India's largestHyperlocal short
news App
Get daily news updates that are tailored for you based on your preferred language & location.
download Way2News app now
Prakasam
News June 7, 2024
ప్రకాశం జిల్లాలో మంత్రి పదవి ఎవరికి?
ఉమ్మడి ప్రకాశం జిల్లా ఫలితాల్లో TDP పూర్తి ఆధిపత్యం ప్రదర్శించింది. 12 నియోజకవర్గ స్థానాల్లో పదింటిలో TDP జెండా ఎగరేసింది. ఇప్పుడు జిల్లాలో మంత్రి పదవి ఎవరికి దక్కుతుందా అనేదే చర్చ. గొట్టిపాటి రవి 5 సార్లు MLA కాగా, ఈసారి మంత్రి పదవి ఖాయమని ఆయన అభిమానులు ధీమాగా ఉన్నారు. మరి సామాజికవర్గాల వారిగా పరిశీలించి చంద్రబాబు ఎవరిని కేబినేట్‌లోకి చేర్చుకుంటారో తెలియాలంటే కొన్ని రోజులు ఆగాల్సిందే.
News June 7, 2024
మార్టూరులో వ్యక్తి అనుమానాస్పద మృతి
మార్టూరులోని శ్రీవిగ్నేశ్వర కూరగాయల మార్కెట్ సమీపంలోని తండాలో నివాసం ఉంటున్న మూడావత్ బాలనాయక్ (60) అనుమానాస్పదంగా గురువారం మృతి చెందాడు. బాలనాయక్ వ్యవసాయ పనులు చేసుకుంటూ వైసీపీ సానుభూతి పరుడిగా ఉన్నాడు. ఇటీవల జరిగిన ఎన్నికల్లో వైసీపీ గెలుపు కోసం పనిచేయడం వల్లే కక్ష్యతో బాలనాయక్‌ను హత్య చేసి వేసి ఉంటారని బంధువులు ఆరోపిస్తున్నారు. సీఐ రాజశేఖర్ రెడ్డి కేసు నమోదు చేసుకుని దర్యాప్తు చేస్తున్నారు.
News June 7, 2024
టంగుటూరు: 840 పొగాకు బేళ్లు కొనుగోలు
టంగుటూరు పొగాకు వేలం కేంద్రంలో ధర కేజీ రూ.261.29 పలికిందని వేలం నిర్వహణ అధికారి శ్రీనివాసరావు గురువారం తెలిపారు. పొందూరు ప్లాస్టర్ గ్రామాలకు చెందిన రైతులు 900 పొగాకు బేళ్లు తీసుకురాగా 840పొగాకు బేళ్లు కొనుగోలు అయ్యాయని పేర్కొన్నారు. పొగాకు కిలో గరిష్ఠ ధర రూ.332, కనిష్ఠ ధర రూ.205 పలికిందని చెప్పారు. ఈ వేలంలో మొత్తం 40 మంది వ్యాపారులు పాల్గొన్నట్లు వివరించారు.
News June 6, 2024
సంతమాగులూరు: తంగేడిమల్లిలో YSR విగ్రహం ధ్వంసం
సంతమాగులూరు మండలంలోని తంగేడిమల్లిలో దివంగత వైఎస్‌ రాజశేఖరరెడ్డి విగ్రహాన్ని గుర్తుతెలియని వ్యక్తులు గురువారం పాక్షికంగా ధ్వంసం చేశారు. గ్రామం సమీపాన ఉన్న వైఎస్సార్ విగ్రహం చేతిని దుండగులు విరగగొట్టారు. అలాగే గ్రామ సచివాలయం శిలాఫలకాన్ని ధ్వంసం చేసినట్లు స్థానికులు తెలిపారు.
News June 6, 2024
ముత్తుములను గెలిపించిన పోస్టల్ బ్యాలెట్ ఓట్లు
పోస్టల్ బ్యాలెట్ ఓటర్లలో అత్యధికులు ఈసారి TDPకే వేశారు. గిద్దలూరు నియోజకవర్గంలో ఆ ఓట్లే TDPని గెలిపించాయి. ఇక్కడ ముత్తుముల అశోక్ రెడ్డి తన సమీప ప్రత్యర్థి కుందూరు నాగార్జునరెడ్డిపై 973 ఓట్ల మెజార్టీతో గెలుపొందిన విషయం తెలిసిందే. గిద్దలూరు నియోజకవర్గంలో చెల్లుబాటు అయిన ఓట్లు 3,449. అందులో TDP అభ్యర్థికి 2,271రాగా, YCPకి 1,130 ఓట్లు వచ్చయి. దీంతో అశోక్ రెడ్డి గెలుపులో ఓట్లు కీలకం అయ్యాయి.
