India's largestHyperlocal short
news App
Get daily news updates that are tailored for you based on your preferred language & location.
download Way2News app now
Srikakulam
News April 3, 2024
అరసవల్లి: కిడ్నీ నుంచి 6సె.మీ రాయి తొలగింపు
రోగి కిడ్నీ నుంచి తొలగించిన 6 సెంటీమీటర్ల రాయి నగరంలోని గ్లోబల్ న్యూరోకేర్ ఆస్పత్రి వైద్యులు బొడ్డేపల్లి యోగేష్ (యూరాలజిస్ట్), డా.గొనప భవానిల ఆధ్వర్యంలో ఓ రోగి కిడ్నీ నుంచి ఏకంగా 6 సెంటీమీటర్ల రాయిని తొలగించారు. ఈ విషయాన్ని ఎండీ దేవిరెడ్డి గౌతమ్ మంగళవారం తెలిపారు. సాధారణంగా కిడ్నీలో 0.5 సె.మీ రాయి ఉంటేనే శస్త్రచికిత్సలు చేస్తామని, అలాంటిది అరుదుగా 6 సె.మీ ఉండడం గుర్తించి తొలగించామన్నారు.
News April 3, 2024
శ్రీకాకుళం: ఆర్‌పీఎఫ్ కానిస్టేబుల్‌కు ఏడేళ్లు జైలు
అదనపు కట్నం కోసం వివాహితను వేదించిన కేసులో RPF కానిస్టేబుల్‌కు ఏడేళ్లు, కుటుంబీకులైన మరో నలుగురికి మూడేళ్లు జైలుశిక్ష విధిస్తూ రాజమహేంద్రవరం కోర్టు న్యాయమూర్తి తీర్పు వెల్లడించారు. పోలీసుల వివరాల మేరకు శ్రీకాకుళం సింగుపురానికి చెందిన లక్ష్మీ లావణ్య(27)ను సరుబుజ్జిలి మండలం రొట్టవలనకి చెందిన రవితో 2018లో వివాహమైంది. పెళ్లి తర్వాత ఆరు నెలల నుంచి ఆదనపు కట్నం కోసం వేధించాడు. దీంతో ఆమె ఉరేసుకుంది.
News April 3, 2024
శ్రీకాకుళం: కొబ్బరి జీడి మామిడి తోటలు అగ్నికి ఆహుతి
గార మండల పరిధి శ్రీకూర్మం పంచాయతీ నగిరెడ్లపేట, చుక్కపేట గ్రామాలమధ్య మంగళవారం రేగి కొబ్బరి, జీడి మామిడి, నీలగిరి తోటలు దగ్ధమయ్యాయి. వ్యర్థాలకు నిప్పు అంటుకుని మంటలు వ్యాపించడంతో ప్రమాదం చోటుచేసుకుని ఉంటుందని స్థానికులు భావిస్తున్నారు. విషయం తెలుసుకున్న ఆర్ ఐ.అనీల్, వీఆర్వో జగదీష్ ఘటనా స్థలానికి చేరుకుని పరిస్థితిని సమీక్షించారు. అగ్నిమాపక సిబ్బంది మంటలను అదుపు చేశారు.
News April 3, 2024
పలాస: రూ. 2.50 లక్షలు సీజ్
పలాస మండలం కొత్తవూరు జంక్షన్ వద్ద మంగళవారం సాయంత్రం ఎన్నికల తనిఖీలో బాగంగా వాహనాలను తనిఖీ నిర్వహించారు. ఈ తనిఖీల్లో మందస మండలం స్రవంతి రెంటికోట నుంచి పలాస వైపు ద్విచక్ర వాహనంపై వెళ్ళుతుండగా ఎన్నికల ఫ్లయింగ్ స్క్వాడ్ వెంకటరావు వాహనాన్ని తనిఖీ చేసి రూ.2.50 లక్షలు స్వాధీనం చేసుకున్నారు. తరలిస్తున్న డబ్బులకు ఎటువంటి ఆధారాలు లేకపోవడంతో సీజ్ చేయడం జరిగిందని చెప్పారు.
News April 2, 2024
విశాఖలో రేపు ట్రాఫిక్ ఆంక్షలు
విశాఖలో బుధవారం జరగనున్న ఐపీఎల్ టీ-20 మ్యాచ్ సందర్భంగా నగరంలో పోలీసులు ట్రాఫిక్ ఆంక్షలు విధించారు. రేపు మధ్యాహ్నం 2.00 గంటల నుంచి రాత్రి 12:00 వరకు భారీ వాహనాలకు మధురవాడ స్టేడియం వైపు అనుమతి లేదు. అనకాపల్లి నుంచి విజయనగరం, శ్రీకాకుళం వెళ్లే వాహనాలు సబ్బవరం, పెందుర్తి, ఆనందపురం మీదుగా వెళ్లాలి. శ్రీకాకుళం, విజయనగరం వైపు నుంచి అనకాపల్లి వెళ్లే వాహనాలు ఆనందపురం, పెందుర్తి, సబ్బవరం మీదుగా వెళ్ళాలి.
