India's largestHyperlocal short
news App
Get daily news updates that are tailored for you based on your preferred language & location.
download Way2News app now
Srikakulam
News April 6, 2024
మహిళా కోటాలో గుండ లక్ష్మీదేవికి కేటాయించాలి:మాజీ మంత్రి
నియోజకవర్గ టీడీపీ అభ్యర్థిగా మహిళా కోటాలో గుండ లక్ష్మీదేవికి కేటాయించాలని మాజీ మంత్రి గుండ అప్పలసూర్యనారాయణ పార్టీ అధినేత చంద్రబాబును కోరారు. ఈ మేరకు శనివారం ఒక ప్రకటన విడుదల చేశారు. కష్టకాలంలో ఇన్‌ఛార్జ్‌గా విజయవంతంగా పార్టీ కార్యక్రమాలు నిర్వహించిన లక్ష్మీదేవికి వ్యతిరేకంగా కార్యక్రమాలు చేపట్టిన వ్యక్తికి యువత పేరుతో టికెట్ కేటాయించడం సబబు కాదని ఆయన అన్నారు.
News April 6, 2024
శ్రీకాకుళం: ఎన్నికల ఏర్పాట్లు త్వరగా పూర్తి చేయాలి
ఎన్నికల నోటిఫికేషన్ త్వరలో జారీ కానున్న నేపథ్యంలో ఎన్నికల ముందస్తు ఏర్పాట్లును సాధ్యమైన త్వరగా పూర్తి చేయాలని రాష్ట్ర ప్రధాన ఎన్నికల అధికారి ముఖేష్ కుమార్ మీనా అధికారులను ఆదేశించారు. BZA నుంచి వీడియో కాన్ఫరెన్స్‌లో మాట్లాడిన ఆయన జిల్లా కలెక్టర్ పర్చువల్‌గా హాజరయ్యారు. ఎన్నికల ప్రవర్తన నియమావళిని పటిష్ఠంగా అమలు పర్చాలన్నారు .
News April 6, 2024
ఎచ్చెర్ల: చిన్నరావుపల్లిలో రూ.1,22,206 కరెంట్ బిల్లు
ఎచ్చెర్ల మండలం చిన్నరావుపల్లి గ్రామంలో కరెంట్ బిల్లు చూసి బాధితులు శనివారం కంగుతిన్నారు. పప్పల ముకుందరావు అనే వారి ఇంటి కరెంట్ బిల్లు రూ.1,22,206 వచ్చింది. చిన్న ఇంటిలో భార్యాభర్తలు ఇద్దరే ఉంటున్నారు. వారికి ఇంత కరెంట్ బిల్లు రావడంతో మేము ఎలా కట్టేది అని ఇంటి యజమాని లబోదిబోమంటున్నారు. వారి ఇద్దరు పిల్లలు బతుకుదెరువు కోసం వేరే ఊరిలో ఉంటున్నారు. సంబంధిత అధికారుల తమను ఆదుకోవాలని వారు కోరుతున్నారు.
News April 6, 2024
రణస్థలం: 48 మంది వాలంటీర్లు రాజీనామా
రణస్థలం మండలం జే.ఆర్.పురం 1, 2 గ్రామ సచివాలయాల పరిధిలోని 48 మంది గ్రామ వాలంటీర్లు ప్రతిపక్ష పార్టీల ఆరోపణలకు వ్యతిరేకంగా శనివారం స్వచ్చందంగా రాజీనామా చేశారు. ఈ సందర్బంగా వాలంటీర్లు మాట్లాడుతూ.. జగన్మోహన్ రెడ్డి అమలు చేసి అందిస్తున్న సంక్షేమ పథకాలను ప్రజలకు విస్తృతంగా వివరిస్తూ, రానున్న ఎన్నికల్లో మళ్ళీ వైసీపీ గెలుపే లక్ష్యంగా పనిచేస్తామన్నారు.
News April 6, 2024
శ్రీకాకుళంలో 12 కోట్లు విద్యుత్‌ బకాయిలు
జిల్లాలో 917 గ్రామ పంచాయతీలకు 2023-24 సంవత్సరంలో 11 నెలల కాలానికి గానూ జిల్లాలో వీధిదీపాలు, రక్షిత నీటి పథకాలకు సంబంధించి రూ.12 కోట్లు విద్యుత్‌ బకాయిలు ఉన్నాయి. వాటిని తక్షణమే జమ చేయాలని పంచాయతీరాజ్‌ కమిషనర్‌ మొదలుకొని జిల్లాస్థాయిలో డీపీవో, సీఈవో, ట్రాన్స్‌కో ఎస్‌ఈ తదితర శాఖల ఉన్నతాధికారులు డిమాండ్‌ చేశారు.
