India's largestHyperlocal short
news App
Get daily news updates that are tailored for you based on your preferred language & location.
download Way2News app now
Andhra Pradesh
News February 28, 2025
ప్రకాశం జిల్లాకు 123.63 కోట్లు విడుదల
ప్రకాశం జిల్లాలో మార్చికి సంబంధించి పింఛన్ నగదు 123.63 కోట్లు విడుదలైనట్లు డీఆర్డీఏ ఇన్‌ఛార్జ్ పీడీ చిరంజీవి తెలిపారు. ఒకటో తేదీన 100% పింఛన్ పంపిణీ చేయాలని.. ఎవరైనా మిగిలిపోతే 3వ తేదీన పంపిణీ చేయాలని సిబ్బందికి సూచించారు. నగదు పంపిణీలో నిర్లక్ష్యం వహిస్తే చర్యలు తీసుకుంటామని హెచ్చరించారు.
News February 28, 2025
శ్రీకాకుళం: నాగావళి వంతెన కింద వ్యక్తి మృతదేహం
నాగావళి నది వంతెన కింద వ్యక్తి మృతదేహన్ని శుక్రవారం ఉదయం స్థానికులు గుర్తించారు. స్థానికుల కథనం.. శ్రీకాకుళం మండలం తోట పాలెం జంక్షన్ వద్ద ఉన్న నీలమ్మ కాలనీకి చెందిన యాదవ రెడ్డి రాజు (40) గా గుర్తించారు. ఘటనపై మరిన్ని వివరాలు తెలియాల్సి ఉంది.
News February 28, 2025
ద్వారకాతిరుమల: నిమ్మకాయలు అమ్మిన సినీ నటుడు షఫీ
ప్రముఖ క్షేత్రం ద్వారకాతిరుమలలో సినీ నటుడు షఫీ నిమ్మకాయలు అమ్మి సందడి చేశారు. నిన్న ఆయన మరో నటుడు మాణిక్ రెడ్డితో కలిసి శ్రీవారిని దర్శించుకున్నారు. తిరుగు ప్రయాణంలో లింగయ్య చెరువు వద్ద నిమ్మకాయలు అమ్మే మహిళా వ్యాపారులు ఆయన కారును ఆపి, వాటిని కొనాలని కోరారు. వెంటనే కారు దిగిన షఫీ తాను నిమ్మకాయలు అమ్ముతాను అంటూ, వారితో కలిసి సందడి చేశారు.
News February 28, 2025
కృష్ణా: ఎమ్మెల్సీ ఎన్నికల్లో ఓటు వేయని ఆ నలుగురు.!
ఉమ్మడి కృష్ణా, గుంటూరు జిల్లా పట్టభద్రుల ఎమ్మెల్సీ ఎన్నికల్లో రికార్డు స్థాయి పోలింగ్ నమోదైంది. కానీ జిల్లాలో ఆ నలుగురు మాత్రం తమ ఓటు హక్కు వినియోగించుకోలేదు. ఆ నలుగురు ఏ రాజకీయ ప్రముఖులో అనుకుంటున్నారా.? కాదండి వారు సాధారణ ఓటర్లే.. కానీ ప్రత్యేకం. వారెవరో కాదు ఓటు హక్కు కలిగిన థర్డ్ జెండర్ ఓటర్లు. జిల్లాలో నలుగురు థర్డ్ జెండర్ ఓటర్లు ఓటు హక్కు పొంది ఉండగా వారు తమ ఓటు హక్కును వినియోగించుకోలేదు.
News February 28, 2025
పామూరు: దొంగ నోట్ల కలకలం
పామూరు మండలంలో దొంగ నోట్లు కలకలం రేపాయి. స్థానికంగా ఉన్న ఓ బ్యాంకులో నగదు జమచేసేందుకు ఓ వ్యక్తి వచ్చాడు. అతని దగ్గర ఓ రూ.200 నోటు దొంగ నోటని బ్యాంకు సిబ్బంది గుర్తించారు. ఆ నోటుపై నకిలీ అని రాసి.. దానిని ఖాతాదారుడి చేత చించి వేయించారు. దొంగనోట్ల చెలామణికి అడ్డుకట్ట వేయాలని ప్రజలు కోరుతున్నారు.
