India's largestHyperlocal short
news App
Get daily news updates that are tailored for you based on your preferred language & location.
download Way2News app now
Andhra Pradesh
News June 28, 2024
ప్రకాశం జిల్లాలో 2,91,524 మందికి ఎన్టీఆర్ భరోసా
ఎన్టీఆర్ భరోసా కింద ప్రకాశం జిల్లాలో అన్ని విభాగాలకు సంబంధించిన 2,91,524 మందికి పింఛన్ నగదు అందనుంది. కొత్తగా కూటమి ప్రభుత్వం ప్రకటించిన విధంగా పెంచిన మొత్తం నగదు అందించేందుకు గాను 199.07 కోట్ల రూపాయల నగదు మంజూరైంది. ఈ నగదును బ్యాంకుల నుంచి ఈ నెల 29వ తేదీన డ్రా చేసుకుని ఇంటింటికీ సచివాలయ ఉద్యోగుల ద్వారా 1వ తేదీన పంపిణీకి అధికారులు ఏర్పాట్లు చేస్తున్నారు.
News June 28, 2024
కృష్ణా: విద్యార్థులకు అలర్ట్.. పరీక్షల టైం టేబుల్ విడుదల
కృష్ణా యూనివర్సిటీ పరిధిలోని కళాశాలలలో ఫార్మ్-డీ (ఐదో ఏడాది) కోర్సు చదువుతున్న విద్యార్థులు రాయాల్సిన థియరీ పరీక్షల టైంటేబుల్ విడుదలైంది. జూలై 3, 5, 8 తేదీల్లో ఉదయం మధ్యాహ్నం 2 గంటల నుంచి సాయంత్రం 5 గంటల వరకూ ఈ పరీక్షలు జరగనున్నాయి. సబ్జెక్టు వారీగా షెడ్యూల్ వివరాలకు విద్యార్థులు https://kru.ac.in/ అధికారిక వెబ్‌సైట్ చెక్ చేసుకోవచ్చు.
News June 28, 2024
తూ.గో: గోదావరిలో పెరుగుతున్న నీటిమట్టం
కొన్ని రోజులుగా ఎగువ ప్రాంతాల్లో కురుస్తున్న వర్షాలకు వరద ప్రవాహం భారీగా రావడంతో గోదావరిలో నీటి మట్టం క్రమంగా పెరుగుతోంది. దీంతో గురువారం నుంచి పాపికొండల విహారయాత్రకు వేళ్లే బోట్లను నిలపుదల చేశారు. దీనికి తోడు తుఫాన్ కారణంగా కురుస్తున్న వర్షాలకు మరింత వరద ప్రవాహం పెరిగే అవకాశమున్నట్లు ఇరిగేషన్ అధికారులు చెబుతున్నారు. తాత్కాలికంగా పాపికొండల యాత్రను నిలిపివేసినట్లు అధికారులు తెలిపారు.
News June 28, 2024
ఉమ్మడి గుంటూరు జిల్లాకు పొంచి ఉన్న తుపాను ముప్పు
ఉమ్మడి గుంటూరు జిల్లాకు తుపాను ముప్పు పొంచి ఉందని వాతావరణ శాఖ శుక్రవారం తెలిపింది. బంగాళాఖాతంలో ఉపరితల ఆవర్తనం క్రమంగా అల్పపీడనంగా మారి 72 గంటల్లో ఏపీ వైపు కదులుతుంది. దీని ప్రభావంతో ఈ నెల 28 నుంచి 3 రోజుల పాటు రాష్ట్ర వ్యాప్తంగా వర్షాలు పడే అవకాశం ఉంది. గుంటూరు, బాపట్ల, పల్నాడు జిల్లాల్లో అక్కడక్కడ పిడుగులతో కూడిన తేలికపాటి నుంచి మోస్తరు వర్షాలు కురిసే అవకాశం ఉంటుందని వాతావరణ శాఖ తెలియజేసింది.
News June 28, 2024
గోరంట్ల: భార్యపై అనుమానంతో ఉరేసుకొని ఆత్మహత్య
భార్యపై అనుమానంతో భర్త ఉరేసుకుని ఆత్మహత్యకు పాల్పడిన ఘటన గోరంట్ల మండలంలో చోటుచేసుకుంది. పాలసముద్రానికి చెందిన నరసింహ మూర్తి, సుగుణమ్మకు కొన్నేళ్ల క్రితం పెళ్లి కాగా ఇద్దరు పిల్లలు ఉన్నారు. భార్య తరచూ ఫోన్ మాట్లాడటంపై భర్త మందలించే వారు. ఈ క్రమంలో బుధవారం ఇంటి నుంచి వెళ్లిన భార్య రాత్రి వరకు తిరిగి రాలేదు. మనస్తాపం చెందిన నరసింహ ఇంట్లో ఉరేసుకొని ఆత్మహత్య చేసుకున్నాడు. పోలీసులు కేసు నమోదు చేశారు.
