India's largestHyperlocal short
news App
Get daily news updates that are tailored for you based on your preferred language & location.
download Way2News app now
Andhra Pradesh
News March 21, 2024
కొండపి: తొలిరౌండ్ పొగాకు అమ్మకాలు పూర్తి
కొండపిలోని వేలం కేంద్రంలో తొలిరౌండ్ పొగాకు అమ్మకాలు బుధవారంతో పూర్తయ్యాయని వేలం నిర్వహణాధికారి జి.సునీల్ కుమార్ తెలిపారు. రెండో రౌండ్ గురువారం నుంచి మొదలవుతుందన్నారు. ఇందులో బ్యారన్‌కు 4బేళ్ల చొప్పున విక్రయాలకు అనుమతించామన్నారు. రైతులు గ్రేడింగ్ సరిగ్గా చేసుకొని బేళ్లను వేలానికి తీసుకువచ్చి గిట్టుబాటు ధరలు పొందాలని ఆయన విజ్ఞప్తి చేశారు.
News March 21, 2024
పల్నాడు: సజావుగా పదో తరగతి పరీక్షలు
జిల్లాలో పదో తరగతి పరీక్షలు సజావుగా నిర్వహిస్తున్నట్లు డీఈవో ఎం. వెంకటేశ్వర్లు తెలిపారు. 127 కేంద్రాల్లో బుధవారం విద్యార్థులకు ఆంగ్ల పరీక్ష నిర్వహించారు. జిల్లాలో 25,423 మందికి 24,931 మంది హాజరయ్యారు. ఫ్లైయింగ్ స్వ్కాడ్ బృందాలు 60 కేంద్రాల్లో తనిఖీ చేసినట్లు తెలిపారు. మాల్ ప్రాక్టీసు కేసులు నమోదు కాలేదని వెల్లడించారు. తాను వినుకొండలో మూడు కేంద్రాలను తనిఖీ చేసినట్లు చెప్పారు.
News March 21, 2024
కడప జిల్లాలో 8 మంది డీబార్
సార్వత్రిక పరీక్షలు అక్రమాలకు పాల్పడిన జమ్మలమడుగు జిల్లా పరిషత్ బాలిక పాఠశాల కేంద్రంలో 8 మంది విద్యార్థులను డీబార్ చేసినట్లు డీఈఓ అనురాధ తెలిపారు. అక్కడ విధులు నిర్వహిస్తున్న చీఫ్ సూపరింటెండెంట్ డిపార్ట్మెంట్ అధికారులు తొలగించినట్లు చెప్పారు. కొత్తవారిని నియమించినట్లు తెలిపారు. బుధవారం జరిగిన పదో తరగతి ఆంగ్ల పరీక్షకు 2138 మందికి 1947 మంది హాజరయినట్లు తెలిపారు.
News March 21, 2024
ప.గో జిల్లాలో పది లక్షల కిలోల పొగాకు కొనుగోళ్లు
ఉమ్మడి జిల్లాలోని 5 పొగాకు వేలం కేంద్రాల్లో బుధవారానికి మిలియన్‌ (పదిలక్షల) కిలోల పొగాకు కొనుగోళ్లు పూర్తయ్యాయి. ఈ నెల 6న వేలం ప్రారంభమైంది. కిలో రూ.240 గరిష్ఠ ధర నమోదు కాగా సగటు ధర రూ.239.46 లభించింది. ఎన్‌ఎల్‌ఎస్‌లో దాదాపు 60 మిలియన్‌ కిలోలకుపైగా పొగాకు పండింది. అలాగే ఒకవైపు వేలం.. మరోవైపు సాగు.. ఓవైపు పొగాకు వేలం జరుగుతుండగా.. మరోవైపు నాట్లు వేస్తున్నట్లు అధికారులు తెలిపారు.
News March 21, 2024
పాడేరు: పెరుగుతున్న పసుపు ధర
గిరిజనులు పండించే పసుపు ధర రోజురోజుకూ పెరుగుతోంది. గత ఏడాది ఇదే సీజన్‌లో కిలో పసుపు రూ.45 నుంచి రూ.55 వరకు అమ్మకాలు జరిగాయి. ఈ ఏడాది పసుపు ప్రారంభం నుంచి రూ.80 నుంచి 140 వరకు మార్కెట్‌లో వ్యాపారులు పోటీపడి మరీ కోనుగోలు చేస్తున్నారు. ఈ ఏడాది గిరిజన సహకార సంస్థ వారపు సంతలోని కనీసం పసుపు, మిరియాల ధరలు కూడా ప్రకటన చేయలేదని, అది చేసి ఉంటే మరింత ధర పలుకుతుందని గిరిజన రైతులు చెబుతున్నారు.
