India's largestHyperlocal short
news App
Get daily news updates that are tailored for you based on your preferred language & location.
download Way2News app now
Andhra Pradesh
News June 4, 2024
శ్రీకాకుళం పార్లమెంట్ నియోజకవర్గ పోస్టల్ బ్యాలెట్లు 49,176
శ్రీకాకుళం పార్లమెంట్ నియోజకవర్గానికి సంబంధించి పోస్టల్ బ్యాలెట్లు మొత్తం 49,176 గా ఉన్నాయి. ఆంధ్రప్రదేశ్ రాష్ట్రంలో జరిగిన ఎన్నికల్లో అత్యధిక పోస్టల్ బ్యాలెట్లు నమోదైన జిల్లాగా సిక్కోలు పేరు నమోదు చేసుకుంది. మరో అరగంటలో ప్రారంభంకానున్న కౌంటింగ్ ప్రక్రియకు మొత్తం 1996 మంది శ్రమించనున్నారు. కౌంటింగ్ ప్రక్రియలో ఎక్కడా ఎటువంటి పొరపాటు జరగకుండా జిల్లా అధికారులు ఇప్పటికే చర్యలు చేపట్టారు.
News June 4, 2024
తిరుపతిలో తెరుచుకున్న స్ట్రాంగ్ రూములు
తిరుపతిలోని శ్రీపద్మావతి మహిళా విశ్వవిద్యాలయం కౌంటింగ్ ఏర్పాట్లు పూర్తయ్యాయి. ఉదయం 7 గంటలకు జిల్లా కలెక్టర్, ఎన్నికల అధికారి ప్రవీణ్ కుమార్, ఎస్పీ హర్షవర్ధన్ రాజు ఆధ్వర్యంలో అభ్యర్థులు, ఏజెంట్ల సమక్షంలో స్ట్రాంగ్ రూము తలుపులు తెరుచుకున్నాయి. పూర్తిస్థాయి సీసీ కెమెరాలు, వీడియో, ఫోటో రికార్డింగ్ నడుమ ఓపెన్ చేశారు. మరికాసేపట్లో ఈవీఎంలను ఓపెన్ చేసి ఓట్లు లెక్కిస్తారు.
News June 4, 2024
కృష్ణా: పలు రైళ్లను రద్దు చేసిన దక్షిణ మధ్య రైల్వే
విజయవాడ డివిజన్ పరిధిలో నిర్వహణ పనులు జరుగుతున్నందున కింది రైళ్లను రద్దు చేశామని దక్షిణ మధ్య రైల్వే తెలిపింది. ఈ రైళ్లు జూలై 14 వరకు రద్దు చేశామని, ప్రయాణికులు గమనించాలని రైల్వే శాఖ ఒక ప్రకటన ద్వారా విజ్ఞప్తి చేసింది.
*నం.07464 విజయవాడ- గుంటూరు
*నం.07465 గుంటూరు- విజయవాడ
*నం.07976 గుంటూరు- విజయవాడ
News June 4, 2024
శ్రీకాకుళం: ఓట్ల లెక్కింపులో పాల్గొననున్న ఏజెంట్లు వివరాలు
సార్వత్రిక ఎన్నికలు ఫలితాలు మరికొద్ది సేపట్లో తెలియనున్నాయి. ఈవీఎంలో నిక్షిప్తమైన ఓట్లను లెక్కింపు ప్రక్రియ చేపట్టేందుకు 9 మంది రిటర్నింగ్‌ అధికారులు, 77 మంది అసిస్టెంట్‌ రిటర్నింగ్‌ అధికారులు, 492 మంది కౌంటింగ్ సూపర్‌వైజర్లు, 582 మంది కౌంటింగ్ అసిస్టెంట్‌లు, 397మంది మైక్రో అబ్జర్వర్లు, 439 మంది క్లాస్‌-4 ఉద్యోగులు మొత్తం 1996 మంది సిబ్బంది ఎటువంటి ఇబ్బంది రాకుండా జాగ్రత్తలు తీసుకోనున్నారు.
News June 4, 2024
తూ.గో: 3 ఎంపీ సీట్లు.. 42 మంది అభ్యర్థులు
ఉమ్మడి తూర్పు గోదావరి జిల్లాలోని 3 పార్లమెంటు స్థానాలకు జరిగిన సార్వత్రిక ఎన్నికల్లో 42 మంది అభ్యర్థులు పోటీ చేశారు. కాకినాడ, డాక్టర్ బి.ఆర్ అంబేడ్కర్ కోనసీమ జిల్లాల పరిధిలోని కాకినాడ, అమలాపురం పార్లమెంటు నుంచి 15 మంది వంతున మొత్తం 30 మంది అభ్యర్థులు పోటీ చేశారు. తూర్పు గోదావరి జిల్లా రాజమహేంద్రవరం ఎంపీ స్థానానికి 12 మంది పోటీలో నిలిచారు.