News June 28, 2024
నెల్లూరు: ఐటీడీఏ పీఓ మందా రాణి బదిలీ
నెల్లూరు ఐటీడీఏ ప్రాజెక్ట్ ఆఫీసర్‌గా పని చేస్తున్న మందా రాణిపై వచ్చిన ఆరోపణల నేపథ్యంలో జడ్పీ సీఈవో కన్నమనాయుడును విచారణ చేపట్టి జిల్లా కలెక్టర్‌కు నివేదిక అందజేశారు. దీంతో ఆమెను మాతృ శాఖకు బదిలీ చేస్తూ ఉత్తర్వులు జారీ చేశారు. ఈ మేరకు ట్రైబల్ కల్చర్ రీసెర్చ్ అండ్ ట్రైనింగ్ ఎగ్జిక్యూటివ్ డైరెక్టర్‌‌గా విశాఖపట్నానికి బదిలీ చేస్తూ ఉత్తర్వులు జారీ చేశారు.
News June 28, 2024
ఓర్వకల్లులో బాలయ్య సినిమా షూటింగ్
హీరో నందమూరి బాలకృష్ణ ‘ఎన్‌బీకే 109’ సినిమా షూటింగ్ కర్నూలు జిల్లాలో జరుగుతోంది. బాబి దర్శకత్వలో ఈ సినిమా తెరకెక్కుతుండగా సినిమాలో పాటను, కొన్ని విలన్‌ సీన్లను ఓర్వకల్లు సమీపంలోని రాతివనాల్లో చిత్రీకరిస్తున్నారు. బాలకృష్ణ సినిమా షూటింగ్ జరుగుతున్న విషయం మండలంలో తెలియడంతో గురువారం అభిమానులు పెద్ద ఎత్తున తరలివచ్చారు. షూటింగ్ విరామ సమయంలో ఎమ్మెల్యే కోట్ల జయసూర్యప్రకాశ్‌రెడ్డి బాలకృష్ణను కలిశారు.
News June 28, 2024
జమ్మలమడుగులో పెళ్లికి వెళ్లి వస్తుండగా వ్యక్తి మృతి
ముద్దనూరు ప్రధాన రహదారిలోని చిటిమిటి చింతల గ్రామ సమీపంలో గురువారం రాత్రి జరిగిన రోడ్డు ప్రమాదం జరిగింది. పోలీసుల వివరాలు మేరకు.. ముద్దనూరు మండలం చింతకుంట గ్రామానికి చెందిన మార్క్ (49) మృతిచెందాడు. బైక్ పై వివాహానికి వెళ్లి వస్తుండగా చిటిమట్టి చింతల వద్ద ట్రాక్టర్ ఢీకొని అక్కడికక్కడే మృతి చెందాడు. దీనిపై ఏఎస్ఐ మురళి యాదవ్ కేసు నమోదు చేసి విచారిస్తున్నట్లు తెలిపారు.
News June 28, 2024
జగన్ గురించి విస్తుపోయే నిజాలు తెలిశాయి: మంత్రి అచ్చెన్న
జగన్ వింత ప్రవర్తనపై మాజీ CS ఎల్వీ సుబ్రహ్మణ్యం ద్వారా విస్తుపోయే నిజాలు తెలిశాయని మంత్రి అచ్చెన్న ట్వీట్ చేశారు. విశాఖలో స్టీల్ ప్లాంట్ తొలగించి అక్కడ రాజధాని కట్టేద్దామంటూ పిచ్చి సలహాను నాడు సీఎంగా ఉన్న జగన్ ఎల్వీ ముందు పెట్టారని అచ్చెన్న వ్యాఖ్యానించారు. ఈ మేరకు జగన్ మనస్తత్వం గురించి ఎల్వీ సుబ్రహ్మణ్యం మాట్లాడిన వీడియోను అచ్చెన్న Xలో పోస్ట్ చేశారు.
News June 28, 2024
ఇంట్లోకి బాణసంచా విసిరారని ZPTC ఫిర్యాదు
తమ ఇంటిపై బాణసంచాతో దాడి చేసి భయభ్రాంతులకు గురి చేశారంటూ ప్రత్తిపాడు జడ్పీటీసీ సభ్యురాలు బెహరా రాజేశ్వరి, ఆమె అత్త బెహరా అన్నపూర్ణ వేరువేరుగా ఫిర్యాదు చేశారు. ఎమ్మెల్యే విజయోత్సవ ర్యాలీ సందర్భంగా బుధవారం రాత్రి ఈ ఘటనకు పాల్పడ్డారని ఫిర్యాదులో పేర్కొన్నారు. ఇంట్లోకి గాజు సీసాలు, కోడిగుడ్లు, బాణసంచా విసిరారని చేసిన ఫిర్యాదుపై కేసు నమోదు చేశామని ఎస్సై పవన్ కుమార్ గురువారం తెలిపారు.
Featured News
Sorry, no posts matched your criteria.