India's largestHyperlocal short
news App
Get daily news updates that are tailored for you based on your preferred language & location.
download Way2News app now
Andhra Pradesh
News March 24, 2024
విశాఖ: సినీ నటి సౌమ్యశెట్టి కేసు రగడ
చోరీ కేసులో సినీ నటి సౌమ్యశెట్టి అరెస్ట్ వ్యవహారం వివాదాస్పదమవుతోంది. రైల్వే న్యూకాలనీలోని స్నేహితురాలు మౌనిక పుట్టింట్లో సౌమ్యశెట్టి 75 తులాల బంగారం అపహరించేదనే అభియోగంపై ఫోర్త్‌ టౌన్ క్రైమ్‌ పోలీసులు ఆమెను అరెస్ట్ చేయడం తెలిసిందే. బెయిల్‌పై బయటకు వచ్చిన ఆమె తనను అన్యాయంగా చోరీ కేసులో ఇరికించారంటూ సోషల్‌ మీడియాలో పోస్ట్‌ చేయడంతోపాటు పలు యూట్యూబ్‌ ఛానళ్లకు ఇచ్చిన ఇంటర్వ్యూల్లో ఆరోపించారు.
News March 24, 2024
ప్రకాశం: భార్యను హత్యచేసిన భర్త అరెస్ట్
వేటపాలెం మండల పరిధిలోని రోశయ్య కాలనీకి చెందిన దేవర లక్ష్మీ(35)ని హత్యచేసిన కేసులో భర్త లక్ష్మీనారాయణను చీరాల టూ టౌన్ పోలీసులు అరెస్ట్ చేశారు. పోలీసులు తెలిపిన ప్రకారం.. గత బుధవారం గ్రామ శివారు ప్రాంతంలోని పొలాల్లోకి భార్యను తీసుకెళ్లి హతమార్చి పరారయ్యాడు. కేసు నమోదు చేసుకున్న పోలీసులు సీఐ సోమశేఖర్ ఆధ్వర్యంలో గాలింపు చర్యలు చేపట్టారు. నిందితుడిని అదుపులోకి తీసుకుని విచారిస్తున్నారు.
News March 24, 2024
కడప: రోడ్డు ప్రమాదంలో ఇద్దరు మృతి
రోడ్డు ప్రమాదంలో పెద్దముడియం మండలం బలపనగూడూరుకి చెందని ఇద్దరు వ్యక్తులు శనివారం మృతి చెందిన ఘటన ఆలస్యంగా వెలుగులోకి వచ్చింది. గ్రామానికి చెందిన ఏసోబు, బండెన్న బేల్దారి పని నిమిత్తం 2 రోజుల క్రితం బైకులో అనంతపురం జిల్లాకు వెళ్లారు. పనులు ముగించుకుని శనివారం స్వగ్రామానికి వస్తుండగా రోటరీపురం వద్ద ఓ కళాశాల బస్సు వీరి బైకును ఢీకొట్టింది. దీంతో ఇద్దరూ తీవ్రంగా గాయపడి అక్కడికక్కడే మృతి చెందారు.
News March 24, 2024
చిత్తూరు: ముగ్గురు వాలంటీర్ల తొలగింపు
చిత్తూరు జిల్లా సదుం మండలం ఊటుపల్లె సచివాలయ పరిధిలో పనిచేస్తున్న ముగ్గురు వాలంటీర్లను విధుల నుంచి తొలగిస్తూ ఎంపీడీవో రాజశేఖర్ బాబు ఉత్తర్వులు జారీ చేశారు. B.గురుమూర్తి, ఎం.ఈశ్వ రయ్య, కె.బాలాజీ ఈనెల 19న వైసీపీ నిర్వహించిన బైకు ర్యాలీలో పాల్గొన్నారు. ఎన్నికల నియమావళిని ఉల్లంఘించారని బీసీవై పార్టీ నాయకులు జిల్లా అధికారులకు ఫిర్యాదు చేయడంతో చర్యలు తీసుకున్నట్లు ఎంపీడీవో వివరించారు.
News March 24, 2024
ప్రత్యర్థులుగా రిటైర్డ్ ఉన్నత ఉద్యోగులు!
అంబేడ్కర్ కోనసీమ జిల్లా పి.గన్నవరం ‘కూటమి’ టికెట్‌పై సందిగ్ధత తొలగింది. ముందు TDP నుంచి రాజేశ్‌కు టికెట్ దక్కగా.. అసమ్మతి నేపథ్యంలో ఆ టికెట్ జనసేన ఖాతాలోకి వెళ్లింది. ఇక్కడి నుంచి గిడ్డి సత్యనారాయణ పోటీ చేయనున్నారు. వైసీపీ నుంచి విప్పర్తి వేణుగోపాల్ బరిలో ఉన్నారు. విప్పర్తి ఇరిగేషన్ శాఖలో.. గిడ్డి పోలీస్ శాఖలో ఉన్నత ఉద్యోగాలు చేసి రిటైర్ అయ్యారు. వీరిద్దరూ తొలిసారి అసెంబ్లీ బరిలో నిలుస్తున్నారు.
