India's largestHyperlocal short
news App
Get daily news updates that are tailored for you based on your preferred language & location.
download Way2News app now
Srikakulam
News July 7, 2024
శ్రీకాకుళంలో అతిపెద్ద జగన్నాథ రథం ఇక్కడే
పాలకొండ పట్టణంలోని జగన్నాథ ఆలయానికి 600 ఏళ్ల చరిత్ర ఉంది. ఒడిశాకి చెందిన జైపూర్ రాజులు ఈ ఆలయాన్ని నిర్మించారు. ఇక్కడ ఏటా రథయాత్ర ఉత్సవాలు ఒడిశా సంప్రదాయంలోనే నిర్వహిస్తారు. ఇక్కడి జగన్నాథ రథం జిల్లాలోనే అతిపెద్దది. ఉత్తరాంధ్ర, ఒడిశా భక్తులు కూడా స్వామివారి ఉత్సవాలలో పాల్గొంటారు. పూరీ తర్వాత అంతటి నిష్ఠతో ఏటా తొమ్మిది రోజుల పాటు జరిగే ఈ ఉత్సవాలకు వేల మంది భక్తులు హాజరవుతారు.
News July 7, 2024
SKLM: ఒడిశా బీచ్లో దారుణ హత్య.. ముగ్గురు అరెస్ట్
ఇచ్చాపురానికి చెందిన బాలురెడ్డిని ముగ్గురు వ్యక్తులు ఒడిశా బీచ్లో దారుణంగా హత్య చేసిన విషయం తెలిసిందే. మండలంలోని బెల్లుపడకు చెందిన ఏదురు రాజు, బలరాంపురానికి చెందిన బాకి గణేశ్, లొద్దపుట్టికి చెందిన సాలిన దుర్యోధనను నిందితులుగా గుర్తించి ఒడిశా పోలీసులు ఆదివారం అదుపులోకి తీసుకున్నారు. హత్యకు వాడిన కత్తెర, కారు, సెల్‌ఫోన్ రూ.20 వేలు నగదు స్వాధీనం చేసుకున్నారు.
News July 7, 2024
బారువ తీరంలో పడవ బోల్తా.. మత్స్యకారుడి మృతి
బారువ-కొత్తురు గ్రామానికి చెందిన వలిశెట్టి జోగరావు తోటి మత్స్యకారులతో కలిసి ఆదివారం వేకువజామున సముద్ర వేటకు బయలుదేరారు. ఇంతలో రాకాసి అలలకు తెప్ప బోల్తాపడింది. ఈ ప్రమాదంలో జోగరావు మరణించగా మిగత మత్స్యకారులు దానయ్య, సింహాచలం, కుమార్ స్వామి, భాస్కరావు అతికష్టం మీద ఒడ్డుకు చేరుకున్నారు. జోగరావు కుటుంబానికి అన్ని విధాలుగా ప్రభుత్వం ఆదుకోవాలని మత్స్యకార పెద్దలు కోరుతున్నారు.
News July 7, 2024
సరుబుజ్జిలి: మలేరియాతో చిన్నారి మృతి
సరుబుజ్జిలి మండలం వెన్నెలవలస ప్రభుత్వ గిరిజన సంక్షేమ ఆశ్రమ ఉన్నత పాఠశాల మూడో తరగతి విద్యార్థి బిడ్డిక రశ్మిత మలేరియాతో రిమ్స్‌లో చికిత్స పొందుతూ శనివారం రాత్రి మృతి చెందారు. పాఠశాలలో చిన్నారికి జ్వరం రావడంతో సరుబుజ్జిలి పీహెచ్సీ వైద్యులు చికిత్స చేశారు. వైద్యుల సలహా మేరకు ఈనెల 5న మెరుగైన వైద్యం కోసం శ్రీకాకుళం రిమ్స్‌కు తీసుకెళ్లారు. బాలిక మరణంతో గ్రామంలో విషాదఛాయలు అలుముకున్నాయి.
News July 7, 2024
రాజాం: పురుగుల మందు తాగి వ్యక్తి మృతి
మానసిక పరిస్థితి బాగలేకపోవడంతో రాజాం మండలం పరశురాంపురం గ్రామానికి చెందిన బెవర అప్పలరాము పురుగుల మందు తాగాడు. గమనించిన కుటుంబ సభ్యులు రాజాంలోని సామాజిక ఆసుపత్రికి తరలించారు. అప్పటికే పరిస్థితి విషమించడంతో శ్రీకాకుళంలోని ఓ ప్రైవేటు ఆసుపత్రికి మెరుగైన చికిత్స కోసం తీసుకెళ్లారు. అక్కడ చికిత్స పొందుతూ శనివారం ఉదయం మృతిచెందాడు. భార్య అన్నపూర్ణమ్మ ఫిర్యాదు మేరకు పోలీసులు కేసు నమోదు చేశారు.
