India's largestHyperlocal short
news App
Get daily news updates that are tailored for you based on your preferred language & location.
download Way2News app now
Srikakulam
News August 1, 2024
శ్రీకాకుళం జిల్లాలో 39 మంది తహశీల్దార్లకు పోస్టింగ్
ఎన్నికల విధుల నుంచి ఇతర జిల్లాలకు వెళ్లి తిరిగివచ్చిన తహశీల్దార్లకు పోస్టింగ్ దక్కింది. ఈ సందర్భంగా జిల్లాలో 39 మంది తహశీల్దార్లకు పోస్టింగ్ ఇస్తూ బుధవారం శ్రీకాకుళం జిల్లా కలెక్టర్ స్వప్నిల్ దినకర్ పుండ్కర్ ఉత్తర్వులు జారీ చేశారు. ఈ మేరకు కలెక్టర్ మాట్లాడుతూ వెంటనే పోస్టింగ్ బట్టి ఆయా తహశీల్దార్లు విధుల్లోకి చేరాలని ఉత్తర్వుల్లో పేర్కొన్నారు.
News August 1, 2024
హైకోర్టు పీపీగా .. సిక్కోలు వాసికి చోటు …!
శ్రీకాకుళం జిల్లా సంతబొమ్మాళి మండలం కృష్ణచంద్రాపురం గ్రామానికి చెందిన మెండ లక్ష్మీనారాయణ రాష్ట్ర చరిత్రలో మొదటిసారిగా అవకాశం చేజిక్కించుకున్నారు. బీసీ వర్గానికి చెందిన ఆయన రాష్ట్ర పబ్లిక్ ప్రాసిక్యూటర్(పీపీ)గా నియమితులయ్యారు. ఆయనను పీపీగా నియమిస్తూ న్యాయశాఖ ఇన్‌ఛార్జ్ కార్యదర్శి సునీత బుధవారం ఉత్తర్వులు జారీ చేశారు. దీంతో జిల్లాలోని పలువురు న్యాయవాది లక్ష్మీనారాయణను ప్రశంసిస్తున్నారు.
News August 1, 2024
శ్రీకాకుళంలో రేపు జాబ్ మేళా
శ్రీకాకుళం నగరంలోని బలగ జంక్షన్ వద్ద స్థానిక ప్రభుత్వ ఐటీఐ కళాశాలలో రేపు జాబ్ మేళా నిర్వహిస్తున్నట్లు జిల్లా ఉపాధి కల్పనాధికారి కొత్తలంక సుధా తెలిపారు. పలు ప్రముఖ కంపెనీలలో ఉద్యోగాలకు 18-40 ఏళ్ల మధ్య వయస్సున్న యువతీయువకులు అర్హులన్నారు. అలాగే అభ్యర్థులు తగిన అర్హత కలిగి ఉండాలన్నారు. ఈ అవకాశాన్ని నిరుద్యోగ యువత సద్వినియోగం చేసుకోవాలని సూచించారు. జీతం రూ.10 వేల నుంచి రూ.18 వేల వరకు ఉండనుంది.
News August 1, 2024
నేడు టెక్కలికి అచ్చెన్న రాక
రాష్ట్ర వ్యవసాయ శాఖ మంత్రి అచ్చెన్నాయుడు గురువారం ఉదయం టెక్కలి మండల కేంద్రంలోని కండ్రవీధిలో పర్యటించనున్నారు. లబ్ధిదారులకు పింఛన్ పంపిణీ చేస్తారు. అనంతరం 10.30 గంటలకు టెక్కలిలోని జిల్లా ఆసుపత్రిలో అభివృద్ధి సలహా మండలి సమావేశంలో మంత్రి పాల్గొంటారని టీడీపీ మండల పార్టీ అధ్యక్షుడు బగాది శేషగిరిరావు ప్రకటన విడుదల చేశారు.
News July 31, 2024
రేపు టెక్కలికి అచ్చెన్న రాక
రాష్ట్ర వ్యవసాయ శాఖ మంత్రి అచ్చెన్నాయుడు గురువారం ఉదయం టెక్కలి మండల కేంద్రంలోని కండ్రవీధిలో పర్యటించనున్నారు. లబ్ధిదారులకు పింఛన్ పంపిణీ చేస్తారు. అనంతరం 10.30 గంటలకు టెక్కలిలోని జిల్లా ఆసుపత్రిలో అభివృద్ధి సలహా మండలి సమావేశంలో మంత్రి పాల్గొంటారని టీడీపీ మండల పార్టీ అధ్యక్షుడు బగాది శేషగిరిరావు ప్రకటన విడుదల చేశారు.
