India's largestHyperlocal short
news App
Get daily news updates that are tailored for you based on your preferred language & location.
download Way2News app now
Srikakulam
News March 22, 2024
శ్రీకాకుళం నియోజకవర్గంలో ధర్మానకు పోటీ ఎవరు?
శ్రీకాకుళం నియోజకవర్గంలో 1952 నుంచి 15 సార్లు ఎన్నికలు జరిగాయి. ఈ నియోజకవర్గంలో అత్యధికంగా TDP ఆరుసార్లు గెలిచింది. 2019 ఎన్నికల్లో వైసీపీ అభ్యర్థి ధర్మానప్రసాద్ రావు.. టీడీపీ అభ్యర్థి గుండా లక్ష్మీదేవిపై విజయం సాధించారు. ఈసారి YCP తరఫున ధర్మానకే టిక్కెట్ ప్రకటించారు. పొత్తులో భాగంగా ఉమ్మడి అభ్యర్థిగా ఎవరినీ ప్రకటించలేదు. ఉమ్మడి అభ్యర్థిగా ఎవరుంటే ధర్మానకు పోటీగా నిలిస్తారని మీరు భావిస్తున్నారు?
News March 22, 2024
బారు షాపుల్లో రిజిస్టర్లు మెంటైన్ చేయాలి: కలెక్టర్
చెక్‌పోస్టుల వద్ద పటిష్ఠమైన నిఘా పెంచాలని జిల్లా కలెక్టర్ డాక్టర్ మనజిర్ జిలాని సమూన్ అధికారులను ఆదేశించారు. ఎన్నికల కోడ్ అమలులోకి వచ్చిన తర్వాత జరుగుతున్న అమ్మకాలు, ఎక్కడైనా ఎక్కువ మోతాదులో నిల్వ చేసిన అక్రమ మద్యం, అక్రమ మద్యం రవాణా, ఎక్సైజ్, సెబ్ కలసి నివారణ చర్యలుపై గురువారం సమీక్షించారు. షాపులు తనిఖీ చేయాలని అధికారులను ఆదేశించారు. షాపుల్లో రోజు వారీ రిజిస్టర్లు మెంటైన్ చేయాలన్నారు
News March 22, 2024
శ్రీకాకుళం: ఏజెంట్ల సమక్షంలో మాక్‌ పోలింగ్ చేపట్టాలి
సాధారణ ఎన్నికలు-2024లో భాగంగా ఎన్నికల అధికారులకు జిల్లా స్థాయి ముఖ్య శిక్షణ బృందం అధికారులు ఎం.కిరణ్ కుమార్, బాలాజీ నాయక్, శేషగిరిలు కలిసి బ్యాలెట్ యూనిట్, కంట్రోల్ యూనిట్, వీవీ ప్యాట్స్ మిషన్ వినియోగంపై అవగాహన కల్పించారు. జిల్లా పరిషత్ సమావేశ మందిరంలో గురువారం సమావేశం నిర్వహించారు. పోలింగ్ ప్రారంభానికి ముందు తప్పనిసరిగా ఏజెంట్ల సమక్షంలో మాక్‌ పోలింగ్ నిర్వహించాలన్నారు.
News March 21, 2024
మందస: ఫీల్డ్ అసిస్టెంట్ సస్పెండ్
మండలంలోని భోగాపురం పంచాయతీకి చెందిన ఫీల్డ్ అసిస్టెంట్ అగ్గున్న దేవేంద్రను విధుల నుంచి సస్పెండ్ చేస్తున్నట్లు మహాత్మా గాంధీ జాతీయ గ్రామీణ ఉపాధి హామీ పథక సంచాలకుడు జివి.చిట్టిరాజు గురువారం తెలిపారు. దేవేంద్ర రాజకీయ పార్టీల ఎన్నికల ప్రచారంలో పాల్గొంటున్నట్లు ఫిర్యాదు రావడంతో విచారణ చేపట్టిన పలాస రిటర్నింగ్ అధికారి, ఆర్డీవో భరత్ నాయక్ దాన్ని ధ్రువీకరించారు. దీంతో దేవేంద్రను సస్పెండ్ చేశారు.
News March 21, 2024
మెలియాపుట్టి: రాష్ట్ర సరిహద్దులపై ప్రత్యేక నిఘా
రాష్ట్ర సరిహద్దులో ఉన్న ఒడిశా చెక్‌పోస్టు వద్ద ప్రత్యేక నిఘా ఉంచాలని కలెక్టర్, జిల్లా ఎన్నికల అధికారి మనజీర్ జీలాని సమూన్ అన్నారు. మెలియాపుట్టి మండలం వసుంధర గ్రామం వద్ద ఏర్పాటు చేసిన అంతర్ రాష్ట్ర సరిహద్దును గురువారం కలెక్టర్ పరిశీలించారు. సరిహద్దుపై నిఘా నిరంతరం ఉండాలన్నారు. ఈ సందర్భంగా ఎన్నికల ఏర్పాట్లపై మండల స్థాయి అధికారులతో సమీక్ష చేశారు. ట్రైనీ కలెక్టర్ రాఘవేంద్ర మీనా పాల్గొన్నారు.
