• Download our app

Srikakulam

News January 30, 2025

రథసప్తమికి నారా లోకేశ్‌కు ఆహ్వానం: గొండు శంకర్

image

దేశంలోనే ఎంతో పేరు ప్రఖ్యాతలు పొందిన అరసవల్లి సూర్యనారాయణ స్వామి రథసప్తమి వేడుకలకు రాష్ట్ర మంత్రి నారా లోకేశ్‌ను శ్రీకాకుళం ఎమ్మెల్యే గొండు శంకర్ గురువారం మంగళగిరిలో ఆహ్వనించారు. రాష్ట్ర ప్రభుత్వం తొలిసారిగా రాష్ట్ర పండుగగా నిర్వహించేందుకు ఉత్తర్వులు జారీ చేయడంతో శ్రీకాకుళం నగరం సర్వ సుందరంగా ముస్తాబవుతోంది.

News January 30, 2025

శ్రీకాకుళం: ఎన్నికల కోడ్ అమలు .. రంగంలోకి ప్రత్యేక బృందాలు

image

శ్రీకాకుళం జిల్లాలో ఎన్నికల కోడ్ అమలులోకి వచ్చింది. ఫిబ్రవరిలో ఉపాధ్యాయ ఎమ్మెల్సీ ఎన్నికల నేపథ్యంలో జిల్లాలో ఎన్నికల నియమావళి కోడ్ పటిష్ఠంగా అమలు చేయాలని గురువారం జిల్లా ఎన్నికల రిటర్నింగ్ అధికారి, జిల్లా కలెక్టర్ స్వప్నిల్ దినకర్ ఆదేశాలు జారీ చేశారు. జిల్లాలో ఎన్నికల కోడ్ అమలుకు మండలానికి ఒక ఎంపీడీఓ, తహశీల్దార్‌తో పాటు వీడియోగ్రాఫర్లతో కూడిన 30 ఎంసీసీ బృందాలను అధికారులు ఏర్పాటు చేశారు.

News January 30, 2025

SKLM: రథసప్తమి పండగ .. టూరిజం బస్సు ఏర్పాటు

image

శ్రీ సూర్యనారాయణ స్వామి రాష్ట్ర పండగ రథసప్తమి సందర్భంగా ఫిబ్రవరి 2, 3, 4 తేదీల్లో టూరిజం ప్యాకేజీలు ఏర్పాటు చేసినట్లు కలెక్టర్ స్వప్నిల్ దినకర్ పుండ్కర్ తెలిపారు. టూరిజం సంస్థ నేతృత్వంలో మినీబస్సు ఏర్పాటు చేశారన్నారు. శ్రీకూర్మం, మొగదలపాడు, సాలిహుండం, శ్రీముఖలింగం, రావివలస సర్క్యూట్ తిప్పిచూపిస్తారు. సన్‌రైజ్ హోటల్ రిసెప్షన్ వద్ద ఏపీ టూరిజం కౌంటర్ ఉందన్నారు. వ్యక్తికి రూ.750 ఉంటుందన్నారు.

News January 30, 2025

సిక్కోలు వాకిట.. జాతీ పిత మందిరం

image

శ్రీకాకుళం నగరంలోని శాంతినగర్ కాలనీలో ఉన్న నగరపాలక సంస్థ పార్క్‌లో మహాత్మాగాంధీ మందిరంతో పాటు స్వాతంత్య్ర సమరయోధుల స్మృతివనం ఉంది. ఇక్కడ ధాన్యముద్రలో ఉన్న గాంధీజీ విగ్రహం, మందిరం నాలుగువైపులా గాంధీ జీవితంలోని పలు ఘట్టాలను తెలియజేసేలా చిత్రాలు దర్శనమిస్తాయి. వనం చుట్టూ 40 మంది స్వాతంత్య్ర సమరయోధులు, సంఘ సంస్కర్తల విగ్రహాలను ఉంటాయి. 105 అడుగుల జాతీయ జెండా రెపరెపలాడుతూ పార్క్ మధ్యలో ఉంటుంది.

News January 30, 2025

SKLM: ఓట‌ర్లు 4829… పోలింగ్ కేంద్రాలు 31

image

ఉపాధ్యాయ ఎమ్మెల్సీ తుది ఓట‌ర్ల జాబితా ప్ర‌కారం జిల్లా ప‌రిధిలో 4829 మంది ఓట‌ర్లు ఉన్నార‌ని కలెక్టర్ స్వప్నిల్ దినకర్ పుండ్కర్ తెలిపారు. వారిలో పురుషులు 3275, కాగా మ‌హిళా ఓట‌ర్లు 1554 మంది ఉన్నార‌ని చెప్పారు. అర్హ‌త క‌లిగిన వారు నామినేష‌న్ ప్ర‌క్రియ ముగియ‌డానికి ప‌ది రోజుల ముందు వ‌ర‌కు అన‌గా జ‌న‌వ‌రి 31వ తేదీ సాయంత్రం 03.00 గంట‌ల వ‌ర‌కు ఓటు కోసం ద‌ర‌ఖాస్తు చేసుకోవ‌చ్చ‌ని స్ప‌ష్టం చేశారు.