News April 2, 2024
శ్రీకాకుళంలో టీచర్ సస్పెండ్
ఎన్నికల ప్రచారంలో పాల్గొన్న ఉపాధ్యాయుడిని సస్పెండ్ చేసినట్లు డీఈఓ వేంకటేశ్వర రావు మంగళవారం తెలిపారు. శ్రీకాకుళంలోని తుమ్మావీధి మునిసిపల్ ఎలిమెంటరీ స్కూల్లో టీచర్‌గా విధులు నిర్వహిస్తున్న పప్పాల సత్యనారాయణ రాజకీయ పార్టీ ఎన్నికల ప్రచారంలో పాల్గొన్నట్లు వార్తా పేపర్‌లో వచ్చింది. విచారణ చేపట్టిన ఎంఈఓ దానిని ధ్రువీకరించారు. దీంతో టీచర్‌ను సస్పెండ్ చేసినట్లు పేర్కొన్నారు.
News April 2, 2024
శ్రీకాకుళం: కౌంటింగ్ కేంద్రాన్ని పరిశీలించిన కలెక్టర్, ఎస్పీ
సాధారణ ఎన్నికలు – 2024 కోసం ఎచ్చెర్ల మండలం శివాని ఇంజనీరింగ్ కళాశాలలో ఏర్పాటు చేస్తున్న కౌంటింగ్ కేంద్రం, స్ట్రాంగ్ రూములను జిల్లా కలెక్టర్ మనజీర్ జిలాని సమూన్, జిల్లా ఎస్పీ జి.ఆర్ రాధిక ఇతర ముఖ్య అధికారులతో కలిసి మంగళవారం పరిశీలించారు. ఈవిఎమ్, ఇతర అనుబంధ యూనిట్లు భద్రపరిచే స్ట్రాంగ్ రూమ్ వద్ద కట్టుదిట్టమైన భద్రతతో పాటు, 24 గంటలు కాస్టింగ్ జరిగేలా సీసీ కెమెరాలు ఏర్పాటు చేయాలన్నారు.
News April 2, 2024
ఉమ్మడి శ్రీకాకుళం జిల్లా కాంగ్రెస్ అభ్యర్థులు వీరే
ఉమ్మడి శ్రీకాకుళం జిల్లాలో కాంగ్రెస్ అసెంబ్లీ అభ్యర్థులను ఆ పార్టీ అధిష్ఠానం మంగళవారం ప్రకటించింది. ఇచ్చాపురం – వసుపత్రి చక్రవర్తిరెడ్డి, పలాస – మజ్జి త్రినాథ్ బాబు, పాతపట్నం – కొప్పురోతు వెంకటరావు, శ్రీకాకుళం – పైడి నాగభూషణరావు, ఆమదాలవలస – సనపల అన్నాజీరావు, ఎచ్చెర్ల – కరిమజ్జి మల్లేశ్వరరావు, నరసన్నపేట – మంత్రి నరసింహమూర్తి, రాజాం – కంబాల రాజవర్దన్, పాలకొండ – చంటిబాబు.
News April 2, 2024
పొగట్టుకున్న మొబైల్ ఫోన్లు… బాధితులకు అందజేసిన జిల్లా ఎస్పీ
పొగట్టుకున్న మొబైల్ ఫోన్లు అతి తక్కువ సమయంలోనే రికవరీ చేసి బాధితులకు మంగళవారం ఉదయం జిల్లా పోలిసు కార్యాలయంలో జిల్లా ఎస్పీ రాధిక అందజేశారు. ఈ సందర్భంగా జిల్లాలో Lost Mobile Tracking System (LMTS) ద్వార 446 ఫోన్లను రికవరీ చేసి బాధితులకు ఇవ్వడం జరిగింది. దీనితో బాధితులు సంతోషం వ్యక్తపరచి, జిల్లా ఎస్పీ కృతజ్ఞతలు తెలిపారు. ఈ కార్యక్రమంలో అదనపు ఎస్పీ ప్రేమ్ కాజల్, శ్రీనువాసు, ఉన్నారు.
News April 2, 2024
శ్రీకాకుళం: ప్రియుడితో కలిసి భర్తను హతమార్చిన భార్య
వివాహేతర సంబంధానికి అడ్డొస్తున్నాడని మన్యం జిల్లావాసిని హత్య చేసిన ఘటన ఒడిశాలోని పర్లాఖెముండిలో జరిగింది. గురండి పోలీసుల కథనం మేరకు.. భామిని మండలం బట్టిపురం గ్రామానికి చెందిన లింగరాజు(28), జయలక్ష్మి దంపతులు. ఆమెకు మన్యం జిల్లా బత్తిలికి చెందిన ఉపేంద్రతో వివాహేతర సంబంధం ఉంది. లింగరాజును గురువారం తన స్వగ్రామంలో జరిగిన వివాహానికి భార్య తీసుకెళ్లింది. పథకం ప్రకారం 53 సార్లు పొడిచి చంపారు.
Featured News
Sorry, no posts matched your criteria.