India's largestHyperlocal short
news App
Get daily news updates that are tailored for you based on your preferred language & location.
download Way2News app now
Andhra Pradesh
News February 27, 2025
చిత్తూరులో వృద్ధురాలి సూసైడ్
వృద్ధురాలు ఉరి వేసుకొని మృతి చెందిన ఘటన చిత్తూరు వైఎస్ నగర్‌లో చోటుచేసుకుంది. ఎస్సై మల్లికార్జున తెలిపిన వివరాల ప్రకారం.. గత కొంతకాలంగా జ్ఞానమని (65) అనే వృద్ధురాలు తీవ్రమైన నడుము నొప్పి, కడుపు నొప్పితో బాధపడుతోంది. బుధవారం నొప్పి భరించలేక మనస్తాపానికి గురై ఇంట్లోనే ఆత్మహత్యాయత్నానికి పాల్పడగా మనవడు ప్రభుత్వ ఆసుపత్రికి తరలించాడు. మార్గ మద్యమంలో మృతి చెందగా, కేసు నమోదు చేశామన్నారు.
News February 27, 2025
విశాఖ మహా కుంభాభిషేకంలో పాల్గొన్న బ్రహ్మానందం
విశాఖ ఆర్కే బీచ్‌లో మాజీ కేంద్ర మంత్రి సుబ్బిరామిరెడ్డి ఆధ్వర్యంలో బుధవారం మహా కుంభాభిషేకం ఘనంగా నిర్వహించారు. ఈ కార్యక్రమానికి ముఖ్య అతిథిగా సినీ నటుడు బ్రహ్మానందం పాల్గొన్నారు. ఈ సందర్భంగా ఆయన మాట్లాడుతూ.. ప్రతీ ఒక్కరూ హైందవ ధర్మంను కాపాడుకోవడాన్ని తమ భాద్యతగా తీసుకోవాలని అన్నారు. ఈ కార్యక్రమంలో ఎమ్మెల్యే గంటా శ్రీనివాసరావుతోపాటు అధిక సంఖ్యలో భక్తులు పాల్గొన్నారు.
News February 27, 2025
గుంటూరు: ఎమ్మెల్సీ ఎలక్షన్‌కు సర్వం సిద్ధం
గుంటూరు జిల్లా వ్యాప్తంగా ఎమ్మెల్సీ ఎన్నికలకు అధికారులు సర్వం సిద్ధం చేశారు. జిల్లా వ్యాప్తంగా 149 కేంద్రాల్లో పోలింగ్ జరగనుంది. మొత్తం 1,08,109మంది ఓటర్లు ఓటు వినియోగించుకునేలా చర్యలు తీసుకున్నారు. వీరిలో పురుషులు 62,549, మహిళలు 45,542, ఇతరులు 18మంది ఉన్నారు. గ్రాడ్యుయేట్లు అందరూ తప్పనిసరిగా ఓటు హక్కును ఉపయోగించుకోవాలని అధికారులు సూచిస్తున్నారు.
News February 27, 2025
అహోబిలంలో మార్చి 2న కోయిల్ ఆళ్వార్ తిరుమంజనం
అహోబిలంలో మార్చి 2న కోయిల్ ఆల్వార్ తిరుమంజనం నిర్వహిస్తున్నట్లు దేవస్థానం ప్రధానార్చకులు కీడాంబి వేణుగోపాలన్ తెలిపారు. బుధవారం ఆయన మాట్లాడుతూ.. కోయిల్ అంటే గుడి అని ఆళ్వార్ అంటే భక్తుడని తెలిపారు. కోయిల్ ఆల్వార్ తిరుమంజనం అంటే గుడిని శుద్ధి చేసే ప్రక్రియ అన్నారు. ఎగువ, దిగువ అహోబిలం క్షేత్రాలలో ఆ రోజు మధ్యాహ్నం 1 గంట నుంచి రాత్రి 7 గంటల వరకు భక్తులకు శ్రీ స్వామి దర్శనం ఉండదని తెలిపారు.
News February 27, 2025
గుంతకల్లు వాసికి సన్మానం
గుంతకల్లుకు చెందిన బ్లడ్ డోనర్ రెడ్ డ్రాప్ రెహ్మాన్‌కు అరుదైన గౌరవం లభించింది. కర్ణాటక తొర్నగల్ జిందాల్ ఫ్యాక్టరీలో నిర్వహించిన మెగా రక్తదాన శిబిరానికి ఆయనను ప్రత్యేకంగా ఆహ్వానించారు. రెహ్మాన్‌ను జేఎస్‌డబ్ల్యూ ఫౌండేషన్ మేనేజర్ పెద్దన్న, ముఖ్య అతిథులు సీనియర్ అడ్మినిస్ట్రేషన్ సునీల్ రాల్ఫా చేతుల మీదుగా జ్ఞాపికతో సత్కరించారు. 133 సార్లు రక్తదానం చేసినందుకు రెహ్మాన్‌కు సన్మానం చేశారు.
