India's largestHyperlocal short
news App
Get daily news updates that are tailored for you based on your preferred language & location.
download Way2News app now
Andhra Pradesh
News April 3, 2024
కృష్ణా: పీహెచ్‌డీ/ఎం.ఫిల్ విద్యార్థులకు ముఖ్య గమనిక
కృష్ణా వర్సిటీ పరిధిలో పీహెచ్‌డీ/ఎం.ఫిల్ పార్ట్-1 విద్యార్థులు రాయాల్సిన థియరీ పరీక్షల (రెగ్యులర్ & సప్లిమెంటరీ) టైం టేబుల్ విడుదలైంది. ఏప్రిల్ 25, 26, 27 తేదీల్లో ఉదయం 10 గంటల నుంచి మధ్యాహ్నం ఒంటిగంట వరకు ఈ పరీక్షలు నిర్వహిస్తామని KRU పరీక్షల విభాగం తెలిపింది. సబ్జెక్టువారీగా షెడ్యూల్ వివరాలకు విద్యార్థులు KRU అధికారిక వెబ్‌సైట్ చెక్ చేసుకోవాలని సూచించింది.
News April 3, 2024
ఎన్నికల శిక్షణకు గైర్హాజరైతే కఠిన చర్యలు: కలెక్టర్
భారత ఎన్నికల సంఘం మార్గదర్శకాల ప్రకారం ఎన్నికల విధులు కేటాయించబడిన ప్రిసైడింగ్ అధికారులు 100 శాతం ఎన్నికల శిక్షణకు హాజరు కావాలని కలెక్టర్ హరినారాయణన్ తెలిపారు. హాజరు కాని సిబ్బంది పోలింగ్ విధుల్లో పాల్గొనేందుకు అనర్హులని పేర్కొన్నారు. ఎవరైతే శిక్షణకు గైర్హాజరవుతారో వారిపై పోలీస్ కేసులు నమోదు చేసి కఠిన చర్యలు తీసుకుంటామన్నారు. ఎన్నికలు ప్రశాంతంగా జరిగేందుకు అన్ని ఏర్పాట్లు చేస్తున్నామన్నారు
News April 3, 2024
తూ.గో: మంత్రి వేణు వ్యాఖ్యలపై మీ కామెంట్..?
వాలంటీర్లపై టీడీపీ కక్ష కట్టిందని సమాచార శాఖ మంత్రి, రూరల్ వైసీపీ ఎమ్మేల్యే అభ్యర్థి చెల్లుబోయిన వేణుగోపాలకృష్ణ ఆరోపించారు. మంగళవారం కడియంలోని గిరజాల రైస్‌మిల్ ఆవరణలో మాజీ ఎంపీ గిరజాల వెంకటస్వామి నాయుడుతో కలిసి ఆయన మీడియాతో మాట్లాడారు. ప్రభుత్వానికి, ప్రజలకు వారధిగా నిలుస్తూ ఎందరో వికలాంగులకు, వృద్ధులకు సేవలందిస్తున్న వాలంటీర్లను కించపరచడం టీడీపీకి తగదన్నారు.
– మంత్రి వ్యాఖ్యలపై మీ కామెంట్..?
News April 3, 2024
బాపట్ల కాంగ్రెస్ పార్టీ ఎంపీ అభ్యర్థి జేడీ శీలం నేపథ్యమిదే..
బాపట్ల కాంగ్రెస్ పార్టీ పార్లమెంట్ అభ్యర్థిగా జేడీ శీలం పోటీ చేయనున్నారు. పెద‌నందిపాడు మండ‌లం పూసులూరులో జ‌న్మించిన జేసుదాసు శీలం.. ఎస్సీ సామాజిక వ‌ర్గానికి చెందిన వ్యక్తి. గుంటూరు ఏసీ కళాశాలలో బీఎస్సీ, ఆంధ్ర యూనివర్సిటీలో ఏంఎస్సి పూర్తి చేశారు. 1984-99 మధ్య IAS అధికారిగా ఉన్నారు. 1999 లోక్‌సభ ఎన్నికల్లో బాపట్ల నుంచి పోటీచేసి ఓటపోయారు. 2004 నుంచి 2016 వరకు రాజ్య‌స‌భ స‌భ్యుడిగా ఉన్నారు.
News April 2, 2024
ప.గో.: రూ.50 వేలకు మించి తీసుకెళ్తే నగదు సీజ్
ఎన్నికల నేపథ్యంలో ఉమ్మడి పశ్చిమ గోదావరి జిల్లా వ్యాప్తంగా పోలీసులు ఎక్కడికి అక్కడ వాహన తనిఖీలను ముమ్మరంగా చేపడుతున్నారు. ఈ నేపథ్యంలో 50 వేలకు మించి నగదు సరైన ధ్రువపత్రాలు లేకుండా తరలిస్తే సీజ్ చేస్తున్నారు. కావున నగదు తీసుకెళ్లే వారు తప్పనిసరిగా సంబంధిత పత్రాలు ఉండేలా చూసుకోవాలని అధికారులు సూచిస్తున్నారు.