News June 6, 2024
ప్రకాశం: జగన్ ఓటమి తట్టుకోలేక ఆగిన గుండె
వెలిగండ్ల మండలం గుడిపాటిపల్లికి చెందిన సైకం లక్ష్మమ్మ జగన్మోహన్ రెడ్డి ఓటమిని తట్టుకోలేక బుధవారం గుండెపోటుతో మృతి చెందినట్లు కుటుంబ సభ్యులు తెలిపారు. ఈ సందర్భంగా కనిగిరి నియోజకవర్గం వైసీపీ ఇన్‌ఛార్జ్ దద్దాల నారాయణ యాదవ్ ఆమె మృతికి సంతాపం తెలియజేశారు. మృతురాలి కుటుంబ సభ్యులు వైసీపీలో చురుగ్గా పాల్గొనే వారని తెలిపారు.
News June 6, 2024
కురిచేడు: రిజర్వాయర్‌లో పసికందు మృతదేహం
కురిచేడు మండలం అట్లపల్లి రిజర్వాయర్‌లో పసి కందు మృతదేహం బయటపడింది. బుధవారం సాయంత్రం చెరువు పక్కనే పొలం పనులు చేసుకునే వారు కట్టమీద వెళుతుండగా పసికందు మృతదేహాన్ని గుర్తించారు. రెండు రోజుల క్రితం ముగ్గురు మహిళలు చెరువు కట్టమీద అనుమానస్పదంగా తిరుగుతూ బిడ్డను వదిలేసినట్లు స్థానికులు అనుమానిస్తున్నారు. ఎన్‌ఏపీ రక్షిత నీటి పథకం సిబ్బంది వెంటనే ఆ మృతదేహాన్ని బయటకు తీసి చెరువును శుభ్రం చేశారు.
News June 6, 2024
ప్రకాశం: కోడలిని చంపిన అత్తకు రెండు జీవిత ఖైదీ శిక్షలు
నిజామాబాద్ జిల్లాకి చెందిన బానోతు రాంసింగ్ ప్రకాశం జిల్లాకు చెందిన రాధను 2020న ప్రేమించి పెళ్లి చేసుకున్నాడు. రాంసింగ్ తల్లి పద్మావతి కోడలిని నిత్యం కట్నం తేవాలని వేధించేది. తనకు ఎవరూ లేరని కట్నం తేలేనని వాపోయేది. రాధను చంపేసి మరో పెళ్లి చేయొచ్చుని కొడుకుతో పన్నాంగం పన్నింది. 2020 ఏప్రిల్ 20న రాధపై పెట్రోల్ పోసి హత్యచేశారు. బుధవారం పద్మావతికి 2 జీవిత ఖైదీ శిక్ష పడింది. రాంసింగ్ పరారీలో ఉన్నాడు.
News June 6, 2024
ప్రకాశం: వైసీపీ కంచుకోటలు బద్దలు
ప్రకాశం జిల్లాలో మార్కాపురం ఒకప్పుడు కాంగ్రెస్ పార్టీకి కంచుకోటలాంటిది. TDP ఆవిర్భావం నుంచి రెండు సార్లే గెలిచింది. వైసీపీ రెండు పర్యాయాలు గెలిచి కంచుకోటగా మారింది. అలాంటిది ఈసారి అంచనాలను మారుస్తూ TDP నుంచి కందుల నారాయణరెడ్డి 13 వేలకు పైగా ఓట్లతో గెలిచారు. అలాగే గిద్దలూరులో గత ఎన్నికల్లో 80 వేలకు పైగా మెజార్టీ ఇచ్చిన ప్రజలు ఈసారి టీడీపీకి పట్టం కట్టారు. అశోక్ రెడ్డి 973 ఓట్ల మెజార్టీతో గెలిచారు.
News June 6, 2024
25 ఏళ్ల తరువాత ఒంగోలు గడ్డపై TDP జెండా
ఒంగోలు పార్లమెంట్‌లో సుధీర్ఘ సమయం తరువాత TDP గెలిచింది. చివరిసారిగా 1999లో TDP అభ్యర్థి కరణం బలరామకృష్ణమూర్తి మాగుంట శ్రీనివాసులరెడ్డి (కాంగ్రెస్)పై గెలిచారు. 2004లో బత్తుల విజయలక్ష్మి, 2009లో ఎం.కొండయ్యపై మాగుంట గెలిచారు. 2014లో రాష్ట్ర విభజన తరువాత TDPలో చేరిన మాగుంట వైవీ సుబ్బారెడ్డి చేతిలో ఓడారు. 2019లో శిద్దాపై మాగుంట గెలవగా, 2024లో చెవిరెడ్డిపై మాగుంట 48 వేలకు పైగా ఓట్లతో విజయం సాధించారు.
Featured News
Sorry, no posts matched your criteria.