India's largestHyperlocal short
news App
Get daily news updates that are tailored for you based on your preferred language & location.
download Way2News app now
Srikakulam
News June 16, 2024
ముస్లిం సోదరులు బక్రీద్ సంతోషంగా చేసుకోవాలి: ఎస్పీ
బక్రీద్ పండుగను ముస్లిం సోదరులు ప్రశాంత వాతావరణంలో నిర్వహించుకునేలా జిల్లాలోని ప్రధాన మసీదులు, ఈద్గాల వద్ద పటిష్ఠ బందోబస్తు ఏర్పాటు చేస్తున్నట్లు ఎస్పీ జీఆర్ రాధిక తెలిపారు. కుటుంబ సభ్యులతో సంతోషంగా బక్రీద్ చేసుకోవాలని కోరారు. ఆవులను ఒక చోట నుంచి మరో చోటుకు తరలించే క్రమంలో తగిన పత్రాలు కలిగి ఉండాలని స్పష్టం చేశారు. నిబంధనలు అతిక్రమించినా, అల్లర్లు సృష్టించినా కఠిన చర్యలు తప్పవని హెచ్చరించారు.
News June 16, 2024
శ్రీకాకుళం: ఈ నెల 18 నుంచి 22 వరకు మధ్యవర్తిత్వ శిక్షణ
శ్రీకాకుళం జిల్లా కోర్టు కాన్ఫరెన్స్ హాల్లో జూన్ 18 నుంచి 22 వరకు మధ్య వర్తిత్వంపై శిక్షణ కార్యక్రమం నిర్వహిస్తున్నట్లు శ్రీకాకుళం జిల్లా ప్రధాన న్యాయమూర్తి జునైద్ అహ్మద్ మౌలానా తెలిపారు. శ్రీకాకుళం కోర్టు హాలులో శనివారం న్యాయవాదులతో ఆయన సమావేశం నిర్వహించారు. ఈనెల 18న ఉదయం 9.00 నుండి 9.30 వరకు శిక్షణ జరుగుతుందని పేర్కొన్నారు. ఈ శిక్షణకు న్యాయవాద మధ్యవర్తులు పాల్గొనేలా చూడాలని ఆయన సూచించారు.
News June 15, 2024
నూతన ప్రమాణాలు నెలకొల్పడానికి ఇదే సరైన సమయం- కేంద్ర మంత్రి రామ్మోహన్
శ్రీకాకుళం ఎంపీ, కేంద్ర మంత్రి రామ్మోహన్ శనివారం తొలిసారిగా ఎయిర్‌పోర్ట్ అథారిటీ ఆఫ్ ఇండియా(AAI) అధికారులతో దిల్లీలో సమావేశమయ్యారు. పౌర విమానయాన రంగంలో AAI విధులు, ఇటీవల AAI సాధించిన విజయాలను తెలుసుకున్నానని రామ్మోహన్ పేర్కొన్నారు. విమానయాన రంగంలో నూతన ప్రమాణాలు నెలకొల్పడానికి ఇదే సరైన సమయం అని వారికి తదుపరి కార్యాచరణపై దిశానిర్దేశం చేశానని ఆయన ఈ మేరకు ఒక ప్రకటన విడుదల చేశారు.
News June 15, 2024
శ్రీకాకుళం: డిగ్రీ పరీక్షల ఫలితాలు విడుదల
ఆంధ్రా యూనివర్సిటీ(AU) పరిధిలో ఏప్రిల్- 2024లో జరిగిన బ్యాచిలర్ ఆఫ్ ఫైన్ ఆర్ట్స్(B.F.A) 8వ సెమిస్టర్ రెగ్యులర్ & సప్లిమెంటరీ పరీక్షల ఫలితాలు శనివారం విడుదలయ్యాయి.
డిగ్రీ విద్యార్థులు పరీక్షల ఫలితాలు చెక్ చేసుకోవాలని ఆంధ్రా యూనివర్శిటీ వర్గాలు సూచించాయి. ఫలితాలకై యూనివర్శిటీ అధికారిక వెబ్‌సైట్ https://results.andhrauniversity.edu.in/ చూడాలని AU పరీక్షల విభాగం తెలిపింది.
News June 15, 2024
సోంపేట: 1600 లీటర్ల బెల్లం ఊట ధ్వంసం
సోంపేట సెబ్ సీఐ ఆర్.జై భీమ్ ఆధ్వర్యంలో మందస మండలం కొండలోగాం పంచాయతీలోని నాటుసారా స్థావరాలపై శనివారం ఆకస్మిక దాడులు నిర్వహించారు. రామరాయి, పట్టులోగాం, ఇంద్రాడ వీధి, టుబ్బాగాం గ్రామాలో దాడులు నిర్వహించి 1600 లీటర్ల బెల్లపు ఊటను ధ్వంసం చేశారు. నాటుసారా బట్టీలు ఎవరు నిర్వహిస్తున్నారనే కోణంలో విచారణ జరుపుతున్నారు. నాటుసారా అమ్మకాలు గూర్చి సమాచారం తెలిస్తే 94409 02358కు సమాచారం ఇవ్వాలన్నారు.
