India's largestHyperlocal short
news App
Get daily news updates that are tailored for you based on your preferred language & location.
download Way2News app now
Andhra Pradesh
News July 12, 2024
పిడుగురాళ్ల: పెరుగుతున్న అతిసార బాధితులు
పిడుగురాళ్లలోని లెనిన్‌నగర్, మారుతీనగర్‌ ప్రజలు అతిసార లక్షణాలతో 10రోజులుగా ఆస్పత్రుల్లో చేరుతున్నారు. తొలిరోజు 25మంది ఆస్పత్రుల్లో చేరగా..బాధితుల సంఖ్య పెరుగుతోంది. కాగా, దీనికి మూలకారణమేంటో తెలియరాలేదు. గురువారం పట్టణంలో పర్యటించిన మంత్రి నారాయణకూ అధికారులు కారణాలు చెప్పలేకపోయారని తెలుస్తోంది. కుళాయి నీరు కలుషితం అయిందని, నీటిని పరీక్ష కోసం విజయవాడకు పంపినట్లు అధికారులు చెబుతున్నారు.
News July 12, 2024
డిగ్రీ ప్రవేశాలకు గడువు పొడిగింపు
కర్నూలు: డాక్టర్ అబ్దుల్ హక్ ఉర్దూ వర్సిటీలో 2024-25 విద్యా సంవత్సరానికి నాలుగేళ్ల హానర్స్ డిగ్రీ కోర్సుల్లో ప్రవేశానికి ఈ నెల 20వ తేదీ వరకు గడువు పొడిగించినట్లు రిజిస్ట్రార్ బాయినేని శ్రీనివాసులు గురువారం ఒక ప్రకటనలో తెలిపారు. https:///oamdc-apsche.aptonline.in /OAMDC202425/Index ఆన్లైన్లో దరఖాస్తు చేసుకోవాలన్నారు. అభ్యర్థులకు ఆగస్టు 1వ తేదీ లోపు రిపోర్టు చేయాల్సి ఉంటుందన్నారు.
News July 12, 2024
విజయనగరం: ఉచిత ఇసుక సరఫరాపై టోల్ ఫ్రీ నంబరు
ఉచిత ఇసుక సరఫరాకు సంబంధించి సమాచారం కోసం ప్రభుత్వ ఆదేశాల మేరకు జిల్లా యంత్రాంగం టోల్ ఫ్రీ నంబరు ఏర్పాటు చేసింది. సమాచారం, ఫిర్యాదుల కోసం 18004 256014 టోల్ ఫ్రీ నంబరుకు, ఆ నంబర్ అందుబాటులోకి రాకుంటే 90323 38135 ఫోన్ నంబరును సంప్రదించవచ్చునని జిల్లా సమాచార పౌర సంబంధాల శాఖ ఒక ప్రకటనలో తెలిపింది. ఈ విషయాన్ని ఇసుక వినియోగదారులు గమనించాలని కోరింది.
News July 12, 2024
జమ్మలమడుగు: ‘ఈ భావికి భీముడికి సంబంధం ఉంది’
మహాభారతానికి పెద్దముడియం మండలం భీమగుండంలోని బావికి సంబంధం ఉందని అక్కడి ప్రజలు భావిస్తారు. పాండవులు వనవాసంలో ఉండగా ద్రౌపది భీముడిని నీళ్లు తీసుకొని తీసుకురమ్మని చెప్తుంది. అక్కడ అంతా రాతిమయమవడంతో నీరెక్కడా కనిపించదు. భీముడు గదతో ఒక రాతిని 101 ముక్కులుగా చేసి భూమి నుంచి నీరు తెప్పించాడని గ్రామస్థులు చెప్తున్నారు. దీంతో ఆ ఊరిని భీమగుండంగా పిలుస్తారని వారు తెలిపారు. ఆ భావిని భీముని గుండంగా పిలుస్తారు.
News July 12, 2024
రాజమండ్రి: జ్యోతిర్లింగ దివ్య దక్షిణ యాత్రలకు ప్రత్యేక రైళ్లు
ఉత్తరాఖండ్ యాత్ర, జ్యోతిర్లింగ దివ్య దక్షిణ యాత్రలకు భారత్ గౌరవ యాత్ర స్పెషల్ రైళ్లు ఆగస్టు 4, 8 తేదీల్లో నడుపుతున్నామని IRCTC ఏరియా మేనేజర్ రాజా గురువారం తెలిపారు. రాజమహేంద్రవరం రైల్వే స్టేషన్ లో రైళ్ల వివరాల బ్రోచర్లను స్టేషన్ మేనేజర్ రంగనాథ్, సీటీఐ చంద్రమౌళితో కలిసి ఆవిష్కరించారు. ఉత్తరాఖండ్ యాత్ర ఆగస్టు 8న విశాఖపట్నంలో బయలు దేరి రాజమహేంద్రవరం వస్తుందన్నారు. 11 రోజులు యాత్ర సాగుతుందన్నారు.
