India's largestHyperlocal short
news App
Get daily news updates that are tailored for you based on your preferred language & location.
download Way2News app now
Andhra Pradesh
News June 2, 2024
సాహస వీరుల పురస్కారానికి దరఖాస్తులు ఆహ్వానం
భారత యువజన సేవలు, క్రీడల మంత్రిత్వ శాఖ ఆధ్వర్యంలో 2023 సంవత్సరానికి టేన్సింగ్ నార్కే జాతీయ సాహస పురస్కారానికి, దరఖాస్తులు ఆహ్వానిస్తున్నట్లు సెట్ వెల్ సీఈవో మెహరాజ్ తెలిపారు. కైకలూరులో ఆయన ఆదివారం మాట్లాడుతూ.. నేలపై, నీటిపై, వాయు విన్యాస సంబంధ సాహసాల్లో విజయం సాధించిన వారు ఈనెల 14వ తేదీ లోపు http://awards.gov.in వెబ్ సైట్ ద్వారా దరఖాస్తు చేసుకోవాలన్నారు. అర్హులకు రూ.15 లక్షల నగదు అందిస్తామన్నారు.
News June 2, 2024
నెల్లూరు జిల్లాలో మద్యం బంద్
సార్వత్రిక ఎన్నికల కౌంటింగ్ సందర్భంగా నెల్లూరు జిల్లా వ్యాప్తంగా సోమవారం సాయంత్రం నుంచి బుధవారం సాయంత్రం వరకు మూడు రోజుల పాటు మద్యం షాపులు, బార్లు బంద్ కానున్నాయి. కౌంటింగ్ ప్రక్రియ సజావుగా సాగేందుకు ఈ నిర్ణయం తీసుకున్నామని అధికారులు తెలిపారు. సోమవారం సాయంత్రం అన్ని మద్యం షాపులకు సీల్ వేస్తామని ఎక్సైజ్ అధికారి పేర్కొన్నారు.
News June 2, 2024
ప్రజలు ఎన్నికల ఫలితాల అనంతరం సంయమనం పాటించాలి: ఎస్పీ
ప్రజలు ఎన్నికల ఫలితాల అనంతరం సంయమనం పాటించాలని, శాంతి భద్రతలకు విఘాతం కలిగించే వారిపై చట్ట ప్రకారం కఠిన చర్యలు తీసుకుంటామని జిల్లా ఎస్పీ జిఆర్ రాధిక అన్నారు. శ్రీకాకుళంలో ఆదివారం ఏర్పాటు చేసిన మీడియా సమావేశంలో జిల్లా కలెక్టర్‌తో కలిసి జిల్లా ఎస్పీ మాట్లాడారు. జిల్లాలో 144 సెక్షన్, 30 పోలీస్ యాక్ట్ అమలులో ఉంటుందన్నారు. నలుగురు కంటే ఎక్కువ మంది గుమిగూడి ఉండరాదని హెచ్చరించారు.
News June 2, 2024
అద్దంకిలో మహిళ ఆత్మహత్యాయత్నం
అద్దంకి పట్టణంలో ఆదివారం మహిళ ఆత్మహత్యాయత్నానికి పాల్పడింది. ఏల్చూరు గ్రామానికి చెందిన కుంచాల మంజుల అనే మహిళ కొంతకాలంగా అద్దంకిలో ఉంటున్నారు. అయితే ఆమె కుటుంబ కలహాల నేపథ్యంలో పట్టణంలో జ్యూస్ సెంటర్ వద్దకు వచ్చి ఆపిల్ జ్యూస్‌లో వాస్మాయిల్ కలుపుకొని తాగింది. స్థానికుల సమాచారంతో 108 సిబ్బంది ఆమెను హుటా హుటిన అద్దంకి ప్రభుత్వ ఆసుపత్రికి తరలించారు. అక్కడి నుంచి మెరుగైన వైద్యం కోసం ఒంగోలుకు తరలించారు.
News June 2, 2024
మెలియాపుట్టి: 1800 లీటర్ల బెల్లపు ఊట ధ్వంసం
జిల్లా ఎడిషనల్ ఎస్పీ సెబ్ జెడీ డి.గంగాధరం ఆదేశాల మేరకు శనివారం టెక్కలి ఎస్ఈబీ సీఐ రాజశేఖర్ నాయుడు ఆధ్వర్యంలో మెలియాపుట్టి మండలం నేలబొంతు గ్రామానికి తూర్పు వైపు ఉన్న కొండపై సుమారుగా 1800 లీటర్ల పులిసిన బెల్లపు ఊటలను, 30 లీటర్ల నాటుసారాను ధ్వంసం చేసి కేసు నమోదు చేసినట్లు తెలిపారు. ఆయనతోపాటు పలాస డీఎఫ్‌టీ సీఐ రామచంద్ర కుమార్ టెక్కలి ఎస్ఐ జి.గణేష్ సిబ్బంది పాల్గొన్నారు.
