India's largestHyperlocal short
news App
Get daily news updates that are tailored for you based on your preferred language & location.
download Way2News app now
Andhra Pradesh
News August 7, 2024
విశాఖ: రైలులో విద్యార్థిని పట్ల అసభ్య ప్రవర్తన..
విజయవాడ నుంచి విశాఖ వస్తున్న రైలులో మంగళవారం అర్ధరాత్రి దాటిన తర్వాత ఓ వ్యక్తి విద్యార్థిని పట్ల అసభ్యంగా ప్రవర్తించాడు. ఆమె ప్రైవేట్ భాగాలను తాకుతుండగా మేలుకొని కేకలు వేసింది. ఆ కంపార్ట్మెంట్లో ఉన్న ఏఐఎస్ఎఫ్ ప్రతినిధులు నిందితుడిని పట్టుకుని బుధవారం ఉదయం విశాఖలో రైల్వే పోలీసులకు అప్పగించారు. ఇలాంటి కామాంధులను కఠినంగా శిక్షించాలని ఏఐఎస్ఎఫ్ రాష్ట్ర కోశాధికారి సాయికుమార్ డిమాండ్ చేశారు.
News August 7, 2024
బొకారో ఎక్స్ ప్రెస్ దారి మళ్లింపు
చెన్నై సెంట్రల్-బేసిన్ బ్రిడ్జి స్టేషన్ల మధ్య వంతెన పునర్నిర్మాణ పనుల కారణంగా ఆ మార్గంలో ప్రయాణించే బొకారో ఎక్స్ప్రెస్ దారి మళ్లిస్తున్నట్లు వాల్తేరు డీసీఎం సందీప్ తెలిపారు. అలప్పుజ-ధన్ బాద్ బొకారో ఎక్స్ప్రెస్ను ఈనెల 8,10,13, 15,17, 20,22, 24,27,29తేదీల్లో రెగ్యులర్ మార్గంలో కాకుండా వయా పొదనూర్,ఇరుగూర్, సూరత్కల్ స్టేషన్ల మీదుగా నడుస్తుందన్నారు. పొదనూర్లో హాల్ట్ కల్పించామన్నారు.
News August 7, 2024
కృష్ణా: బాలికపై ఉపాధ్యాయుడు అసభ్య ప్రవర్తన
పామర్రు మండలంలోని ఓ గ్రామానికి చెందిన బాలిక నిమ్మకూరులో చదువుతోంది. తెలుగు ఉపాధ్యాయుడు డి.వెంకటరాజేశ్వరరావు ఈనెల 1న విద్యార్థులను గదికి రమ్మని, సదరు బాలికకు పుస్తకంలోని విషయాన్ని సరిచేయాలని సూచిస్తూ.. విద్యార్థిని శరీరాన్ని తాకుతూ అసభ్యంగా ప్రవర్తించాడు. బాలిక ఇంట్లో చెప్పగా, పోలీసులకు ఫిర్యాదు చేశారు. దీంతో ఉపాధ్యాయుడిపై పోక్సో కేసు నమోదుచేసి రిమాండ్ విధించారు. గతంలో ఈయనపై ఇలాంటి ఆరోపణలే ఉన్నాయి.
News August 7, 2024
కడప: ఈనెల 11వ తేదీ వరకు తిరుమల ఎక్స్ప్రెస్ రద్దు
కడప- విశాఖపట్నం మధ్య నడుస్తున్న తిరుమల ఎక్స్ప్రెస్ రైలును ఈనెల 11వ తేదీ వరకు రద్దు చేసినట్లు కడప రైల్వే చీఫ్ బుకింగ్ సూపర్వైజర్ మోహన్ దాస్ తెలిపారు . విజయవాడ రైల్వే స్టేషన్ సమీపంలో జరుగుతున్న నాన్ ఇంటర్ లాకింగ్ పనుల కారణంగా ఈ రైలును రద్దు చేసినట్లు తెలిపారు. కావున ప్రయాణికులు ఈ విషయాన్ని గమనించాలని ఆయన కోరారు.
News August 7, 2024
శ్రీకాకుళం: సాయం కోసం ఎదురుచూపులు
శ్రీకాకుళం జిల్లా గంగువారి సిగడాం మండలం సంతవురిటి గ్రామానికి చెందిన పారా బ్యాడ్మింటన్ ప్లేయర్ పడాల రూపాదేవి సహాయం కోసం ఎదురుచూస్తున్నారు. గతేడాది థాయిలాండ్ లోపారా బ్యాడ్మింటన్ పోటీలో సిల్వర్ మెడల్, ఖేలో ఇండియాలో సిల్వర్, లక్నోలో గోల్డ్ మెడల్ సాధించారు. ఇండోనేషియాలో సెప్టెంబరులో జరిగే అంతర్జాతీయ పారా బ్యాడ్మింటన్ పోటీలకు వెళ్లడానికి ప్రభుత్వం సాయం చేయాలని పలువురు కోరుతున్నారు.