News March 21, 2024
కోటబొమ్మాళి: విశ్వనాథపురం కొండ సమీపంలో అస్థిపంజరం
కోటబొమ్మాళి మండలం విశ్వనాధపురం గ్రామంలోని ఓ కొండ సమీపంలో గురువారం గుర్తుతెలియని అస్థిపంజరం గ్రామస్థుల కంటపడింది. దీంతో గ్రామస్థులు స్థానిక వీఆర్వో పైల దాలప్పకు సమాచారం ఇవ్వటంతో ఆయన స్థానిక పోలీసులకు ఫిర్యాదు చేశారు. ఈ మేరకు ఎస్ఐ షేక్ మహ్మద్ ఆలీ కేసు నమోదు చేసి దర్యాప్తు చేస్తున్నామని తెలిపారు. దీంతో గ్రామస్థులు భయాందోళనలు గురయ్యారు.
News March 21, 2024
ఎచ్చెర్ల నియోజకవర్గంలో ఆమె ఐదుసార్లు ఎమ్మెల్యే?
ఎచ్చెర్ల నియోజకవర్గంలో 17 సార్లు ఎన్నికలు జరిగాయి. నేటి రోజుల్లో హ్యాట్రిక్ కొట్టడమే గగనంగా మారింది. అలాంటిది ఎచ్చెర్ల నియోజకవర్గం నుంచి కె.ప్రతిభా భారతి టీడీపీ తరఫున 1983 నుంచి 2004 వరకు పోటీ చేసి వరుసగా ఐదుసార్లు ఎమ్మెల్యేగా గెలిచి రికార్డు సృష్టించింది. పోటీ చేసిన ప్రతిసారి 10 వేలకుపైగానే మెజార్టీతో గెలుపొందారు. ఆమె ఆంధ్రప్రదేశ్ శాసనసభలో మొదటి మహిళ స్పీకర్ గా పనిచేశారు.
News March 21, 2024
పాతపట్నం: ఎన్నికల ఏర్పాట్లను పరిశీలించిన కలెక్టర్
శ్రీకాకుళం జిల్లా కలెక్టర్, జిల్లా ఎన్నికల అధికారి మనజీర్ జిలానీ సమూన్ గురువారం పాతపట్నం మండలంలో పర్యటించారు. పాతపట్నం తహసీల్దార్ కార్యాలయంలో ఎన్నికల ఏర్పాట్లను పరిశీలించి, ఎన్నికలు సజావుగా సాగేందుకు, తీసుకోవలసిన జాగ్రత్తలు, ఎన్నికల్లో అవలంబించిన విధివిధానాలను అధికారులకు వివరించారు.
News March 21, 2024
తేలినీలాపురంలో చుక్కల దుప్పి మృతి
తేలినీలాపురం విదేశీపక్షుల విడిది కేంద్రంలో గురువారం ఒక చుక్కల దుప్పి మృతి చెందింది. కొద్దిరోజుల క్రితం నందిగం మండలం రాంపురం సమీపంలోని తెట్టంగి పంట పొలాల్లో ఇరుక్కున్న దుప్పిని గ్రామస్థుల సమాచారంతో అటవీశాఖ అధికారులు తేలినీలాపురం విడిది కేంద్రంలో ఉంచారు. ఈ క్రమంలో గురువారం దుప్పి అస్వస్థతకు గురై మృతి చెందింది. అటవీశాఖ అధికారుల పర్యవేక్షణ లోపమే కారణమని ఆరోపణలు వస్తున్నాయి.
News March 21, 2024
పొందూరు: కాళింగ కార్పొరేషన్ చైర్మన్‌పై నిబంధనల ఉల్లంఘన కేసు
ఎన్నికల నిబంధనలను ఉల్లంఘించినందుకు రాష్ట్ర కాళింగ కార్పొరేషన్ చైర్మన్ రామారావు‌పై బుధవారం పోలీసులు కేసు నమోదు చేశారు. పొందూరు మండలం తోలాపి జడ్పీ ఉన్నత పాఠశాల ప్రాంగణంలో ఈనెల 17న రాజకీయ పార్టీ నాయకులతో కలిసి ఆత్మీయ సభ నిర్వహించారు. పాఠశాల హెచ్ఎంగా తన అనుమతి లేకుండా సభ నిర్వహించినట్లు ఫిర్యాదు చేశారు. హెచ్ఎం, ఎంపీడీవోల ఫిర్యాదుతో కేసు నమోదు చేశామని ఎస్సై రవికుమార్ తెలిపారు.
Featured News
Sorry, no posts matched your criteria.