News July 12, 2024
విశాఖపట్నం రేంజ్ డీఐజీగా గోపీనాథ్ జెట్టి
విశాఖపట్నం రేంజ్ డిప్యూటీ ఇన్స్పెక్టర్ ఆఫ్ జనరల్‌గా గోపీనాథ్ జెట్టి నియమితులయ్యారు. ప్రస్తుతం విశాఖ రేంజ్ డీఐజీగా ఉన్న విశాల్ గున్నీ డీజీపీ కార్యాలయంలో రిపోర్ట్ చేయాలని గురువారం రాత్రి ప్రభుత్వం ఉత్తర్వులు జారీచేసింది. 2008 ఐపీఎస్ బ్యాచ్‌కు చెందిన గోపీనాథ్ జెట్టి రెండు మూడు రోజులలో డీఐజీగా పదవి బాధ్యతలు చేపట్టనున్నారు.
News July 12, 2024
ఒంగోలు: అపార్ట్‌మెంట్ పైనుంచి జారిపడి మహిళ మృతి
ఒంగోలులోని శ్రీనివాస కాలనీకి చెందిన మహిళా కూలీ బొమ్మనబోయిన అల్లూరమ్మ (35) గత ఆరు నెలలుగా నిర్మాణంలో ఉన్న అపార్టుమెంట్లో పనిచేస్తున్నారు. గురువారం నాలుగో అంతస్థులో పిల్లర్ బాక్సులు ఊడదీస్తున్న సమయంలో ప్రమాదవశాత్తూ అక్కడి నుంచి పడి పోయారు. తీవ్ర గాయాలు కావటంతో అక్కడికక్కడే మృతి చెందారు. మృతురాలి కుటుంబీకులు ఇచ్చిన ఫిర్యాదు మేరకు తాలూకా పోలీసులు కేసు నమోదుచేసి, దర్యాప్తు చేపట్టారు.
News July 12, 2024
ఉపకార వేతనాలకు దరఖాస్తుల ఆహ్వానం
ఉమ్మడి జిల్లాలోని బీడి, సున్నపురాయి, డోలమైట్ గని కార్మికుల పిల్లలకు కేంద్ర ప్రభుత్వం 2024-25 సంవత్సరానికి ఉపకార వేతనాల కోసం దరఖాస్తు చేసుకోవాలని బీడి కార్మిక సంక్షేమ నిధి వైద్యశాఖ అధికారి డాక్టర్ కిషోర్ కుమార్ ఒక ప్రకటనలో తెలిపారు. కార్మికుల పిల్లలు ఆన్లైన్లో నేషనల్ స్కాలర్షిప్ పోర్టల్లో దరఖాస్తు చేసుకోవాలన్నారు. విద్యార్థులు అక్టోబరు 31లోపు ఆన్లైన్లో దరఖాస్తు చేసుకోవాలన్నారు.
News July 12, 2024
విశాఖ: నేటితో ముగియనున్న వెబ్ ఆప్షన్ల గడువు
ఇంజనీరింగ్ కళాశాలలో ప్రవేశాలకు సంబంధించిన వెబ్ ఆప్షన్ల గడువు శుక్రవారంతో ముగియనుంది. శనివారం వెబ్ ఆప్షన్లు మార్చుకోవడానికి అవకాశం ఉంది. ఈనెల 16న సీట్లు కేటాయిస్తారు. 17 నుంచి 22వ తేదీ వరకు సెల్ఫ్ జాయినింగ్ రిపోర్టు ఆన్లైన్లో అందించి, కాలేజీలో రిపోర్టు సమర్పించాలి. 19 నుంచి విద్యార్థులకు తరగతులు ప్రారంభమవుతాయి.
News July 12, 2024
నరసాపురం: మత్స్యకారుల గోడు
సముద్ర తీర మండలాల్లోని మత్స్యకారులకు వేట నిషేధ భృతి అందని ద్రాక్షగా మారింది. ఏటా ఏప్రిల్ 15 నుంచి జూన్ 15 వరకు రెండు నెలలపాటు సముద్రంలో వేట నిషేధం అమలులో ఉంటుంది. ఈ కాలంలో మత్స్యకారుల ఉపాధి నిమిత్తం ప్రభుత్వం నెలకు రూ.10 వేలు చొప్పున రెండు నెలలకు రూ.20 వేలు ఇవ్వాలి. వేట నిషేధ గడువు ముగిసినా భృతి అందకపోవడంతో సొమ్ముల కోసం వీరంతా అధికారుల చుట్టూ తిరుగుతున్నారు.
Featured News
Sorry, no posts matched your criteria.