• Download our app

Prakasam

News May 21, 2024

కారంచేడు: రైలు నుంచి కింద పడి మృతి

image

కారంచేడు మండలం స్వర్ణ గ్రామానికి చెందిన కప్పరపు మణికంఠ అనే యువకుడు రైలునుంచి జారిపడి దుర్మరణం చెందిన ఘటన ఆలస్యంగా వెలుగులోకి వచ్చింది. తిరుమలేశ్వరుని దర్శనానికి వెళ్లి తిరుగు ప్రయాణంలో రైలులో వస్తూ గేటు పక్కన కూర్చొని గూడూరు సమీపంలో నిద్ర మత్తులో జారిపడి మణికంఠ మూడు రోజుల క్రితం మృతి చెందాడు. గూడూరు రైల్వే పోలీసులు దర్యాప్తు జరిపి మంగళవారం కుటుంబ సభ్యులకు సమాచారం ఇచ్చారు.

News May 21, 2024

ప్రకాశం: నేటి నుంచి డిగ్రీ మూల్యాంకనం ప్రారంభం

image

ఆచార్య నాగార్జున యూనివర్సిటీ డిగ్రీ 4, 5వ సెమిస్టర్ల పరీక్ష పత్రాల మూల్యాంకనం ఒంగోలులోని డీఎస్ ప్రభుత్వ డిగ్రీ కళాశాలలో మంగళవారం నుంచి నిర్వహిస్తున్నట్లు ప్రిన్సిపల్ డి. కళ్యాణి తెలిపారు. ఉదయం 10 గంటలకు మూల్యాంకనం ప్రారంభమవుతుందని, ఉమ్మడి ప్రకాశం జిల్లా పరిధిలోని అన్ని ప్రభుత్వ, ప్రైవేట్ కళాశాలల అధ్యాపకులు యూనివర్సిటీ అపాయింట్మెంట్ ఐడీ కార్డ్, కాలేజీ రిలీవింగ్ ఆర్డర్ తీసుకురావాలని కోరారు.

News May 21, 2024

ప్రకాశం: అన్నా పందెం ఎంత.?

image

ఒకవైపు ఐపీఎల్, మరో వైపు ఏపీలో ఎన్నికల ఫలితాలు ఈ రెండింటిపై జిల్లాలో భారీగా బెట్టింగ్ జరుగుతున్నట్లు సమాచారం. ఎన్నడూ లేనంతగా ఈ సారి ఎన్నికల ఫలితాలపై ఉత్కంఠ నెలకొంది. ముఖ్యంగా సీఎం ఎవరు అవుతారు, వచ్చే మోజార్టీ ఎంత, ఎమ్మెల్యే, ఎంపీగా ఎవరు గెలుస్తారు..? ఇలా పలు అంశాలపై బెట్టింగ్ రాయుళ్లు పందేలు నిర్వహిస్తున్నారు. ధనమే కాకుండా ఇళ్లులు, భూములు సైతం పందేల్లో పెడుతున్నారు.

News May 21, 2024

ప్రకాశం: రోజురోజుకు పెరుగుతున్న ధరలు

image

రోజురోజుకూ పొగాకు ధరలు పెరిగిపోతున్నాయి. దీంతో రైతులు హర్షం వ్యక్తం చేస్తున్నారు. సోమవారం ఒంగోలు-1 కేంద్రంలో జరిగిన వేలంలో పొగాకు కిలో రూ.312, ఒంగోలు-2, కొండపి కేంద్రాల్లో రూ.310, పొదిలిలో రూ.309, వెల్లంపల్లిలో రూ.307, టంగుటూరులో రూ.306 చొప్పున గరిష్ఠ ధర లభించింది. ఈ ఏడాది పొగాకు అమ్మకాలు మొదలు పెట్టినప్పుడు రూ.290 నుంచి మొదలైంది.

News May 20, 2024

24నుంచి పదో తరగతి సప్లిమెంటరీ పరీక్షలు

image

జిల్లాలో పదో తరగతి సప్లిమెంటరీ పరీక్షలు ఈనెల 24నుంచి జూన్ 3వ తేదీ వరకు జరుగుతాయని డీఈవో సుభద్ర చెప్పారు. 24న తెలుగు, కాంపోజిట్ కోర్సు, 25న ద్వితీయ భాష హిందీ, 27న ఇంగ్లీషు, 28న గణితం, 29న ఫిజికల్ సైన్స్, 30న బయాలాజికల్ సైన్స్, 31న సోషల్ స్టడీస్, జూన్ 1న కాంపోజిట్ కోర్సు సేవం- ఓఎస్ఎన్ మెయిన్ లాంగ్వేజ్ పేపర్-1, జూన్ 3న ఓఎస్ఎన్ సీ మెయిన్ పరీక్ష జరుగుతుందన్నారు.

