India's largestHyperlocal short
news App
Get daily news updates that are tailored for you based on your preferred language & location.
download Way2News app now
Visakhapatnam
News August 11, 2024
విశాఖ: సూపర్ గ్లోబ్ సీజన్-3లో సత్తా చాటిన యశ్వంత్ ప్రేమ
బ్యాంకాక్‌లో ఈనెల 7 నుంచి 10వ తేదీ వరకు జరిగిన సూపర్ గ్లోబ్ సీజన్-3 ఫైనల్‌లో విశాఖ యువకుడు యశ్వంత్ ప్రేమ రన్నర్‌గా నిలిచి తన ప్రతిభను చాటుకున్నాడు. తన అందం, ప్రతిభ, నైపుణ్యంతో అంతర్జాతీయ పోటీల్లో విజేతగా నిలిచాడు. యశ్వంత్ భారత ప్రతినిధిగా వరల్డ్ ఫైనల్స్-2024 పోటీలో పాల్గొన్నారు. సీజన్-3లో విశాఖ యువకుడు తొలి రన్నర్‌గా నిలవడం పట్ల పలువురు హర్షం వ్యక్తం చేస్తున్నారు.
News August 11, 2024
ఢిల్లీలో స్వాతంత్ర్య వేడుకలకు అల్లూరి జిల్లా సర్పంచ్‌కు ఆహ్వానం
దేశ రాజధాని ఢిల్లీలోని ఎర్రకోట వద్ద ఆగస్టు 15న నిర్వహించే స్వాతంత్య్ర వేడుకలకు హాజరయ్యే అవకాశం పాడేరు మండలంలోని మినుములూరు పంచాయతీ సర్పంచి లంకేలి చిట్టమ్మకు లభించింది. ఈ వేడుకలకు ప్రతి రాష్ట్రం నుంచి ఐదుగురు మహిళా ప్రజా ప్రతినిధులకు కేంద్రం నుంచి ఆహ్వానాలు అందాయి. అయితే ఇందులో ముగ్గురు సర్పంచులు ఉన్నారు. ఆ ముగ్గురిలో తనకు అవకాశం రావడం ఎంతో ఆనందంగా ఉందని సర్పంచి చిట్టమ్మ తెలిపారు.
News August 11, 2024
విశాఖలో అన్న క్యాంటీన్ల ప్రారంభానికి ఎమ్మెల్సీ ఎన్నికల కోడ్ అడ్డంకి
విశాఖలో అన్న క్యాంటీన్ల ప్రారంభానికి ఎమ్మెల్సీ ఎన్నికల కోడ్ అడ్డంకిగా నిలిచింది. కూటమి అధికారంలోకి రావడంతో అన్న క్యాంటీన్లను ఈనెల 15 నుంచి ప్రారంభించాలని నిర్ణయించింది. ఈ మేరకు అధికారులు శిథిలమైన భవనాలను పునరుద్ధరించారు. ఎమ్మెల్సీ ఉప ఎన్నిక రావడంతో కోడ్ కారణంగా ఈనెల 15న జిల్లాలో అన్న క్యాంటీన్లను ప్రారంభించడం లేదు. సెప్టెంబరు 6 వరకు కోడ్ అమలులో ఉంటుంది. ఆ తర్వాతే క్యాంటీన్లు తెరుచుకోనున్నాయి.
News August 11, 2024
థాయిలాండ్ వేదికపై మెరిసిన గాజువాక చిన్నారి
థాయిలాండ్‌లో ప్రపంచ దేశాల పిల్లల మధ్య జరిగిన మోడలింగ్ పోటీల్లో గాజువాకకు చెందిన చిన్నారి చిహ్నిక తన విశేష ప్రతిభ కనబరిచి విజేతగా నిలిచింది. వివిధ దేశాల్లో నిర్వహించిన పోటీల్లో విజేతల మధ్య జరిగిన హోరాహోరీగా జరిగిన పోటీల్లో సీనియర్ టోడ్లర్ విభాగంలో ప్రథమ స్థానం కైవసం చేసుకుంది. దీంతో పాటు ఎక్ట్రమ్ టాలెంట్, బెస్ట్ ఇంట్రడక్షన్ సబ్ టైటిల్స్‌ను సొంతం చేసుకుని శభాశ్ అనిపించుకుంది.
News August 11, 2024
విశాఖ-బెంగళూరు మధ్య ప్రత్యేక రైలు
విశాఖ-బెంగళూరు-విశాఖ మధ్య ప్రత్యేక రైలును నడపనున్నట్లు వాల్తేరు సీనియర్ డీసీఎం కె. సందీప్ తెలిపారు. విశాఖ-ఎస్ఎంవీ బెంగళూరు (08543) ప్రత్యేక రైలు ఈనెల 18 నుంచి నవంబరు 24వరకు ప్రతి ఆదివారం మ.3.55 గంటలకు విశాఖ నుంచి బయలుదేరుతుంది. తిరుగు ప్రయాణంలో బెంగళూరు-విశాఖ (08544) ఈ నెల 19 నుంచి నవంబరు 25 వరకు ప్రతి సోమవారం మ.3.55 గంటలకు బెంగళూరులో బయలుదేరి తరువాత రోజు మధ్యాహ్నం 1.30 గంటలకు విశాఖ చేరుకుంటుంది.
