India's largestHyperlocal short
news App
Get daily news updates that are tailored for you based on your preferred language & location.
download Way2News app now
Prakasam
News May 23, 2024
కారంచేడు: తిరుపతికి వెళ్లి వస్తూ అనంతలోకాలకు
కారంచేడుకు చెందిన పొత్తూరి వెంకట శివసుబ్రహ్మణ్యం భార్య రేఖ ప్రియాంక(32), పిల్లలు నిక్షిత్ (5) తేజవర్ధన్ (3)తో హైదరాబాద్‌లో నివాసం ఉంటున్నారు. వీరు కుమారిడి పుట్టు వెంట్రుకలు తీయించేందుకు కారులో తిరుమలకు వెళ్లారు. దైవదర్శనం అనంతరం వారు తిరిగి హైదరాబాద్‌కు బుధవారం రాత్రి బయలుదేరారు. గురువారం వేకువజామున కారు డివైడర్‌ను ఢీకొట్టింది. ఈ ప్రమాదంలో రేఖ ప్రియాంక మృతిచెందగా, సుబ్రమణ్యంకు తీవ్ర గాయాలయ్యాయి.
News May 23, 2024
ప్రకాశం: నిర్మాతగా మారిన మహిళా రైతు
కొనకనమిట్ల మండలం పెదారికట్ల చెందిన సాధారణ ఒక రైతు కుటుంబంలో పుట్టిన నరసమ్మ ఒక సినిమాకు నిర్మాతగా మారింది. కరోనా కారణంగా అదే ఊర్లో తన కుటుంబ సభ్యులతో కలిసి ఓ హోటల్ పెట్టి జీవనం సాగించేది. ఆమెకి చిన్నప్పటి నుంచి సినిమాలు అంటే ఇష్టం. దీంతో ఓ సినిమా తీయాలనే ఆశ కూడా ఉండేది. తన 45 సంవత్సరాలుగా రూపాయి రూపాయి కూడబెట్టింది. ప్రస్తుతం ఆమె ఓ సినిమాకు నిర్మాతగా వ్యవహరిస్తోంది.
News May 23, 2024
ప్రకాశం: కారు, పాలవ్యాను ఢీ.. ఒకరు మృతి
ప్రకాశం జిల్లా సీఎస్ పురం మండలం ఉప్పలపాడు, పామూరుకు చెందిన వారికి రోడ్డు ప్రమాదం జరిగింది. వీరు తిరుమలకు వెళ్లి తిరిగి వస్తుండగా నెల్లూరు జిల్లా దుత్తలూరు సమీపంలోని జాతీయ రహదారిపై గురువారం తెల్లవారుజామున వీరు ప్రయాణిస్తున్న కారు, పాలవ్యాను ఢీకొట్టడంతో ఒకరు అక్కడిక్కడే చనిపోయాడు. నలుగురికి తీవ్ర గాయాలయ్యాయి. క్షత గాత్రులను స్థానిక ఆసుపత్రికి తరలించారు.
News May 23, 2024
ప్రకాశం: స్నానం చేస్తుండగా వీడియో.. యువతి ఆత్మహత్యాయత్నం
బల్లికురవ మండలంలోని ఓ గ్రామానికి చెందిన యువతి ఉద్యోగరీత్యా HYDలో నివాసం ఉంటోంది. ఆమె స్నానం చేస్తుండగా ఓ యువకుడు ఆమెకు తెలియకుండా వీడియో తీశాడు. కొద్దిరోజులకు ఆ వీడియోను ఆమెకు పంపి డబ్బు ఇవ్వాలని డిమాండ్ చేశాడు. యువతి రూ.40 వేలు ఫోన్ పే ద్వారా ఇచ్చేలా ఒప్పందం కుదుర్చుకొని వీడియో తొలగించాలని కోరింది. అవమానానికి గురై బస్సులో ఇంటికి వస్తూ పురుగుమందు తాగింది. ఆమెను ప్రయాణికులు ఆసుపత్రికి తరలించారు.
News May 23, 2024
కొండపిలో రికార్డు ధర పలికిన పొగాకు
ప్రకాశం జిల్లా కొండపిలోని పొగాకు వేలం కేంద్రంలో బుధవారం నిర్వహించిన వేలంలో పొగాకు అత్యధిక ధర కిలో రూ.320 పలికిందని, కొండపి బోర్డు చరిత్రలోనే రికార్డు ధర అని వేలం నిర్వహణాధికారి జి. సునీల్ కుమార్ తెలిపారు. చతుకుపాడు, కె. అగ్రహారం, మూగచింతల, గుర్రప్పడియ, నెన్నూరుపాడు గ్రామాలకు చెందిన రైతులు 1077 బేళ్లు తీసుకొనిరాగా 1018 బేళ్లు కొనుగోలయ్యాయి.
