India's largestHyperlocal short
news App
Get daily news updates that are tailored for you based on your preferred language & location.
download Way2News app now
Srikakulam
News April 5, 2024
శ్రీకాకుళం: రాత్రివేళ ఎలుగుబంటి సంచారం
శ్రీకాకుళం జిల్లా వజ్రపుకొత్తూరు మండలంలోని మెట్టూరులో ఎలుగుబంటి సంచారం కలకలం రేపింది. ఇదే గ్రామంలో ఈ నెల 2న ఓ పాడుబడిన ఇంట్లో ప్రవేశించిన ఎలుగుబంటిని పోలీసులు, అటవీ శాఖ సిబ్బంది పట్టుకున్నారు. గ్రామంలో గురువారం చీకటి పడే సమయానికి మరో ఎలుగుబంటి కనిపించడంతో గ్రామస్థులు భయాందోళన చెందుతున్నారు. వీధుల్లో సంచరించిన ఎలుగు జీడి తోటలోకి వెళ్లిందని చెబుతున్నారు. అధికారులు చర్యలు తీసుకోవాలని కోరుతున్నారు.
News April 5, 2024
ఎచ్చెర్ల: 6వ తేదీన బీఈడీ ప్రవేశాలు
బీఈడీ (ఎంఆర్) కోర్సులో డా. బి.ఆర్. అంబేద్కర్ విశ్వవిద్యాలయం తక్షణ ప్రవేశాలు నిర్వహించనుందని వర్శిటీ ఆర్ట్స్ కళాశాల ప్రిన్సిపాల్ ఆచార్య బి.అడ్డయ్య తెలిపారు. ఈ నెల 6 నుంచి వీటిని వర్శిటీలోని ఎడ్యుకేషన్ విభాగంలో నిర్వహించనున్నామని తెలియజేశారు. టీసీతో పాటు విద్యార్హతలతో కూడిన ఒరిజనల్ సర్టిఫికెట్లు, ఒక సెట్ జిరాక్స్ కాపీలు, నాలుగు ఫొటోలతో అభ్యర్థులు హాజరుకావాలన్నారు.
News April 4, 2024
శ్రీకాకుళం: వడదెబ్బకు వ్యక్తి మృతి
పాలకొండ మండలం తంపటాపల్లి గ్రామానికి చెందిన సీహెచ్ రామకృష్ణ(54) గత కొంతకాలంగా చేపల చెరువుకు
కాపలా కాస్తూ జీవనం సాగిస్తున్నాడు. తుమరాడ గ్రామ సమీపంలో ఉన్న చేపల చెరువు వద్ద గురువారం ఎండ వేడిమికి తట్టుకోలేక ఒక్కసారిగా కుప్పకూలిపోయాడు. గమనించిన స్థానికులు సపర్యలు చేసి ఆసుపత్రికి తరలిస్తుండగా మృతి చెందాడు. విషయం తెలుసుకున్న పోలీసులు ఘటనపై కేసు నమోదు చేశారు.
News April 4, 2024
శ్రీకాకుళం ఎంపీ స్థానంలో నోటాకు పెరుగుతున్న ఓట్లు
శ్రీకాకుళం పార్లమెంట్ (ఎంపీ) స్థానానికి 2014, 2019 సార్వత్రిక ఎన్నికల్లో నోటాకు పడుతున్న ఓట్లు సంఖ్య పెరుగుతూ వస్తున్నాయి. 2014 శ్రీకాకుళం ఎంపీ స్థానానికి జరిగిన సార్వత్రిక ఎన్నికల్లో నోటాకు 6,133 (0.58 శాతం) ఓట్లు పడ్డాయి. 2019 ఎన్నికల్లో నోటాకు 25,545 (2.19 శాతం) ఓట్లు వచ్చాయి. 2013లో ఇచ్చిన సుప్రీంకోర్టు తీర్పు మేరకు ఎన్నికల కమిషన్ ఈవీఎం యంత్రాల్లో నోటాకు స్థానం కల్పించింది.
News April 4, 2024
శ్రీకాకుళం: రోడ్డు ప్రమాదంలో యువకుడు మృతి
సరుబుజ్జిలి మండలం రొట్టవలస సమీపంలో గురువారం జరిగిన రోడ్డు ప్రమాదంలో హిరమండలం మండలం రెల్లివలసకి చెందిన కోట హరి మృతి చెందాడు. సరుబుజ్జిలి ఎస్సై బి.నిహార్ తెలిపిన వివరాల ప్రకారం.. ఆమదాలవలస వైపు నుంచి ఇంటికి బైక్‌పై వెళ్తుండగా.. రొట్టవలస వద్ద ట్రాక్టర్ ఒక్కసారిగా అడ్డం రావడంతో ప్రమాదం జరిగిందన్నారు. మరో యువకుడు గోక రామకోటికి గాయాలయ్యాయి. హరి తల్లి ఫిర్యాదు మేరకు కేసు నమోదు చేసినట్లు ఎస్సై తెలిపారు.
