Andhra Pradesh

News June 11, 2024

శ్రీకాకుళం: బీటెక్ విద్యార్థులకు ముఖ్య గమనిక

ఆంధ్రా యూనివర్సిటీ పరిధిలో బీటెక్( 2020- 21 నుంచి అడ్మిషన్ పొందినవారు) కోర్సు ఫస్టియర్ ఫస్ట్ సెమిస్టర్ స్పెషల్ పరీక్షల టైం టేబుల్ విడుదలైంది. ఈ నెల 13, 14, 15, 18 తేదీల్లో ఉదయం 9 నుంచి మధ్యాహ్నం 12 గంటల వరకు ఈ పరీక్షలు జరగనున్నాయి. సబ్జెక్టువారీగా టైం టేబుల్ పూర్తి వివరాలకు విద్యార్థులు www.andhrauniversity.edu.in/ అధికారిక వెబ్‌సైట్ చూడవచ్చు.

News June 11, 2024

కోనసీమ: 3 రోజులు గరికపాటి ప్రవచనాలు

డా.బీఆర్.అంబేడ్కర్ కోనసీమ జిల్లా మండపేటలోని ధర్మగుండం చెరువు రామాలయం కమిటీ ఆధ్వర్యంలో ఈ నెల 21, 22, 23వ తేదీల్లో మహ సహస్రావధాని గరికపాటి నరసింహారావు ప్రవచనాల కార్యక్రమం నిర్వహించనున్నట్లు ఆలయ నిర్వాహకులు సోమవారం తెలిపారు. శ్రీ సీతారామ కమ్యూనిటీ హాల్లో 3 రోజుల పాటు ఈ కార్యక్రమం చేపడతారన్నారు. ప్రతిరోజు సాయంత్రం 6 గంటల నుంచి రాత్రి 8 గంటల వరకు ఈ ఆధ్యాత్మిక కార్యక్రమం నిర్వహిస్తారని తెలిపారు.

News June 10, 2024

యాంటీ హ్యూమన్ ట్రాఫికింగ్ విభాగానికి నూతన వాహనాలు

విజయవాడ రైల్వే డివిజన్ పరిధిలోని యాంటీ హ్యూమన్ ట్రాఫికింగ్ విభాగానికి రెండు నూతన బొలెరో కార్లను ఉన్నతాధికారులు మంజూరు చేశారు. సోమవారం విజయవాడలో వీటిని సంబంధిత సిబ్బందికి విజయవాడ డివిజన్ రైల్వే మేనేజర్ నరేంద్ర పాటిల్ అందచేశారు. డివిజన్ పరిధిలో యాంటీ హ్యూమన్ ట్రాఫికింగ్ విభాగం ఈ ఏడాది మే నెల వరకు 61 మంది చిన్నారులను హ్యూమన్ ట్రాఫికింగ్ నుంచి రక్షించిందని నరేంద్రపాటిల్ తెలిపారు.

News June 10, 2024

విశాఖ: ఉక్కు కార్మికుల జీతాలు చెల్లించాలని వినతి

విశాఖ ఉక్కు కార్మికులకు తక్షణమే జీతాలు చెల్లించాలని స్టీల్ ప్లాంట్ సీఐటీయూ గౌరవ అధ్యక్షులు అయోధ్యరామ్ డిమాండ్ చేశారు. ఈ మేరకు సోమవారం స్టీల్ ప్లాంట్ సిఎండి అతుల్ బట్‌ను కలిసి వినతి పత్రం అందజేశారు. ఈ సందర్భంగా ఆయన మాట్లాడుతూ.. ప్రభుత్వ ఉద్యోగం చేస్తున్నప్పటికీ స్టీల్ ప్లాంట్ కార్మికులకు ప్రతినెలా ఒకటో తేదీన జీతాలు ఇవ్వకపోవడం దారుణం అన్నారు. తక్షణమే జీతాలు చెల్లించాలని డిమాండ్ చేశారు.

News June 10, 2024

చంద్రబాబు ప్రమాణస్వీకారోత్సవానికి 17 ఎల్ఈడీ స్క్రీన్‌లు

విజయవాడ సమీపంలోని గన్నవరం కేసరపల్లి ఐటీ పార్కు వద్ద ఈనెల 12న జరగనున్న చంద్రబాబు ప్రమాణస్వీకార కార్యక్రమాన్ని జిల్లా నుంచి ప్రజలు వీక్షించేందుకు 17 ప్రదేశాల్లో ఎల్ఈడీ స్క్రీన్‌లను ఏర్పాట్లు చేస్తున్నట్లు జిల్లా ఇన్‌చార్జి కలెక్టరు వికాస్‌ మర్మత్‌ పేర్కొన్నారు. సోమవారం ఉదయం సీఎంగా చంద్రబాబు ప్రమాణస్వీకారం సందర్భంగా చేపట్టాల్సిన ఏర్పాట్లపై సమీక్షించారు.

