India's largestHyperlocal short
news App
Get daily news updates that are tailored for you based on your preferred language & location.
download Way2News app now
Andhra Pradesh
News July 5, 2024
జిల్లాలో మంత్రి కొండపల్లి పర్యటన నేడు
రాష్ట్ర ఎంఎస్ఎంఈ, సెర్ప్, ఎన్నారై వ్యవహారాల శాఖా మంత్రి కొండపల్లి శ్రీనివాస్ శుక్రవారం జిల్లాలో పర్యటిస్తారు. ఆయన ఉదయం 10 గంటల నుంచి జిల్లాపరిషత్ అతిథి గృహంలో అందుబాటులో ఉంటారు. మధ్యాహ్నం 3 గంటలకు దత్తిరాజేరు మండలం కోమటిపల్లిలో జరిగే పార్టీ సమావేశంలో పాల్గొంటారు. నాయకులు, కార్యకర్తలు, అభిమానులు పాల్గొవాలని అన్నారు.
News July 5, 2024
విశాఖ: యూపీఎస్సీ పరీక్షలకు కట్టుదిట్టమైన ఏర్పాట్లు చేయాలి
యూపీఎస్సీ ఈ నెల 7న నిర్వహించబోతున్న ఈపిఎఫ్ఓ, ఈఎస్ఐసి పరీక్షలకు కట్టుదిట్టమైన ఏర్పాట్లు చేయాలని డీఆర్ఓ కె.మోహన్ కుమార్ అధికారులను ఆదేశించారు. యూపీఎస్సి నియమించిన పరిశీలకులు విశాఖలో పరీక్షా కేంద్రాలను ఈనెల 6న పరిశీలిస్తారన్నారు. ఎక్కడా ఎటువంటి లోటుపాట్లు లేకుండా అధికారులు, సూపర్ వైజర్లు పటిష్ట ఏర్పాట్లు చేసుకోవాలని సూచించారు. విశాఖ కలెక్టరేట్లో పరీక్షల నిర్వహణపై సమీక్ష నిర్వహించారు.
News July 5, 2024
ప్రొద్దుటూరులో APEAPCET కౌన్సిలింగ్ హెల్ప్ లైన్ సెంటర్
ప్రొద్దుటూరు వైఎస్ఆర్ ఇంజనీరింగ్ కళాశాలలో APEAPCET-2024 కౌన్సిలింగ్ హెల్ప్ లైన్ సెంటర్‌ను ఏర్పాటు చేశారు. ఈ కౌన్సిలింగ్ సెంటర్‌కు కోఆర్డినేటర్‌గా ప్రొఫెసర్ కేవీ రమణయ్యను అధికారులు నియమించారు. ఆయన మాట్లాడుతూ..నేటి నుంచి సర్టిఫికెట్ల వెరిఫికేషన్ ప్రక్రియ ఆన్‌లైన్‌లో నిర్వహిస్తున్నామన్నారు. ఈ ప్రక్రియ ఈనెల 10వ తేదీ వరకు కొనసాగుతుందన్నారు. సందేహాలుంటే హెల్ప్ లైన్ సెంటర్‌ను సంప్రదించాలన్నారు.
News July 5, 2024
చిత్తూరు: బహిరంగ ధూమపానం చేస్తే కఠిన చర్యలు
బహిరంగ ధూమపానం చేస్తే కఠిన చర్యలు తీసుకుంటామని ఎస్పీ మణికంఠ హెచ్చరించారు. జాతీయ పొగాకు నియంత్రణ, రాష్ట్ర ప్రజా ఆరోగ్య శాఖ సంబంధ హెల్త్ ఫౌండేషన్ సహకారంతో పోలీస్ ట్రైనింగ్ సెంటర్ లో జిల్లాలోని పోలీసు అధికారులకు శిక్షణ కార్యక్రమం నిర్వహించారు. ఈ సమావేశంలో పొగాకు వ్యతిరేకంగా పోరాడుతామని అధికారులు ప్రమాణం చేశారు. పాఠశాలలు, కాలేజీలకు సమీపంలో పొగాకు ఉత్పత్తుల అమ్మితే చర్యలు చేపడతామని ఎస్పీ చెప్పారు.
News July 5, 2024
దేశ సౌభాగ్యాన్ని ఆకాంక్షిస్తూ పవన్‌కళ్యాణ్ పూజలు
ఉపముఖ్యమంత్రి, పిఠాపురం MLA పవన్ కళ్యాణ్ సమాజ క్షేమాన్ని, దేశ సౌభాగ్యాన్ని ఆకాంక్షిస్తూ మంగళగిరిలోని పార్టీ కేంద్ర కార్యాలయంలో గురువారం ప్రత్యేక పూజలు నిర్వహించారు. ఆయన ప్రస్తుతం వారాహి ఏకాదశ దినదీక్షలో ఉన్న విషయం తెలిసిందే. ఇందులో భాగంగా ఆదిత్యయంత్రం ఎదుట ఆశీనులై వేద పండితులు మంత్రోచ్ఛరణల నడుమ సూర్యారాధన చేశారు.
