India's largestHyperlocal short
news App
Get daily news updates that are tailored for you based on your preferred language & location.
download Way2News app now
Srikakulam
News March 31, 2024
శ్రీకాకుళం: కత్తెరతో గొంతు కోసుకున్న వస్త్ర వ్యాపారి
టెక్కలి మద్యం మత్తులో ఉన్న వస్త్ర వ్యాపారి కత్తెరతో గొంతు కోసుకున్నాడు. టెక్కలి మండలం కె కొత్తూరు గ్రామానికి చెందిన జి.కుమారస్వామి బట్టల వ్యాపారం చేసుకుని కుటుంబంతో సాకిపల్లి కొత్తూరులో జీవిస్తున్నారు. ఇతనికి మద్యం రోజు తాగే అలవాటు ఉంది. ఆరోగ్యం బాగాలేకపోవడంతో మద్యం తాగవద్దని చెప్పినప్పటికీ వినకపోవడంతో భార్య మందలించింది. దీంతో కత్తితో పీక కోసుకున్నాడు. ఈ ఘటనపై పోలీసుల కేసు నమోదు చేశారు.
News March 31, 2024
శ్రీకాకుళం: పెరగనున్న గరిష్ఠ ఉష్ణోగ్రతలు
రాష్ట్రంలో రానున్న రెండు రోజుల్లో గరిష్ఠ ఉష్ణోగ్రతలు క్రమంగా 2-3 డిగ్రీలు పెరుగుతాయని అమరావతి వాతావరణ కేంద్రం తెలిపింది. ఆదివారం శ్రీకాకుళం జిల్లాల్లో వడగాలులు వీయనున్నట్లు రాష్ట్ర విపత్తుల నిర్వ హణ కేంద్రం ప్రకటించింది. ‘సోమవారం ఒక మండలంలో తీవ్ర, మరికొన్ని మండలాల్లో సాధారణ స్థాయిలో వడగాలులు వీయనున్నాయి. శనివారం అత్యధికంగా నంద్యాల జిల్లా అవుకులో 43.5 డిగ్రీల ఉష్ణోగ్రత నమోదైంది.
News March 31, 2024
శ్రీకాకుళం: ఏఆర్‌సీలో ఎలుగుబంటి మృతి
విశాఖ జంతు పునరావాస కేంద్రం(ఏఆర్‌సీ)లో మగ ఎలుగుబంటి మృతి చెందింది. ఈ ఎలుగుబంటి అడవి నుంచి కొద్ది నెలల కిందట శ్రీకాకుళం జిల్లా వజ్రపుకొత్తూరులోని జనారణ్యంలోకి చేరి అక్కడి స్థానికులను భయబ్రాంతులకు గురి చేసింది. దీన్ని అటవీశాఖ అధికారులు బంధించి విశాఖ జూకు తీసుకొచ్చారు. అప్పటి నుంచి జూ అధికారులు ఈ ఎలుగుబంటిని ఏఆర్‌సీలో సంరక్షిస్తున్నారు. వృద్ధాప్యం, అనారోగ్యం కారణంగా శనివారం వేకువజామున మరణించింది.
News March 31, 2024
శ్రీకాకుళంలో ఇద్దరు ఉపాధ్యాయుల సస్పెండ్
ఎన్నికల ప్రచారంలో పాల్గొన్న ఇద్దరు టీచర్లను సస్పెండ్ చేసినట్లు డీఈఓ వేంకటేశ్వరరావు తెలిపారు. పలాస మండలం పెద్దంచల గ్రామానికి చెందిన టీచర్ బెహరా మాధవరావు రాజకీయ పార్టీ ప్రచారంలో పాల్గొంటున్నట్లు ఫిర్యాదుతో విచారణ చేపట్టిన అధికారులు ధ్రువీకరించారు. సారవకోట మండలం మొగుపురం గ్రామానికి చెందిన టీచర్ చౌదరి లక్ష్మీనారాయణ వాట్సాప్‌లో ప్రచారం చేసినట్లు ఎంఈఓ ధ్రువీకరించి ఇద్దరిని సస్పెండ్ చేశారు.
News March 30, 2024
ఎండల తీవ్రత దృష్ట్యా అప్రమత్తంగా ఉండాలి: కలెక్టర్
వేసవి వేడి గాలుల తీవ్రత పెరిగే సూచనల దృష్ట్యా విపత్తు నిర్వహణ ప్రణాళికను సిద్ధం చేయాలని, అన్ని మండలాల్లో కంట్రోల్ రూమ్‌లను తెరవాలని కలెక్టర్ మనజీర్ జిలానీ సమూన్ అధికారులను ఆదేశించారు. జిల్లా అధికారులతో కలసి తహసీల్దార్లు, ఎంపీడీవోలతో వీడియో కాన్ఫరెన్స్ నిర్వహించారు. కలెక్టర్ కార్యాలయ సమావేశ మందిరంలో సమావేశం నిర్వహించారు. వడగాలుల కారణంగా జిల్లాలో ఎవరూ మృతి చెందకుండా చూడటమే లక్ష్యమన్నారు.