News April 4, 2024
ఎచ్చెర్ల: 6వ తేదీన బీఈడీ ప్రవేశాలు
బీఈడీ (ఎంఆర్) కోర్సులో డా. బి.ఆర్. అంబేద్కర్ విశ్వవిద్యాలయం తక్షణ ప్రవేశాలు నిర్వహించనుందని వర్శిటీ ఆర్ట్స్ కళాశాల ప్రిన్సిపాల్ ఆచార్య బి.అడ్డయ్య తెలిపారు. ఈ నెల 6 నుంచి వీటిని వర్శిటీలోని ఎడ్యుకేషన్ విభాగంలో నిర్వహించనున్నామని తెలియజేశారు. టీసీతో పాటు విద్యార్హతలతో కూడిన ఒరిజనల్ సర్టిఫికెట్లు, ఒక సెట్ జిరాక్స్ కాపీలు, నాలుగు ఫొటోలతో అభ్యర్థులు హాజరుకావాలన్నారు.
News April 4, 2024
సీక్రెట్ సర్వే చేయడం సంతోషం: గుండ
టీడీపీ గార మండల ముఖ్య నాయకులతో మాజీ మంత్రి గుండ అప్పలసూర్యనారాయణ, లక్ష్మీదేవి దంపతులు వారి నివాసంలో గురువారం సమావేశమయ్యారు. వాళ్లు మాట్లాడుతూ.. శ్రీకాకుళం నియోజకవర్గంలో నాయకుల మనోభావాలను తెలుసుకునేందుకు టీడీపీ అధిష్ఠానం ప్రయత్నిస్తోందని చెప్పారు. ముందస్తు సమాచారం లేకుండా సీక్రెట్‌గా నిన్న సర్వే చేయడం తమకు చాలా సంతోషంగా ఉందన్నారు. టికెట్ మార్పు విషయమై పునఃపరిశీలన చేస్తున్నారని చెప్పారు.
News April 4, 2024
పొందూరు నుంచి వెళ్తూ ముగ్గురు మృతి
విశాఖ నగరంలోని పెందుర్తి సమీపంలో ఇవాళ ఉదయం <<12986188>>ఘోర రోడ్డు ప్రమాదం <<>>జరిగిన విషయం తెలిసిందే. ఏలూరు జిల్లా తాళ్లపూడి మం. తిరుగుడుమెట్ట రామకృష్ణ కాలనీకి చెందిన పలువురు శీకాకుళం జిల్లా పొందూరులో జరిగిన పెళ్లికి వచ్చారు. తిరిగి స్వగ్రామానికి టాటా ఏస్ వ్యాన్‌లో వెళ్తుండగా లారీ ఢీకొట్టింది. హనుమంతు ఆనంద్(40), హనుమంతు చంద్రశేఖర్(16), చింతాడ ఇందు(50) చనిపోయారు. క్షతగాత్రులను చికిత్స నిమిత్తం KGHకి తరలించారు.
News April 4, 2024
శ్రీకాకుళం: కొత్త పీజీ కోర్సు మంజూరు
శ్రీకాకుళం ప్రభుత్వ డిగ్రీ(పురుషులు) కాలేజీలో 2024-25 విద్యా సంవత్సరం నుంచి కొత్తగా ఎమ్మెస్సీ మెడికల్ బయోటెక్నాలజీ కోర్సు మంజూరైనట్లు ప్రిన్సిపల్ సురేఖ తెలిపారు. యూనివర్సిటీ వీసీ డాక్టర్ ఆర్.రజని కోర్సు అనుమతి పత్రాలను ప్రిన్సిపల్‌కు అందజేశారు. పీజీ సెట్ ద్వారా ప్రవేశం పొంది ఈ కోర్సు పూర్తి చేసిన తరువాత వైద్య, ఫార్మా రంగాల్లో ఉద్యోగ, ఉపాధి అవకాశాలు ఉంటాయని చెప్పారు.
News April 4, 2024
SKLM: వైసీపీలో రాజీనామాల కలకలం
ఉమ్మడి శ్రీకాకుళం జిల్లాలో వరుస రాజీనామాలతో YCP సతమతం అవుతోంది. తనకు పార్టీలో అవమానం జరిగిందంటూ కేంద్ర మాజీ మంత్రి కిల్లి కృపారాణి YCPని వీడారు. తర్వాత ఆమె అడుగులు ఎటు వైపు అనేది తెలియాల్సి ఉంది. మరో YCP సీనియర్ నేత, రణస్థలం వ్యవసాయ సలహా మండలి సభ్యుడు పైడి శ్రీనివాసరావు పార్టీపై ధిక్కార స్వరం వినిపించారు. ఏకంగా ఎచ్చెర్ల ఇండిపెండెంట్ MLA అభ్యర్థిగా పోటీ చేస్తానని ప్రకటించడం ప్రకంపనలు రేపుతోంది.
Featured News
Sorry, no posts matched your criteria.