India's largestHyperlocal short
news App
Get daily news updates that are tailored for you based on your preferred language & location.
download Way2News app now
Andhra Pradesh
News May 20, 2024
వెంకటగిరి ఓటరు ఎటో..?
ఉమ్మడి నెల్లూరు జిల్లా వెంకటగిరి ఎమ్మెల్యే ఎన్నికలు ఈసారి హోరాహోరీగా జరిగాయి. ప్రధాన పార్టీల అభ్యర్థులిద్దరూ ఈ సారి వెంకటగిరి పట్టణంపై ప్రత్యేక దృష్టి పెట్టారు. పట్టణ ఓటర్లను ప్రసన్నం చేసుకునేందుకు సర్వశక్తులూ ఒడ్డారు. వాళ్లు ఎక్కువా. మేం తక్కువా అని గ్రామీణ ప్రాంతాల్లో చర్చ సైతం రేగింది. ఈక్రమంలో అభ్యర్థులు ప్రత్యేకంగా చూసుకున్న పట్టణ ఓటర్లు ఎవరికి అండగా నిలిచారో..?
News May 20, 2024
శ్రీకాకుళం: పెట్రోల్ బంకులకు జిల్లా కలెక్టర్ సూచనలు
శ్రీకాకుళం జిల్లా వ్యాప్తంగా ఉన్న అన్ని పెట్రోల్ బంకుల్లో సీసాలు, క్యాన్‌ల ద్వారా పెట్రోల్ అమ్మకంపై నిషేధం విధించినట్లు కలెక్టర్ మంజీర్ జిలానీ సమూన్ ప్రకటించారు. ఎన్నికల కమిషన్ ఆదేశాల మేరకు ఈ నిర్ణయం చేపట్టినట్టు ఆయన తెలిపారు. జిల్లాలో ఉన్న 120 పెట్రోల్ బంకుల నుంచి
లూజ్ పెట్రోల్ విక్రయాలు చేయకుండా సంబంధిత యజమానులకు నోటీసులు జారీ చేయాలని డియస్ఓ బి.శాంతి శ్రీని ఆదేశించారు.
News May 20, 2024
కడప: YVU దూరవిద్య పీజీ ఫలితాలు విడుదల
వైవీయూ సెంటర్ ఫర్ డిస్టెన్స్ అండ్ ఆన్‌లైన్ ఎడ్యుకేషన్ పీజీ మొదటి సెమిస్టర్ ఫలితాలను వీసీ ప్రొ. చింతా సుధాకర్ తన ఛాంబర్‌లో సీడీవోఈ డైరెక్టర్ ప్రొ. కె.కృష్ణారెడ్డి, రిజిస్ట్రార్ ఫ్రొ. వై.పి.వెంకట సుబ్బయ్యతో కలసి విడుదల చేశారు. ఈ సందర్భంగా వీసీ మాట్లాడుతూ.. నేషనల్ ఎడ్యుకేషన్ పాలసీ -2020, ఛాయిస్ బేస్డ్ క్రెడిట్ సిస్టం ఆధారంగా పరీక్షలు ఏప్రిల్‌లో నిర్వహించామని అన్నారు. 8 సబ్జెక్టుల ఫలితాలు ప్రకటించారు.
News May 20, 2024
విశాఖలో సందడి చేసిన ‘బిగ్ బ్రదర్’ చిత్ర యూనిట్
బిగ్ బ్రదర్ చిత్ర యూనిట్ సోమవారం విశాఖ నగరంలో సందడి చేసింది. ఈనెల 24న రెండు తెలుగు రాష్ట్రాల్లో విడుదలవుతున్న నేపథ్యంలో ఈ చిత్రం భారీ విజయ సాధించాలని ఈ కార్యక్రమంలో పాల్గొన్న సినీ నటుడు మురళీమోహన్ ఆకాంక్షించారు. జి. సుబ్బారావు దర్శకత్వం వహించిన ఈ చిత్రంలో శివ కంఠంనేని టైటిల్ పాత్ర పోషిస్తున్నారు. నిర్మాత ఆర్ వెంకటేశ్వరరావు, ఎగ్జిక్యూటివ్ ప్రొడ్యూసర్ శ్రీనివాసరావు పాల్గొన్నారు.
News May 20, 2024
కృష్ణా: ‘ప్రతి 15 రోజులకు శాఖల వారీ సమీక్షలు’
జిల్లాలో వివిధ శాఖల ద్వారా అమలయ్యే కార్యక్రమాలను ప్రతి 15 రోజులకు ఒకసారి సమీక్షిస్తామని కలెక్టర్ డీకే బాలాజీ అన్నారు. జిల్లా వ్యవసాయ అనుబంధ శాఖల అధికారులతో సోమవారం సాయంత్రం ఆయన కలెక్టరేట్‌లోని మీటింగ్ హాలులో సమీక్షించారు. ఖరీఫ్ సీజన్ ప్రారంభం కానున్న దృష్ట్యా రైతులకు గతంలో మాదిరిగా అవసరమైన ఎరువులు విత్తనాలు సిద్ధం చేయాలని కలెక్టర్ సూచించారు. ఈ సమావేశంలో పలు శాఖల అధికారులు పాల్గొన్నారు.
