India's largestHyperlocal short
news App
Get daily news updates that are tailored for you based on your preferred language & location.
download Way2News app now
Andhra Pradesh
News March 22, 2024
VZM: భార్యపై కత్తితో దాడిచేసిన భర్త
భర్త భార్యను హతమార్చిన ఘటన జిల్లాలో తీవ్ర కలకలం రేపింది. వివరాల్లోకి వెళితే..
జియ్యమ్మవలస మండలం సింగనాపురం గ్రామానికి చెందిన గంటా ముసలి నాయుడు భార్య అప్పలనరసమ్మపై కత్తితో దాడిచేయగా, ఆమె కడుపులో కత్తి దిగింది. దీంతో ఆమె అక్కడిక్కడే మృతి చెందింది. సమాచారం అందుకున్న పోలీసులు ఘటనా స్థలానికి చేరకున్నారు. ముసలి నాయుడు పరారిలో ఉండడంతో కేసు నమోదుచేసి, గాలింపు చర్యలు చేపట్టారు.
News March 22, 2024
చింతపల్లిలో ఘోర రోడ్డు ప్రమాదం.. జగ్గయ్యపేట వాసి మృతి
చింతపల్లి మండలంలోని లంబసింగి ఘాట్ రోడ్డులో గురువారం అర్ధరాత్రి సమయంలో ఘోర రోడ్డు ప్రమాదం జరిగింది. దారకొండ నుంచి నర్సీపట్నం వైపు వెళుతున్న ఓ లారీ లంబసింగి ఘాట్‌లో తులబాడగెడ్డ సమీపంలోకి వచ్చేసరికి బ్రేక్ ఫెయిలై అదుపు తప్పి లోయలో పడింది. ఈ ప్రమాదంలో జగ్గయ్యపేటకు చెందిన డ్రైవర్ అక్కడికక్కడే మృతిచెందాడని స్థానికులు తెలిపారు. గాయాల పాలైన క్లీనర్‌ను డౌనూరు పీహెచ్‌సీకి తరలించామని చెప్పారు.
News March 22, 2024
27న పలమనేరులో చంద్రబాబు ప్రచారం
మాజీ సీఎం చంద్రబాబు
ఈనెల 27 నుంచి 31 వరకు రోడ్ షోలు నిర్వహించనున్నారు. సంబంధత పర్యటన వివరాలను టీడీపీ కేంద్ర కార్యాలయం విడుదల చేసింది. ఈనెల 27న పలమనేరు, నగరి, మదనపల్లెలో ఎన్నికల ప్రచారం చేస్తారు. 28న అనంతపురం, శ్రీసత్యసాయి, 29న కర్నూలు, నంద్యాల, 30న కడప, తిరుపతిలో, 31న నెల్లూరు, ఒంగోలులో ప్రచారం నిర్వహించనున్నట్లు పేర్కొన్నారు.
News March 22, 2024
ప్రకాశం: పెండింగ్‌లో రెండు సీట్లు
ఇవాళ టీడీపీ మూడో జాబితాలో చీరాల టికెట్‌ను కొండయ్యకు కేటాయించింది. ఇక దర్శి ఎమ్మెల్యే, ఒంగోలు ఎంపీ స్థానాలు పెండింగ్‌లో ఉంచాయి. దర్శి టికెట్ పొత్తులో భాగంగా జనసేనకు ఇచ్చే అవకాశం కనిపిస్తోంది. ఇప్పటికే గరికపాటి వెంకట్‌కు కేటాయిస్తారని వార్తా కథనాలు వెలువడ్డాయి. ఒంగోలు ఎంపీ టికెట్ మాగుంట శ్రీనివాసుల రెడ్డి తనయుడు మాగుంట రాఘవరెడ్డికి టీడీపీ నుంచి ఇస్తారని టాక్.
News March 22, 2024
విశాఖ: ఆర్థిక ఇబ్బందులతో వ్యక్తి ఆత్మహత్య
ఆర్థిక ఇబ్బందులతో ఒక వ్యక్తి గురువారం అర్ధరాత్రి చెట్టుకు ఉరి వేసుకుని ఆత్మహత్యకు పాల్పడ్డాడు. వన్ టౌన్ ప్రాంతానికి చెందిన ఆర్.ఎస్.నాయుడు బాబు విశాఖ పోర్ట్ అథారిటీలో దినసరి కార్మికుడిగా పనిచేస్తున్నాడు. జీతం సరిపోక కుటుంబ పోషణ కష్టమవడంతో పాటు ఆర్థిక ఇబ్బందులు పెరిగిపోయాయి. చేసిన అప్పులు తీర్చమని ఒత్తిళ్లు పెరగడంతో గురువారం అర్ధరాత్రి చెట్టుకు ఉరి వేసుకొని ఆత్మహత్య చేసుకున్నాడు.
