India's largestHyperlocal short
news App
Get daily news updates that are tailored for you based on your preferred language & location.
download Way2News app now
Srikakulam
News August 31, 2024
కలెక్టర్లు అప్రమత్తంగా ఉండాలి: సీఎం చంద్రబాబు
భారీ వర్షాల దృష్ట్యా ఉత్తరాంధ్ర జిల్లాల కలెక్టర్లు అప్రమత్తంగా ఉండాలని సీఎం చంద్రబాబు ఆదేశించారు. శనివారం ఆయన జిల్లాల ముఖ్య అధికారులతో జరిపిన సమీక్షలో కలెక్టర్లతో మాట్లాడారు. ఉత్తరాంధ్ర జిల్లాల తీరప్రాంత ప్రజలను అప్రమత్తం చేయాలని సీఎం సూచించారు. తుఫాన్ తీరం దాటేటప్పుడు 55- 65 కి.మీ. వేగంతో గాలులు వీచే అవకాశముందని సీఎం ఈ మేరకు సమీక్షలో స్పష్టం చేశారు. సంబంధిత అధికారులు పాల్గొన్నారు.
News August 31, 2024
జి.సిగడాం: వారం రోజులలో 5 మంది మృతి
జి.సిగడాం మండలం వెలగాడ గ్రామంలో డయేరియా, జ్వరాలు విజృంభిస్తున్నాయని గ్రామస్థులు ఆందోళన చెందుతున్నారు. గ్రామానికి చెందిన కోల నాగమ్మ శనివారం డయేరియా బారిన పడి మృతి చెందిందని తెలిపారు. వారం క్రితం నలుగురు మరణించగా, 30 మంది రాజాం, శ్రీకాకుళంలో ఆసుపత్రిలో చికిత్స పోందుతున్నారు. మరణించిన ఇద్దరిలో ఒకే కుటుంబానికి చెందిన అక్క, తమ్ముడు ఉండడంతో విషాదఛాయలు అలముకున్నాయి. చర్యలు చేపట్టాలని కోరుతన్నారు.
News August 31, 2024
వన మహోత్సవం రోజే చెట్లు తొలగించిన పాఠశాల ఉపాధ్యాయ సిబ్బంది
శ్రీకాకుళం జిల్లా కవిటి మండలం పాత కొజ్జిరియా జిల్లా పరిషత్ ఉన్నత పాఠశాలలో శుక్రవారం అంతుపట్టని చర్య చోటుచేసుకుంది. రాష్ట్రవ్యాప్తంగా ఎంతో ప్రతిష్టాత్మకంగా వన మహోత్సవం సందర్భంగా మొక్కలు నాటుతుంటే.. మరోవైపు పాఠశాల ఆవరణంలో ఉన్న చెట్లు నరికి వేసి తొలగించారు. మొక్కలు నాటాల్సిన రోజే చెట్లు కొట్టివేయడంతో విద్యార్థులు స్థానిక ప్రజలు ఉపాధ్యాయుల తీరుపై మండిపడ్డారు.
News August 31, 2024
భారీ వర్షాలు.. శ్రీకాకుళం జిల్లా కంట్రోల్ రూం నంబర్లు ఇవే
ఉమ్మడి శ్రీకాకుళం జిల్లాలో మరో 2 రోజులు వర్షాలు ఉంటాయని వాతావరణ శాఖ హెచ్చరికలు జారీ చేసింది.ఈ క్రమంలో కింది జాగ్రత్తలు పాటిద్దాం.
☞ శిథిలావస్థలో ఉన్న ఇళ్లు, గోడలు, స్తంభాల వద్ద ఉండొద్దు.
☞ వర్షం పడేటప్పుడు చెట్ల కిందికి వెళ్లకండి.
☞ నదులు, కాలువలు, మ్యాన్‌హోళ్ల వద్ద జాగ్రత్త.
☞ రోడ్డుపై నీరుంటే జాగ్రత్తగా వెళ్లండి.
➠ కంట్రోల్ రూం నంబర్: 08942240557
News August 31, 2024
పింఛన్లు పంపిణీలో రాష్ట్రంలోనే సిక్కోలు ప్రథమ స్థానం
రాష్ట్ర ప్రభుత్వం అందజేస్తున్న ఎన్టీఆర్ భరోసా పింఛన్లు పంపిణీలో భాగంగా రాష్ట్రంలోనే ముందుగా పింఛన్లు పంపిణీ చేసి శ్రీకాకుళం జిల్లా ప్రథమ స్థానంలో నిలిచిందని డీఆర్డీఏ పీడీ పి కిరణ్ కుమార్ తెలిపారు. శనివారం మంత్రి అచ్చెన్నాయుడితో రావివలసలో పంపిణీ కార్యక్రమంలో పాల్గొన్న ఆయన మాట్లాడుతూ.. ఉదయం 10 గంటలకే 90.68 శాతం పింఛన్లు పంపిణీ చేసి ప్రథమ స్థానంలో నిలిచామన్నారు. ఆయన ఉద్యోగులకు అభినందనలు తెలిపారు.