News April 2, 2024
గుంటూరు: రూ. 1,84,77,900 విలువైన నగదు, మద్యం సీజ్
సార్వత్రిక ఎన్నికల నేపథ్యంలో మంగళవారం జిల్లాలో ఫ్లయింగ్ స్క్వాడ్‌లు జరిపిన తనిఖీలలో మంగళగిరి పరిధిలో 19.5 లీటర్ల మద్యం స్వాధీనం చేసుకున్నారు. తాడికొండ పరిధిలో రూ.1,24,350 నగదు, గుంటూరు తూర్పు పరిధిలో రూ.1,75,000 నగదు సీజ్ చేశారు. జిల్లాలో ఇప్పటి వరకు 1,84,77,900ల విలువైన నగదు, మద్యం, ఇతర వస్తువులను సీజ్ చేసినట్లు అధికారులు వెల్లడించారు.
News April 2, 2024
ఎన్టీఆర్: పన్ను చెల్లింపుదారులకు పోలీసుల హెచ్చరికలు
ఆదాయ పన్ను చెల్లించేవారిని లక్ష్యంగా చేసుకుని సైబర్ నేరగాళ్లు సందేశాలు, లింకులు పంపుతున్నారని ఎన్టీఆర్ జిల్లా సీపీ TK రాణా కార్యాలయం ఒక ప్రకటన విడుదల చేసింది. ఆదాయ పన్ను రిఫండ్ కోసమంటూ వారు పంపే లింక్స్ క్లిక్ చేయొద్దని, అపరిచిత వ్యక్తులకు బ్యాంకు ఖాతాల వివరాలు చెప్పవద్దని TK రాణా సూచించారు. అనుమానాస్పద లింకులు క్లిక్ చేసి సైబర్ నేరగాళ్ల బారిన పడవద్దని ఆయన జిల్లా ప్రజానీకాన్ని హెచ్చరించారు.
News April 2, 2024
టీడీపీలో చేరిన వైసీపీ మాజీ ఎమ్మెల్యే అభ్యర్థి కుమారులు
తాడిపత్రి వైసీపీ మాజీ సమన్వయకర్త VR రామిరెడ్డి కుమారులు మంగళవారం టీడీపీ తీర్థం పుచ్చుకున్నారు. VR రామిరెడ్డి 2014 ఎన్నికల్లో తాడిపత్రి వైసీపీ అభ్యర్థిగా పోటీ చేసి ఓడిపోయారు. టీడీపీ అధినేత చంద్రబాబు సమక్షంలో తాడిపత్రి మాజీ ఎమ్మెల్యే జేసీ ప్రభాకర్ రెడ్డితో కలిసి VR రామిరెడ్డి కుమారులు VR వెంకటేశ్వర రెడ్డి, VR విగ్నేశ్వర రెడ్డి టీడీపీలో చేరారు.
News April 2, 2024
విజయనగరం: జనసేనలో చేరిన వాలంటీర్
విజయనగరం నియోజకవర్గంలో 37వ డివిజన్ స్థానిక బీసీ కాలనీలో వాలంటీర్‌గా పని చేస్తున్న గోక చక్రధార్ జనసేనలో చేరాడు. పార్టీ అధ్యక్షుడు పవన్ కల్యాణ్ సిద్ధాంతాలు నచ్చి రాజీనామా చేసి జనసేన పార్టీ రాష్ట్ర ప్రధాన కార్యదర్శి పాలవలస యశస్వి ఆధ్వర్యంలో కొర్నాన రామకృష్ణ సమక్షంలో మంగళవారం జనసేనలో చేరారు. ఈ సందర్భంగా ఆయన మాట్లాడుతూ.. జనసేననీ మరింత బలోతం చేసే దిశగా పని చేస్తామని తెలిపారు.
News April 2, 2024
అనంతపురం కలెక్టర్ బదిలీ.. ఇన్‌ఛార్జ్ కలెక్టర్‌గా కేతన్ గార్గ్
అనంతపురం జిల్లా కలెక్టర్‌గా విధులు నిర్వహిస్తున్న గౌతమిని బదిలీ చేస్తూ ప్రభుత్వ ప్రధాన కార్యదర్శి ఆదేశాలు జారీ చేశారు. ఎన్నికల కమిషనర్ ఆదేశాల మేరకు బదిలీ చేసినట్లు ఉత్తర్వుల్లో పేర్కొన్నారు. వెంటనే వారికి కేటాయించిన విధుల నుంచి తప్పుకోవాలని పేర్కొన్నారు. జాయింట్ కలెక్టర్ కేతన్ గార్గ్‌కి జిల్లా కలెక్టర్ ఎం.గౌతమి ఇన్‌ఛార్జ్ జిల్లా కలెక్టర్‌గా బాధ్యతలు అప్పగించారు.
Featured News
Sorry, no posts matched your criteria.