News March 24, 2024
శెట్టూరు-కుందుర్పి రహదారిపై రోడ్డు ప్రమాదం
శెట్టూరు మండలం కంబాలపల్లి వద్ద శనివారం రాత్రి జరిగిన రోడ్డు ప్రమాదంలో కంబాలపల్లికి చెందిన గొల్ల తిమ్మయ్య (30) మృతి చెందగా, ప్రసాద్ గాయపడినట్లు స్థానికులు తెలిపారు. వారు బైక్‌పై కుందుర్పికి వెళ్లి వస్తుండగా ఎద్దుల బండిని ఢీకొట్టడంతో ప్రమాదం జరిగింది. ఈ ప్రమాదంలో గొల్ల తిమ్మయ్య తల, పొట్ట భాగంలో బలమైన గాయాలయ్యాయి. చికిత్స నిమిత్తం కళ్యాణదుర్గం ఆసుపత్రికి తీసుకెళ్తుండగా మార్గమధ్యలో చనిపోయారు.
News March 24, 2024
విశాఖ: షిప్‌యార్డులో బెల్జియన్‌ డ్రెడ్జర్‌కు మరమ్మతులు
బెల్జియన్‌కు చెందిన డ్రెడ్జర్‌కు అనుకున్న సమయం కంటే రెండు రోజుల ముందే మరమ్మతులు పూర్తిచేసి విశాఖలోని షిప్‌యార్డు మరో రికార్డును సొంతం చేసుకుంది. ఈ డ్రెడ్జర్‌ 150 మీటర్ల పొడవు, 30 మీటర్ల వెడల్పు, 21,002 టన్నుల డెడ్‌ వెయిట్‌తో పాటు 15,000 క్యూబిక్‌ మీటర్ల వాల్యూమ్‌, ఒక ఫుల్డ్‌ డీపీ2 ట్రైలింగ్‌ సెక్షన్‌ అప్పర్‌ కలిగి ఉంది. షిప్‌యార్డులో ఇటువంటి డ్రెడ్జర్‌కు మరమ్మతులు చేయడం ఇదే తొలిసారి.
News March 24, 2024
విశాఖ రోడ్డు ప్రమాదంలో యువకుడి మృతి
పీఎం పాలెం పోలీస్ స్టేషన్ పరిధిలో న్యాయ కళాశాల జంక్షన్ వద్ద ఆదివారం వేకువజామున జరిగిన రోడ్డు ప్రమాదంలో ఓ యువకుడు దుర్మరణం చెందాడు. ట్యాంకర్ ద్విచక్ర వాహనాన్ని ఢీకొన్న సంఘటనలో మధురవాడ ప్రాంతానికి చెందిన జిమ్ ట్రైనర్ కొండల జస్వంత్ (22) మృతి చెందాడు. ఈ మేరకు పోలీసులు సంఘటన స్థలానికి చేరుకొని కేసు నమోదు చేసి దర్యాప్తు చేపట్టారు.
News March 24, 2024
IT కంపెనీలో జాబ్.. గంజాయి విక్రయం
ఐటీ కంపెనీలో పనిచేస్తూ గంజాయి విక్రయిస్తున్న అంబేడ్కర్ కోనసీమ జిల్లా రావులపాలానికి చెందిన యాపుగంటి ఫణికుమార్‌ను మాదాపూర్ పోలీసులు శనివారం అరెస్టు చేశారు. ఫణికుమార్ మాదాపూర్‌లోని ఇజ్జత్‌నగర్‌లో ఓ ప్రైవేట్ హాస్టల్‌లో ఉంటూ జల్సాలకు అలవాటు పడి, డబ్బు కోసం గంజాయి విక్రయిస్తున్నాడని పోలీసులు తెలిపారు. అతడి నుంచి 18కిలోల గంజాయి స్వాధీనం చేసుకున్నారు. ఇతడు మాదకద్రవ్యాలు అమ్ముతూ గతంలోనూ పట్టుబడ్డాడు.
News March 24, 2024
సర్వేపల్లిలో బావ.. కోవూరులో బావమరిది
కోవూరు వైసీపీ అభ్యర్థి నల్లపరెడ్డి ప్రసన్నకుమార్ రెడ్డి, సర్వేపల్లి టీడీపీ అభ్యర్థి సోమిరెడ్డి చంద్రమోహన్ రెడ్డి బావబావమరుదులు. దివంగత నల్లపరెడ్డి శ్రీనివాసులు రెడ్డికి సోమిరెడ్డి చంద్రమోహన్ రెడ్డి మేనల్లుడు. మేనమామ వద్దే సోమిరెడ్డి రాజకీయ ఓనమాలు దిద్దారు. 2009 ఎన్నికల వరకు సోమిరెడ్డి, ప్రసన్న ఇద్దరూ టీడీపీలోనే కొనసాగారు. ఆ తర్వాత సోమిరెడ్డి టీడీపీలోనే కొనసాగుతుండగా, ప్రసన్న వైసీపీలో చేరిపోయారు.
Featured News
Sorry, no posts matched your criteria.