News June 15, 2024
రాజాం: ఉరేసుకొని వ్యక్తి మృతి
రాజాం మండలం గడ్డిముడిదాం గ్రామానికి చెందిన గురయ్యా అతని భార్య పిల్లలు గత కొంతకాలం నుంచి అతడికి దూరంగా ఉంటున్నారు. దీంతో అతడు మనస్తాపం చెంది శనివారం ఎవరు లేని సమయంలో ఇంట్లో ఫ్యాన్‌కు ఉరేసుకుని ఆత్మహత్యకు పాల్పడ్డాడు. గమనించిన స్థానికులు పోలీసులకు సమాచారం అందించారు. పోలీసులు మృతదేహాన్ని పోస్టుమార్టం కోసం ఆసుపత్రికి తరలించారు. కేసు నమోదు చేసి దర్యాప్తు చేస్తున్నట్లు సీఐ దాడి మోహన్ రావు తెలిపారు.
News June 15, 2024
శ్రీకాకుళం: అధికారులకు మంత్రి అచ్చెన్న కీలక సూచనలు
వ్యవసాయ శాఖ మంత్రి అచ్చెన్న సచివాలయంలో ఆ శాఖ ఉన్నతాధికారులతో శనివారం సమావేశమయ్యారు. ఈ నెల 18న అర్హులైన రైతులకు PM కిసాన్ లబ్ధి జమ కానున్నందున అధికారులకు అచ్చెన్న పలు సూచనలు చేశారు. సమావేశంలో అచ్చెన్న మాట్లాడుతూ.. ఖరీఫ్ సీజన్‌లో రైతులకు ఎరువులు, విత్తనాలు కొరత రాకుండా చర్యలు తీసుకోవాలన్నారు. వ్యవసాయ శాఖ అధికారులు రైతులకు అందుబాటులో ఉంచాలన్నారు.
News June 15, 2024
శ్రీకాకుళం: స్పెషల్ సప్లిమెంటరీ పరీక్ష ఫలితాలు విడుదల
ఆంధ్రా యూనివర్సిటీ పరిధిలో ఏప్రిల్- 2024లో జరిగిన MSC 2వ సెమిస్టర్ స్పెషల్ సప్లిమెంటరీ పరీక్షల ఫలితాలు శనివారం విడుదలయ్యాయి. ఫిజిక్స్, గణితం, స్టాటిస్టిక్స్, హ్యూమన్ జెనెటిక్స్, న్యూక్లియర్ ఫిజిక్స్, జియో ఫిజిక్స్ తదితర కోర్సులకు నిర్వహించిన స్పెషల్ పరీక్షల నేడు ఫలితాలు విడుదలయ్యాయి. ఫలితాలకై విద్యార్థులు యూనివర్శిటీ అధికారిక వెబ్‌సైట్ https://results.andhrauniversity.edu.in/ చూడవచ్చు.
News June 15, 2024
SKLM: పాలిటెక్నిక్ మొదటి విడత సీట్ల కేటాయింపు ఎలా
పాలిటెక్నిక్ మొదటి విడత సీట్ల కేటాయింపు ముగిసింది. కళాశాలల వారీగా జరిగిన ప్రవేశాలు పరిశీలిస్తే SKLM ప్రభుత్వ పాలిటెక్నిక్ కళాశాలలో 297 సీట్లకు 268, SKLM ప్రభుత్వ మహిళా పాలిటెక్నిక్‌లో 99 సీట్లకు 94, ఆమదాలవలస పాలిటెక్నిక్‌లో 132కి 127, టెక్కలి ప్రభుత్వ పాలిటెక్నిక్‌లో 118కి 98, సీతంపేటలో 108కి 31, టెక్కలి ఐతం పాలిటెక్నిక్‌లో 462కి 361, ఎచ్చెర్ల వెంకటేశ్వర 462కి 340, మందికి ప్రవేశాలు జరిగాయి.
News June 15, 2024
అచ్చెన్నాయుడు ఎదుట సమస్యలు.. సవాళ్లు.!
టెక్కలి ఎమ్మెల్యే, రాష్ట్ర వ్యవసాయశాఖ మంత్రి కింజరాపు అచ్చెన్నాయుడి ఎదుట అనేక సమస్యలు ఉన్నాయి. గత ప్రభుత్వ హయాంలో నిర్లక్ష్యానికి గురైన అనేక అంశాలు ఇప్పుడు అచ్చెన్నకు సవాల్‌గా మారాయి. నియోజకవర్గంలో ఆఫ్ షోర్ రిజర్వాయర్, త్రాగునీరు, సాగునీరు, జిల్లా ఆసుపత్రిలో వైద్యం, ప్రభుత్వ స్థలాల ఆక్రమణ, ఎత్తిపోతల పథకాలు, హుద్ హుద్ ఇళ్ల పంపిణీ, మార్కెట్ దుకాణాలు సముదాయాలు పంపిణీ, మినీస్టేడియం సమస్యలున్నాయి.
Featured News
Sorry, no posts matched your criteria.