News June 2, 2024
నగరి: మతిస్థిమితం లేని యువతిపై ముగ్గురు అత్యాచారం
మతిస్థిమితం లేని యువతి(22) పై ముగ్గురు అత్యాచారం చేసిన ఘటన ఆలస్యంగా వెలుగు చూసింది. గత నెల 26న నగరి పట్టణానికి చెందిన యువతిని పక్కింటి యువకులు నమ్మకంగా మాటలు కలిపి ఇంటికి తీసుకెళ్లి అత్యాచారం చేశారు. అప్పటి నుంచి బాధితురాలు నొప్పితో బాధపడుతుండగా.. నగరి ప్రభుత్వ ఆసుపత్రికి చికిత్స నిమిత్తం తరలించగా విషయం వెలుగులోకి వచ్చింది. బాధితురాలి బంధువు ఫిర్యాదు మేరకు ఎస్సై వెంకటనారాయణ కేసు నమోదు చేశారు.
News June 2, 2024
పిఠాపురంలో పవన్ గెలిస్తే.. మెజారిటీ ఎంత..?
పిఠాపురంలో పవన్ కళ్యాణ్ భారీ మెజారిటీతో గెలుస్తాడని ఆరా సంస్థ సర్వేతో పాటు ఇతర సర్వేల్లోనూ అదే చెప్పారు. దీంతో అందరి దృష్టి పవన్ మెజారిటీపై పడింది. రాష్ట్రంలోనే అత్యధిక మెజారిటీ వస్తుందని కూటమి పార్టీ నేతలు చెబుతుండగా.. తమదే విజయం అంటూ వైసీపీ ధీమా వ్యక్తం చేస్తోంది. ఇంతకీ పవన్ గెలిస్తే ఎంత మెజారిటీ వస్తుంది.
– మీ కామెంట్..?
News June 2, 2024
నెల్లూరు: ఈతకు వెళ్లి యువకుడు మృతి
బావిలో ఈత కొట్టేందుకు వెళ్లి యువకుడు మృతి చెందిన ఘటన ఖమ్మం జిల్లా, బోనకల్ సమీపంలో జరిగింది. పోలీసులు తెలిపిన వివరాల ప్రకారం.. తిరుపతి జిల్లా ఓజిలి మండలం ఆరిమేనిపాడు గ్రామానికి చెందిన నాగూర్ బోనకల్ సమీపంలో నిర్మిస్తున్న మొక్కజొన్న పరిశ్రమలో 3 నెలలుగా పనిచేస్తున్నాడు. సూపర్వైజర్‌తో కలిసి సమీపంలో ఉన్న బావిలో ఈత కొట్టేందుకు వెళ్లాడు. నీట మునిగి చనిపోయాడు.
News June 2, 2024
శ్రీకాకుళం: మూడు రోజులు మద్యం దుకాణాలు బంద్
సార్వత్రిక ఎన్నికల ఓట్ల లెక్కింపు నేపథ్యంలో ఈ నెల 3, 4, 5 తేదీల్లో మూడు రోజులు మద్యం దుకాణాలను మూసి వేయనున్నట్లు ఎన్నికల సంఘం నియమించిన ప్రత్యేక పోలీస్ అధికారి జిల్లాలో స్పెషల్ ఎన్ఫోర్స్మెంట్ బ్యూరో ( ఎస్ఈబీ) అదనపు ఎస్పీ డి.గంగాధరం తెలిపారు. చెక్ పోస్టుల వద్ద తనిఖీలు ముమ్మరం చేశామని చెప్పారు. కౌంటింగ్ సమయంలో ఎక్కడ మద్యం అక్రమ నిల్వలు ఉండకుండా చర్యలు తీసుకుంటున్నట్లు ఆయన పేర్కొన్నారు.
News June 2, 2024
గుంటూరు: ఏఎన్‌యూలో ఓట్ల లెక్కింపుకు ఏర్పాట్లు ముమ్మరం
ఆచార్య నాగార్జున విశ్వవిద్యాలయంలో ఓట్ల లెక్కింపుకు సంబంధించిన టేబుల్స్ ఇతర సామాగ్రిని ఆదివారం అధికారులు సిద్ధం చేశారు. గుంటూరు పార్లమెంటుతో పాటు ఏడు అసెంబ్లీ నియోజకవర్గాలకు కౌంటింగ్‌కు సర్వ సిద్ధం చేసినట్టు కలెక్టర్ తెలిపారు. కౌంటింగ్ కేంద్రంలో అసెంబ్లీ నియోజవర్గానికి సంబంధించి ఓట్ల లెక్కింపుకు 14 టేబుల్స్, పార్లమెంట్ నియోజకవర్గ ఓట్ల లెక్కింపుకు 14 టేబుల్స్ సిద్ధం చేసినట్లు తెలిపారు.
Featured News
Sorry, no posts matched your criteria.