News June 4, 2024
తెల్లవారుజామున యూనివర్సిటీ వద్ద తనిఖీలు చేసిన ఎస్పీ
సార్వత్రిక ఎన్నికలకు సంబంధించి ఓట్ల లెక్కింపు ప్రక్రియకు ఆచార్య నాగార్జున యూనివర్సిటీలో అధికారులు ఏర్పాటు చేశారు. మంగళవారం తెల్లవారుజాము మూడు గంటల ప్రాంతంలో జిల్లా ఎస్పీ తుషార్ యూనివర్సిటీ కౌంటింగ్ కేంద్రం వద్దకు చేరుకున్నారు. అక్కడ బందోబస్తు, సిబ్బంది పనితీరు తనిఖీ చేశారు. స్ట్రాంగ్ రూముల వద్ద సిబ్బందికి సూచనలు చేశారు. కౌంటింగ్ కేంద్రంలోనికి పాసులు ఉన్నవారిని మాత్రమే అనుమతించాలని ఆదేశించారు.
News June 4, 2024
ఒంగోలు: కొత్త బైకుపై సంతోషంగా వెళ్తున్న వ్యక్తి మృతి
ఒంగోలుకు చెందిన వ్యక్తి కొత్తపల్లి జంక్షన్ పెట్రోల్ బంక్ వద్ద ఆగి ఉన్న ట్రాక్టర్‌ను వెనుక నుంచి బైకుతో ఢీకొట్టాడు. దీంతో నిలం శివ (35)అనే వ్యక్తి అక్కడికక్కడే మృతి చెందాడు. ఇతడు హైదరాబాదులో బేల్దారి మేస్త్రిగా పనిచేస్తూ.. నేడు తన స్వగ్రామమైన ఒంగోలుకు వస్తున్న క్రమంలో ఈ సంఘటన జరిగింది. కొత్త బైకు తీసుకుని సొంతూరికి వస్తుండగా ప్రమాదం జరిగిందని స్థానికులు తెలిపారు.
News June 4, 2024
తొలి MP ఫలితం రాజమండ్రి, నరసాపురమే!
పార్లమెంట్ ఎన్నికల్లో తొలిఫలితం రాజమండ్రి, నరసాపురం MP స్థానాల్లో రానుంది. కాగా అమలాపురంలో ఎంపీ నియోజకవర్గంలో ఫలితాలు ఆలస్యంగా రానున్నాయి. కాగా రాజమండ్రిలో కూటమి నుంచి పురందీశ్వరి, వైసీపీ నుంచి గూడూరి శ్రీనివాస్ పోటీ చేస్తున్నారు. ఇక నరసాపురంలో కూటమి నుంచి భూపతిరాజు శ్రీనివాస్ వర్మ, గూడూరి ఉమాబాల, అటు అమలాపురంలో వైసీపీ నుంచి రాపాక శ్రీనివాస్, కూటమి నుంచి గంటి హరీష్ మాదుర్ బరిలో ఉన్నారు.
News June 4, 2024
ప.గో.: తొలి MPలు తేలేది మనోళ్లే.. ఎవరో చూడండి
పార్లమెంట్ ఎన్నికల్లో తొలిఫలితం రాజమండ్రి, నరసాపురం MP స్థానాల్లో రానుంది. కాగా అమలాపురంలో ఎంపీ నియోజకవర్గంలో ఫలితాలు ఆలస్యంగా రానున్నాయి. కాగా రాజమండ్రిలో కూటమి నుంచి పురందీశ్వరి, వైసీపీ నుంచి గూడూరి శ్రీనివాస్ పోటీ చేస్తున్నారు. ఇక నరసాపురంలో కూటమి నుంచి భూపతిరాజు శ్రీనివాస్ వర్మ, గూడూరి ఉమాబాల, అటు అమలాపురంలో వైసీపీ నుంచి రాపాక శ్రీనివాస్, కూటమి నుంచి గంటి హరీష్ మాదుర్ బరిలో ఉన్నారు.
News June 4, 2024
2019లో 223 మంది.. ప్రస్తుతం 254 మంది
సార్వత్రిక ఎన్నికల్లో ఉమ్మడి తూర్పు గోదావరి జిల్లాలోని అసెంబ్లీ నియోజకవర్గాల పరిధిలో ఎమ్మెల్యే అభ్యర్థులుగా 254 మంది పోటీలో నిలిచారు. 2019 ఎన్నికల్లో 19 నియోజకవర్గాల పరిధిలో 223 మంది అభ్యర్థులు పోటీ చేశారు. ప్రస్తుత సార్వత్రిక ఎన్నికల్లో అత్యధికంగా కాకినాడ నగరం, గ్రామీణం, ప్రత్తిపాడు, ముమ్మిడివరం నియోజకవర్గాల నుంచి 15 మంది వంతున అభ్యర్థులు ఈ సారి ఎన్నికల్లో పోటీ చేశారు.
Featured News
Sorry, no posts matched your criteria.