News May 23, 2024
ప్రకాశం: ‘హాల్ టికెట్లు సిద్ధం డౌన్లోడ్ చసుకోండి’
పదవ తరగతి అడ్వాన్స్ డ్ సప్లిమెంటరీ పరీక్షలకు హాజరవుతున్న విద్యార్థుల హాల్ టికెట్లు వెబ్సైట్లో సిద్ధంగా ఉన్నట్లు ప్రకాశం జిల్లా విద్యాశాఖ అధికారి సుభద్ర ఒక ప్రకటనలో తెలిపారు. పరీక్షలు ఈ నెల 24వ నుంచి జూన్ 3వ తేదీ వరకు ఉదయం 9.30 నుంచి మధ్యాహ్నం 12.45 గంటల వరకు పరీక్షలు జరుగుతాయన్నారు. హాల్ టికెట్లు ప్రభుత్వ పరీక్షల డైరెక్టర్ వెబ్సైట్ నుంచి పాఠశాలల హెచ్ఎంల లాగిన్ ద్వారా డౌన్లోడ్ చేసుకోవచ్చన్నారు.
News May 22, 2024
మార్కాపురం: రోడ్డు ప్రమాదంలో వ్యక్తి మృతి
కొనకనమెట్ల మండలం చిన్నారికట్ల గ్రామ సమీపంలో రోడ్డు ప్రమాదం జరిగింది. ద్విచక్ర వాహనాన్ని గుర్తుతెలియని వాహనం ఢీకొనడంతో బైకుపై ఉన్న వ్యక్తి అక్కడికక్కడే మృతి చెందిన సంఘటన బుధవారం రాత్రి చోటుచేసుకుంది. మృతుడు రాచకొండ వెంకటేశ్వర్లు (32)గా గుర్తించారు. చిన్నారికట్ల నుంచి పెద్దరికట్ల గ్రామానికి వెళ్తున్న క్రమంలో ఈ ప్రమాదం జరిగింది. ఘటనపై పోలీసులు కేసు నమోదు చేసి, దర్యాప్తు చేపట్టారు.
News May 22, 2024
ప్రకాశం: ఓట్ల లెక్కింపు కోసం అబ్జర్వర్ల నియామకం
ప్రకాశం జిల్లాలోని 8 అసెంబ్లీ నియోజకవర్గాల ఓట్ల లెక్కింపు కోసం అబ్జర్వర్లను నియమిస్తూ ఎన్నికల సంఘం ఉత్తర్వులు జారీ చేసింది. హింసాత్మక ఘటనలు జరిగిన నేపథ్యంలో పలు రాష్ట్రాలకు చెందిన సీనియర్ అధికారులను నియమించారు. బాపు గోపీనాథ్(సంతనూతలపాడు), మయూర్ కె మహత(వైపాలెం), గుంజం సోనీ(దర్శి), అరవింద కుమార్ (OGL), అనిమేష్(MRKP), ఆనంద్ కుమార్ (కొండపి), ఆల్టినోలిన్(గిద్దలూరు), బి.నరేంద్ర(కనిగిరి)లను నియమించారు.
News May 22, 2024
ఉమ్మడి ప్రకాశం జిల్లాలో ఘాటెక్కిన పచ్చి మిర్చి
నిత్యావసరంగా వాడుకునే పచ్చి మిర్చి ధర ఘాటెక్కింది. ఎన్నడూ లేని విధంగా యర్రగొండపాలెంలో కిలో పచ్చి మిర్చి రూ.100కి చేరింది. పశ్చిమ ప్రాంతంలో ఎక్కడా వేసవిలో మిర్చి సాగు చేయలేదు. పుల్లలచెరువు, మల్లపాలెం, నాయుడుపాలెం, చాపలమడుగు ప్రాంతాల్లో అరకొరగా సాగు చేశారు. దీంతో పచ్చిమిర్చిని మైదుకూరు నుంచి రోజుకు 50 క్వింటాళ్ల దిగుమతి చేయాల్సి పరిస్థితి ఏర్పడింది.
News May 22, 2024
పర్చూరు: రోడ్డు ప్రమాదంలో ఉపాధ్యాయుడు మృతి
యద్దనపూడి -పోలూరు గ్రామాల మధ్య బుధవారం రోడ్డు ప్రమాదం జరిగింది. ఈ ప్రమాదంలో తాళ్ళూరి వినోద్ కుమార్ అనే ఉపాధ్యాయుడు మృతి చెందారు. స్థానికుల వివరాల మేరకు.. దర్శిలో ఈయన MPP స్కూలులో ఉపాధ్యాయుడిగా పనిచేస్తున్నారు. బుధవారం బైకుపై పోలూరు వెళ్తుండగా గుంతలు తప్పించే క్రమంలో అదుపు తప్పి ప్రమాదానికి గురయ్యారు. ఈ ఘటనలో ఆయన అక్కడికక్కడే మృతి చెందారు.
Featured News
Sorry, no posts matched your criteria.