News August 7, 2024
కాకినాడ అబ్బాయిని మోసం చేసిన ఆరుగురు మహిళలు
కాకినాడకు చెందిన కృష్ణమోహన్కు పెళ్లిసంబంధం చూస్తానని శిరీష అనే మహిళ కలిసింది. జూన్ 23న సత్యవేణి, దుర్గ అనే ఇద్దరిని పరిచయం చేసింది. వారు అతణ్ని రాజమండ్రికి తీసుకెళ్లి నీరజను పెళ్లికుమార్తెగా చూపించారు. నచ్చడంతో నిశ్చితార్థం ఖర్చులకు రూ.2.80లక్షలు, గోల్డ్ చైన్, ఫోన్ను సత్యదేవి, ప్రియాదేవికి అందించాడు. కొద్దిరోజులకు అనుమానంతో ప్రశ్నించగా మోసం చేశారని తేలింది. పోలీసులకు ఫిర్యాదుచేయగా కేసు నమోదైంది.
News August 7, 2024
తిరుపతి జిల్లాలో చిరుత సంచారం?
తిరుపతి జిల్లా రామచంద్రాపురం మండలం పరమాలలో అడవి జంతువు సంచారం కలకలం రేపింది. గ్రామానికి చెందిన శేషమ్మ సోమవారం రాత్రి తన పశువులను పొలాల సమీపంలో కట్టేసి ఇంటికి వచ్చారు. మంగళవారం ఉదయం పాలు పితికేందుకు వెళ్లగా తాడుకు కట్టేసిన దూడను చంపి తినడం గుర్తించారు. అటవీ బీట్ అధికారి కిషోర్ కుమార్ జంతువు పాద ముద్రలు సేకరించారు. దాడికి పాల్పడింది చిరుతా? లేదా రేసుకుక్కలా? అని తేలాల్సి ఉంది.
News August 7, 2024
గార్లదిన్నె: హైవేపై ప్రమాదం.. యువకుడు స్పాట్ డెడ్
గార్లదిన్నె మండల కేంద్రంలో మంగళవారం అర్ధరాత్రి జరిగిన రోడ్డు ప్రమాదంలో యువకుడు మృతి చెందాడు. పోలీసులు వివరాల మేరకు.. కల్లూరు హైవే పక్కన ఆగి ఉన్న ఆటోను టమోటా లారీ అదుపు తప్పి ఢీకొట్టింది. ఈ ఘటనలో కేశవపురం గ్రామానికి చెందిన శివ (19) అనే యువకుడు అక్కడికక్కడే మృతి చెందాడు. ఆటోలోని మరో ఇద్దరు టీ తాగేందుకు వెళ్లగా ప్రాణాలతో బయట పడినట్లు పోలీసులు తెలిపారు. ప్రమాదంపై పోలీసులు దర్యాప్తు చేస్తున్నారు.
News August 7, 2024
విశాఖలో ఆర్మీ ర్యాలీ.. ఏర్పాట్లపై సమీక్ష
విశాఖ పోర్ట్ ట్రస్ట్ డైమండ్ జూబ్లీ స్టేడియంలో ఈ నెల 23 నుంచి వచ్చే నెల 5వ తేదీ వరకు జరిగే ఆర్మీ రిక్రూట్మెంట్ ర్యాలీకి పక్కా ఏర్పాట్లు చేయాలని కలెక్టర్ హరీంద్ర ప్రసాద్ అధికారులను ఆదేశించారు. ఆర్మీ రిక్రూట్మెంట్ ర్యాలీపై ఆర్మీ, జిల్లా అధికారులతో సమావేశాన్ని నిర్వహించారు. కలెక్టరేట్లో జరిగిన సమావేశంలో ఆయన మాటాడుతూ.. రాష్ట్రంలో 13 జిల్లాలకు చెందిన 8వేల మంది యువత ఈ ర్యాలీలో పాల్గొంటున్నట్లు తెలిపారు.
News August 7, 2024
విశాఖ: ఆశలన్నీ జ్యోతిపైనే..
ఎన్నడూ లేనివిధంగా విశాఖ ప్రజలు ఈసారి ఒలింపిక్స్ క్రీడల కోసం ఆసక్తిగా ఎదురుచూస్తున్నారు. పారిస్లో జరుగుతున్న పోటీల్లో విశాఖకు చెందిన పరుగుల రాణి జ్యోతి యర్రాజీ భారీ అంచనాలతో బరిలోకి దిగుతుండటమే దీనికి కారణం. నేడు అథ్లెటిక్స్ విభాగానికి సంబంధించి 100 మీటర్ల హార్డిల్స్ తొలి రౌండ్ జరగనుంది. పోటీలో జ్యోతి చిరుతలా మెరుగైన ప్రదర్శన కనబరచి పసిడి పతకాన్ని సాధించాలని విశాఖ జిల్లా ప్రజలు ఆశిస్తున్నారు.
Featured News
Sorry, no posts matched your criteria.