News August 31, 2024
ఫించన్ల పంపిణీ తీరును పరిశీలించిన కలెక్టర్
ఎచ్చెర్ల మండలం పొన్నాడ, బొంతలకోడూరు గ్రామాల్లో ప్రారంభమైన ఎన్.టీ.ఆర్ భరోసా పెన్షన్ పంపిణీ కార్యక్రమాన్ని జిల్లా కలెక్టర్ స్వప్నిల్ దినకర్ పుండ్కర్ ఆకస్మికంగా పరిశీలించారు. సచివాలయ ఉద్యోగులు వృద్ధులు, వికలాంగుల ఇంటి వద్దకే వెళ్లి ఫించన్ పంపిణీ చేయాలన్నారు. ఈ కార్యక్రమంలో టీడీపీ కూటమి నేతలు పాల్గొన్నారు.
News August 31, 2024
శ్రీకాకుళం: సెప్టెంబర్ 3న మెగా జాబ్‌మేళా
శ్రీకాకుళం నగరంలోని ప్రభుత్వ మహిళా డిగ్రీ కళాశాలలో వచ్చే నెల 3న నోడల్ రిసోర్స్ కేంద్రం, ఏపీఎస్ఎస్ఈసీ ఆధ్వర్యంలో జాబ్ మేళా నిర్వహించనున్నట్లు ప్రిన్సిపల్ కె.సూర్య చంద్రరావు తెలిపారు. అభ్యర్థులు బయోడేటా, మూడు పాస్ పోర్టు సైజు ఫొటోలు, విద్యార్హత జిరాక్సు కాఫీలు తీసుకురావాలని సూచించారు. నిరుద్యోగులు ఈ అవకాశాన్ని సద్వినియోగం చేసుకోవాలని కోరారు.
News August 31, 2024
కోటబొమ్మాళి: నిన్న పదోన్నతి.. నేడు పదవి విరమణ
కోటబొమ్మాళి మండలం నిమ్మాడ గ్రామానికి చెందిన డీఎస్సీపీ కింజరాపు ప్రభాకర్ రావు విశాఖపట్నంలో విధులను నిర్వహిస్తున్నారు. రాష్ట్రంలో డీఐజీ ఆదేశాల మేరకు పలువురు డీఎస్పీలకు పదోన్నతి కల్పిస్తూ ఏఎస్పీలుగా నియమించారు. ఈ క్రమంలో డీఎస్పీగా విశాఖలో విధులు నిర్వహిస్తున్న కింజరాపు ప్రభాకర్ రావు శుక్రవారం ఏఎస్పీగా పదవి బాధ్యతలను చేపట్టారు. ఈ క్రమంలో నేడు పదవీ విరమణ చేయనున్నడటం విశేషం.
News August 31, 2024
శ్రీకాకుళం: రేపు అండర్ -9 చదరంగం పోటీలు
శ్రీకాకుళం జిల్లా చదరంగం అసోసియేషన్ ఆధ్వర్యంలో వచ్చే నెల ఒకటో తేదీన అండర్-9 విభాగంలో బాలలకు చదరంగం పోటీలు నిర్వహించనున్నట్లు ఆ సంఘం అధ్యక్షులు బగాది కిశోర్ తెలిపారు. 2015 జనవరి 1 తరువాత జన్మించిన క్రీడాకారులు అర్హులన్నారు. శ్రీకాకుళం నగరంలోని నానుబాల వీధిలోని చదరంగం శిక్షణ కార్యాలయానికి 9 గంటలకు హాజరుకావాలని సూచించారు.
News August 31, 2024
శ్రీకాకుళం జిల్లాలో 28 డెంగ్యూ కేసులు
శ్రీకాకుళం జిల్లాలో 28 డెంగ్యూ కేసులు నమోదైనట్లు డీఎంహెచ్‌వో బొడ్డేపల్లి మీనాక్షి తెలిపారు. ఈ సందర్భంగా ఆమె మాట్లాడుతూ.. సీజనల్‌ జ్వరాలపై ప్రజలంతా అప్రమత్తంగా ఉండాలని కోరారు. అనంతరం ఏఎన్‌ఎంలు, ఆశా కార్యకర్తలు, ఆరోగ్య సిబ్బంది ఇంటింటికీ తిరిగి జ్వరాల సర్వే నిర్వహించాలన్నారు. అలసత్వం వహిస్తే కఠిన చర్యలు తప్పవన్నారు. జ్వరాల సర్వేకు సంబంధించి ఈ ఏడాది ఇప్పటి వరకు 3,70,000 రక్త నమూనాలు సేకరించామన్నారు.
Featured News
Sorry, no posts matched your criteria.