News August 11, 2024
రాష్ట్రంలో మొదటి స్మార్ట్ మీటర్ విశాఖలో ఏర్పాటు
రాష్ట్రంలో మొదటి స్మార్ట్ మీటర్‌ను తూర్పు ప్రాంత విద్యుత్ పంపిణీ సంస్థ, విశాఖ ప్రజారోగ్య శాఖ ఎగ్జిక్యూటివ్ ఇంజనీర్ కార్యాలయంలో ఏర్పాటు చేసింది. ఈ స్మార్ట్ మీటర్లను తొలుత ప్రభుత్వం కార్యాలయాల్లో ఏర్పాటు చేసి ఆ తర్వాత గృహలకు ఏర్పాటు చేస్తారు. విద్యుత్ ఎంత వినియోగించింది వీటి ద్వారా ఎప్పుడైనా తెలుసుకోవచ్చు ఆన్‌లైన్‌లో రీడింగ్ తీసుకునే అవకాశం వీటి ద్వారా ఉంటుంది.
News August 11, 2024
గ్రీన్ ఫీల్డ్ హైవే.. 90 శాతం పనులు పూర్తి
రాయపూర్-విశాఖ ఎకనామిక్ కారిడార్-15లో భాగంగా నిర్మిస్తున్న ఆరు లైన్ల రహదారి పనులు 90 శాతం పూర్తికావచ్చాయి. సుమారు 464 కిలోమీటర్ల పొడవైన గ్రీన్ ఫీల్డ్ ఎక్స్ ప్రెస్ హైవే మన రాష్ట్రంతో పాటు చత్తీస్‌ఘడ్, ఒడిశా గుండా వెళుతుంది. ఈ రహదారి నిర్మాణం పూర్తయితే ప్రయాణ సమయం బాగా తగ్గుతుంది. ఈ హైవే కోల్‌కత్తా నుంచి విజయనగరం వద్ద కన్యాకుమారి వరకు నడిచే ఈస్ట్ కోస్ట్ ఎకనామిక్ కారిడార్‌ను కలుపుతుంది.
News August 11, 2024
పెందుర్తిలో వ్యభిచార గృహంపై దాడి
పెందుర్తి పోలీస్ స్టేషన్ పరిధిలో వ్యభిచార గృహంపై పోలీసులు దాడులు నిర్వహించారు. ఇతర ప్రాంతాల నుంచి యువతులను తీసుకువచ్చి రహస్యంగా వ్యభిచారం నిర్వహిస్తున్నట్లు వచ్చిన సమాచారం ఆధారంగా టాస్క్ ఫోర్స్ పోలీసులు దాడులు జరిపారు. నిర్వాహకురాలు ఇద్దరు విటులను అదుపులోకి తీసుకుని ఇద్దరు యువతులను రక్షించారు. తదుపరి విచారణ నిమిత్తం ఈ కేసును పెందుర్తి పోలీసులకు అప్పగించారు.
News August 11, 2024
శ్రీకాకుళం రోడ్డు వరకే పలాస మెము
పలాస-పూండి-నౌపడ-విజయనగరం సెక్టరులో ఆధునీకరణ పనుల కారణంగా ఈనెల 15,17 తేదీల్లో విశాఖ-పలాస (07470) మెము ట్రైన్ శ్రీకాకుళం వరకు నడుస్తుందని అధికారులు వెల్లడించారు. తిరుగు ప్రయాణంలో పలాస-విశాఖ (07471) మెము ఈనెల 15,17 తేదీల్లో శ్రీకాకుళం నుంచి బయలుదేరుతుందని వాల్తేరు సీనియర్ డీసీఎం కె.సందీప్ తెలిపారు. ఆయా తేదీల్లో శ్రీకాకుళం, పలాస మధ్య రైలు ప్రయాణాన్ని రద్దు చేసినట్లు ప్రకటించారు.
News August 11, 2024
విశాఖలో ఓటు హక్కుకు ఎమ్మెల్సీలు దరఖాస్తు
స్థానిక సంస్థల ఎమ్మెల్సీ ఉప ఎన్నికల్లో ఓటు వేసేందుకు ఎమ్మెల్సీ ఓటరు జాబితాలో తమ పేర్లు చేర్చాలని వైసీపీకి చెందిన ఎమ్మెల్సీలు దరఖాస్తు చేసుకున్నారు. దరఖాస్తు చేసుకున్న వారిలో ఎమ్మెల్సీలు వరుదు కళ్యాణి, కుంభా రవిబాబు, రాజ్యసభ సభ్యుడు గొల్ల బాబురావు ఉన్నారు. జీవీఎంసీ అధికారులు వీరి దరఖాస్తులను పరిశీలిస్తున్నారు. వీరి ముగ్గురికి ఓటు హక్కు కల్పిస్తే ఎమ్మెల్సీ ఓటర్ల సంఖ్య 841కి చేరుతుంది.
Featured News
Sorry, no posts matched your criteria.