News February 28, 2025
గుంటూరు: సింహాద్రి ఎక్స్‌ప్రెస్‌ రద్దు
నాన్ ఇంటర్ లాకింగ్ పనులు జరుగుతున్న కారణంగా విజయవాడ మీదుగా గుంటూరు- విశాఖపట్నం మధ్య ప్రయాణించే సింహాద్రి ఎక్స్‌ప్రెస్‌లను దక్షిణ మధ్య రైల్వే 2 రోజుల పాటు రద్దు చేసింది. ఈ మేరకు మార్చి 1,2 తేదీలలో గుంటూరు-విశాఖపట్నం(నం.17239), విశాఖపట్నం-గుంటూరు(నం.17240) సింహాద్రి ఎక్స్‌ప్రెస్‌ను మార్చి 2,3 తేదీలలో రద్దు చేసినట్లు రైల్వే అధికారులు ఒక ప్రకటనలో తెలిపారు.
News February 28, 2025
VZM: పెళ్లి ఇష్టం లేదని ఇంటి నుంచి వెళ్లిపోయాడు
విజయనగరంలో ఓ యువకుడు పెళ్లి ఇష్టం లేదని ఇంటి నుంచి వెళ్లిపోయాడు. CI శ్రీనివాస్ వివరాల ప్రకారం.. నెయ్యిల వీధికి చెందిన పి.సాయికి మార్చిలో వివాహం జరగాల్సి ఉంది. కాగా ఈనెల 24 ఇంట్లో నుంచి వెళ్లిపోయాడు. అనంతరం తల్లికి ఫోన్ చేసి పెళ్లి ఇష్టం లేదని చెప్పి కాల్ కట్ చేశాడు. యువకుడి కోసం ఎంత గాలించినా ఆచూకీ లభించకపోవడంతో తల్లి చిట్టెమ్మ పోలీసులకు ఫిర్యాదు చేశారు. వన్ టౌన్ CI కేసు దర్యాప్తు చేపట్టారు.
News February 28, 2025
సాంకేతిక లోపంతో ఇండిగో విమానం అత్యవసర లాండింగ్
ఇండిగో విమానం చెన్నై నుంచి గన్నవరం విమానశ్రయానికి చేరుకొని విశాఖపట్నం వెళ్లనుంది. ఈ క్రమంలో గన్నవరం విమానాశ్రయం నుంచి విశాఖపట్నం బయలుదేరే తరుణంలో ఆ విమానంలో సాంకేతిక లోపం తలెత్తింది. వెంటనే అప్రమత్తమైన పైలట్ విమానాన్ని గన్నవరం విమానాశ్రయంలో అత్యవసర ల్యాండింగ్ చేశారు. విమానంలో మొత్తం 54 మంది ప్రయాణికులు, మాజీ మంత్రి డొక్కా కూడా ఉన్నారు. దీంతో ప్రయాణికులు ఒక్కసారిగా ఆందోళన చెందారు.
News February 28, 2025
రాజమండ్రి: ఉరి వేసుకొని యువకుడి ఆత్మహత్య
రాజమండ్రిలో పోలిశెట్టి సతీష్ అనే యువకుడు గురువారం ఆత్మహత్యకు పాల్పడ్డాడు. వీటీ కాలేజ్ రోడ్డు ముత్యాలమ్మ గుడి సమీపంలోని ఒక షాప్‌లో ఆ యువకుడు పనిచేస్తున్నాడు. ఇంట్లో ఉరి వేసుకుని ఆత్మహత్యకు పాల్పడడంతో తల్లిదండ్రులు పోలిశెట్టి రాణి, నాగేశ్వరరావులు టూ టౌన్ పోలీసులకు ఫిర్యాదు చేశారు. మృతుడి పూర్తి వివరాలు తెలియాల్సి ఉంది. టూ టౌన్ ఇన్స్‌స్పెక్టర్ మంగాదేవి కేసు నమోదు చేసి దర్యాప్తు చేస్తున్నారు.
News February 28, 2025
శ్రీకాకుళం: కళ్లు తిరిగి రోడ్డుపై పడి వ్యక్తి మృతి
శ్రీకాకుళం నగరంలోని పందుంపుళ్ల జంక్షన్లో కళ్లు తిరిగి రోడ్డుపై పడిపోయి ఓ వ్యక్తి మృతి చెందిన ఘటన గురువారం రాత్రి చోటుచేసుకుంది. శ్రీకాకుళం వన్ టౌన్ ఎస్సై హరిక్రిష్ణ తెలిపిన వివరాల మేరకు.. విశాఖకి చెందిన ఎం. కోదండరావు (35) శ్రీకాకుళంలోని ఓ పండ్ల షాపులో పని చేస్తుంటాడు. కొన్ని రోజులుగా అనారోగ్యంతో బాధపడుతున్నాడు. షాపులో పని ముగించుకుని ఇంటికి నడుచుకుంటూ వెళ్తున్న సమయంలో రోడ్డుపై పడి మృతి చెందాడు.
Featured News
Sorry, no posts matched your criteria.