India's largestHyperlocal short
news App
Get daily news updates that are tailored for you based on your preferred language & location.
download Way2News app now
Andhra Pradesh
News July 13, 2024
కడప: కళాశాలలకు ఇంటర్ పాస్ సర్టిఫికెట్లు
కడప జిల్లాలోని అన్ని జూనియర్ కళాశాలలకు 2024 విద్యా సంవత్సరంలో ఇంటర్మీడియట్ కోర్సు పూర్తి చేసిన విద్యార్థులకు పాస్ సర్టిఫికెట్లను సంబంధిత కళాశాలలకు పంపించామని ఇంటర్ ఆర్ఐఓ బండి వెంకటసుబ్బయ్య తెలిపారు. విద్యార్థులు నేరుగా కళాశాల ప్రిన్సిపాల్ను సంప్రదించి సర్టిఫికెట్లను పొందాలని తెలిపారు.
News July 13, 2024
శ్రీకాకుళం: PG మొదటి సెమిస్టర్ ఫలితాలు విడుదల
శ్రీకాకుళం జిల్లా డాక్టర్ బి.ఆర్ఏయూ పరిధిలో పోస్ట్ గ్రాడ్యుయేషన్ (PG) మొదటి సెమిస్టర్ ఫలితాలను యూనివర్సిటీ ఎగ్జామినేషన్స్ కార్యాలయం నుంచి విడుదల చేశారు. ఈ సందర్భంగా 19 కోర్సుల ఫలితాలను యూనివర్సిటీ అధికారిక వెబ్సైట్లో విద్యార్థులకు అందుబాటులో ఉంచినట్లు పేర్కొన్నారు. అనంతరం విద్యార్థులు తమ యొక్క ఫలితాల కోసం https://drbrau.in/ వెబ్సైట్ ను సందర్శించాలని పేర్కొన్నారు.
News July 13, 2024
అనకాపల్లి: కోడిపెట్ట తల కొరికిన డాన్సర్.. కేసు
అనకాపల్లిలో ఓ డ్యాన్సర్ నృత్య ప్రదర్శన చేస్తూ కోడిపెట్ట తలను కొరికివేశాడు. ఇందుకు సంబంధించిన వీడియో వైరల్గా మారడంతో పెటా సంస్థ (పీపుల్ ఫర్ ఎథికల్ ట్రీట్మెంట్ ఆఫ్ యానిమల్స్) ఫిర్యాదు చేసింది. ఈ ఫిర్యాదు ఆధారంగా పోలీసులు కేసు నమోదు చేశారు. నృత్య ప్రదర్శనలో జనసందోహం ముందు ఒక వ్యక్తి ఉద్దేశపూర్వకంగా కోడి తలను తన పళ్లతో కొరికి చంపాడని, ఎఫ్ఐఆర్ నమోదు చేయాలంటూ సంస్థ ఫిర్యాదు చేసింది.
News July 13, 2024
డక్కిలి గురుకుల పాఠశాల ఎదుట ఎమ్మార్పీఎస్ ఆందోళన
డక్కిలిలోని డాక్టర్ బి.ఆర్ అంబేడ్కర్ గురుకుల పాఠశాల ఎదుట ఎంఆర్పిఎస్ నాయకులు ఆందోళన చేపట్టారు. గురుకుల పాఠశాలలో చదివే ఓ విద్యార్థిని చెన్నైలో చికిత్స పొందుతూ మృతి చెందింది. గురుకులంలో ఆ విద్యార్థిని అనారోగ్యం గురి కావడంతో సిబ్బంది నిర్లక్ష్యంగా వ్యవహరించడంతోనే మృతి చెందిందని, ఇందుకు గురుకుల సిబ్బంది కారణమని ఎమ్మార్పీఎస్ నాయకులు, మృతురాలి కుటుంబ సభ్యులు ఆందోళన చేపట్టారు.
News July 13, 2024
పిఠాపురంలో ఛత్తీస్గడ్ ప్రాజెక్ట్.. ఎలా చేస్తారంటే.??
పిఠాపురంలో ద్రవ, ఘన వ్యర్థాల నిర్వహణ<<13618937>> ప్రాజెక్ట్<<>> ఏర్పాటుచేయనున్న విషయం తెలిసిందే. అయితే నియోజకవర్గంలో ఇళ్లు, దుకాణాలు, వ్యాపార, వాణిజ్యసంస్థల నుంచి నిత్యం చెత్త సేకరిస్తారు. అయితే ఇళ్లకు రూ.3, వ్యాపార సంస్థలకు రూ.5, ప్రభుత్వ కార్యాలయాల నుంచి రూ.20 వసూలు చేస్తారు. నెలకు రూ.3కోట్ల ఆదాయం వస్తుందని అంచనా. వీటితో చెత్త తరలింపునకు రిక్షాలు, ఇతర పనిముట్లు కొనుగోలు చేస్తారు. 150మందికి ఉపాధి లభించనుంది.
