India's largestHyperlocal short
news App
Get daily news updates that are tailored for you based on your preferred language & location.
download Way2News app now
Prakasam
News July 28, 2024
వేటపాలెం: బాలికతో అసభ్య ప్రవర్తన.. పొక్సో కేసు నమోదు
మూడో తరగతి చదువుతున్న బాలిక పట్ల అసభ్యంగా ప్రవర్తించిన వ్యక్తిపై పొక్సో కేసు నమోదు చేసినట్లు వేటపాలెం పోలీసులు తెలిపారు. రామన్నపేటకు చెందిన దేమన నీలకంఠ అయ్యప్ప కుమార్ అనే వ్యక్తి శనివారం బాలిక ఇంటి సమీపంలోని పాఠశాల వద్ద బాలికతో అసభ్యంగా ప్రవర్తించాడు. ఈ క్రమంలో బాలిక ఫిర్యాదు మేరకు నిందితుడిని అరెస్టు చేసి రిమాండ్‌కి పంపినట్లు ఎస్సై సురేశ్ చెప్పారు.
News July 28, 2024
కారంచేడు: గేదెను ఢీకొని ఉపాధ్యాయుడు మృతి
రోడ్డు ప్రమాదంలో ఉపాధ్యాయుడు మృతి చెందిన ఘటన కారంచేడు పోలీస్ స్టేషన్ పరిధిలో శనివారం జరిగింది. తిమిడిదపాడు స్వర్ణ గ్రామాల మధ్యలో ఈ రోడ్డు ప్రమాదం జరిగింది. వంకాయలపాడు గ్రామానికి చెందిన ఈదర శ్రీనివాసరెడ్డి ద్విచక్ర వాహనంపై ప్రయాణిస్తుండగా ఒక్కసారిగా గేదె రోడ్డుపై అడ్డు రావడంతో ద్విచక్ర వాహనం బలంగా దూడను ఢీకొంది. ఈ ప్రమాదంలో గేదె, ఉపాధ్యాయుడు అక్కడికక్కడే మృతి చెందారు.
News July 28, 2024
ఒంగోలు: ‘APPSC పరీక్షలు పకడ్బందీగా నిర్వహించాలి’
APPSC ఆధ్వర్యంలో నిర్వహించే డిపార్ట్‌మెంట్ పరీక్షలను ఎలాంటి లోపాలు లేకుండా నిర్వహించేలా సంబంధిత శాఖల అధికారులు సమన్వయంతో పనిచేయాలని డీఆర్వో విశ్వేశ్వరరావు చెప్పారు. ఈ నెల 28వ తేదీ నుంచి ఆగస్టు 2వ తేదీ వరకు డిపార్ట్‌మెంట్ పరీక్షలు జిల్లాలోని 4 కేంద్రాలలో జరుగనున్నాయి. వీటిని పకడ్బందీగా నిర్వహించేందుకు తీసుకోవాల్సిన చర్యలపై ప్రకాశం భవనంలో సంబంధిత శాఖల అధికారులతో సమావేశం జరిగింది.
News July 28, 2024
ఒంగోలు: ఏసీ రిపేర్‌లో ఆసక్తి ఉందా.. అయితే ఈ ఛాన్స్ మీకోసమే
ఒంగోలులోని రూడ్ సెట్ సంస్థలో ఆగస్టు 1వ తేదీ నుంచి పురుషులకు ఏ.సి, ఫ్రిజ్ రిపేర్స్‌లో ఉచిత శిక్షణ ఇవ్వనున్నట్లు సంస్థ డైరెక్టర్ పి. శ్రీనివాస్ రెడ్డి తెలిపారు. ఈ శిక్షణకు ఉమ్మడి జిల్లాకు చెందిన గ్రామీణ ప్రాంత నిరుద్యోగ పురుషులు అర్హులన్నారు. అలాగే 19-45 సంవత్సరాల వయసు, రేషన్ కార్డు, ఆధార్ కార్డు కలిగి ఉండాలని, శిక్షణ కాలంలో శిక్షణతో పాటు భోజనం, వసతి సౌకర్యం కల్పిస్తామన్నారు.
News July 27, 2024
పుల్లలచెరువు: ఆగి ఉన్న జేసీబీని ఢీకొన్న బైక్‌.. వ్యక్తి మృతి
పుల్లలచెరువు మండలంలోని కోమరోలు గ్రామ సమీపంలో శనివారం రాత్రి రహదారిపై ఆగి ఉన్న జేసీబీ వాహనాన్ని ద్విచక్రవాహనం వేగంగా వచ్చి ఢీకొంది. ఈ ప్రమాదంలో ద్విచక్రవాహనంపై ఉన్న వ్యక్తి తీవ్రంగా గాయపడి అక్కడికక్కడే ప్రాణాలు కోల్పోయాడు. మరొక వ్యక్తికి తీవ్ర గాయాలయ్యాయి. స్థానికుల ద్వారా సమాచారం అందుకున్న పోలీసులు ఘటనా స్థలానికి వెళ్లి దర్యాప్తు చేపట్టారు. మృతి చెందిన వ్యక్తి వివరాలు తెలియాల్సి ఉంది.