News January 30, 2025

SKLM: ఫిబ్ర‌వ‌రి 27న ఉత్త‌రాంధ్ర ఉపాధ్యాయ ఎమ్మెల్సీ ఎన్నిక

image

ఉపాధ్యాయ MLC ఎన్నిక‌ల పోలింగ్ ఫిబ్ర‌వ‌రి 27వ తేదీ ఉద‌యం 08.00 నుంచి 04.00 గంట‌ల వ‌ర‌కు జ‌ర‌గ‌నుంద‌ని కలెక్టర్ స్వప్నిల్ దినకర్ పుండ్కర్ పేర్కొన్నారు. ఈ మేరకు ఆయన గురువారం ఒక ప్రకటన విడుదల చేశారు. జ‌న‌వ‌రి 29వ తేదీ నుంచే ఎన్నిక‌ల ప్ర‌వ‌ర్త‌నా నియ‌మావ‌ళి అమ‌ల్లోకి వ‌చ్చింద‌న్నారు. అన్ని ప్ర‌భుత్వ కార్యాల‌యాలు, ప‌బ్లిక్ ప్రాంతాల్లో రాజకీయ పోస్టర్లు తొలగించాలని అధికారులను ఆదేశించారు.

News January 30, 2025

వజ్రపుకొత్తూరు: గ్యాస్ సిలిండర్ ప్రమాదం.. ముగ్గురు మృతి 

image

వజ్రపుకొత్తూరు మండలం వంకులూరు గ్రామానికి చెందిన లండ.రవి కుటుంబం గుజరాత్ రాష్ట్రం ముంద్రాకు వలస వెళ్లారు. మంగళవారం ఇంటిలో జరిగిన గ్యాస్ సిలిండర్ పేలి లండ రవి కుమార్తె సజీవ దహనం అయింది. రవి భార్య కవిత హాస్పిటల్‌లో చికిత్స పొందుతూ బుధవారం చనిపోయారు. మరణ వార్తతో కుటుంబ సభ్యులు శోక సంద్రంలో మునిగారు. గ్రామంలో విషాదఛాయలు అలుముకున్నాయి. 

News January 30, 2025

SKLM: నేటి నుంచి ఫస్ట్ సెమిస్టర్ పేపర్ల వాల్యుయేషన్

image

శ్రీకాకుళంలోని ప్రభుత్వ మహిళా కళాశాల (స్వయంప్రతిపత్తి)కు డాక్టర్ బి.ఆర్ అంబేడ్కర్ యూనివర్సిటీ నుంచి మొదటి సెమిస్టర్ పేపర్స్ వచ్చాయని “మూల్యాంకనం (స్పాట్ వాల్యుయేషన్) నేటి నుంచి ప్రారంభమవుతాయని కళాశాల ప్రిన్సిపల్ డాక్టర్ కె.సూర్యచంద్రరావు బుధవారం ఒక ప్రకటనలో తెలిపారు. తెలుగు, ఇంగ్లీషు, గణితం, ఫిజిక్స్, కెమిస్ట్రీ, బోటనీ, జువాలజీ, ఎకనామిక్స్ మొదలైన పేపర్స్ వచ్చాయన్నారు.

News January 29, 2025

SKLM: శ‌క‌టాల మూడో స్థానంలో నిల‌వ‌డం ఆనందంగా ఉంది: మంత్రి

image

డీల్లీలో ఈ నెల‌ 26న జ‌రిగిన రిపబ్లిక్ డే ప‌రేడ్‌లో ఏపీ ప్ర‌భుత్వం త‌రుపున ప్ర‌ద‌ర్శించిన ఏటికొప్పాక బొమ్మ‌లు శ‌క‌టాల ప్ర‌ద‌ర్శనల్లో జాతీయ స్థాయిలో రాష్ట్రానికి మూడో స్థానంలో నిల‌వ‌డం అభినంద‌నీమ‌య‌ని మంత్రి కింజ‌రాపు అచ్చెన్నాయుడు పేర్కొన్నారు. ఈ మేరకు బుధవారం ఆయన ఒక ప్రకటన విడుదల చేశారు. మ‌న సంస్కృతి చాటే సంప్ర‌దాయ బొమ్మ‌ల‌కు జాతీయ స్థాయిలో పుర‌ష్కారం ద‌క్క‌డం సంతోషంగా ఉందన్నారు.

News January 29, 2025

SKLM: రేపటి నుంచి ఫస్ట్ సెమిస్టర్ పేపర్ల వాల్యుయేషన్

image

శ్రీకాకుళంలోని ప్రభుత్వ మహిళా కళాశాల (స్వయంప్రతిపత్తి)కు డాక్టర్ బి.ఆర్ అంబేడ్కర్ యూనివర్సిటీ నుంచి మొదటి సెమిస్టర్ పేపర్స్ వచ్చాయని “మూల్యాంకనం (స్పాట్ వాల్యుయేషన్) రేపటి నుంచి ప్రారంభమవుతాయని కళాశాల ప్రిన్సిపల్ డాక్టర్ కె.సూర్యచంద్రరావు బుధవారం ఒక ప్రకటనలో తెలిపారు. తెలుగు, ఇంగ్లీషు, గణితం, ఫిజిక్స్, కెమిస్ట్రీ, బోటనీ, జువాలజీ, ఎకనామిక్స్ మొదలైన పేపర్స్ వచ్చాయన్నారు.

Featured News

Sorry, no posts matched your criteria.

↑