India's largestHyperlocal short
news App
Get daily news updates that are tailored for you based on your preferred language & location.
download Way2News app now
Prakasam
News May 17, 2024
స్ట్రాంగ్ రూమ్‌లను పరిశీలించిన కలెక్టర్, ఎస్పీ
సార్వత్రిక ఎన్నికల నేపథ్యంలో ఒంగోలు రైజ్ ఇంజినీరింగ్ కళాశాలలో ఏర్పాటు చేసిన 8 నియోజకవర్గాలకు చెందిన స్ట్రాంగ్ రూమ్‌ల వద్ద ఏర్పాటు చేసిన భద్రతా ఏర్పాట్లను కలెక్టర్ ఏ.ఎస్ దినేష్ కుమార్ పరిశీలించారు. కలెక్టర్ వెంట జిల్లా ఎస్పీ గరుడ్ సుమిత్ సునీల్, పలువురు పాల్గొన్నారు. అనంతరం స్థానికంగా ఉన్న అధికారులకు వారు పలు సూచనలు జారీ చేశారు.
News May 16, 2024
ప్రకాశం: ట్రాక్టర్ కిందపడి చిన్నారి మృతి
తోటి పిల్లలతో ఆడుకుంటున్న చిన్నారిపై క్షణాల్లోనే విధి వక్రీకరిచింది. పెద్దారవీడు మండలం ఏనుగులదిన్నెపాడులో గురువారం ఓ చిన్నారి మృతి చెందింది. వివరాల్లోకి వెళితే.. అహరోను, జానకి దంపతులకు ఇద్దరు కుమారులు, ఒక కూమార్తె (4). గురువారం కుమార్తె తోటి పిల్లలతో ఆడుకుంటూ అటుగా వస్తున్న వాటర్ ట్యాంకర్ టైర్ కింద పడింది. గమనించిన స్థానికులు హుటాహుటిన ఆసుపత్రికి తరలిస్తుండగా మార్గమధ్యంలో మృతి చెందింది.
News May 16, 2024
చినగంజాం: మృతులకు సీఎం జగన్ నష్టపరిహారం
చినగంజాం నుంచి ప్రైవేట్ ట్రావెల్స్ బస్సు చిలకలూరిపేట వద్ద లారీని ఢీకొన్న విషయం తెలిసిందే. ఈ ప్రమాదంలో ఆరుగురు మృతి చెందగా, గాయపడిన 30 మందిలో ఒకరి పరిస్థితి విషమంగా ఉంది. ఈ ఘటనపై సీఎం జగన్ దిగ్భ్రాంతి వ్యక్తం చేశారు. అనంతరం మృతుల కుటుంబాలకు రూ.5 లక్షలు, తీవ్రంగా గాయపడిన వారికి రూ.లక్ష, స్వల్పంగా గాయపడిన వారికి రూ.50వేలు చొప్పున పరిహారం ప్రకటించారు. ఈ దుర్ఘటనలో గాయపడిన 20 మంది చినగంజాం వాసులే.
News May 16, 2024
ప్రకాశం: పోలింగ్‌లో మనమే టాప్
2024 సార్వత్రిక ఎన్నికల్లో రాష్ర్ట ప్రజలకు ప్రకాశం జిల్లా స్ఫూర్తిగా నిలిచింది. రాష్ట్రంలోనే దర్శి నియోజకవర్గంలో అత్యధికంగా 90.91% పోలింగ్ నమోదైంది. 2,26,370 ఓటర్లలో 2,05,792 మంది ఓటు హక్కును వినియోగించుకున్నారు. అటు పార్లమెంట్ పరిధిలో ఒంగోలు 87.06శాతం పోలింగ్‌తో రికార్డు సృష్టించింది. 16,07,832 మందికి గాను 13,99,707 మంది ఓటేశారు. రాష్ట్రంలో ఇదే అత్యధికం. ఓవరాల్‌గా జిల్లాలో 87.09% నమోదైంది.
News May 16, 2024
చినగంజాం: కళ్ల ముందే కన్నవాళ్లు కాలిపోయారు
గుండెలు పిండే హృదయ విదారక సంఘటన బుధవారం పసుమర్రు వద్ద జరిగిన అయిన విషయం తెలిసిందే. కాశీబ్రహ్మేశ్వరరావు, లక్ష్మి దంపతులకు భావన, పూజిత కుమార్తెలు. తల్లిదండ్రులతో భావన, సోదరి కుమార్తె ఖ్యాతిశ్రీతో సొంతూరుకి వచ్చి ఓటేసి ట్రావెల్స్ బస్సులో వెళ్తుండగా బస్సు లారీని ఢీకొనడంతో మంటలు అంటుకున్నాయి. భావన బస్సు కిటికీలో నుంచి దూకి ప్రాణాలతో బయటపడగా, తల్లిదండ్రులు, ఖ్యాతిశ్రీ, ఇంకో నలుగురు సజీవదహనం అయ్యారు.