News March 30, 2024
శ్రీకాకుళం: పత్రికలు పంచడానికి వెళ్లి వరుడు దుర్మరణం
త్వరలో పెళ్లి కావాల్సిన వాలంటీర్ రోడ్డు ప్రమాదంలో చనిపోయిన ఘటన రేగడి మండలంలో శుక్రవారం జరిగింది. పోలీసుల వివరాల మేరకు.. శ్రీకాకుళం జిల్లా, కోయకొండ గ్రామానికి చెందిన షణ్ముఖరావ్ గ్రామ వాలంటీర్‌గా పని చేస్తున్నాడు. ఏప్రిల్ 20 వివాహం ఖాయమైంది. పెళ్లి పత్రికల పంపిణీ కోసం ఇద్దరు స్నేహితులతో బంధువుల ఇంటికి బయలుదేరాడు. కె. అగ్రహారం సీమపంలో లారీని తప్పించబోయి ఆటోను డీ కొట్టడంతో షణ్ముఖరావ్ మృతి చెందాడు.
News March 30, 2024
కూటమితో బీసీలకు బంగారు భవిష్యత్తు: కోండ్రు
సీఎం జగన్ పాలనలో రాష్ట్రంలోని బీసీల పరిస్థితులు పూర్తిగా దిగజారిపోయాయని టీడీపీ రాజాం ఎమ్మెల్యే అభ్యర్థి కోండ్రు మురళీమోహన్ అన్నారు. వంగర మండలం అరసాడ గ్రామంలో శుక్రవారం సాయంత్రం నిర్వహించిన జయహో బీసీ కార్యక్రమంలో ఆయన మాట్లాడారు. చంద్రబాబు ప్రభుత్వంలో బీసీల కోసం రూ.36వేల కోట్లు ఖర్చు చేశారని గుర్తు చేశారు. ఇప్పుడు బీసీలకు వైసీపీ ప్రభుత్వం నమ్మక ద్రోహం చేసిందని మండిపడ్డారు.
News March 29, 2024
ఎచ్చెర్ల TO విజయనగరం
ఎచ్చెర్ల నియోజకవర్గ రాజకీయాలు ఆసక్తికరంగా మారాయి. టీడీపీ ఎచ్చెర్ల MLA టికెట్ ఆశించిన కిమిడి కళా వెంకట్రావు, కలిశెట్టి అప్పలనాయుడుకు ఆ పార్టీ విజయనగరంలో అవకాశం కల్పించింది. విజయనగరం ఎంపీగా కలిశెట్టి, చీపురుపల్లి ఎమ్మెల్యేగా కళా పోటీ చేయనున్నారు. ఇన్ని రోజులు ఎచ్చెర్ల స్థానం కోసం వీరిద్దరూ రెండు గ్రూపులుగా విడిపోవడంతో టీడీపీకి తలనొప్పిగా మారింది. మరి ఆ ఇద్దరూ అక్కడ ఎలా వ్యహరిస్తారో చూడాలి మరి.
News March 29, 2024
SKLM: వాట్సప్‌లో మెసేజ్ ఫార్వర్డ్.. టీచర్‌కు షోకాజ్ నోటీస్
సారవకోటలో పెద్దలంబ పంచాయతీ మూగుపురంలో టీచర్‌గా పనిచేస్తున్న చౌదరి లక్ష్మీనారాయణ ఎన్నికలు నిబంధనలు ఉల్లంఘించినట్లు ఫిర్యాదులు రావడంతో షోకాజ్ నోటీసు ఇచ్చినట్లు ఎంఈఓ మడ్డు వెంకటరమణ తెలిపారు. లక్ష్మీనారాయణ ఉపాధ్యాయ పనిచేస్తూ పాతపట్నం నియోజకవర్గం ఆదివాసి ఎమ్మెల్యే అభ్యర్థికి ఓటు వేయమని తన వాట్సాప్‌లో ప్రచారం చేసినట్లు కొంతమంది నాయకులు ఇచ్చిన ఫిర్యాదు మేరకు నోటీస్ ఇచ్చామన్నారు.
News March 29, 2024
శ్రీకాకుళం: 81 ఓట్లు మెజార్టీతో గెలిచారు
మీకు తెలుసా.. శ్రీకాకుళం జిల్లాలో ద్విసభ్య నియోజకవర్గంగా ఉన్న పాతపట్నం నుంచి 81 ఓట్లు అత్యంత తక్కువ మెజార్టీతో పెంటన్నాయుడు స్వతంత్ర అభ్యర్థిగా గెలిచారు. 1952లో జరిగిన సార్వత్రిక ఎన్నికల్లో ద్విసభ్య నియోజకవర్గంగా ఉన్న పాతపట్నం నుంచి పెంటన్నాయుడు పోటీ చేశారు. ఈయన సమీప ప్రత్యర్థి ఎంఎస్ నారాయణపై 81 ఓట్లతో గెలిచారు. ఇప్పటి వరకు అంతకంటే తక్కువ ఓట్లు సాధించిన అభ్యర్థి జిల్లాలో లేరు.
Featured News
Sorry, no posts matched your criteria.