News June 10, 2024

కూడేరులో చోరీ జరిగిన ఏటీఎమ్ సెంటర్‌ను పరిశీలించిన ఎస్పీ

కూడేరులోని ఏటీఎమ్ సెంటర్లో జరిగిన చోరీపై అనంతపురం జిల్లా ఎస్పీ గౌతమిశాలి సీరియస్‌గా స్పందించారు. సోమవారం రాత్రి ఆమె చోరీ జరిగిన ఏటీఎమ్ సెంటర్ ను పరిశీలించారు. ఇప్పటివరకు ఎక్కడా జరగని రీతిలో గ్యాస్ కట్టర్‌తో కట్ చేసి అందులోని 18 లక్షల పైగా నగదు చోరీ చేయడంపై లోతైన విచారణ చేపట్టారు. అందులో భాగంగా ఆమె ప్రత్యక్షంగా పరిశీలించి నిందితులను పట్టుకునేందుకు ప్రత్యేక బృందాలను రంగంలోకి దింపారు.

News June 10, 2024

చంద్రబాబుతో ఎమ్మెల్యే సోమిరెడ్డి భేటీ

సర్వేపల్లి ఎమ్మెల్యేగా విజయం సాధించిన సోమిరెడ్డి చంద్రమోహన్ రెడ్డి సోమవారం టీడీపీ జాతీయ అధ్యక్షుడు చంద్రబాబుతో ఉండవల్లి నివాసంలో భేటీ అయ్యారు. సీఎంగా ప్రమాణస్వీకారం చేయబోతున్న ఆయనకు శుభాకాంక్షలు తెలిపారు. రాష్ట్ర మంత్రివర్గంలో స్థానం ఆశిస్తున్న సోమిరెడ్డి చంద్రబాబుని కలవడం ప్రాధాన్యం సంతరించుకుంది.

News June 10, 2024

చిత్తూరు: సెలవులపై వెళ్లిన టీటీడీ ఈవో

టీటీడీ ఈవో ధర్మారెడ్డికి ఏపీ ప్రభుత్వం వారం రోజులు పాటు సెలవు మంజూరు చేసింది. అయితే రాష్ట్రం దాటి పోరాదని నిబంధన విధించింది. టీడీపీ ప్రభుత్వం అధికారంలోకి వచ్చిన వెంటనే సెలవు కోసం దరఖాస్తు చేసుకున్న ధర్మారెడ్డి సెలవును ప్రభుత్వం రద్దు చేసింది. ఈ పరిస్థితుల్లో వారం రోజులు పాటు సెలవు మంజూరు చేస్తూ రాష్ట్రం దాటి పోకుండా నిబంధన విధించడం సంచలనంగా మారింది.

News June 10, 2024

చంద్రబాబుతో దామచర్ల భేటీ.. మంత్రి పదవి ఖాయమేనా?

పార్టీ అఖండ విజయం సాధించడంతో పాటు బుధవారం సీఎంగా ప్రమాణస్వీకారం చేయనున్న నేపథ్యంలో.. టీడీపీ అధినేత చంద్రబాబును ఒంగోలు ఎమ్మెల్యే దామచర్ల జనార్దన్ అమరావతిలో కలిసి శుభాకాంక్షలు తెలిపారు. కాగా చంద్రబాబుతో భేటీ నేపథ్యంలో దామచర్లకు మంత్రి పదవి ఖాయమనే చర్చ మొదలైంది. పార్టీ కష్టకాలంలోనూ వెన్నంటే నడిచిన దామచర్ల కుటుంబానికి.. నిన్న కింజరాపు కుటుంబానికి దక్కిన గౌరవం దక్కుతుందని పార్టీ కేడర్ భావిస్తోంది.

News June 10, 2024

చంద్రబాబు ప్రమాణస్వీకారానికి విశాఖలో LED స్క్రీన్లు

➠ పీఎం పాలెం GVMC కమ్యూనిటీ హాల్(వార్డు నం.6)
➠ సిరిపురంలోని VMRDA చిల్డ్రన్ ఎరీనా రెండో అంతస్తు
➠ డాబాగార్డెన్స్‌లోని డ్వాక్రా బజార్ GVMC బిల్డింగ్
➠ అక్కయ్యపాలెం షాధీఖానాహాల్ (వార్డు నం.44)
➠ కంచరపాలెం కాయిత పైడయ్య కళ్యాణ మండపం(వార్డు నం.57)
➠ వేపగుంట కమ్యూనిటీ హాలు(వార్డు నం.94)
➠ గాజువాకలోని చైతన్య నగర్‌(వార్డు నం.77) LED స్క్రీన్ల ఏర్పాటుకు సన్నాహాలు చేస్తున్నారు.

…

3,139

…

Featured News

Sorry, no posts matched your criteria.

↑