News February 27, 2025
పొలతలలో భద్రతా ఏర్పాట్లను పరిశీలించిన SP
మహాశివరాత్రి పండుగ నేపథ్యంలో పొలతల మల్లికార్జునస్వామి వారి ఆలయాన్ని కడప జిల్లా ఎస్పీ ఈజీ అశోక్ కుమార్ సందర్శించారు. అనంతరం భద్రతా ఏర్పాట్లను క్షేత్ర స్థాయిలో పరిశీలించి, పోలీస్ అధికారులకు బుధవారం రాత్రి పలు సూచనలు చేశారు. ఆలయ పరిసరాలు, ప్రవేశ మార్గాలు, క్యూ లైన్లలో భద్రత, బందోబస్తు ఏర్పాట్లను పరిశీలించారు. ఆలయం లోపల భక్తుల ప్రవేశం వద్ద విధులు నిర్వర్తించే సిబ్బంది అప్రమత్తంగా ఉండాలన్నారు.
News February 27, 2025
SKLM: మెటీరియల్ అంతా సరిచూసుకోవాలి: కలెక్టర్
ఎన్నికల మెటీరియలను సరి చూసుకోవాలని ఎన్నికల అధికారి, కలెక్టర్ స్వప్నిల్ దినకర్ పుండ్కర్ తెలిపారు. శ్రీకాకుళం ఆర్డీఓ కార్యాలయం ఆవరణలో మెటీరియల్ పంపిణీ కార్యక్రమాన్ని బుధవారం ఆయన సందర్శించారు. మైక్రో అబ్జర్వర్, బ్యాలెట్ పేపర్, బ్యాలెట్ బాక్స్, బింగో బాక్స్, బిగ్ బాక్స్ తదితర మెటిరియల్‌ను కలెక్టర్ పరిశీలించారు. మెటీరియల్‌పై భద్రత వహించాలని పోలీంగ్ సిబ్బందికి చెప్పారు.
News February 27, 2025
దోర్నాల ఘాట్‌లో ఎస్పీ తనికీలు.!
మహాశివరాత్రి పర్వదినం సందర్భంగా దోర్నాల నుంచి శ్రీశైలం వెళ్లే ఘాట్ రోడ్డుపై, ట్రాఫిక్ నియంత్రణకు ప్రత్యేక చర్యలు తీసుకోవడం జరిగిందని జిల్లా ఎస్పీ ఏఆర్ దామోదర్ తెలిపారు. బుధవారం రాత్రి దోర్నాలలోని మల్లికార్జున్ నగర్ వద్ద పోలీసులు ఏర్పాటు చేసిన పార్కింగ్ ప్రదేశాన్ని పరిశీలించారు. అధికారులకు పలు సూచనలు చేశారు. భక్తులకు ఎటువంటి అసౌకర్యం కలగకుండా చర్యలు చేపట్టాలన్నారు.
News February 27, 2025
రాజమండ్రి: నదీజలాలను సంరక్షించండి- కమిషనర్
నగరపాలక సంస్థ ఆధ్వర్యంలో నదీ జలాలను సంరక్షించే అవగాహన కార్యక్రమాలు నిర్వహిస్తున్నామని.. ప్రజలందరూ దీనిలో పాల్గొనాలని కమిషనర్ కేతన్ గార్గ్ కోరారు. ఫిబ్రవరి 25 నుంచి 28 వరకు డ్రాయింగ్ పోటీలు, బోట్ రేస్, మ్యూరల్ పెయింటింగ్, ఊరేగింపు, సాంస్కృతిక కార్యక్రమాలు, యోగా నిర్వహించనున్నారు. ఈ కార్యక్రమాలకు నోడల్ అధికారిగా ఇంజినీర్ షేక్ మదర్షా అలీని కమిషనర్ నియమించారు.
News February 27, 2025
కృష్ణా: ఎన్నికలకు సర్వ సిద్ధం
ఎమ్మెల్సీ ఎన్నికలు రేపు(గురువారం) 27వ తేదీన జరగనున్న విషయం తెలిసిందే. ఈ ఎన్నికలకు జిల్లా వ్యాప్తంగా కట్టుదిట్టమైన బందోబస్తు ఏర్పాట్లు పూర్తయ్యాయి. ఎటువంటి అవాంఛనీయ ఘటనలకు తావులేకుండా జరగాలని పోలీసులు అన్ని చర్యలు తీసుకున్నారు. ఈ మేరకు జిల్లా ఎస్పీ గంగాధర్ రావు బుధవారం ఓ ప్రకటన విడుదల చేశారు. ఎన్నికల ప్రవర్తన నియమావళి ఉల్లంఘించిన వారిపై చట్టపరమైన చర్యలు ఉంటాయని చెప్పారు.
Featured News
Sorry, no posts matched your criteria.