• Download our app

Andhra Pradesh

News April 4, 2024

ప.గో : రోడ్డు ప్రమాదంలో ముగ్గురు మృతి

image

పెందుర్తి అక్కిరెడ్డిపాలెంలో జరిగిన ఘోర రోడ్డు ప్రమాదంలో పశ్చిమ గోదావరి జిల్లా వాసులు మృతి చెందారు. టాటా ఏస్ వ్యాన్‌ని లారీ ఢీకొట్టిన ఘటనలో అక్కడికక్కడే ముగ్గురు మృతి చెందగా.. మరో 10 మందికి తీవ్రగాయాలయ్యాయి. మృతులంతా కొవ్వూరుకు చెందిన వారిగా పోలీసులు గుర్తించారు. క్షతగాత్రులను కేజీహెచ్‌కి పోలీసులు తరలించారు. కేసు నమోదు చేసి దర్యాప్తు చేస్తున్నట్లు పేర్కొన్నారు.

News April 4, 2024

SKLM: వైసీపీలో రాజీనామాల కలకలం

image

ఉమ్మడి శ్రీకాకుళం జిల్లాలో వరుస రాజీనామాలతో YCP సతమతం అవుతోంది. తనకు పార్టీలో అవమానం జరిగిందంటూ కేంద్ర మాజీ మంత్రి కిల్లి కృపారాణి YCPని వీడారు. తర్వాత ఆమె అడుగులు ఎటు వైపు అనేది తెలియాల్సి ఉంది. మరో YCP సీనియర్ నేత, రణస్థలం వ్యవసాయ సలహా మండలి సభ్యుడు పైడి శ్రీనివాసరావు పార్టీపై ధిక్కార స్వరం వినిపించారు. ఏకంగా ఎచ్చెర్ల ఇండిపెండెంట్ MLA అభ్యర్థిగా పోటీ చేస్తానని ప్రకటించడం ప్రకంపనలు రేపుతోంది.

News April 4, 2024

పెందుర్తి: రోడ్డు ప్రమాదంలో ముగ్గురు మృతి

image

పెందుర్తి అక్కిరెడ్డిపాలెంలో ఈరోజు ఉదయం ఘోర రోడ్డు ప్రమాదం చోటు చేసుకుంది. టాటా ఏసీ వ్యాన్‌ని లారీ ఢీకొట్టిన ఘటనలో అక్కడికక్కడే ముగ్గురు మృతి చెందారు. మరో 10 మందికి తీవ్రగాయాలయ్యాయి. మృతులంతా పశ్చిమగోదావరి జిల్లా కొవ్వూరుకు చెందిన వారిగా పోలీసులు గుర్తించారు. క్షతగాత్రులను కేజీహెచ్‌కి పోలీసులు తరలించారు. కేసు నమోదు చేసి దర్యాప్తు చేస్తున్నట్లు పేర్కొన్నారు.

News April 4, 2024

అనంత: కొండలో చిరుత పులి మృతి

image

పెద్దవడుగూరు మండలం భీమునిపల్లి శివారులోని కొండలో బుధవారం ఓ చిరుతపులి మృతి చెందింది. స్థానికులు గమనించి అటవీ శాఖ అధికారులకు సమాచారం అందించారు. అటవీశాఖ అధికారులు ఘటనా స్థలానికి చేరుకొని చిరుత మృతదేహాన్ని పరిశీలించి పోస్టుమార్టం నిమిత్తం పశువైద్యశాలకు తరలించారు. అనారోగ్యం కారణంగా మృతి చెందిందా..? లేక ఇతర కారణాలవల్ల మృతి చెందిందా..? అనే కోణంలో విచారణ చేపట్టారు.

News April 4, 2024

నెల్లూరు: నేటి నుంచి ఒక్కపూట అంగన్వాడీ

image

రోజు రోజుకు ఎండలు పెరుగుతున్న నేపథ్యంలో అంగన్వాడీ కేంద్రాలను ఒంటి పూట నిర్వహించేందుకు ఉన్నతాధికారులు చర్యలు చేపట్టారు. ఈ మేరకు ఐసీడీఎస్ పీడీ హేనా సుజన్ ఉత్తర్వులు జారీ చేశారు. నెల్లూరు జిల్లా వ్యాప్తంగా రోజూ ఉదయం 8 గంటల నుంచి మధ్యాహ్నం 12 గంటల వరకు అంగన్వాడీ కేంద్రాలను నిర్వహించాలని పీడీ ఆదేశించారు.

