India's largestHyperlocal short
news App
Get daily news updates that are tailored for you based on your preferred language & location.
download Way2News app now
Visakhapatnam
News August 11, 2024
విశాఖలో చెడ్డీ గ్యాంగ్ దోపిడి
ఎండాడ పనోరమహిల్స్‌లో ఈ నెల ఎనిమిదవ తేదీ రాత్రి భారీ దోపిడీకి పాల్పడింది చెడ్డీ గ్యాంగ్‌గా పోలీసులు నిర్ధారణకు వచ్చారు. 38 తులాల బంగారు ఆభరణాలతో పాటు రూ. 10 లక్షలు నగదు అపహరణకు గురైనట్లు కేసు నమోదు చేశారు. చెడ్డీ గ్యాంగే ఈ దోపిడీకి పాల్పడినట్లు సీసీ ఫుటేజీలు వేలిముద్రల ఆధారంగా గుర్తించారు. గుజరాత్‌కు చెందిన ఆరుగురు ముఠా సభ్యులు ఈ దోపిడీలో పాల్గొన్నట్లు పోలీసులు తెలుసుకున్నారు.
News August 11, 2024
పాడేరు: జాతీయ జెండాను ఆవిష్కరించనున్న జిల్లా కలెక్టర్
ఆగస్టు 15వ తేదీన స్వాతంత్ర దినోత్సవ కార్యక్రమంలో జిల్లా కలెక్టర్ ఏఎస్ దినేష్ కుమార్ జాతీయ జెండాను ఆవిష్కరించి, పోలీసుల నుంచి గౌరవ వందనం స్వీకరించనున్నారు. ఈమేరకు రాష్ట్ర ప్రభుత్వం ఉత్తర్వులు జారీ చేసింది. ఎన్టీఆర్ జిల్లాలో సీఎం చంద్రబాబు, కాకినాడ జిల్లాలో డిప్యూటీ సీఎం పవన్ కళ్యాణ్, మిగిలిన జిల్లాల్లో మంత్రులు జాతీయ జెండాను ఆవిష్కరించనున్నారు. కానీ అల్లూరి జిల్లాలో ఆ అవకాశం కలెక్టర్‌కు లభించింది.
News August 10, 2024
భీమిలి: పాఠశాల బస్సు ఢీకొని చిన్నారి మృతి
పాఠశాల బస్సు ఢీకొని బాలిక మృతి చెందిన ఘటన శనివారం సాయంత్రం చోటు చేసుకుంది. బంటుపల్లి ఆద్య(3) తండ్రి సురేష్ మజ్జిపేటలో నివాసం ఉంటున్నారు. రెడ్డిపల్లి జంక్షన్ వద్ద ఉన్న జ్ఞానజ్యోతి పాఠశాలలో బాలిక చదువుతోంది. సాయంత్రం పాఠశాల నుంచి ఇంటికి వచ్చే క్రమంలో బస్సు దిగి వేగంగా రోడ్డు క్రాస్ చేస్తుండగా పాఠశాల బస్సు కిందే పడి చిన్నారి మృతి చెందింది. ఈ ఘటనపై భీమిలి పోలీసులు కేసు నమోదు చేసి దర్యాప్తు చేపట్టారు.
News August 10, 2024
విశాఖ: రోడ్డు ప్రమాదం.. వ్యక్తి మృతి
గుర్తు తెలియని వాహనం ఢీకొని వ్యక్తి మృతి చెందిన ఘటన పార్వతీపురం పట్టణంలోని వెంకంపేట గోరీల వద్ద చోటుచేసుకుంది. అవుట్ పోస్ట్ పోలీసుల వివరాల ప్రకారం.. విశాఖపట్నం జిల్లా గాజువాకలోని గణేశ్‌నగర్‌కు చెందిన షేక్ రోషన్(26) పార్వతీపురం పట్టణంలో సీలింగ్ పనులు చేస్తున్నాడు. పనులు ముగించుకొని తిరిగి రూమ్‌‌కి వెళ్తున్న సమయంలో గుర్తు తెలియని వాహనం ఢీకొనడంతో మృతి చెందినట్లు తెలిపారు.
News August 10, 2024
పాడేరు: జాతీయ జెండాను ఆవిష్కరించనున్న జిల్లా కలెక్టర్
ఆగస్టు 15వ తేదీన స్వాతంత్ర దినోత్సవ కార్యక్రమంలో జిల్లా కలెక్టర్ ఏఎస్ దినేష్ కుమార్ జాతీయ జెండాను ఆవిష్కరించి, పోలీసుల నుంచి గౌరవ వందనం స్వీకరించనున్నారు. ఈమేరకు రాష్ట్ర ప్రభుత్వం ఉత్తర్వులు జారీ చేసింది. ఎన్టీఆర్ జిల్లాలో సీఎం చంద్రబాబు, కాకినాడ జిల్లాలో డిప్యూటీ సీఎం పవన్ కళ్యాణ్, మిగిలిన జిల్లాల్లో మంత్రులు జాతీయ జెండాను ఆవిష్కరించనున్నారు. కానీ అల్లూరి జిల్లాలో ఆ అవకాశం కలెక్టర్‌కు లభించింది.
