India's largestHyperlocal short
news App
Get daily news updates that are tailored for you based on your preferred language & location.
download Way2News app now
Andhra Pradesh
News June 26, 2024
శ్రీకాకుళం: పలు రైళ్లను రద్దు చేసిన ఈస్ట్ కోస్ట్ రైల్వే
ట్రాఫిక్ బ్లాక్ కారణంగా శ్రీకాకుళం జిల్లా మీదుగా ప్రయాణించే రెండు ప్యాసింజర్ రైళ్లను రేపు గురువారం రద్దు చేసినట్లు ఈస్ట్ కోస్ట్ రైల్వే అధికారులు తెలిపారు. *పలాస- విశాఖపట్నం 07471 నంబరు గల రైలు * విశాఖపట్నం- పలాస 07470 నం. గల రైలు * గుణుపూర్- విశాఖపట్నం 08521 నంబరు గల రైలు * విశాఖపట్నం- గుణుపూర్ 08522 నంబరు గల రైలు రద్దు చేశారు.
News June 26, 2024
మడకశిరలో ఐదు మంది వైసీపీ కౌన్సిలర్లు రాజీనామా
మడకశిర మున్సిపాలిటీలో వైసీపీకి బుధవారం గట్టి ఎదురుదెబ్బ తగిలింది. ఆ పార్టీకి చెందిన ఐదు మంది కౌన్సిలర్లు రాజీనామా చేసి టీడీపీలో చేరారు. ఎమ్మెల్యే ఎమ్మెస్ రాజు, నియోజవర్గ టీడీపీ సమన్వయకర్త గుండుమల తిప్పేస్వామి ఆధ్వర్యంలో వారు టీడీపీ తీర్థం పుచ్చుకున్నారు. పార్టీలో చేరిన వారికి ఎమ్మెల్యే రాజు కండువాలు కప్పి పార్టీలోకి ఆహ్వానించారు.
News June 26, 2024
ఉమ్మడి గుంటూరులో భారీగా పెరిగిన డయేరియా కేసులు
విరోచనాలు, వాంతులతో బాధపడుతూ.. 40 మందికిపైగా బాధితులు గుంటూరు ప్రభుత్వాసుపత్రికి రావడం కలకలం రేపింది. మూడు రోజులుగా నగరానికి చెందిన వారే కాకుండా ఉమ్మడి గుంటూరు జిల్లాలోని వివిధ పట్టణాల నుంచి నీళ్ల విరేచనాలతో ఇబ్బంది పడుతూ.. వచ్చిన రోగులు జీజీహెచ్‌లో చికిత్స పొందుతున్నారు. బాధితులందరిని ప్రత్యేక ఐసీయూలో చికిత్స అందిస్తున్నట్లు సూపరింటెండెంట్‌ కిరణ్‌ కుమార్‌ తెలిపారు.
News June 26, 2024
చిత్తూరు జిల్లాలో మళ్లీ సగం మంది ఫెయిల్
ఇంటర్ మొదటి సంవత్సరం సప్లిమెంటరీ ఫలితాల్లోనూ ఉమ్మడి జిల్లా విద్యార్థులు సత్తాచాటలేకపోయారు. తిరుపతి జిల్లాలో 8256 మంది పరీక్షలు రాయగా 3,719 మందే(45శాతం) పాసయ్యారు. రాష్ట్రంలోనే 6వ స్థానంలో నిలిచారు. చిత్తూరు జిల్లాలో 5,817 మందికి 2,597 మంది ఉత్తీర్ణత సాధించి రాష్ట్రంలో 7వ స్థానాన్ని కైవసం చేసుకున్నారు. అన్నమయ్య జిల్లాలో 5,371 మందికి 2,597 మంది పాసై 46 శాతం ఉత్తీర్ణతతో 5వ స్థానంలో నిలిచారు.
News June 26, 2024
ఇంటర్ సప్లిమెంటరీలో ప్రకాశం జిల్లాకు 14వ స్థానం
ఇంటర్ ఫస్టియర్ సప్లిమెంటరీ ఫలితాలు విడుదలయ్యాయి. ప్రకాశం జిల్లాలో 6,445 మంది పరీక్షలు రాయగా.. 2,709 మంది పాసయ్యారు. మొత్తం 42% మంది ఉత్తీర్ణత సాధించగా.. రాష్ట్రంలో జిల్లా 14వ స్థానంలో నిలిచింది. అలాగే బాపట్లలో 2,782 మంది రాయగా.. 1,119 మంది పాసయ్యారు. 40% ఉత్తీర్ణులవ్వగా.. జిల్లా 20వ స్థానంలో నిలిచింది. దాంతో పాటు ఉమ్మడి జిల్లాలో ఒకేషనల్‌కు 884 మంది పరీక్ష రాయగా 442 మంది పాసయ్యారు.