News April 4, 2024

కడప: వాహన తనిఖీల్లో రూ.10 లక్షలు సీజ్

image

కొండాపురం మండలం కె.సుగుమంచిపల్లె చెక్ పోస్ట్ వద్ద బుధవారం సాయంత్రం పోలీసులు రూ.10 లక్షల నగదును సీజ్ చేశారు. తాళ్లప్రొద్దుటూరు ఎస్ఐ చంద్రశేఖర్ ఆధ్వర్యంలో వాహనాల తనిఖీలు చేస్తుండగా ఈ నగదును స్వాధీన పరచుకున్నారు. అనంతపురం నుంచి ప్రొద్దుటూరుకు కారులో ఓ మహిళ వెళుతుండగా ఆమె నుంచి ఈ మొత్తాన్ని స్వాధీనం చేసుకున్నారు. నగదుకు సంబంధించిన సరైన ఆధారాలు చూపకపోవడంతో సీజ్ చేసినట్లు ఎస్ఐ తెలిపారు.

News April 4, 2024

శ్రీకాకుళం: 93 వేల మందికి నగదు అందజేత

image

శ్రీకాకుళం జిల్లాలో అన్ని రకాల పింఛన్లకు సంబంధించి మొత్తం 3,21,662 మందికి సొమ్ము విడుదల చేశారు. బుధవారం 93,669 మందికి(29.12శాతం) పింఛన్ నగదు అందించారు. ఇంకా 2,27,993 మందికి డబ్బులను అందించాల్సి ఉంది. పింఛన్ల పంపిణీ ప్రాంతాల్లో టెంట్లు, నీటి వసతి సౌకర్యాలు లేకపోవడంతో లబ్ధిదారులు అసౌకర్యానికి గురయ్యారు.

News April 4, 2024

చీరాలలో TDP రెబల్ అభ్యర్థిగా పోటీ

image

చీరాలలో టీడీపీ రెబల్ అభ్యర్థి తయారయ్యారు. రానున్న ఎన్నికల్లో తాను ఇండిపెండెంట్ గా పోటీ చేస్తున్నట్లు పొన్నూరు మున్సిపల్ మాజీ చైర్ పర్సన్ డాక్టర్ సజ్జా హేమలత బుధవారం మీడియా సమావేశంలో ప్రకటించారు. ప్రజారాజ్యం, వైసీపీ తదితర పార్టీలు మారిన హేమలతకు టీడీపీ పొన్నూరు మున్సిపల్ ఛైర్మన్ పదవి ఇచ్చింది. అయితే ఆమె ఈ ఎన్నికల్లో చీరాల అసెంబ్లీ టీడీపీ టికెట్ ఆశించారు. అది రాకపోవడంతో తిరుగుబాటు చేశారు.

News April 4, 2024

కృష్ణా జిల్లాలో రోడ్డు ప్రమాదం.. దంపతుల మృతి

image

జాతీయ రహదారిపై రోడ్డు ప్రమాదంలో వృద్ధ దంపతులు మృతి చెందారు. స్థానికుల వివరాల ప్రకారం.. గురువారం ఘంటసాల మండలం లంకపల్లి వద్ధ ఈ ప్రమాదం చోటుచేసుకుంది. చల్లపల్లి మండలం మాజేరు శివారు పచ్చార్లంకకు చెందిన దాసరి నాగేశ్వరరావు- సరోజినీ దంపతులు ద్విచక్ర వాహనంపై తెల్లవారు జామున లంకపల్లి వస్తుండగా లారీని ఢీకొని అక్కడికక్కడే మృతి చెందారు.

News April 4, 2024

VZM: రోడ్డు ప్రమాదంలో వ్యక్తి మృతి

image

కురుపాం మండలం కాకిలి గ్రామానికి చెందిన కడ్రక సతీశ్ (30), శ్రీకాకుళం జిల్లాలో జరిగిన రోడ్డు ప్రమాదంలో మృతిచెందాడు. పోలీసుల వివరాల ప్రకారం.. సతీశ్ శ్రీకాకుళం జిల్లా కీసరజోడులో పెళ్లికి బైక్‌పై వెళ్లాడు. చిన్నబగ్గ- కె గుమ్మడ రోడ్డులో తిరిగి వస్తుండగా, పాలకొండ నుంచి కొత్తూరు వైపు వెళ్తున్న వ్యాన్ ఢీకొనడంతో అక్కడికక్కడే మృతిచెందాడు. ఘటనపై కేసు నమోదుచేసినట్లు ఎస్సై జగదీశ్ తెలిపారు.

Featured News

Sorry, no posts matched your criteria.

↑