News May 20, 2024
ఏలూరు: ‘జిల్లా ఐటీఐలలో ప్రవేశాలకు దరఖాస్తుల ఆహ్వానం’
ఏలూరు జిల్లాలోని ప్రభుత్వ 876, ప్రైవేటు ఐటీఐలలో 1,672 మొత్తం 2,548 సీట్లు ఉన్నట్లు ఏలూరు ప్రభుత్వ ఐటీఐ ప్రిన్సిపల్, జిల్లా కన్వీనర్ రజిత సోమవారం తెలిపారు. ఆమె మాట్లడుతూ..జిల్లాలోని 5 ప్రభుత్వ, 14 ప్రైవేటు ఐటీఐ కాలేజీలలో 100 శాతం అడ్మిషన్స్ కార్యచరణ చేపట్టామన్నారు. ఆయా ఐటీఐ ఖాళీలలో ప్రవేశానికి ఆసక్తి గల అభ్యర్థులు జూన్ 10లోపు సత్రంపాడులో దరఖాస్తులను అందజేయాలన్నారు.
News May 20, 2024
పల్నాడు అల్లర్లపై డీజీపీకి అందించిన నివేదికలో వివరాలివే..
ఎన్నికల రోజు, ఆ తర్వాత పల్నాడు జిల్లాలో జరిగిన అల్లర్లపై సిట్ బృందం నివేదిక రూపొందించి డీజీపీ హరీష్ కుమార్ గుప్తాకు అందించింది. పల్నాడు జిల్లాలో మొత్తం 22 కేసులు నమోదు అయినట్లు పేర్కొంది. 581 మందిపై కేసు నమోదు చేసి, 19 మందిని అరెస్ట్ చేసినట్లు తెలిపింది. 91 మందికి 41A నోటిసులు జారీ చేసినట్లు తెలిపారు. మరికాసేపట్లో నివేదికను సీఈవో, సీఈసీకి పంపనున్నట్లు తెలుస్తుంది.
News May 20, 2024
మెలియాపుట్టి: నాటుసారా ధ్వంసం
మెలియాపుట్టి మండలం పాత్రులలోవ, నెరేళ్లలోవ గ్రామాల్లో సోమవారం ఎస్ఈబీ దాడులు నిర్వహించారు. గ్రామాల్లోని కొండల ప్రాంతంలో తయారు చేస్తున్న 1300 లీటర్ల బెల్లం ఊటతో పాటు 50 లీటర్ల నాటుసారాను ధ్వంసం చేసినట్లు టెక్కలి ఎస్ఈబీ స్టేషన్ హౌస్ ఆఫీసర్ జీ.ఎస్ రాజశేఖర్ నాయుడు తెలిపారు. ఈ దాడుల్లో పాతపట్నం, మెలియాపుట్టి పోలీసులతో పాటు టెక్కలి ఎస్ఈబీ సిబ్బంది ఉన్నారు.
News May 20, 2024
తాగునీటికి ఇబ్బందులు లేకుండా చూడండి: నెల్లూరు కలెక్టర్
వేసవి తీవ్రత దృష్ట్యా జిల్లాలో తాగునీటికి ఇబ్బందులు లేకుండా ప్రత్యేక కార్యాచరణతో పనిచేయాలని కలెక్టర్ హరి నారాయణన్ ఇంజినీరింగ్ అధికారులను ఆదేశించారు. సోమవారం కలెక్టర్ క్యాంపు కార్యాలయంలో నీటి వసతిపై సమీక్ష నిర్వహించారు. ఆయన మాట్లాడుతూ.. వేసవిలో పట్టణాలు, గ్రామీణ ప్రాంతాల్లో తాగునీటికి ఇబ్బందులు లేకుండా చేపట్టాల్సిన చర్యలపై అధికారులకు సూచనలు ఇచ్చారు.
News May 20, 2024
తూ.గో: ALERT.. పిడుగులు పడే ఛాన్స్ ఉంది!
ఉమ్మడి తూర్పు గోదావరి జిల్లాలో సాయంత్రం పిడుగులు పడే ఛాన్స్ ఉందని రాష్ట్ర విపత్తుల నివారణ సంస్థ అధికారులు హెచ్చరికలు జారీ చేశారు. కోనసీమ, కాకినాడ, పెద్దాపురం, సామర్లకోట, బిక్కవోలు, రాజమండ్రి తదితర ప్రాంతాల్లో ఉరుములు మెరుపులతో పిడుగులు పడే అవకాశం ఉందన్నారు. ప్రజలు అప్రమత్తంగా ఉండాలని కోరుతూ ఆయా ప్రాంతాల్లోని ప్రజల ఫోన్లకు మెసేజ్‌లు పంపారు.
Featured News
Sorry, no posts matched your criteria.