India's largestHyperlocal short
news App
Get daily news updates that are tailored for you based on your preferred language & location.
download Way2News app now
Visakhapatnam
News August 13, 2024
విశాఖ: రెస్టారెంట్లపై ఫుడ్ సేఫ్టీ అధికారుల దాడులు
విశాఖ నగరంలో పలు రెస్టారెంట్లపై ఫుడ్ సేఫ్టీ అధికారులు సోమవారం దాడులు నిర్వహించారు. పాత జైలు రోడ్డులోని ఇన్నోసెంట్ బ్యాచిలర్, రాంనగర్ గ్రీన్ వ్యాలీ రెస్టోకేప్‌‌పై డివిజన్-3 ఫుడ్ సేఫ్టీ అధికారి జీవీ అప్పారావు ఆధ్వర్యంలో దాడులు జరిగాయి. నిల్వచేసిన ఆహారాన్ని గుర్తించారు. ఈ మేరకు కేసులు నమోదు చేసి జరిమానా విధించారు. దుర్వాసన వస్తున్న చికెన్ మసాలా పేస్ట్ లాలీపాప్‌లు సీజ్ చేశారు.
News August 13, 2024
విశాఖలో నేవీ మారథాన్.. డేట్ ఫిక్స్
వైజాగ్‌ నేవీ మారథాన్ డిసెంబర్ 15న నిర్వహించనున్నామని మారథాన్ రేస్‌ డైరెక్టర్‌ కమాండర్‌ ప్రదీప్‌ పటేల్‌ ప్రకటించారు. సోమవారం వైజాగ్‌ నేవీ మారథాన్ 9వ ఎడిషన్‌ వివరాలు వెల్లడించారు. విశాఖ రన్నింగ్‌, క్రీడా ప్రపంచం దిశగా దూసుకు వెళ్ళాలనే లక్ష్యంతో నిర్వహిస్తున్నామని ఇందులో పాల్గొనాలనుకునేవారు vizagnavymarathon.runలో రిజిస్టర్‌ చేసుకోవాలన్నారు. ఆగస్టు 15 న రిజిస్ట్రేషన్ ప్రారంభమవుతుందని సూచించారు.
News August 13, 2024
విశాఖ డైరీ అక్రమాలపై విచారణ జరిపించాలని వినతి
మంగళగిరి జనసేన పార్టీ కేంద్ర ఆఫీసులో రెండో రోజు పెందుర్తి MLA పంచకర్ల రమేశ్ బాబు వినతుల స్వీకరణ జరిగింది. విశాఖ డెయిరీలో జరుగుతున్న అవినీతి, అక్రమాలపై విచారణ జరిపించాలని పాల ఉత్పత్తిదారులు ఫిర్యాదు చేశారు. సంఘంగా ఏర్పడిన డైరీని కంపెనీగా మార్చేశారని ఆరోపించారు. గత 10 సంవత్సరాల నుంచి రూ. 1500 కోట్లు దోచేశారని వాళ్ల అక్రమాలు కొనసాగితే డైరీపై జీవించే కుటుంబాలు రోడ్డున పడతాయని ఫిర్యాదులో పేర్కొన్నారు.
News August 13, 2024
ఎన్ఐఆర్ఎఫ్ ర్యాంకింగ్ లో ఏయూకు 41వ స్థానం
ఎన్ఐఆర్ఎఫ్ ర్యాంకింగ్లో ఏయూకు ఓవరాల్ విభాగంలో జాతీయస్థాయిలో 41వ స్థానం లభించింది. స్టేట్ యూనివర్సిటీ విభాగంలో జాతీయస్థాయిలో 7వ ర్యాంకును, విశ్వవిద్యాలయాల విభాగంలో 25వ స్థానాన్ని సాధించింది. గత ఏడాది కంటే మెరుగైన స్థానాన్ని ఏయూ సాధించడం పట్ల ఏయూ ఇన్ ఛార్జ్ వీసీ ఆచార్య జి.శశిభూషణరావు సంతోషం వ్యక్తం చేశారు. పలు ఐఐటీలు, ఎన్ఐటీలకంటే ఏయు మెరుగైన ర్యాంకింగ్ తో ముందంజలో నిలిచింది.
News August 12, 2024
విశాఖ MLC ఉపఎన్నిక.. కూటమి అభ్యర్థిపై వీడని ఉత్కంఠ..!
విశాఖ స్థానిక సంస్థల MLC ఉపఎన్నిక ఉత్కంఠ రేపుతోంది. YCP అభ్యర్థి బొత్స సత్యనారాయణ సోమవారం నామినేషన్ దాఖలు చేయగా.. కూటమి అభ్యర్థిని ఇంకా ప్రకటించలేదు. స్పష్ఠమైన మెజార్టీతో గెలుస్తామని YCP ధీమా వ్యక్తం చేస్తుంది. అయితే చోడవరం, యలమంచిలి, పాయకరావుపేటలో పలువురు YCP ప్రజాప్రతినిధులు TDPలో చేరారు. నామినేషన్‌కు మంగళవారం ఒక్కరోజే గడువు ఉండడంతో కూటమి అభ్యర్థిగా ఎవరిని ప్రకటిస్తారోనన్న ఉత్కంఠ నెలకొంది.