News May 20, 2024

కొమరోలు: 24 గంటలుగా నిలిచిపోయిన జియో సేవలు

image

కొమరోలు మండలం చింతలపల్లి గ్రామ సమీపంలోని జియో టవర్ సరిగా పనిచేయకపోవడంతో జియో సేవలు నిలిచిపోయాయి. నిన్నటి నుంచి జియో టవర్ పని చేయకపోవడం వల్ల జియో సిగ్నల్ లేకపోవడంతో వినియోగదారులు తీవ్ర ఇబ్బందులు పడుతున్నారు. తక్షణమే సంబంధిత అధికారులు స్పందించి జియో టవర్‌లో ఏర్పడిన సాంకేతిక లోపాన్ని పరిష్కరించాలని స్థానిక ప్రజలు కోరుతున్నారు.

News May 20, 2024

ప్రకాశం: రెండేళ్లల్లో 45 మంది మృతి

image

ఒంగోలు-కర్నూలు రహదారి రోడ్డు ప్రమాదాలకు నిలయంగా మారుతోంది. చీమకుర్తి, సంతనూతలపాడు పోలీస్ స్టేషన్ల పరిధిలోనే గడిచిన రెండేళ్లలో 120కి పైగా రోడ్డు ప్రమాదాలు, 45 మంది మృత్యువాత పడ్డారు. ఈ రహదారిపై నిత్యం వేలల్లో వాహనాలు రాకపోకలు సాగిస్తుంటాయి. భారీ వాహనాలు కూడా నడుస్తుంటాయి. ఇప్పటికే ఆ రోడ్డులో 16 బ్లాక్ స్పాట్‌లు గుర్తించి ప్రమాదాల నివారణకు చర్యలు చేపట్టారు. ఇప్పటికీ ఆ రోడ్డు అంటే కొంతమందికి భయమే.

News May 20, 2024

కొత్తపట్నంలో దారుణ హత్య

image

గుర్తుతెలియని వ్యక్తులు ఓ వృద్ధురాలిని దారుణంగా హత్య చేసిన ఘటన కొత్తపట్నం మండలం రెడ్డిపాలెంలో ఆదివారం చోటు చేసుకుంది. ఎస్సై సాంబశివ రావు వివరాల మేరకు రెడ్డిపాలెంకు చెందిన గుడిపల్లి నాగేశ్వరమ్మ అనే వృద్ధురాలు కల్లు అమ్ముకుంటూ జీవనం సాగిస్తుంది. అయితే ఆదివారం అర్ధరాత్రి అనుమానాస్పద స్థితిలో నాగేశ్వరమ్మ హత్యకు గురైనట్లు భావించి కేసును అన్ని కోణాలలో దర్యాప్తు చేస్తున్నట్లు ఎస్సై వెల్లడించారు.

News May 20, 2024

కనిగిరి: టీ తాగేందెకు వెళ్లి.. చనిపోయాడు

image

కనిగిరిలో ఆటో, కారు ఢీకొట్టిన ఘటనలో అక్కడికక్కడే ఒకరు మృతి చెందగా.. చికిత్స పొందుతూ ఇంకొకరు చనిపోయారు. వీరిలో కనిగిరి మున్సిపాలిటీలోని కాశీరెడ్డికాలనీకి చెందిన విష్ణునారాయణ చిన్న దుకాణం నడుపుకుంటూ జీవనం సాగించేవాడు. తెల్లవారుజామున టీ తాగేందుకు వెళ్లి ప్రాణాలు కోల్పోయారని భార్య రమాదేవి, కుటుంబీకులు కన్నీరుమున్నీరుగా విలపిస్తున్నారు.

News May 20, 2024

ప్రతిభ కనబరిచిన పొదిలి విద్యార్థులు

image

ప్రకాశం జిల్లా చెస్ టోర్నమెంట్‌లో పొదిలికి చెందిన విద్యార్థులు ప్రతిభ చాటారు. ఆదివారం ఒంగోలు భాగ్య నగర్‌లోని జెకె రాజు చెస్ అకాడమీలో జరిగిన అండర్ 7 బాలిక, అండర్ ఓపెన్ విభాగాల్లో పొదిలి సంస్కృతి విద్యా సంస్థలకు చెందిన జె పాణ్య శ్రీవల్లి, జె విఘ్నేష్ గుప్తా, నిహల్, విహల్‌లు రజత పతకాలను సాధించారు. ఈ విద్యార్థులను పలువురు అభినందించారు.

Featured News

Sorry, no posts matched your criteria.

↑