India's largestHyperlocal short
news App
Get daily news updates that are tailored for you based on your preferred language & location.
download Way2News app now
Srikakulam
News June 2, 2024
బాధ్యతగా విధులు నిర్వహించాలి: ఎస్పీ
కౌంటింగ్ ప్రక్రియ సజావుగా జరిపేందుకు బందోబస్తు విధులలో పాల్గొననున్న ఏఎస్ఐ నుంచి డీఎస్పీ స్థాయి అధికారులకు శనివారం ఎచ్చెర్ల శివాని ఇంజనీరింగ్ కళాశాలలో కౌంటింగ్ బందోబస్తులో పాటించవలసిన విధి విధానాలపై ఎస్పీ జీఆర్ రాధిక బ్రీఫింగ్ నిర్వహించారు. సిబ్బందికి కేటాయించిన పాయింట్‌లో బాధ్యతగా విధులు నిర్వహించాలన్నారు. కౌంటింగ్ కేంద్రాల్లో అల్లర్లు ఘర్షణలకు పాల్పడే వ్యక్తులపై కఠిన చర్యలు తీసుకోవాలన్నారు.
News June 1, 2024
బిగ్‌టీవీ సర్వే.. శ్రీకాకుళం ఎవరికి ఎన్ని సీట్లు అంటే..?
ఉమ్మడి శ్రీకాకుళం జిల్లాలో 10 సీట్లకు గాను NDA కూటమి 7-8 గెలుస్తుందని బిగ్‌టీవీ సర్వే తెలిపింది. 2-3 సీట్లు వైసీపీ సాధిస్తుందని అంచనా వేసింది. మొత్తంమీద 175 అసెంబ్లీ సీట్లకు గాను 106- 119 కూటమి, 56- 69 సీట్లు వైసీపీ విజయం సాధిస్తుందని వెల్లడించింది.
News June 1, 2024
ఎగ్జిట్ పోల్స్.. శ్రీకాకుళం టీడీపీదే ఆధిపత్యం!
పోస్ట్ పోల్ సర్వే ప్రకారం ఉమ్మడి శ్రీకాకుళం జిల్లాలో వైసీపీకి 2-3, ఎన్డీఏ కూటమికి 7-8 వస్తాయని అంచనా వేసింది. శ్రీకాకుళం ఎంపీ స్థానంలో టీడీపీ గెలువనుందని చాణక్య ఎక్స్ అంచనా వేసింది.
News June 1, 2024
కేకే సర్వే.. శ్రీకాకుళం జిల్లాలో వైసీపీ ఒక్క సీటు కూడా గెలవదు
అసెంబ్లీ ఎన్నికల్లో ఉమ్మడి శ్రీకాకుళం జిల్లా ఎన్నికల సర్వే ఫలితాలను కేకే సర్వే ఫలితాలను వెల్లడించింది. ఉమ్మడి శ్రీకాకుళం జిల్లాలో 10 స్థానాలకుగాను టీడీపీకి 8, జనసేన 1, బీజేపీ 1 విజయం సాధిస్తుందని వెల్లడించింది. కాగా వైసీపీ ఒక్క సీట్టు కూడా గెలవదని పేర్కొంది.
News June 1, 2024
చాణక్య స్ట్రాటజీస్.. ఉమ్మడి శ్రీకాకుళం జిల్లాలో కూటమికి 7 సీట్లు
అసెంబ్లీ ఎన్నికల్లో ఉమ్మడి శ్రీకాకుళం జిల్లా ఎన్నికల సర్వే ఫలితాలను చాణక్య స్ట్రాటజీస్ సర్వే ఫలితాలను వెల్లడించింది. ఉమ్మడి శ్రీకాకుళం జిల్లాలో 10 స్థానాలకుగాను కూటమికి 7, వైసీపీకి 2 విజయం, 1 స్థానాల్లో టఫ్ ఫైట్ ఉండనుందని వెల్లడించింది.
News June 1, 2024
ఆరా మస్తాన్ సర్వే.. సీదరి ఓటమి!
