India's largestHyperlocal short
news App
Get daily news updates that are tailored for you based on your preferred language & location.
download Way2News app now
Andhra Pradesh
News June 27, 2024
కవిటి: కేరళలో కరాపాడు వలస కూలీ మృతి
కవిటి మండలం జి.కరాపాడ గ్రామానికి చెందిన నర్తు కాళీప్రసాద్ మృతి చెందారు. మృతుడు 4 రోజుల క్రితం కేరళ రాష్ట్రానికి వలస కూలీగా వెళ్లి గురువారం ఉదయం తాను పనిచేస్తున్న చోట పైనుంచి జారిపడి తలకు బలమైన గాయమవ్వడంతో మృతి చెందినట్లుగా బంధువులు తెలిపారు. కాళీప్రసాద్కు ఇటీవలే పెళ్లి నిశ్చయమైందని, ఇంతలోనే ఇలా జరిగే సరికి గ్రామంలో విషాదఛాయలు అలముకున్నాయి.
News June 27, 2024
చిత్తూరు జిల్లాలో వైసీపీకి వరుస షాక్లు
ఉమ్మడి చిత్తూరు జిల్లాలో వైసీపీ పుంగనూరు, తంబళ్లపల్లెలోనే గెలిచింది. ఈ ఫలితాల నుంచి కోలుకోక ముందే ఆ పార్టీకి దెబ్బ మీద దెబ్బ తగులుతున్నాయి. గతంలో రాష్ట్రమంతటా చక్రం తిప్పిన మాజీ మంత్రి పెద్దిరెడ్డికి ఆయన నియోజకవర్గం పుంగనూరులోనే భారీ షాక్ తగిలింది. ఒకేరోజు 12 మంది కౌన్సిలర్లు టీడీపీలోకి జంప్ అయ్యారు. కలికిరి జడ్పీటీసీ కూడా వైసీపీకి గుడ్ బై చెప్పేశారు. మరికొందరు అదే బాటలో ఉన్నారని సమాచారం.
News June 27, 2024
సుండుపల్లె: పింఛానదిలో పడి బాలుడి మృతి
సుండుపల్లె పింఛా ప్రాజెక్టు నదిలో ప్రమాదవశాత్తూ పడి యశ్వంత్ నాయక్(15)విద్యార్థి మృతి చెందినట్లు ఎస్సై హుస్సేన్ తెలిపారు. ఎస్ఐ వివరాల మేరకు పింఛాకు చెందిన మునె నాయక్ కుమారుడు యశ్వంత్ బుధవారం పింఛానదిలో స్నానం చేసేందుకు వెళ్లాడు. ప్రమాదవశాత్తు నీటి గుంతలో పడిపోయి మృతి చెందాడు. పోలీసులు గురువారం మృతదేహాన్ని వెలికి తీసి పోస్టుమార్టం నిమిత్తం ప్రభుత్వాసుపత్రికి తరలించారు. కేసు నమోదు చేశారు.
News June 27, 2024
టీడీపీపీ సెక్రటరీగా బీకే పార్థసారథి
టీడీపీపీ సెక్రటరీగా హిందూపురం ఎంపీ బీకే పార్థసారథి నియమితులయ్యారు. ఈ మేరకు సీఎం చంద్రబాబు నాయుడు లోక్సభ స్పీకర్ ఓం బిర్లాకు లేఖ రాశారు. ఈ లేఖను స్పీకర్ ఓం బిర్లాకు లావు శ్రీకృష్ణ దేవరాయలు, మంత్రి పెమ్మసాని చంద్రశేఖర్, తదితర టీడీపీ ఎంపీలు అందజేశారు. తనపై నమ్మకంతో ఈ పదవి ఇచ్చిన సీఎం చంద్రబాబుకు కృతజ్ఞతలు చెబుతున్నట్లు ఎంపీ పార్థసారథి తెలిపారు.
News June 27, 2024
బాపట్ల జిల్లా అభివృద్ధికి MSMEల పన్నులే కీలకం
జిల్లా అభివృద్ధిలో MSMEల పాత్ర కీలకమని బాపట్ల జిల్లా పరిశ్రమల అధికారి రామకృష్ణ చెప్పారు. గురువారం బాపట్ల జిల్లాలో అంతర్జాతీయ సూక్ష్మ, మధ్య తరహా, చిన్న పరిశ్రమల వేడుకలు నిర్వహించారు. జిల్లా అభివృద్ధిలో చిన్న పరిశ్రమల ట్యాక్స్ కీలకంగా మారిందన్నారు. పరిశ్రమల కోసం ప్రభుత్వం అందిస్తున్న ప్రోత్సాహకాలను వివరించారు. బ్యాంకుల ద్వారా రుణాలు అందించి పరిశ్రమల ఏర్పాటుకు కృషి చేస్తున్నామన్నారు.