News April 6, 2024
శ్రీకాకుళం జై భారత్ నేషనల్ పార్టీ అభ్యర్థులు వీరే..
జై భారత్ నేషనల్ పార్టీ శ్రీకాకుళం ఎంపీ అభ్యర్థిగా ఇప్పిలి సీతరాజును ఆ పార్టీ అధ్యక్షుడు లక్ష్మీనారాయణ ప్రకటించారు. శ్రీకాకుళం అసెంబ్లీ అభ్యర్థిగా రాగోలు నాగశివ, టెక్కలి నియోజకవర్గ అభ్యర్థిగా బైపల్లి పరమేశ్వరరావు, పలాస అసెంబ్లీ అభ్యర్థిగా బద్రీ సీతమ్మలు బరిలో దిగనున్నట్లు ఆయన చెప్పారు. తమపై నమ్మకం ఉంచి టికెట్లు కేటాయించిన అధ్యక్షుడికి వారు కృతజ్ఞలు తెలిపారు.
News April 6, 2024
నేడు డయల్ యువర్ యూనివర్సిటీ కార్యక్రమం రద్దు
ఎచ్చెర్లలోని డాక్టర్ బీఆర్ అంబేడ్కర్ విశ్వవిద్యాలయంలో ప్రతి నెలా మొదటి శనివారం నిర్వహిస్తున్న డయల్ యువర్ యూనివర్సిటీ కార్యక్రమం రద్దు చేస్తున్నట్లు రిజిస్టర్ పి.సుజాత తెలిపారు. ఈ మేరకు యూనివర్సిటీ నుంచి శుక్రవారం ఒక ప్రకటన జారీ చేశారు. ఎన్నికల కోడ్ అమల్లో ఉన్నందున కార్యక్రమం రద్దు చేశారు. ఎన్నికల కోడ్ ముగిశాక ఈ కార్యక్రమం యథావిధిగా కొనసాగుతుందని అని ప్రకటనలో పేర్కొన్నారు.
News April 6, 2024
ప్రశాంత ఎన్నికల నిర్వహణే లక్ష్యంగా పనిచేయండి: కలెక్టర్
త్వరలో జరగనున్న పార్లమెంట్, అసెంబ్లీ ఎన్నికలు స్వేచ్ఛగా శాంతియుతంగా, హింసా రహితంగా నిర్వహించడమే లక్ష్యంగా పని చేయాలని జిల్లా కలెక్టర్, జిల్లా ఎన్నికల అధికారి డా.మనజీర్ జిలానీ సమూన్ అన్నారు. శుక్రవారం ఆయన మండలంలో పర్యటించారు. తహసీల్దార్ కార్యాలయాల్లో ఎన్నికల ఏర్పాట్లపై ఆరా తీశారు. అనంతరం ఎఫ్ఎస్టీ బృందాల పనితీరును పరిశీలించి అనంతరం సంబంధిత అధికారులకు కీలక సూచనలు చేశారు.
News April 5, 2024
శ్రీకాకుళం: నాలుగు నియోజకవర్గాలో అభ్యర్థుల ప్రకటన
జైభారత్ నేషనల్ పార్టీ శ్రీకాకుళం జిల్లాలోని నాలుగు చోట్ల అసెంబ్లీ అభ్యర్థులను శుక్రవారం ప్రకటించింది. పలాస -బద్రి సీతమ్మ యాదవ్, టెక్కలి -బైపల్లి పరమేశ్వర్ రావు, శ్రీకాకుళం-రాగోలు నాగ శివ, రాజాం -కుపిలి చైతన్య కుమార్ లు పోటీ చేయనున్నారు.
News April 5, 2024
శ్రీకాకుళం: ఫించన్లు 85 శాతం పంపిణీ
శ్రీకాకుళం జిల్లాకు సంబంధించి ఈ నెల అన్ని రకాల పింఛన్లు కలిపి మొత్తం 3,21,689 మందికి సంబంధించి సొమ్ము విడుదల చేశారు. గురువారం 2,77,353 (86.22శాతం) అందించారు. ఇంకా 44,336 మందికి పింఛన్‌ డబ్బులను అందించాల్సి ఉంది. సంతబొమ్మాళి (81.40 శాతం), లావేరు (81.56 శాతం), కోటబొమ్మాళి (81.59 శాతం), ఎల్‌ఎన్‌పేట (82.57 శాతం), గార (83.02 శాతం), సోంపేట (83.76 శాతం), తదితర మండలాలు పంపిణీలో అట్టడుగున ఉన్నాయి.
Featured News
Sorry, no posts matched your criteria.