India's largestHyperlocal short
news App
Get daily news updates that are tailored for you based on your preferred language & location.
download Way2News app now
Srikakulam
News April 4, 2024
ఎచ్చెర్ల: 6వ తేదీన బీఈడీ ప్రవేశాలు
బీఈడీ (ఎంఆర్) కోర్సులో డా. బి.ఆర్. అంబేద్కర్ విశ్వవిద్యాలయం తక్షణ ప్రవేశాలు నిర్వహించనుందని వర్శిటీ ఆర్ట్స్ కళాశాల ప్రిన్సిపాల్ ఆచార్య బి.అడ్డయ్య తెలిపారు. ఈ నెల 6 నుంచి వీటిని వర్శిటీలోని ఎడ్యుకేషన్ విభాగంలో నిర్వహించనున్నామని తెలియజేశారు. టీసీతో పాటు విద్యార్హతలతో కూడిన ఒరిజనల్ సర్టిఫికెట్లు, ఒక సెట్ జిరాక్స్ కాపీలు, నాలుగు ఫొటోలతో అభ్యర్థులు హాజరుకావాలన్నారు.
News April 4, 2024
సీక్రెట్ సర్వే చేయడం సంతోషం: గుండ
టీడీపీ గార మండల ముఖ్య నాయకులతో మాజీ మంత్రి గుండ అప్పలసూర్యనారాయణ, లక్ష్మీదేవి దంపతులు వారి నివాసంలో గురువారం సమావేశమయ్యారు. వాళ్లు మాట్లాడుతూ.. శ్రీకాకుళం నియోజకవర్గంలో నాయకుల మనోభావాలను తెలుసుకునేందుకు టీడీపీ అధిష్ఠానం ప్రయత్నిస్తోందని చెప్పారు. ముందస్తు సమాచారం లేకుండా సీక్రెట్‌గా నిన్న సర్వే చేయడం తమకు చాలా సంతోషంగా ఉందన్నారు. టికెట్ మార్పు విషయమై పునఃపరిశీలన చేస్తున్నారని చెప్పారు.
News April 4, 2024
పొందూరు నుంచి వెళ్తూ ముగ్గురు మృతి
విశాఖ నగరంలోని పెందుర్తి సమీపంలో ఇవాళ ఉదయం <<12986188>>ఘోర రోడ్డు ప్రమాదం <<>>జరిగిన విషయం తెలిసిందే. ఏలూరు జిల్లా తాళ్లపూడి మం. తిరుగుడుమెట్ట రామకృష్ణ కాలనీకి చెందిన పలువురు శీకాకుళం జిల్లా పొందూరులో జరిగిన పెళ్లికి వచ్చారు. తిరిగి స్వగ్రామానికి టాటా ఏస్ వ్యాన్‌లో వెళ్తుండగా లారీ ఢీకొట్టింది. హనుమంతు ఆనంద్(40), హనుమంతు చంద్రశేఖర్(16), చింతాడ ఇందు(50) చనిపోయారు. క్షతగాత్రులను చికిత్స నిమిత్తం KGHకి తరలించారు.
News April 4, 2024
శ్రీకాకుళం: కొత్త పీజీ కోర్సు మంజూరు
శ్రీకాకుళం ప్రభుత్వ డిగ్రీ(పురుషులు) కాలేజీలో 2024-25 విద్యా సంవత్సరం నుంచి కొత్తగా ఎమ్మెస్సీ మెడికల్ బయోటెక్నాలజీ కోర్సు మంజూరైనట్లు ప్రిన్సిపల్ సురేఖ తెలిపారు. యూనివర్సిటీ వీసీ డాక్టర్ ఆర్.రజని కోర్సు అనుమతి పత్రాలను ప్రిన్సిపల్‌కు అందజేశారు. పీజీ సెట్ ద్వారా ప్రవేశం పొంది ఈ కోర్సు పూర్తి చేసిన తరువాత వైద్య, ఫార్మా రంగాల్లో ఉద్యోగ, ఉపాధి అవకాశాలు ఉంటాయని చెప్పారు.
News April 4, 2024
SKLM: వైసీపీలో రాజీనామాల కలకలం
ఉమ్మడి శ్రీకాకుళం జిల్లాలో వరుస రాజీనామాలతో YCP సతమతం అవుతోంది. తనకు పార్టీలో అవమానం జరిగిందంటూ కేంద్ర మాజీ మంత్రి కిల్లి కృపారాణి YCPని వీడారు. తర్వాత ఆమె అడుగులు ఎటు వైపు అనేది తెలియాల్సి ఉంది. మరో YCP సీనియర్ నేత, రణస్థలం వ్యవసాయ సలహా మండలి సభ్యుడు పైడి శ్రీనివాసరావు పార్టీపై ధిక్కార స్వరం వినిపించారు. ఏకంగా ఎచ్చెర్ల ఇండిపెండెంట్ MLA అభ్యర్థిగా పోటీ చేస్తానని ప్రకటించడం ప్రకంపనలు రేపుతోంది.