News July 5, 2024
నేడు నెల్లూరులోనే మంత్రి ఆనం రామనారాయణరెడ్డి
ఆంధ్రప్రదేశ్ రాష్ట్ర దేవాదాయ ధర్మదాయ శాఖా మంత్రి ఆనం రామనారాయణ రెడ్డి శుక్రవారం నెల్లూరులోని తన క్యాంప్ కార్యాలయంలో అధికారులు, ప్రజా ప్రతినిధులతో సమావేశమవుతారు. అనంతరం ప్రజల నుంచి వినతి పత్రాలు, విజ్ఞాపనలు స్వీకరిస్తారని మంత్రి ఆనం రామనారాయణ రెడ్డి కార్యాలయ ప్రతినిధులు ఈ మేరకు ఓ ప్రకటన విడుదల చేశారు.
News July 5, 2024
శ్రీకాకుళంలో పని చేయడం మధుర జ్ఞాపకం: కలెక్టర్ జిలాని
శ్రీకాకుళం జిల్లాలో పనిచేయడం తన కెరియర్‌‌లో ఒక మధుర జ్ఞాపకంగా ఉంటుందని బదిలీపై వెళ్తున్న కలెక్టర్ మనజీర్ జిలాని సమూన్ అన్నారు. ఓ ప్రైవేటు ఫంక్షన్ హాల్లో గురువారం సాయంత్రం జిల్లా అధికార బృందం ఆయనకు ఘనంగా వీడ్కోలు పలికింది. ఆయన మాట్లాడుతూ.. తన విధులలో ఒక్కసారి అయినా జిల్లా ఎన్నికల అధికారిగా పనిచేసి సమర్థవంతంగా, ప్రశాంతంగా నిర్వహించాలనే కల ఇక్కడ నెరవేరడం ఎంతో సంతృప్తినిచ్చిందని చెప్పారు.
News July 5, 2024
ఉచిత ఇసుక విధానం అమలుకు పటిష్ఠ చర్యలు: కలెక్టర్ సృజన
జిల్లాలో ఉచిత ఇసుక విధానం అమలుకు పటిష్ఠమైన చర్యలు చేపట్టాలని కలెక్టర్ సృజన సంబంధిత శాఖాధికారులను ఆదేశించారు. ఈ నెల 8వ తేదీ నుంచి ఉచిత ఇసుక విధానాన్ని ప‌టిష్ఠంగా అమ‌లు చేసేందుకు తీసుకోవల్సిన చర్యలపై ఆమె తన ఛాంబర్‌లో వివిధ శాఖల అధికారులతో గురువారం సమీక్షించారు. జిల్లాలోని వివిధ ఇసుక స్టాక్ పాయింట్ల‌లో నిల్వ‌లు, ఉచిత విధానం అమలుకు తీసుకోవాల్సిన చర్యలపై చ‌ర్చించారు.
News July 4, 2024
ఎన్టీఆర్ జిల్లాలో ఇసుక స్టాక్ వివరాలు
జిల్లాలో 08 స్టాక్ పాయింట్ల‌లో 3.69లక్షల క్యూబిక్ మీట‌ర్ల మేర ఇసుక అందుబాటులో ఉందని NTR జిల్లా కలెక్టర్ సృజన తెలిపారు. * పెండ్యాల (కంచిక‌చ‌ర్ల): 19,781* మాగ‌ల్లు (నందిగామ): 36,366* కొడ‌వ‌టిక‌ల్లు (చంద‌ర్ల‌పాడు): 9,713* అల్లూరుపాడు (వ‌త్స‌వాయి): 3,040* అనుమంచిప‌ల్లి (జ‌గ్గ‌య్య‌పేట): 56,820* పోలంప‌ల్లి (వ‌త్స‌వాయి): 922* కీస‌ర (కంచిక‌చ‌ర్ల): 1,49,703* మొగులూరు (కంచిక‌చ‌ర్ల): 93,243
News July 4, 2024
పిన్నెల్లికి జగన్ వంత పాడటం సిగ్గుచేటు: మంత్రి స్వామి
సార్వత్రిక ఎన్నికల్లో ఈవీఎంను పగలగొట్టిన పిన్నెల్లి రామకృష్ణారెడ్డికి మాజీ సీఎం జగన్మోహన్ రెడ్డి వంతపాడటం సిగ్గుచేటని మంత్రి బాల వీరాంజనేయ స్వామి విమర్శించారు. రాష్ట్రవ్యాప్తంగా గత ప్రభుత్వంలో వైసీపీ శ్రేణులు మారణ హోమం సృష్టించాయని ఆయన మండిపడ్డారు. ఎలక్షన్‌లో ప్రజలు చిత్తు చిత్తుగా ఓడించినా జగన్ మాత్రం తన బుద్ధి మార్చుకోలేదని విమర్శించారు.
Featured News
Sorry, no posts matched your criteria.