News July 31, 2024
శ్రీకాకుళం: ఆంధ్రప్రదేశ్ ఓపెన్ ఇంటర్, టెన్త్‌లో ప్రవేశాలు
ఆంధ్రప్రదేశ్ ఓపెన్ టెన్త్, ఇంటర్లో 2024- 25 సంవత్సరానికి ప్రవేశాలు ఇస్తున్నట్టు శ్రీకాకుళం జిల్లా విద్యాశాఖ అధికారి బుధవారం ఒక ప్రకటనలో తెలిపారు. అప్లికేషన్లను ఆన్‌లైన్‌లో దరఖాస్తు చేసుకోవాలని తెలిపారు. దరఖాస్తులను జూలై 31 నుంచి ఆగస్టు 27 వరకు దరఖాస్తు చేసుకోవచ్చని తెలిపారు. పూర్తి వివరాల కోసం ఓపెన్ స్కూల్ వెబ్‌సైట్‌ను సందర్శించాలని సూచించారు.
News July 31, 2024
శ్రీకాకుళం జిల్లాలో ముగ్గురు డీఎస్పీల బదిలీ
శ్రీకాకుళం జిల్లాలో విధులు నిర్వహిస్తున్న ముగ్గురు డీఎస్పీలపై బదిలీ వేటు పడింది. శ్రీకాకుళం, టెక్కలి, కాశీబుగ్గ డీఎస్పీలు శృతి, బాల చంద్రారెడ్డి, నాగేశ్వర రెడ్డిలను ప్రభుత్వం బదిలీ చేసింది. వారందరినీ డీజీపీ కార్యాలయంలో రిపోర్టు చేయాలని డీజీపీ ద్వారకా తిరుమలరావు ఉత్తర్వులు జారీ చేశారు. వారికి పోస్టింగ్‌లు ఇవ్వలేదు.
News July 31, 2024
శ్రీకాకుళం: ఆకట్టుకున్న మనూ భాకర్ సైకత శిల్పం
ఆమదాలవలస మండలం గాజులు కొల్లివలస పంచాయతీ పరిధికి చెందిన సైకత శిల్పి గేదెల హరికృష్ణ బుధవారం రూపొందించిన సైకత శిల్పం ఆకట్టుకుంది. 2024 ఫ్రాన్స్‌లో జరుగుతున్న ఒలింపిక్ క్రీడలలో మన దేశం తరఫున డబుల్ మెడల్స్ సాధించిన షూటర్ మనూ భాకర్‌కి హరికృష్ణ సైకత శిల్పంతో శుభాకాంక్షలు తెలిపారు. పలువురు ఆయనను అభినందించారు.
News July 31, 2024
శ్రీకాకుళం జిల్లాకు రూ.250 కోట్లు!
కేంద్ర బడ్జెట్‌లో రాష్ట్రంలో వెనుకబడిన జిల్లాలకు ప్రత్యేక నిధులు కేటాయించారు. రాష్ట్రంలోని 7 జిల్లాలకు రూ.1,750 కోట్లు కేటాయించింది. ఒక్కో జిల్లాకు రూ.250 కోట్లు రానున్నాయి. వెనుకబడిన జిల్లాల జాబితాలో ఉన్న శ్రీకాకుళం జిల్లాకు కూడా రూ.250 కోట్ల నిధులను కేంద్రం విడుదల చేయనుంది. ఈ నిధులను జిల్లా అభివృద్ధికి వినియోగించనున్నారు.
News July 31, 2024
పలాస: ముద్దాయికి 12 నెలలు జైలు శిక్ష
శ్రీకాకుళం జిల్లా పలాస మున్సిపాలిటీ పరిధి పెంటిభద్ర గ్రామానికి చెందిన సవర శాంతమూర్తి నాటు సారా అమ్ముతూ జులై 07, 2021 తేదీన ఎక్సైజ్ సబ్ ఇన్స్పెక్టర్ కృష్ణారావు కేసు నమోదు చేసి దర్యాప్తు చేపట్టారు. ముద్దాయికి పలాస సివిల్ కోర్టు జడ్జి యు.మాధురి 12 నెలలు సాధారణ జైలు శిక్షతో పాటు రూ.2 లక్షల జరిమానా విధించారు. ముద్దాయి జరిమానా కట్టని యెడల అదనంగా మూడు నెలలు జైలు శిక్ష పొడిగించాలని తీర్పు వెల్లడించారు.
Featured News
Sorry, no posts matched your criteria.