News March 22, 2024
పాలకొల్లులో మాల మహానాడు రాష్ట్ర అధ్యక్షుడి హౌస్‌అరెస్ట్
అంబేడ్కర్‌పై సోషల్ మీడియాలో అనుచిత వ్యాఖ్యలు చేసిన వారిని అరెస్టు చేయాలంటూ పెనుగొండ పోలీస్ స్టేషన్ వద్ద ఆందోళన చేసిన 20 మంది దళిత యువకులను పోలీస్ స్టేషన్‌కు తరలించారు. విషయం తెలుసుకున్న మాల మహానాడు రాష్ట్ర అధ్యక్షులు నల్లి రాజేష్ పోలీస్ స్టేషన్‌కు బయలుదేరే క్రమంలో శుక్రవారం పాలకొల్లులోని ఆయన ఇంటికి యలమంచిలి సబ్ ఇన్‌స్పెక్టర్ ప్రసాద్ వెళ్లి హౌస్ అరెస్టు చేశారు.
News March 22, 2024
KNL: బైరెడ్డి శబరి రాజకీయ ప్రస్థానం ఇదే
ఉమ్మడి కర్నూలు రాజకీయాల్లో బైరెడ్డి కుటుంబానికి ఓ ప్రత్యేక స్థానం ఉంది. తాజాగా నంద్యాల TDP MP అభ్యర్థిగా బైరెడ్డి శబరి ఖరారయ్యారు. రెడ్డి సామాజిక వర్గానికి చెందిన ఆమె నందికొట్కూరు మాజీ MLA బైరెడ్డి రాజశేఖర రెడ్డి కుమార్తె. మరోవైపు మాజీ మంత్రి బైరెడ్డి శేష శయనారెడ్డి, మాజీ MLA నరసింహరెడ్డికి మనవరాలు. కాగా ఆమె ఇటీవలే BJPకి గుడ్ బై చెప్పి, TDP చీఫ్ చంద్రబాబు సమక్షంలో TDPలో చేరారు.
News March 22, 2024
శ్రీకాకుళం జిల్లాలో ఆ రెండు నియోజకవర్గాలపై వీడని ఉత్కంఠ
టీడీపీ మూడు జాబితాల్లో గొండు శంకర్-శ్రీకాకుళం, కింజారపు అచ్చెన్నాయుడు-టెక్కలి, బెందాళం అశోక్ కుమార్-ఇచ్ఛాపురం, కూన రవికుమార్-ఆమదాలవలస, బగ్గు రమణమూర్తి-నరసస్నపేట, కొండ్రు మురళీ మోహన్- రాజాం, పలాస-గౌతు శిరీషాను ఖరారు చేసింది. అయితే పాతపట్నం నుంచి మాజీ ఎమ్మెల్యే కలమట, మామిడి గోవింద రావుకు మధ్య పోటీ జరగగా గోవింద వైపు అధిష్ఠానం మొగ్గు చూపింది. ఎచ్చెర్ల, పాలకొండ అభ్యర్థులు ఎవరో తెలియాల్సి ఉంది.
News March 22, 2024
అనంత: జిల్లాలో 35,792మందికి ఇంటి నుంచి ఓటు వేసే అవకాశం
ఈ ఏడాది జరగనున్న సార్వత్రిక ఎన్నికల్లో వృద్ధులు, దివ్యాంగులు పలు కారణాలతో మంచానికి పరిమితమైన వారు ఇంటి నుంచి ఓటు హక్కు వినియోగించుకునే అవకాశం ఎన్నికల కమిషన్ కల్పించింది. జిల్లాలోని 8 నియోజకవర్గాల పరిధిలో 85 ఏళ్ళు ఆపై వయసున్న వారు 9,799 మంది ఉన్నారు. అందులో పురుషులు 3,873 మహిళలు 5,926 మంది దివ్యాంగ ఓటర్లు 25,993మంది ఉన్నట్లు వెల్లడించారు.
News March 22, 2024
టీడీపీ మూడో లిస్ట్.. కడపలో కొనసాగుతున్న సస్పెన్స్
టీడీపీ మూడో జాబితాలోనూ.. జిల్లాలో పెండింగ్‌లో ఉన్న కడప, రాజంపేట ఎంపీ స్థానాలు, జమ్మలమడుగు, బద్వేల్, కోడూరు, రాజంపేట ఎమ్మెల్యే స్థానాలకు అభ్యర్థులను ప్రకటించలేదు. దీంతో ఆ స్థానాల్లో ఆశావాహుల్లో ఉత్కంఠ మరింత పెరిగుతోంది. ఇక జమ్మలమడుగు, బద్వేల్ స్థానాలు బీజేపీకి.. కోడూరు, రాజంపేట ఎమ్మెల్యే స్థానాలు జనసేన ఇచ్చే అవకాశం ఉందని చర్చలు ఊపందుకున్నాయి.
Featured News
Sorry, no posts matched your criteria.