News July 27, 2024
మార్కాపురం: PIC OF THE DAY
మార్కాపురంలోని ఓ ప్రైవేట్ పాఠశాలలో శనివారం తల్లిదండ్రుల దినోత్సవాన్ని ముందస్తుగా నిర్వహించారు. దీనికి జోన్ ZEO శ్రీకృష్ణ గణేష్ ఆధ్వర్యంలో ప్రిన్సిపల్ నాగరాజు నిర్వహించారు. తల్లిదండ్రులకు విద్య ప్రాముఖ్యతపై అవగాహన కల్పించారు. అనంతరం తల్లిదండ్రులతో ముఖాముఖి కార్యక్రమాన్ని ఏర్పాటు చేశారు. పిల్లలు తల్లిదండ్రుల విలువ తెలుసుకోవాలని గణేశ్ తెలిపారు. పిల్లలకు ల్లిదండ్రులతో ఆశీర్వాదం ఇప్పించారు.
News July 27, 2024
ప్రకాశం: పెద్ద మనసు చాటుకున్న కలెక్టర్
మేడం.. నేను చదువుకుంటాను అంటూ ఓ విద్యార్థిని కోరగా జిల్లా కలెక్టర్ తమీమ్ అన్సారియా స్పందించి కేజీబీవీ పాఠశాలలో ప్రవేశం పొందేలా చర్యలు తీసుకున్నారు. ఒంగోలులోని బాలసదనం జిల్లా కలెక్టర్ శనివారం సందర్శించారు. ఈ సందర్భంగా చిన్నారులను ఆప్యాయంగా పలకరించిన కలెక్టర్ అక్కడి అమ్మాయిలతో మాట్లాడిన సమయంలో, ఒకరు చదువుకుంటాను అంటూ కలెక్టరును కోరారు. వెంటనే ఆమె స్పందించి కేజీబీవీలో సీటు కేటాయించారు.
News July 27, 2024
‘బాలినేని అక్రమాలపై సీబీఐ ఎంక్వయిరీ జరగాలి’
ఒంగోలు మాజీ ఎమ్మెల్యే బాలినేని శ్రీనివాసరెడ్డి అక్రమాలపై సీబీఐ ఎంక్వయిరీ జరగాలని ఒంగోలుకు చెందిన టీడీపీ నాయకుడు పెద్దిరెడ్డి సూర్య ప్రకాశ్ రెడ్డి కోరారు. ఒంగోలులోని తన నివాసంలో ఆయన మాట్లాడుతూ.. అవినీతికి పాల్పడ్డ ఏ ఒక్కరినీ వదిలిపెట్టే ప్రసక్తే లేదని, చట్టపరంగా వారిపై చర్యలు తీసుకోవాల్సిన అవసరం ఉందన్నారు. మాజీ ఎమ్మెల్యే బాలినేని అవినీతి చిట్టాపై కోర్టుకు వెళ్ళనున్నట్లు తెలిపారు.
News July 27, 2024
పొగాకు అధికంగా పండిస్తే నష్టమే: ఈడీ
వచ్చే సీజన్ లో అధికంగా పొగాకు పంట పండిస్తే రైతులు తీవ్రంగా నష్టపోతారని బోర్డు ఈడీ శ్రీధర్ బాబు హెచ్చరించారు. మద్దిపాడు మండలం వెల్లంపల్లిలోని వేలం కేంద్రంలో శుక్రవారం రైతులతో నిర్వహించిన సమావేశంలో ఆయన మాట్లాడారు. బోర్డు అనుమతించిన మేరకే సాగు, ఉత్పత్తిని చేయాలని సూచించారు. అనధికారికంగా బ్యారెన్లు నిర్మించవద్దని చెప్పారు.
News July 27, 2024
ఇసుక ఛార్జీలు వసూలు చేయట్లేదు: ప్రకాశం కలెక్టర్
ఇసుక స్టాక్ పాయింట్ల నిర్వహణ ఖర్చులు తప్ప ప్రజల నుంచి ప్రత్యేకంగా ఇసుక ఛార్జీలు వసూలు చేయలేదని కలెక్టర్ తమీమ్ అన్సారియా స్పష్టం చేశారు. ఈ విషయాన్ని ప్రజల్లోకి విస్తృతంగా తీసుకెళ్లాలని అధికారులను ఆదేశించారు. ప్రస్తుతం జిల్లాలో 26 వేల మెట్రిక్ టన్నుల ఇసుక అందుబాటులో ఉన్నట్లు అధికారులు కలెక్టర్‌కు వివరించారు. కొత్త ఇసుక విధానంలో రవాణా ఛార్జీల పరంగా వ్యత్యాసం లేకుండా చూస్తామని తెలిపారు.
Featured News
Sorry, no posts matched your criteria.