India's largestHyperlocal short
news App
Get daily news updates that are tailored for you based on your preferred language & location.
download Way2News app now
Prakasam
News May 18, 2024
ప్రకాశం: పిడుగుపాటుకు వ్యక్తి మృతి
ప్రకాశం జిల్లా త్రిపురాంతకం మండలం డివిఎన్ కాలనీలో శనివారం కురిసిన భారీ వర్షానికి చెట్టు కింద ఉన్న ఇంటిలో నివాసం ఉంటున్న అలగసాని నారాయణ (37) అనే వ్యక్తి పిడుగుపాటుకు గురయ్యాడు. దీంతో నారాయణ అక్కడికక్కడే మృతి చెందాడు. గమనించిన కుటుంబసభ్యులు మృతదేహాన్ని చూసి బోరున విలపించారు. ఎడతెరపి లేకుండా కురిసిన వర్షానికి తోడుగా పిడుగులు పడటంతో ఈ ప్రమాదం చోటుచేసుకుంది.
News May 18, 2024
మార్టూరు: కాలువలోకి బైక్.. వ్యక్తి మృతి
బైక్ అదుపు తప్పి కాలువలోకి దూసుకెళ్లడంతో ఓ వ్యక్తి దుర్మరణం చెందిన ఘటన మార్టూరు మండల పరిధిలోని కొమ్మూరు మేజర్ కాలువలో శనివారం చోటుచేసుకుంది. బల్లికురవ మండలం కొణిదెన గ్రామానికి చెందిన తన్నీరు లక్ష్మయ్య (60) బ్రహ్మంగారి మఠంలో జరిగిన ఓ ఆధ్యాత్మిక కార్యక్రమంలో పాల్గొనడానికి వెళ్లి తిరిగొస్తుండగా ఈ ప్రమాదం జరిగింది. లక్ష్మయ్య మృతితో గ్రామంలో విషాద ఛాయలు అలుముకున్నాయి.
News May 18, 2024
ప్రకాశం: గెలుపుపై ఎవరి లెక్కలు వారివి
సార్వత్రిక ఎన్నికల పోలింగ్ ముగిసిన క్రమంలో ఉమ్మడి ప్రకాశం జిల్లాలోని 12 అసెంబ్లీ సెగ్మెంట్లలో గెలుపు, ఓటములపై ప్రధాన పార్టీల అభ్యర్థులు ఎవరి లెక్కల్లో వారు మునిగితేలుతున్నారు. బూత్‌ల వారీగా పోలైన ఓట్లను సమీక్షిస్తూ లెక్కలు వేసుకుంటున్నారు. కొన్ని నియోజకవర్గాల్లో మహిళల ఓటింగ్ ఎక్కువగా జరిగింది. దీంతో ఎవరిని విజయం వరిస్తుందో.. ఓటర్లు ఎవరి వైపు నిలిచారో తెలియాలంటే జూన్ 4న ఆగాల్సిందే.
News May 18, 2024
ప్రకాశం: పెళ్లికి ఒప్పుకోలేదని తల్లీ కూతుళ్ళపై దాడి
పెళ్లికి నిరాకరించిందనే కక్షతో పామూరుకి చెందిన నాగార్జున యువతితో పాటు ఆమె తల్లిపై దాడి చేశాడు. కాంతమ్మ కూతురు పూజితతో కలిసి పాతూరులో నివాసం ఉంటుంది. సమీప బంధువైన నాగార్జున పూజిత పెళ్లి చేసుకోవాలని ఇబ్బంది పెట్టేవాడు. శుక్రవారం ఇంట్లోకి చొరబడి తల్లీకూతురిపై విచక్షణారహితంగా దాడి చేశాడు. పెళ్లికి ఒప్పుకుని, కాళ్లు పట్టుకొని బ్రతిమిలాడిన వినలేదు. ప్రస్తుతం వారు ఆసుపత్రిలో చికిత్స పొందుతున్నారు.
News May 18, 2024
ప్రకాశం జిల్లాకు వస్తున్నారా.. ఇవి చూసేయండి మరి!
అసలే సమ్మర్ హాలిడేస్. మన జిల్లాకు ఎందరో పర్యటనల కోసం వస్తారు. అయితే జిల్లాకు పర్యటనకు వచ్చిన వారు ఈ ప్రదేశాలు, క్షేత్రాలు సందర్శించాల్సిందే. ప్రధానంగా భైరవకోన, జమ్ములపాలెంలోని 1116 శివలింగాల ఆలయం, వల్లూరమ్మ తల్లి ఆలయం, శ్రీ త్రిపురాంతకేశ్వర స్వామి ఆలయం ఇలా పలు ఆలయాలను దర్శించవచ్చు. అంతేకాకుండా కొత్తపట్నం బీచ్, గుండ్లకమ్మ జలాశయం, రామాయపట్నం పోర్టు ఇలా ఎన్నో చూడవచ్చు జిల్లాలో. డోంట్ మిస్ మరి!
