India's largestHyperlocal short
news App
Get daily news updates that are tailored for you based on your preferred language & location.
download Way2News app now
Andhra Pradesh
News April 7, 2024
విజయనగరం: గంజాయితో ముగ్గురు అరెస్ట్
ఎస్.కోట మండలంలో బొలేరోలో తరలిస్తున్న 200 కిలోల గంజాయిని శనివారం స్వాధీనం చేసుకున్నట్లు సీఐ వై.మురళీరావు తెలిపారు. పందిరప్పన్న కూడలి వద్ద ఎస్ఐ గంగరాజు సిబ్బందితో కలిసి వాహన తనిఖీలు చేస్తుండగా.. అరకు నుంచి వచ్చిన వాహనంలో గంజాయి బస్తాలను గుర్తించారన్నారు. గంజాయిని స్వాధీనం చేసుకొని కేసు నమోదు చేశామన్నారు. ముగ్గురు నిందితులను రిమాండుకు తరలించామని పేర్కొన్నారు.
News April 7, 2024
చాట్రాయి: కోనేటి చెరువులో పడి పశువుల కాపరి మృతి
మర్లపాలెం కోనేటి చెరువులో పడి శనివారం పశువుల కాపరి మృతి చెందాడు. స్థానికుల వివరాల ప్రకారం.. చాట్రాయి మండలం మర్లపాలెం గ్రామానికి చెందిన తానంకి చంటి (55) గేదెలు కాయడానికి వెళ్ళి చెరువులో పడి మృతి చెందాడు. చెరువు వద్ద మృతుడి కాలు చెప్పు కనబడటంతో చాట్రాయి ఎస్సై స్వామి దాని ఆధారంగా జాలర్లను తీసుకువచ్చి వెతికించడంతో మృతదేహం దొరికింది.
News April 7, 2024
జగ్గంపేట.. ఈ సారి ఎవరికి కంచు కోట..?
రాజకీయ ఉద్దండుల కోటగా పేరుగాంచిన జగ్గంపేట నియోజకవర్గంలో ఓటర్లు గత ఆరేళ్లుగా భిన్న తీర్పును ఇస్తున్నారు. 1994 నుంచి జరిగిన అసెంబ్లీ ఎన్నికలను పరిశీలిస్తే.. 1994, 1999లో టీడీపీ, 2004, 2009లో కాంగ్రెస్, 2014, 2019లో వైసీపీకి పట్టం కట్టారు. ఒక్కోపార్టీకి 2 సార్లు అవకాశం ఇస్తూ వచ్చిన జగ్గంపేట ఓటర్లు ఈ ఎన్నికల్లో ఎవరికి అవకాశం ఇస్తారో చూడాలి మరి.
– మీ కామెంట్ ఏంటి..?
News April 7, 2024
విశాఖ: హిందుస్థాన్ షిప్ యార్డ్ టర్నోవర్ రూ. 1,597 కోట్లు
హిందుస్థాన్ షిప్ యార్డ్ టర్నోవర్ వరుస ఆర్థిక సంవత్సరాల్లో రూ.478 కోట్ల నుంచి రూ. 1,597 కోట్లకు పెరిగి రికార్డు నెలకొల్పిందని సంస్థ యాజమాన్యం శనివారం తెలియజేసింది. 2020-21 ఆర్థిక ఏడాదిలో రూ.478 కోట్ల టర్నోవర్ ఉన్నప్పటికీ సంస్థ రూ.14 కోట్ల నష్టాల్లో ఉండేది. ఆ తర్వాత 2021-22లో రూ.755 కోట్ల టర్నోవర్కు చేరి రూ.51 కోట్ల లాభం గడించింది. 2022-23లో రూ.1103 కోట్ల టర్నోవర్కు రూ.65 కోట్ల లాభం వచ్చింది.
News April 7, 2024
విశాఖ: వృద్ధురాలిపై అత్యాచారం కేసులో ముగ్గురు అరెస్టు
ఓ వృద్ధురాలు ఇచ్చిన ఫిర్యాదు మేరకు ముగ్గురు యువకుల్ని అత్యాచార నేరం కింద ఎంవీపీ స్టేషన్ పోలీసులు అరెస్టు చేశారు. ఈనెల 4న పెదవాల్తేరులో ఓ వృద్ధురాలు ఒంటరిగా ఇంట్లో ఉందని పసిగట్టిన ముగ్గురు యువకులు ఆమెపై అత్యాచారానికి పాల్పడినట్లు ఫిర్యాదు అందింది. ఈ సంఘటనలో యనమరెడ్డి నరేష్ (21), కృష్ణవంశీ (22), బారిక స్వామి(23)పై అత్యాచార నేరం కింద కేసు నమోదు చేసి అరెస్టు చేసినట్లు సి.ఐ. సంజీవరావు తెలిపారు.