సీదిరి అప్పలరాజు పలాసలో ఓడిపోనున్నారని ఆరా మస్తాన్ సర్వే అంచనా వేసింది. అటు ధర్మాన ప్రసాద్ శ్రీకాకుళంలో గట్టి పోటీ ఎదుర్కోనున్నారని తెలిపింది. తమ్మినేని సీతారాం అముదాలవలసలో కొద్ది ఓట్ల తేడాతో ఓటమికి అవకాశం ఉందని పేర్కొంది.
News June 1, 2024
శ్రీకాకుళం: ఈ నెల 3, 4 తేదీల్లో పలు రైళ్లు రద్దు
ఈ నెల 3, 4 తేదీల్లో జిల్లా మీదుగా నడిచే పలు రైళ్లను రద్దు చేస్తూ శనివారం ఈస్ట్ కోస్ట్ రైల్వే అధికారులు తెలిపారు. నౌపడ-పూండీ మెయిన్ లైన్‌లో వంతెన పనులు నేపథ్యంలో 3వ తేదీన పలాస-విశాఖ(07470)ప్యాసెంజర్, విశాఖ-గునుపూర్ (08522) ప్యాసెంజర్, విశాఖ- బరంపురం(18526), 4వ తేదీన బరంపురం-విశాఖపట్నం(18525) ఎక్స్ ప్రెస్ రైళ్లు రద్దు చేశారు. వాల్తేర్ డివిజన్ సీనియర్ కమర్షియల్ మేనేజర్ కె.స్యాందీప్ పేర్కొన్నారు.
News June 1, 2024
విద్వేషాలు రెచ్చగొట్టే సందేశాలు సోషల్ మీడియాలో పంపవద్దు: డీఎస్పీ
ఎన్నికల నేపథ్యంలో సోషల్ మీడియా లేదా వాట్సాప్‌లలో ఎటువంటి విద్వేషాలు రెచ్చగొట్టే సందేశాలు, ఫొటోలు పోస్టు చేస్తే ఆ గ్రూప్ అడ్మిన్స్ వారే పూర్తి భాద్యత వహించాలని పాలకొండ డీఎస్పీ జీవీ కృష్ణరావు శనివారం ఒక ప్రకటనలో హెచ్చరించారు. ఎగ్జిట్ పోల్స్ తరువాత ఎటువంటి విద్వేషాలు రెచ్చగొట్టే పోస్టులు పెట్టరాదన్నారు. నిబంధనలు అతిక్రమిస్తే చట్టపరమైన చర్యలు తీసుకుంటామని అన్నారు.
News June 1, 2024
నరసన్నపేట: టిప్పర్ బోల్తా.. తప్పిన పెను ప్రమాదం
నరసన్నపేట మండలం లుకులాం-కొమనాపల్లి రహదారి మార్గంలో ఉర్లాం సమీపంలో శుక్రవారం మట్టిని తరలిస్తున్న టిప్పర్ అదుపు తప్పి బోల్తా పడింది. ఆ సమయంలో రహదారిపై ఎటువంటి వాహనాలు రాకపోకలు లేకపోవడంతో ప్రమాదం తప్పింది. వాహనంలో ఉన్న డ్రైవర్ క్లీనర్‌తో పాటు వారంతా సురక్షితంగా బయటపడ్డారు. వేసవి తీవ్రత ఎక్కువగా ఉండటంతో రహదారిలో వాహనాల రద్దీ తగ్గడంతో పెను ప్రమాదమే తప్పిందని స్థానికులు తెలిపారు.
News June 1, 2024
నేటి నుంచి రెండు పూటలా అంగన్వాడీ కేంద్రాలు
శ్రీకాకుళం జిల్లాలోని 16 ఐసీడీఎస్ ప్రాజెక్టు పరిధిలోని 3, 358 అంగన్వాడీ కేంద్రాలు శనివారం నుంచి రెండు పూటలు పనిచేయనున్నాయి. వేసవి నేపథ్యంలో మే నెలలో ఒక్క పూట మాత్రమే కేంద్రాలు నిర్వహించారు. శనివారం నుంచి రెండు పూటలా అంగన్వాడీ కేంద్రాలు ఉంటాయని సిబ్బంది అందరూ తప్పనిసరిగా హాజరు కావాలని ఉన్నతాధికారులు సూచించారు.
Featured News
Sorry, no posts matched your criteria.