News May 18, 2024
తర్లుపాడు: బొలెరో – బైక్ ఢీ.. వ్యక్తి మృతి
తర్లపాడు మండలం సీతానాగులవరం గ్రామ సమీపంలో శనివారం బొలెరో వాహనం బైక్‌ను ఢీ కొట్టింది. ఈ ప్రమాదంలో బైకుపై ఉన్న వ్యక్తి అక్కడికక్కడే మృతి చెందారు. స్థానికుల సమాచారంతో తర్లుపాడు ఎస్సై సంఘటన స్థలానికి చేరుకుని పరిశీలించారు. కేసు నమోదు చేసి దర్యాప్తు చేశారు. ప్రమాదానికి గల కారణాలు, పూర్తి వివరాలు తెలియాల్సి ఉంది.
News May 18, 2024
చీరాలలో 11 నెలల చిన్నారి మృతి
చీరాల మండలం విజయనగర కాలనీలో విషాదం చోటుచేసుకుంది. వినోద్, దివ్య దంపతుల కుమారుడు వియాన్ హన్స్(11 నెలలు) ఆడుకుంటూ.. నీటి మోటార్ వద్దకు వెళ్లాడు. ప్రమాదవశాత్తు విద్యుదాఘాతానికి గురయ్యాడు. వెంటనే ఆస్పత్రికి తీసుకెళ్లగా అప్పటికే మృతిచెందినట్లు వైద్యులు నిర్ధారించారు. మరో నెలలో మొదటి పుట్టినరోజు జరుపుకోవాల్సిన ఆ చిన్నారి.. విగత జీవుడై మృత్యుఒడికి చేరడంతో ఆ కుటుంబం విషాదంలో మునిగిపోయింది.
News May 18, 2024
స్ట్రాంగ్ రూముల వద్ద పటిష్ఠ భద్రతా చర్యలు: కలెక్టర్ దినేశ్
జిల్లాలోని స్ట్రాంగ్ రూముల వద్ద పటిష్ఠమైన భద్రతా చర్యలు చేపట్టాలని రాష్ట్ర ప్రధాన ఎన్నికల అధికారి ముఖేష్ కుమార్ మీనా తెలిపారు. శుక్రవారం కలెక్టర్లు, ఉన్నతాధికారులతో ఏర్పాటు చేసిన సమావేశంలలో ఒంగోలు నుంచి కలెక్టర్ దినేశ్ కుమార్ వీడియో కాన్ఫిరెన్స్ ద్వారా పాల్గొన్నారు. ఇందులో భాగంగా స్ట్రాంగ్ రూముల వద్ద ఏర్పాటు చేసిన భద్రతా చర్యల గురించి కలెక్టర్ వివరించారు.
News May 17, 2024
బాపట్ల జిల్లాలో పర్యటించిన గవర్నర్ అబ్దుల్ నజీర్
ఆంధ్రప్రదేశ్ రాష్ట్ర గవర్నర్ అబ్దుల్ నజీర్ శుక్రవారం బాపట్ల జిల్లాలో పర్యటించారు. వ్యక్తిగత పర్యటన నిమిత్తం జిల్లాకు విచ్చేసిన ఆయనకు కలెక్టర్ రంజిత్ బాష, ఎస్పీ వకుల్ జిందాల్ మర్యాదపూర్వకంగా కలిసి స్వాగతం పలికారు. బాపట్లలో ఎన్నికలు జరిగిన విధానాన్ని అడిగి తెలుసుకున్నారు. జిల్లాలో ఎటువంటి అల్లర్లు జరగకుండా చర్యలు తీసుకోవాలని గవర్నర్ సూచించారు.
News May 17, 2024
బాపట్ల: ఎన్నికల ఘర్షణలో 284 మందిపై కేసులు
బాపట్ల జిల్లాలో జరిగిన ఎన్నికల ఘర్షణలో 284 మందిపై కేసులు నమోదు చేసినట్లు ఎస్పీ వకుల్ జిందాల్ చెప్పారు. శుక్రవారం జిల్లా పోలీస్ కార్యాలయంలో ఆయన మాట్లాడుతూ.. ఇప్పటివరకు 255 మందిని అదుపులోకి తీసుకొని నోటీసులు జారీ చేశామన్నారు. జిల్లాలో ఎక్కడా అవాంఛనీయ ఘటనలు జరగకుండా పోలీస్ పికెట్లు ఏర్పాటు చేశామన్నారు. ఎవరైనా అల్లర్లకు పాల్పడితే కఠిన చర్యలు తీసుకుంటామని హెచ్చరించారు
Featured News
Sorry, no posts matched your criteria.