News April 7, 2024
విడుదల రజనీ పై ఎన్నికల అధికారికి ఫిర్యాదు
గుంటూరు పశ్చిమ వైసీపీ అభ్యర్థి విడుదల రజనీ ఎలక్షన్ కోడ్‌ను ఉల్లంఘించారని ముస్లిం సేనా రాష్ట్ర అధ్యక్షులు షేక్ సుభాని తెలిపారు. ఎన్నికల కోడ్‌కి విరుద్ధంగా మసీదులలో ఎన్నికల ప్రచారం చేస్తున్నారని అన్నారు. ఈ మేరకు గుంటూరు పశ్చిమ ఎన్నికల అధికారి రాజ్యలక్ష్మిని షేక్ సుభాని శనివారం కలిసి ఫిర్యాదు చేశారు. రజినీ పై చట్టపరమైన చర్యలు తీసుకోవాలని సూచించారు.
News April 7, 2024
3 నెలలు బిల్లు కట్టకపోతే కనెక్షన్ కట్: ఈఈ
నెల్లూరు నగరంలో విద్యుత్ బకాయిలను వేగవంతం చేసి వంద శాతం వసూళ్లకు ప్రతి ఒక్కరూ కృషి చేయాలని విద్యుత్ శాఖ ఈఈ సోమశేఖర్ రెడ్డి అధికారులను ఆదేశించారు. 3 నెలలు బిల్లులు చెల్లించకపోతే కనెక్షన్ తొలగించాలని సూచించారు. వేసవి నేపథ్యంలో అదనపు లోడు అవసరమైన ప్రాంతాల్లో విద్యుత్ ట్రాన్స్ ఫార్మర్లను ఏర్పాటు చేయాలన్నారు.
News April 7, 2024
సత్యవేడు: మద్యం మత్తులో బావిలో పడి మృతి
మద్యం మత్తులో బావిలో స్నానం చేయడానికి వెళ్లి ఓ వ్యక్తి మృతి చెందిన ఘటన సత్యవేడు మండలంలో చోటుచేసుకుంది. ఎలుమలై (44) అనే వ్యక్తి మద్యం మత్తులో మండలంలోని నాగాలమ్మ దేవాలయం వద్ద బావిలో స్నానం చేయడానికి వెళ్లి మృతి చెందాడు. కేసు నమోదు చేసి దర్యాప్తు చేస్తున్నట్లు ఎస్సై వీరాంజనేయులు తెలిపారు. సంఘటనపై పోలీసులు దర్యాప్తు చేపట్టారు.
News April 7, 2024
అనంతజిల్లాలో మరో ఇద్దరిపై సస్పెన్షన్ వేటు
అనంతపురం జిల్లాలో ఎన్నికల ప్రవర్తన నియమావళిని ఉల్లంఘించిన ఇద్దరిని కలెక్టర్‌ వి.వినోద్‌కుమార్‌ శనివారం సస్పెండ్‌ చేశారు. గార్లదిన్నె మండలం ఇల్లూరు గ్రామ వాలంటీరు పి.రమేశ్, యాడికి మండలం రాయలచెరువు-7 అంగన్‌వాడీ వర్కర్‌ పి.అనసూయ సస్పెన్షన్‌కు గురయ్యారు. ఇదిలా ఉండగా.. ఎఫ్‌ఎస్‌, ఎస్‌ఎస్‌ టీముల ద్వారా ఇప్పటి వరకు రూ.2,05,00,563 నగదు సీజ్‌ చేశారు.
News April 7, 2024
చేజర్ల: కన్నతండ్రికి కొరివి పెట్టని కొడుకు, కూతురు
చేజర్ల మండలం కోటితీర్థం గ్రామంలో శనివారం కోటారెడ్డి అనే వృద్ధుడు ఉరేసుకుని ఆత్మహత్య చేసుకున్నాడు. జలదంకి మండలం బ్రాహ్మణకాకు చెందిన ఇతను 5 ఏళ్లుగా కోటి తీర్ధంలోని వెంకయ్యస్వామి ఆశ్రమంలో జీవనం సాగిస్తున్నట్లు తెలుస్తోంది. మృతుడికి కుమారుడు, ఇద్దరు కుమార్తెలు ఉండగా… మృతదేహాన్ని తీసుకువెళ్లేందుకు ఎవరూ ముందుకు రానట్లు స్థానికులు చెబుతున్నారు.
Featured News
Sorry, no posts matched your criteria.