News August 10, 2024
విశాఖ: ఉరేసుకుని వ్యక్తి ఆత్మహత్య
ద్వారకా పోలీస్‌స్టేషన్‌ పరిధిలో హరిప్రసాద్‌ అనే వ్యక్తి ఇంట్లో ఫ్యాన్‌కు ఉరేసుకొని ఆత్మహత్యకు పాల్పడ్డాడు. తన భార్య, ప్రాణ స్నేహితుడి అక్రమ సంబంధమే ఆత్మహత్యకు కారణమని హరిప్రసాద్‌ సెల్ఫీ వీడియో తీసుకున్నాడు. వారి చేతులో ఘోరంగా మోసపోయానని, తిరిగి తనపైనే కేసు పెట్టారని అందులో పేర్కొన్నాడు. నా చావుకు వారే కారణమని ఆ వీడియోలో పేర్కొన్నాడు.
News August 10, 2024
ఆరిలోవ: ఘనంగా ప్రపంచ సింహల దినోత్సవం
విశాఖ ఇందిరాగాంధీ జూలాజికల్ పార్క్‌లో శనివారం ప్రపంచ సింహల దినోత్సవాన్ని ఘనంగా జరుపుకున్నారు. సింహల సంరక్షణ వాటి జీవన విధానంపై జూ ఎడ్యుకేటర్ దివ్య విద్యార్థులకు అవగాహన కల్పించారు. అడవుల రక్షణలో సింహాలు కీలక పాత్ర పోషిస్తున్నట్లు తెలిపారు. వన్యప్రాణులను సంరక్షించాలని ఆమె విజ్ఞప్తి చేశారు. వన్యప్రాణులతో ఎన్నో ప్రయోజనాలు ఉన్నట్లు పేర్కొన్నారు. బయాలజిస్ట్ పురుషోత్తం పాల్గొన్నారు.
News August 10, 2024
బైకర్‌లకు విశాఖ కలెక్టర్ హెచ్చరిక
రహదారి ప్రమాదాల నియంత్రణలో భాగంగా హైకోర్టు ఆదేశాల మేరకు సెప్టెంబరు 1వ తేదీ నుంచి బైక్‌ నడిపే వ్యక్తితో పాటు వెనక కూర్చున్న వ్యక్తి కూడా తప్పనిసరిగా హెల్మెట్ ధరించాలని కలెక్టర్, జిల్లా రహదారి భద్రత కమిటీ ఛైర్మన్ హరీంద్ర ప్రసాద్ తెలిపారు. బిఐఎస్ మార్క్ గల హెల్మెట్‌ను మాత్రమే ధరించాలన్నారు. అతిక్రమించిన వారికి జరిమానా వేయడంతో పాటు మూడు నెలలు లైసెన్స్ సస్పెండ్ చేస్తామని హెచ్చరించారు.
News August 10, 2024
విశాఖ: గవర్నర్ ఆదేశాలపై స్పందించిన వీసీ
ఏయూ కంప్యూటర్ సైన్స్ విభాగంలో దశాబ్దానికి పైగా ఒకే స్థానంలో ఉంటూ విద్యార్థుల నుంచి పెద్ద మొత్తంలో వసూళ్లకు పాల్పడుతున్న బోధనేతర సిబ్బంది అవినీతిపై విద్యార్థుల తల్లిదండ్రులు గవర్నరుకు ఫిర్యాదు చేశారు. అక్కడినుంచి ఏయూకు ఆదేశాలు రావడంతో ఇన్‌ఛార్జ్ వైస్ ఛాన్సలర్ శశిభూషణరావు స్పందించారు. తక్షణమే ఆ విభాగంలో పనిచేస్తున్న 16 మంది సిబ్బందిని వేరే విభాగాలకు బదిలీ చేశారు.
News August 10, 2024
సమత ఎక్స్‌ప్రెస్ దారి మళ్లింపు
విశాఖ నుంచి వయా విజయనగరం మీదుగా వెళ్లే విశాఖ-నిజాముద్దీన్ ఎక్స్‌ప్రెస్‌ను దారి మళ్లించారు. రెగ్యులర్‌గా ఈ రైలు విజయనగరం, పార్వతీపురం, రాయగడ, రాయపూర్ మీదుగా నిజాముద్దీన్ వెళ్తుంది. అనివార్య కారణాల వల్ల 12807 నంబర్‌తో నడిచే ఈ రైలు శనివారం విజయవాడ మీదుగా నిజాముద్దీన్ వెళ్లనుంది. శనివారం ఉదయం 9.20 నిమిషాలకు ఈ రైలు విశాఖ నుంచి బయలుదేరింది. ప్రయాణికులు ఈ విషయాన్ని గుర్తించాలని అధికారులు కోరారు.
Featured News
Sorry, no posts matched your criteria.