News July 7, 2024
ఆర్జీయూకేటీ శ్రీకాకుళం క్యాంపస్‌ డైరెక్టర్‌ రాజీనామా
రాజీవ్‌గాంధీ వైజ్ఞానిక సాంకేతిక విశ్వవిద్యాలయం పరిధిలోని శ్రీకాకుళం ట్రిపుల్‌ ఐటీ డైరెక్టర్‌ కేవీజీడీ బాలాజీ శనివారం రాజీనామా చేశారు. ఆయన రాజీనామా పత్రాన్ని ఈ-మెయిల్‌ ద్వారా ఆర్జీయూకేటీ ఛాన్సలర్ కె.సి రెడ్డికి పంపారు. 2023 నవంబరు 18న బాలాజీ బాధ్యతలు స్వీకరించినట్లు ట్రిపుల్‌ ఐటీ సిబ్బంది తెలిపారు.
News July 7, 2024
శ్రీకాకుళం: అగ్నివీర్ నోటిఫికేషన్ విడుదల
భారత ప్రభుత్వం అగ్నివీర్ వాయుసేన విభాగంలో అర్హులైన స్త్రీ, పురుష అభ్యర్థుల నుంచి దరఖాస్తులు కోరుతున్నట్లు జిల్లా ఉపాధి కల్పన అధికారి కొత్తలంక సుధా శనివారం తెలిపారు. అర్హత కలిగిన అభ్యర్థులు జులై 8 నుంచి 28లోపు ఆన్‌లైన్‌లో దరఖాస్తు చేసుకోవాలని ఆమె కోరారు. ఇంటర్మీడియట్ లేదా డిప్లొమా చేసిన అభ్యర్థులు అర్హులని స్పష్టం చేశారు.
News July 7, 2024
పలాస: మేకపోతు దొంగను పట్టుకుని చిత్తకొట్టారు
పలాస మండలం లొద్దభద్రలో శనివారం సాయంత్రం మేకపోతును దొంగలించి తరలిస్తుండగా గ్రామస్థులు పట్టుకున్నారు. గ్రామానికి చెందిన కేశవరావు అనే గొర్రెల కాపరికి చెందిన మేకపోతును ముగ్గురు యువకులు కాళ్లు కట్టేసి తరలిస్తుండగా స్థానికులు చూశారు. ఆ సమయంలో ఇద్దరు యువకులు బైక్‌పై పరారవ్వగా ఓ యువకుడు స్థానికులకు చిక్కాడు. అతడిని స్తంభానికి కట్టేసి పోలీసులకు సమాచారం అందించారు.
News July 7, 2024
రాజాం: మంట పుట్టిస్తున్న మిర్చీ ధరలు
రాజాం కూరగాయల మార్కెట్లో గత నెల కిలో రూ.30 ఉన్న మిర్చిని ప్రస్తుతం రూ.100కు చేరింది. ఇటీవల భారీగా కురిసిన వర్షాలకు మిరపకు తెగుళ్లు సోకి మిరప పంటలు పాడైపోవడంతో దిగుమతి తగ్గింది. ఒకేసారి భారీగా ధరలు పెరిగిపోవడంతో వినియోగదారులకు మిరప మరింత ఘాటెక్కింది. ఇదిలా ఉండగా మిరప సాగు చేసే రైతులు నష్టాల్లో చిక్కుకుని అప్పుల పాలవతున్నామని వాపోయారు.
News July 7, 2024
శ్రీకాకుళం: ‘YSR జయంతిని వేడుకగా జరపాలి’
దివంగత సీఎం వైఎస్ రాజశేఖర్‌రెడ్డి 75వ జయంతిని ఈనెల 8న ఘనంగా నిర్వహించాలని వైసీపీ జిల్లా అధ్యక్షుడు ధర్మాన కృష్ణదాస్ పిలుపునిచ్చారు. జిల్లా వ్యాప్తంగా పెద్ద ఎత్తున సేవా కార్యక్రమాలు చేపట్టాలని నిర్ణయించినట్లు తెలిపారు. ఇందులో భాగంగా రక్తదానం, స్కూల్లో పుస్తకాల పంపిణీ, మొక్కలు నాటడం వంటి సేవా కార్యక్రమాలు చేపట్టాలని వైసీపీ కుటుంబ సభ్యులందరికీ పిలుపునిచ్చారు.
Featured News
Sorry, no posts matched your criteria.