News May 16, 2024
ప్రకాశం: ప్రైవేటు పాఠశాలల్లో 600 మందికి ఉచిత అడ్మిషన్లు
బాలల ఉచిత నిర్బంధ విద్యాహక్కు చట్టం కింద జిల్లాలోని ప్రైవేటు, కార్పొరేట్ పాఠశాలల్లో 2024-25 విద్యా సంవత్సరానికి 1వ తరగతిలో 600 మంది విద్యార్థులకు ఉచిత ప్రవేశాలు కల్పించినట్లు డీఈవో సుభద్ర తెలిపారు. ఎంపికైన వారు వారికి కేటాయించిన పాఠశాలల్లో ఈ నెల 10వ తేదీ లోపు సర్టిఫికెట్లు సమర్పించి ప్రవేశం పొందాలన్నారు. మిగిలిన సీట్లను రెండో విడత లాటరీలో ఎంపికైన విద్యార్థులతో భర్తీ చేస్తామని సుభద్ర తెలిపారు.
News May 15, 2024
రోడ్డు ప్రమాదం దిగ్భ్రాంతికరం: పవన్ కళ్యాణ్
చిన్నగంజాం నుంచి బయలుదేరిన బస్సు రోడ్డు ప్రమాదానికి గురి కావడం తీవ్ర దిగ్భ్రాంతికి కలిగించిందని జనసేన అధినేత పవన్ కళ్యాణ్ అన్నారు. పసుమర్రు దగ్గర బస్సు, టిప్పర్ ఢీకొని అగ్ని జ్వాలలు ఎగసిపడటంతో ఆరుగురు దుర్మరణం పాలవడం దురదృష్టకరమని అన్నారు. అక్కడ బైపాస్ రోడ్డు పనులు సాగుతున్న క్రమంలో తగిన రహదారి భద్రతా చర్యలు తీసుకోవడం, వేగ నియంత్రణ చర్యలు చేపట్టి ఉంటే ఈ ఘోరం సంభవించి ఉండేది కాదని పేర్కొన్నారు.
News May 15, 2024
కారంచేడు: గుండె నొప్పి రావడంతో అదుపుతప్పిన కారు
కారంచేడు మండల పరిధిలో బుధవారం రోడ్డు ప్రమాదం చోటుచేసుకుంది. చిలకలూరిపేట నుంచి వాడరేవు వైపు వెళ్తున్న ఓ కారు అదుపుతప్పి వాగులోకి దూసుకెళ్లింది. చిలకలూరిపేట నుంచి వాడరేవుకు కారులో ఓ కుటుంబం బుధవారం బయలుదేరింది. మార్గమధ్యలో కారు నడుపుతున్న అతనికి గుండె నొప్పి రావడంతో కారు అదుపుతప్పిందని కుటుంబీకులు తెలిపారు. అప్రమత్తమైన కుటుంబ సభ్యులు 108 సాయంతో అతన్ని చీరాలలోని ఆసుపత్రికి తరలించారు.
News May 15, 2024
మార్కాపురం: టీడీపీ పట్టణ అధ్యక్షుడికి రోడ్డు ప్రమాదం
ప్రకాశం జిల్లా మార్కాపురం టీడీపీ పట్టణ అధ్యక్షుడు డాక్టర్ మౌలాలి బుధవారం కారు ప్రమాదానికి గురయ్యారు. ఈ సందర్భంగా కారు అదుపు తప్పి దేవరాజు గట్టు వద్ద ప్రమాదం జరిగింది. ఈ ప్రమాదంలో ఆయన కాలు విరిగినట్టు స్థానికులు తెలిపారు. ఈ ఘటనకు సంబంధించిన పూర్తి వివరాలు తెలియాల్సి ఉంది.
News May 15, 2024
ఉలవపాడు మార్కెట్లో పెరిగిన సపోటా ధరలు
ఉలవపాడు మండలంలోని అంతర్రాష్ట్ర సపోటా మార్కెట్లో మంచి ధరలు పలుకుతున్నాయి. ప్రస్తుతం మార్కెట్లో ఫారిన్ రకం రూ.800, పాల రకం రూ.700, బిళ్ల రకానికి రూ.550 పలుకుతున్నాయి. రోజుకు 1,000 నుంచి 1,200 బస్తాల వరకు ఎగుమతి అవుతున్నాయి. మార్కెట్ ప్రారంభం నుంచి బస్తాకు రూ.200 చొప్పున పెరిగిందని రైతులు చెబుతున్నారు.
Featured News
Sorry, no posts matched your criteria.