News April 4, 2024
శ్రీకాకుళం: 93 వేల మందికి నగదు అందజేత
శ్రీకాకుళం జిల్లాలో అన్ని రకాల పింఛన్లకు సంబంధించి మొత్తం 3,21,662 మందికి సొమ్ము విడుదల చేశారు. బుధవారం 93,669 మందికి(29.12శాతం) పింఛన్ నగదు అందించారు. ఇంకా 2,27,993 మందికి డబ్బులను అందించాల్సి ఉంది. పింఛన్ల పంపిణీ ప్రాంతాల్లో టెంట్లు, నీటి వసతి సౌకర్యాలు లేకపోవడంతో లబ్ధిదారులు అసౌకర్యానికి గురయ్యారు.
News April 4, 2024
టెక్కలి: ఆర్టీసీ డిపో కండెక్టర్ సస్పెండ్
ఎన్నికల కోడ్ ఉల్లంఘించిన టెక్కలి ఆర్టీసీ డిపో కండక్టర్ బి.ధనుంజయరావును సస్పెండ్ చేస్తూ బుధవారం ఉత్తర్వులు జారీ అయ్యాయి. మార్చి 31న MLC, వైసీపీ ఎమ్మెల్యే అభ్యర్థి దువ్వాడ శ్రీనివాస్ నిర్వహించిన విలేకరుల సమావేశంలో పాల్గొన్నట్లు ఆయనపై ఆరోపణలు వచ్చాయి. దీంతో అధికారులు షోకాజ్ నోటీసులు జారీ చేశారు. ఆయన నుంచి సంతృప్తికర సమాధానం రాకపోవడంతో సస్పెండ్ చేస్తున్నట్లు అధికారులు ఉత్తర్వుల్లో పేర్కొన్నారు.
News April 4, 2024
శ్రీకాకుళం: ‘ఎలాంటి ప్ర‌చారానికైనా అనుమతి త‌ప్ప‌నిస‌రి’
రాజ‌కీయ పార్టీలు, అభ్యర్థులు చేప‌ట్ట‌బోయే ఎలాంటి ప్ర‌చారానికైనా సంబంధిత ఎన్నికల అధికారుల నుంచి అనుమ‌తులు తీసుకోవాల్సిందేన‌ని జిల్లా ఎన్నికల అధికారి, జిల్లా కలెక్టర్ మనజీర్ జిలానీ సమూన్ స్పష్టం చేశారు. కలెక్టర్ కార్యాలయంలో 40వ వారపు స‌మావేశాన్ని బుధవారం నిర్వ‌హించారు. ప్రచార అనుమతులకు ద‌ర‌ఖాస్తు చేసుకున్న 48 గంట‌ల్లోగా ఏక‌గ‌వాక్ష విధానం ద్వారా అనుమ‌తులు ఇస్తామ‌న్నారు.
News April 3, 2024
వజ్రపుకొత్తూరు: ఆలయాల్లో దొంగతనం.. ఆభరణాలు మాయం
వజ్రపుకొత్తూరు మండలం పూండి శివాలయం అయ్యప్ప స్వామి ఆలయంలో మంగళవారం అర్ధరాత్రి దొంగలు పడ్డారు. ఆలయాల్లోని ఆభరణలు, పంచపాత్రలు.. విలువైన వెండి పూజా సామగ్రిని ఎత్తుకెళ్లారు. వీటి విలువ సుమారు రూ.11 లక్షలు ఉంటుందని ఆలయ అర్చకులు తెలిపారు. ఆలయ అర్చకులు ఇచ్చిన ఫిర్యాదు మేరకు పోలీసులు దర్యాప్తు చేపట్టారు. ఆలయాల్లోని సీసీ ఫుటేజీలను సైతం దొంగలు ఎత్తుకెళ్లిపోయారు. వివరాలు తెలియాల్సి ఉంది.
News April 3, 2024
శ్రీకాకుళం: జాతీయ రహదారిపై రోడ్డు ప్రమాదం
పలాస మండలం లక్ష్మీపురం సమీపంలో జాతీయ రహదారిపై అర్ధరాత్రి తర్వాత ఎదురుగా వెళ్తున్న గుర్తుతెలియని వాహనాన్ని వెనుక నుంచి ఐచర్ వ్యాన్ అతివేగంగా ఢీకొంది. ఈ ప్రమాదంలో ఐచర్ వ్యాన్ డ్రైవర్ క్యాబిన్‌లో ఇరుక్కొని
తీవ్రంగా గాయపడ్డాడు. విషయం తెలుసుకున్న నేషనల్ హైవే సిబ్బంది ఘటనా స్థలానికి చేరుకొని ఇరుక్కున్న డ్రైవర్‌ను అతి కష్టం మీద బయటకి తీసి, చికిత్స నిమిత్తం పలాస ప్రభుత్వ ఆసుపత్రికి తరలించారు.
Featured News
Sorry, no posts matched your criteria.