News August 12, 2024
ఈస్ట్ కోస్ట్ రైల్వే ఖాతాలో మరో మైలురాయి
ఈస్ట్ కోస్ట్ రైల్వే మరో మైలు రాయిని సాధించింది. ప్రజలతో కూడిన మల్టీ మోడల్ లార్జెస్ట్ పార్ట్ అండ్ కంటైనర్‌ను విశాఖ నుంచి జవహర్లాల్ నెహ్రూ పోర్ట్ సెంట్రల్ రైల్వేలో విజయవంతంగా లోడ్ చేసింది. పవర్ వ్యాగన్ లతో కూడిన 1,080 టన్నుల రొయ్యలు ఈ కంటైనర్‌లో ఉన్నాయి. ఈ సందర్భంగా సౌరవ్ ప్రసాద్ మాట్లాడుతూ.. సరుకు రవాణా ద్వారా రైల్వే మరింత ఆదాయ మార్గాలను సమకూర్చుకుంటోందని అన్నారు.
News August 12, 2024
117 జీవోను రద్దు చేస్తాం: ఎమ్మెల్సీ
ఉపాధ్యాయుల సమస్యల పరిష్కారానికి కూటమి ప్రభుత్వం కృషి చేస్తుందని ఉత్తరాంధ్ర పట్టభద్రుల ఎమ్మెల్సీ వేపాడ చిరంజీవిరావు అన్నారు. విశాఖ టీడీపీ కార్యాలయంలో మాట్లాడుతూ.. రాష్ట్రంలో 22 ఉపాధ్యాయ సంఘాలు తమ దృష్టికి తీసుకువచ్చిన సమస్యలను విద్యాశాఖ మంత్రి లోకేశ్ దృష్టికి తీసుకువెళ్లినట్లు తెలిపారు. 117 జీవోను రద్దు చేస్తామని ఎమ్మెల్సీ హామీ ఇచ్చారు. వీలైనంత తొందరలో వారి సమస్యలను పరిష్కరించడం జరుగుతుందన్నారు.
News August 12, 2024
యాచకులకు విశాఖలో ప్ర‌త్యామ్నాయ జీవ‌నోపాధి
సామాజిక న్యాయం, సాధికారత మంత్రిత్వ శాఖ ఆధ్వర్యంలో కొన‌సాగుతున్న “సపోర్టు ఫర్ మార్జినలైజ్డ్ ఇండివిజువల్స్ ఫర్ లైవ్లీహుడ్ అండ్ ఎంటర్‌ప్రైజ్ (SMILE)” పథకం ద్వారా అట్ట‌డుగు వ‌ర్గాల వారైన యాచకులకు మ‌ద్ద‌తు తెల‌పాల‌ని, ప్ర‌త్యామ్నాయ జీవ‌నోపాధి చూపాలని కలెక్టర్ హరేంద్ర ప్రసాద్ సూచించారు. సోమవారం ఆయన సమీక్ష సమావేశం నిర్వహించారు. యాచక వృత్తిలో ఉన్నవారికి సమగ్ర పునరావాసం కల్పించాలని సూచించారు.
News August 12, 2024
సీఎం చంద్రబాబుకి విశాఖ వ్యక్తి స్పెషల్ గిఫ్ట్
విశాఖకు చెందిన చిత్రకారుడు మోకా విజయ్ కుమార్ మిల్లెట్స్‌తో వేసిన చిత్రపటాన్ని సీఎం చంద్రబాబు నాయుడుకి అమరావతిలో సోమవారం స్వయంగా బహుకరించారు. ఏడాదికాలంగా దేశవ్యాప్తంగా ప్రముఖుల చిత్రపటాలను మిల్లెట్స్‌తో వేసినట్లు తెలిపారు. ప్రత్యేక సందర్భాలను పురస్కరించుకొని మిల్లెట్స్‌కు ప్రజల్లో అవగాహన పెంచుతూ వందలాది చిత్రాలను తీర్చిదిద్దినట్లు సీఎంకి వివరించారు.
News August 12, 2024
ఉమ్మడి విశాఖ నేతలతో భేటీ కానున్న జగన్
స్థానిక సంస్థల ఉప ఎన్నిక నేపథ్యంలో ఉమ్మడి విశాఖ జిల్లా వైసీపీకి చెందిన ఎంపీటీసీ, జడ్పీటీసీ సభ్యులతో ఈనెల 13,14 తేదీల్లో ప్రత్యేక సమావేశాలను పార్టీ అధినేత జగన్ నిర్వహించనున్నారు. ఈ విషయాన్ని పార్టీ కేంద్ర కార్యాలయం ఓ ప్రకటనలో తెలిపింది. ఇప్పటికే ఉమ్మడి జిల్లాలో ఐదు నియోజకవర్గాలకు చెందిన ప్రజా ప్రతినిధులతో జగన్ సమావేశాలు నిర్వహించారు. మిగిలిన వారితో సమావేశాలు నిర్వహించి దిశానిర్దేశం చేస్తారు.
Featured News
Sorry, no posts matched your criteria.