News March 21, 2024
బాపట్ల: ఆంగ్ల పరీక్షకు 95 శాతం హాజరు
పదో తరగతి ఆంగ్ల పరీక్షకు జిల్లాలో 108 కేంద్రాల్లో 16,952 మంది హాజరు కావాల్సి ఉంది. అందులో 16,424 హాజరు కాగా 528 మంది గైరాజరయ్యారని జిల్లా విద్యాశాఖ అధికారి నారాయణరావు తెలిపారు. ఈ సందర్భంగా ఆయన అద్దంకి, చీరాలలోని పరీక్ష కేంద్రాలను పరిశీలించారు. ఫ్లయింగ్ స్క్వాడ్ 28కేంద్రాల్లో విద్యార్థులను తనిఖీ చేశారు.
News March 21, 2024
విశాఖ స్టీల్ ప్లాంట్‌కి షాక్
విశాఖ ఉక్కును విద్యుత్ బిల్లుల గండం మరింత భయపెడుతోంది. బాయిలర్ బొగ్గు కొరతతో ప్లాంట్‌లోని 315 మెగావాట్ల సొంత థర్మల్ విద్యుత్ ఉత్పత్తి పూర్తిగా పడిపోయింది. ఈపీడీసీఎల్ నుంచి విద్యుత్‌ని ఉపయోగించుకుంటున్నారు. ప్రస్తుతం చెల్లించాల్సిన బకాయిలు రూ.60 కోట్ల వరకు ఉన్నట్లు సమాచారం. ఇవి చెల్లించకపోతే సరఫరా నిలిపివేస్తామంటూ ఈపీడీసీఎల్ హెచ్చరిస్తూ నోటీసులిచ్చినట్లు తెలుస్తోంది.
News March 21, 2024
విజయవాడ: ప్రకాశం బ్యారేజీ వద్ద ప్రత్యేక చెక్ పోస్ట్
ఎన్నికల నేపథ్యంలో ప్రకాశం బ్యారేజీ వద్ద వాహనాలు తనిఖీ చేసేందుకు ప్రత్యేక చెక్ పోస్టును ఏర్పాటు చేశారు. ఈ సందర్భంగా సీపీ మాట్లాడుతూ.. ఎన్నికల కోడ్ అమల్లో ఉన్నందున ఎన్టీఆర్, గుంటూరు జిల్లాల సరిహద్దులో ప్రకాశం బ్యారేజ్ చెక్ పోస్ట్ కీలకమైందన్నారు. ప్రతి వాహనాన్ని క్షుణ్నంగా తనిఖీ చేసిన తరువాత మాత్రమే వదిలేందుకు అధికారులు, సిబ్బంది చర్యలు తీసుకుంటారని చెప్పారు.
News March 21, 2024
విజయవాడ: ఇన్విజిలేటర్‌కు దొరికిన నకిలీ విద్యార్థి
ఓపెన్ టెన్త్ పరీక్షల్లో.. ఒక విద్యార్థికి బదులు మరొకరు పరీక్ష రాస్తూ ఇన్విజిలేటర్‌కు పట్టుబడ్డారు. దీంతో పరీక్షా కేంద్రం సూపరింటెండెంట్ విజయలక్ష్మి అజిత్ సింగ్ నగర్ పోలీసులకు ఫిర్యాదు చేయగా, కేసు నమోదు చేశారు. పోలీసులు తెలిపిన వివరాల ప్రకారం సీతారామయ్య అనే విద్యార్థికి బదులు జోసెఫ్ అనే విద్యార్థి పరీక్ష రాస్తున్నట్లు గుర్తించామని చెప్పారు.
News March 21, 2024
పొందూరు: కాళింగ కార్పొరేషన్ చైర్మన్‌పై నిబంధనల ఉల్లంఘన కేసు
ఎన్నికల నిబంధనలను ఉల్లంఘించినందుకు రాష్ట్ర కాళింగ కార్పొరేషన్ చైర్మన్ రామారావు‌పై బుధవారం పోలీసులు కేసు నమోదు చేశారు. పొందూరు మండలం తోలాపి జడ్పీ ఉన్నత పాఠశాల ప్రాంగణంలో ఈనెల 17న రాజకీయ పార్టీ నాయకులతో కలిసి ఆత్మీయ సభ నిర్వహించారు. పాఠశాల హెచ్ఎంగా తన అనుమతి లేకుండా సభ నిర్వహించినట్లు ఫిర్యాదు చేశారు. హెచ్ఎం, ఎంపీడీవోల ఫిర్యాదుతో కేసు నమోదు చేశామని ఎస్సై రవికుమార్ తెలిపారు.
Featured News
Sorry, no posts matched your criteria.