News June 26, 2024
శ్రీకాకుళం: ఇంటర్ ఫస్టియర్ సప్లిమెంటరీ ఫలితాల్లో 12వ స్థానం
కాసేపటి క్రితం ఇంటర్ ఫస్టియర్ సప్లిమెంటరీ పరీక్షల ఫలితాలు విడుదలయ్యాయి. శ్రీకాకుళం జిల్లా నుంచి 7,113మంది విద్యార్థులు పరీక్ష రాయగా 3,047 మంది పాసయ్యారు. జిల్లాలో 43శాతం ఉత్తీర్ణత నమోదైంది. రాష్ట్రంలోనే శ్రీకాకుళం 12వ స్థానంలో నిలిచింది. అలాగే ఒకేషనల్ గ్రూప్‌లో 341 విద్యార్థులు రాయగా 187మంది పాసయ్యారు. దీనిలో 55శాతం పాస్ పర్సంటేజ్ నమోదైంది.
News June 26, 2024
ఇంటర్ సప్లిమెంటరీ ఫలితాలు..4వ స్థానంలో గుంటూరు జిల్లా
ఇంటర్ మొదటి సంవత్సరం సప్లిమెంటరీ ఫలితాలు బుధవారం విడుదల అయ్యాయి. గుంటూరు జిల్లా నుంచి మెత్తం 5,097 మంది పరీక్ష రాయగా 2,433 మంది(48శాతం)ఉత్తీర్ణత సాధించారు. కాగా గుంటూరు జిల్లా ఈ ఫలితాలలో రాష్ట్రంలో 4వ స్థానంలో నిలిచింది.
News June 26, 2024
అల్లూరి ఒకటి.. విశాఖకి 13.. 24వ స్థానంలో అనకాపల్లి
➤ ఇంటర్ ఫస్ట్ ఇయర్ సప్లిమెంటరీ పరీక్షలకు అల్లూరి జిల్లాలో 2,655 మంది విద్యార్థులకు 1,766 మంది పాసయ్యారు. 67 శాతంతో రాష్ట్రంలో ఒకటో స్థానంలో నిలిచింది.
➤ విశాఖ జిల్లాలో 7,984 మంది విద్యార్థులు హాజరవ్వగా 3,407 మంది పాసయ్యారు. 43 శాతం ఉత్తీర్ణతతో జిల్లా 13వ స్థానంలో నిలిచింది.
➤ అనకాపల్లి జిల్లాలో 4,411 మందికి 1,504 మంది ఉత్తీర్ణత సాధించారు. 34 శాతం ఉత్తీర్ణతతో జిల్లా 24వ స్థానంలో నిలిచింది.
News June 26, 2024
మూడో స్థానంలో పార్వతీపురం.. 8వ స్థానంలో విజయనగరం
ఇంటర్ ఫస్టియర్ సప్లిమెంటరీ పరీక్షల ఫలితాల్లో పార్వతీపురం మన్యం జిల్లా 53 శాతం ఉత్తీర్ణతతో మూడో స్థానంలో నిలిచింది. 1,679 మంది విద్యార్థులు పరీక్షలు రాయగా.. 884 మంది పాసయ్యారు. విజయనగరం జిల్లాలో 5,673 మంది విద్యార్థులు పరీక్షలు రాయగా 2,502 మంది ఉత్తీర్ణత సాధించారు. 44 శాతం పాస్ పర్సంటేజ్‌తో రాష్ట్రంలో 8వ స్థానంలో నిలిచింది.
News June 26, 2024
ఇంటర్ ఫలితాల్లో నెల్లూరుకు రెండో స్థానం
ఇంటర్ మొదటి సంవత్సరం సప్లమెంటరీ ఫలితాల్లో నెల్లూరు జిల్లా విద్యార్థులు సత్తా చాటారు. 2,655 మంది పరీక్షలు రాయగా 1,766 మంది పాసై 67 శాతంతో రాష్ట్రంలోనే రెండో స్థానంలో నిలిచారు. ఒకేషనల్ విద్యార్థులు 317 మందికి 211 మంది పాసయ్యారు. రాష్ట్రంలో 3వ స్థానంలో నిలిచారు. తిరుపతి జిల్లాలో 8,256 మందికి కేవలం 3,719 మందే పాసయ్యారు. ఇదే జిల్లాలో ఒకేషనల్ విద్యార్థులు 438 మందికి 239 మంది ఉత్తీర్ణత సాధించారు.
Featured News
Sorry, no posts matched your criteria.