News June 27, 2024
AP- IIITలకు ఎంతమంది అప్లై చేశారో తెలుసా?
AP- RGUKT పరిధిలోని 4 IIITల్లో 2024-25 విద్యాసంవత్సరానికి సంబంధించి గత నెల 8న ప్రారంభమైన ఆన్లైన్ దరఖాస్తు స్వీకరణ ప్రక్రియ 25వ తేదీకి ముగిసింది. ఈఏడాది 4,400 ప్రవేశాలకు గాను 53,863 దరఖాస్తులు వచ్చినట్లు అధికారులు వెల్లడించారు. జులై 11న ఎంపికైన అభ్యర్థుల
జాబితాను ప్రకటించనున్నట్లు తెలిపారు. జులై 22, 23న నూజివీడు, ఇడుపులపాయ,
24, 25న ఒంగోలు, 26, 27న శ్రీకాకుళం IIIT అభ్యర్థులకు కౌన్సెలింగ్ జరగనుంది.
News June 27, 2024
కడప: సంపూర్ణత అభయాన్ పటిష్ఠంగా నిర్వహించాలి: కలెక్టర్
కేంద్ర ప్రభుత్వ నీతి ఆయోగ్ సంస్థ ఆదేశాల మేరకు జూలై 4న జిల్లాలో సంపూర్ణత అభయాన్ కార్యక్రమాన్ని సమర్థంగా నిర్వహించాలని జిల్లా కలెక్టర్ యం.అభిషిక్త్ కిషోర్ సంబంధిత అధికారులను ఆదేశించారు. ఆస్పిరేషనల్ బ్లాక్స్ ప్రోగ్రాం క్రింద సంపూర్ణత అభయాన్ కార్యక్రమం అమలు, సాధించాల్సిన లక్ష్యాలు, చేపట్టాల్సిన చర్యలు తదితర అంశాలపై పలు శాఖల అధికారులతో కలెక్టర్ సమావేశం నిర్వహించారు.
News June 27, 2024
లోక్ సభ స్పీకర్ ఓం బిర్లాను కలిసిన టీడీపీ ఎంపీలు
పార్లమెంట్లో గురువారం టీడీపీ ఎంపీలందరూ లోక్ సభ స్పీకర్ ఓం బిర్లాను కలిసి వినతి పత్రం అందించారు. పార్లమెంట్ భవన్లో ఫస్ట్ ఫ్లోర్లో టీడీపీకి కేటాయించిన కార్యాలయం చిన్నదిగా ఉండటంతో కొంచెం విశాలమైన స్థలం ఉన్న కార్యాలయం కేటాయించాలని కోరారు. టీడీపీ పార్లమెంట్ పక్షనేత లావు కృష్ణదేవరాయ ఆధ్వర్యంలో టీడీపీ ఎంపీలందరూ స్పీకర్కు విజ్ఞప్తి చేశారు.
News June 27, 2024
వైజాగ్ టెక్ మహీంద్రాలో ఉద్యోగ అవకాశాలు
మద్దిలపాలెం వి.ఎస్ కృష్ణ గవర్నమెంట్ డిగ్రీ కాలేజీలో రేపు, ఎల్లుండి(ఈనెల 28,29) జాబ్ మేళా నిర్వహిస్తున్నట్లు ప్రిన్సిపల్ డాక్టర్ ఐ.విజయ్ బాబు తెలిపారు. వైజాగ్ టెక్ మహీంద్రాలో 328 బీపీఓ ఉద్యోగాలకు ఇంటర్వ్యూలు జరుగుతాయన్నారు. డిగ్రీ పాస్/ఫెయిలైన నిరుద్యోగ అభ్యర్థులు అర్హులని వెల్లడించారు. ఆసక్తి గలవారు ఆరోజు ఉదయం 9:30 గంటలకు సర్టిఫికేట్స్, రెజ్యూమ్తో హాజరవ్వాలని సూచించారు.
News June 27, 2024
పార్వతీపురం: ఏసీబీకి చిక్కిన పంచాయతీ కార్యదర్శి
పార్వతీపురం మన్యం జిల్లాలోని గరుగుబిల్లి మండలం రావివలస సచివాలయంలో పంచాయతీ కార్యదర్శిగా పనిచేస్తున్న అల్లు తిరుపతినాయుడు ఏసీబీకి చిక్కాడు. గ్రామానికి చెందిన తిరుపతి అనే వ్యక్తికి కాంట్రాక్టు బిల్లుల నిమిత్తం రూ.20వేలు లంచం డిమాండ్ చేయగా.. సదరు బాధితుడు ఏసీబీని ఆశ్రయించాడు. బాధితుని ఫిర్యాదు మేరకు కార్యదర్శిని రెడ్ హ్యాండెడ్గా పట్టుకున్నారు.
Featured News
Sorry, no posts matched your criteria.