూ.100 అప్పుగా తీసుకున్నాడు. గత నెల 31న తనవద్ద అప్పుగా తీసుకున్న డబ్బు తిరిగి ఇచ్చేయాలని ప్రభాకర్‌ను రాంబాబు అడిగాడు. ఈ విషయంలో గొడవ పెద్దదై రాంబాబు పక్కనే ఉన్న ఇనుపరాడ్డుతో ప్రభాకర్ తలపై కొట్టాడంతో తలలో రక్తం గడ్డకట్టి చనిపోయాడు.
News April 15, 2024
కర్నూలు కొండారెడ్డి బురుజు వద్ద బాలకృష్ణ ప్రసంగం
హిందూపురం ఎమ్మెల్యే బాలకృష్ణ ఈనెల నేడు, రేపు కర్నూలు జిల్లాలో పర్యటించనున్నారని టీడీపీ జిల్లా అధ్యక్షుడు బీటీ నాయుడు వెల్లడించారు. నేడు కర్నూలులోని కిమ్స్ హాస్పిటల్ ఆటో స్టాండ్ నుంచి ర్యాలీ ప్రారంభమై కొండారెడ్డి బురుజు వద్ద ప్రజలను ఉద్దేశించి ప్రసంగిస్తారని తెలిపారు. రాత్రికి కర్నూలులోనే బస చేసి, 16న ఎమ్మిగనూరులో సాయంత్రం 4 గంటలకు, కోసిగిలో సాయంత్రం 6 గంటలకు ప్రసంగిస్తారని వివరించారు.
News April 15, 2024
TDP రాష్ట్ర అధికార ప్రతినిధిగా గొంప
విజయనగరం జిల్లాలో టీడీపీ MLA సీటు దక్కని నేతకు పార్టీలో కీలక పదవి లభించింది. S.కోట నియోజకవర్గానికి చెందిన గొంప కృష్ణ ఎమ్మెల్యే సీటు ఆశించారు. మాజీ ఎమ్మెల్యే కోళ్ల లలిత కుమారికి టికెట్ ఇచ్చారు. దీంతో కృష్ణ రెబల్‌గా పోటీ చేయడానికి సన్నద్ధమవుతున్నారు. ఈక్రమంలో ఆయన్ను టీడీపీ రాష్ట్ర పార్టీ అధికార ప్రతినిధిగా నియమించారు. ఇప్పటి వరకు ఆయన రాష్ట్ర కార్యదర్శిగా పని చేశారు.
News April 15, 2024
ఏలూరు: నేటి నుంచి హోమ్ ఓటింగ్ సర్వే
మే 13వ తేదీన జరగనున్న ఎన్నికల్లో 85 ఏళ్లకు పైబడిన, 40% పైబడి వైకల్యం కలిగిన దివ్యాంగులకు ఇంటి నుంచే ఓటు వేసే అవకాశాన్ని ఎన్నికల సంఘం కల్పించింది. కాగా ఆయా కేటగిరీల వారి వివరాల సేకరణకు ఈ నెల 15 నుంచి 17వ తేదీ వరకు సర్వే నిర్వహించనున్నట్లు ఏలూరు నియోజకవర్గ రిటర్నింగ్ అధికారి ముక్కంటి తెలిపారు. ఈ వివరాలను సెక్టార్ అధికారులు ఈ నెల 18 నుంచి 20 వరకు మరోమారు తనిఖీ చేసిన తర్వాత జాబితా రూపొందిస్తారన్నారు.
News April 15, 2024
విశాఖ: అర్ధరాత్రి నుంచి నిలిచిన చేపల వేట
జిల్లాలో ఆదివారం అర్ధరాత్రి నుంచి చేపల వేట నిలిచిపోయింది. ఈ నెల 15 నుంచి జూన్‌ 14 వరకు నిషేధం అమలులో ఉంటుంది. వేటకు విరామంతో ఆదివారం సాయంత్రానికి నూరు శాతం మరబోట్లు తీరానికి చేరుకున్నాయి. సముద్రంలో చేపల వేటపై పది వేల కుటుంబాలకు పైగా జీవిస్తుండగా.. హార్బర్‌పై ప్రత్యక్షంగా, పరోక్షంగా మరో 50 వేల మంది ఆధారపడి ఉన్నారు. నిషేధ సమయంలో నిబంధనలు అతిక్రమిస్తే చర్యలు తప్పవని మత్స్యశాఖ అధికారులు హెచ్చరించారు.
Featured News
Sorry, no posts matched your criteria.