News July 13, 2024
REWIND: సిక్కోలు మణిరత్నం చౌదరి సత్యనారాయణ (నేడు జయంతి)
ఎచ్చెర్ల మండలం ఎస్ఎం పురంలో 1908 జులై 13న జన్మించిన చౌదరి సత్యనారాయణ స్వాతంత్ర్య సమరయోధుడు. 13 ఏళ్ల వయసులోనే ఉప్పు సత్యాగ్రహం, కల్లు వేలం పాటలకు వ్యతిరేకంగా ఉద్యమంలో పాల్గొని బ్రిటిష్ పోలీసుల లాఠీ దెబ్బలు తిన్నారు. 1942లో క్విట్ ఇండియా ఉద్యమంలో దూసి పోలీస్ స్టేషన్కు వచ్చిన మహాత్మా గాంధీని పొందూరు ఖాదీతో సత్కరించారు. 1955, 1967లో కృషికార్ లోక్ పార్టీ, స్వతంత్ర పార్టీ తరఫున ఎమ్మెల్యే అయ్యారు.
News July 13, 2024
నంద్యాల: రైలు నుంచి కింద పడిన భార్య.. కాపాడే క్రమంలో భర్త మృతి
రైలు నుంచి కిందపడిన భార్యను కాపాడబోయి భర్త మృతిచెందిన ఘటన డోన్ సమీపంలోని ఎర్రగుంట్ల వద్ద జరిగింది. దంపతులు సయ్యద్ ఆసిఫ్, అసియాబాను ఫుట్బోర్డుపై కూర్చొని ప్రయాణిస్తుండగా నిద్రమత్తులో భార్య కిందపడింది. గమనించిన భర్త ఆమెను కాపాడేందుకు రైలు నుంచి దూకి మృతిచెందాడు. మహిళను డోన్ ప్రభుత్వాసుపత్రికి తరలించారు. కర్ణాటకకు చెందిన వీరు.. 4 నెలల క్రితం ప్రేమ వివాహం చేసుకున్నట్లు పోలీసులు తెలిపారు.
News July 13, 2024
విజయనగరం:అగ్నిపథ్లో ఉద్యోగాలకు దరఖాస్తుల ఆహ్వానం
అగ్నిపథ్లో భాగంగా అగ్నివీర్-వాయు సేనలో ఉద్యోగాలకు ఆన్లైన్ ద్వారా అవివాహిత పురుష,మహిళ అభ్యర్థుల నుంచి దరఖాస్తులు ఆహ్వానిస్తున్నట్లు యువజన సర్వీసుల శాఖ సీఈవో రాంగోపాల్ తెలిపారు.ఇంజినీరింగ్లో మూడు సంవత్సరాలు చదివిన వారు,రెండు సంవత్సరాల ఒకేషనల్ కోర్సు పూర్తి చేసిన వారు కూడా అర్హులని చెప్పారు.ఈనెల 28 వరకు అవకాశం ఉందని అన్నారు. https://agni- pathavaya.cdac.in వెబ్ సైట్ లో నమోదు చేసుకోవాలన్నారు.
News July 13, 2024
ఒంగోలు: విద్యార్థులు మొక్కలు నాటాలి: డీఈవో
జిల్లాలోని అన్ని పాఠశాలల్లో మొక్కలు నాటి వాటిని సంరక్షించాలని డీఈవో డి.సుభద్ర శుక్రవారం ఒక ప్రకటనలో కోరారు. ప్రపంచ పర్యావరణ దినోత్సవం జూన్ 5న ప్రధానమంత్రి నరేంద్రమోదీ చేతుల మీదుగా చేపట్టిన ఏక్ పేడ్ మాకౌనామ కార్యక్రమంలో భాగంగా పాఠశాలల్లో విద్యార్థులతో మొక్కలు నాటించే కార్యక్రమం చేపట్టాలన్నారు. ఈ కార్యక్రమానికి సంబంధించి జియోటాగ్ ఫొటోలను గ్రూపులో పెట్టాలన్నారు.
News July 13, 2024
చంద్రగిరిలో కారు డ్రైవింగ్ పై ఉచిత శిక్షణ
యూనియన్ బ్యాంక్ గ్రామీణ స్వయం ఉపాధి శిక్షణ సంస్థ చంద్రగిరిలో 30 రోజుల పాటు పూర్తి ఉచితంగా పురుషులు, మహిళలకు లైట్ మోటార్ వెహికల్ కారు డ్రైవింగ్పై ఉచిత శిక్షణ కార్యక్రమాన్ని ప్రారంభించనున్నట్టు సంస్థ డైరెక్టర్ పి.సురేష్ బాబు తెలిపారు. తెల్ల రేషన్ కార్డు కలిగిన తిరుపతి, చిత్తూరు జిల్లాల గ్రామీణ ప్రాంతాలకు చెందిన 19 నుంచి 45 సంవత్సరాల మధ్య వయసు ఉన్న నిరుద్యోగులు అర్హులని తెలిపారు.
Featured News
Sorry, no posts matched your criteria.